• ബൈബിളിലെ മോശയുടെ പുറപ്പാടിൻറെ  സൂചനയുണർത്തുന്ന രീതിയിലാണ് സിനിമയുടെ പ്രമേയം രൂപപ്പെടുത്തിയിരിക്കുന്നത്.
• പല അപകടകരമായ ഘട്ടങ്ങളും പിന്നിട്ടാണ് സിനിമയുടെ ക്ലൈമാക്സ് ഷൂട്ട് ചെയ്തത്.കൊക്കയുടെ സമീപത്തുള്ള യാത്രയിൽ ഷൂട്ടിംഗിനുപയോഗിച്ചിരുന്ന കാളവണ്ടി മറിഞ്ഞതും  കാളകൾ മരിച്ചതും വാർത്തയായിരുന്നു.

• രാജീവ്‌ നാഥിന്റെ "പുറപ്പാട്‌" എന്ന ചിത്രം 1983-ഇൽ അന്നത്തെ നിലക്ക്‌ ആർട്ട്‌ ഫിലിം നിലവാരത്തിൽ ഇറങ്ങുകയും തെരഞ്ഞെടുക്കപ്പെട്ട സ്ഥലങ്ങളിൽ മാത്രം പ്രദർശ്ശിപ്പിക്കപ്പെടുകയും ചെയ്ത സിനിമയാണ്‌.

  സിനിമാട്ടോഗ്രാഫ്‌ ആക്ട്‌ 1952 അനുസരിച്ച്‌ സെൻസർ ചെയ്ത ഒരു സിനിമയുടെ പേരിന്‌ 10 വർഷത്തെ കോപ്പി റൈറ്റ്‌ കാലപരിധിയുണ്ട്‌. എന്നാൽ മാക്‌ പ്രൊഡക്ഷൻസ്‌ 1990-ഇൽ സെൻസർ ബോർഡിനെ "പുറപ്പാട്‌" എന്ന പേരിൽ തന്നെ മറ്റൊരു ചിത്രവുമായി സമീപിക്കുമ്പോൾ സെൻസർ ബോർഡിനുപറ്റിയ അബദ്ധമായിരുന്നു ആ സിനിമക്കും പുറപ്പാട്‌ എന്ന പേരുതന്നെ കിട്ടാൻ കാരണം. 
  സീനിമാ റിലീസിന്റെയൊപ്പം രാജീവ്‌ നാഥ്‌ മാക്‌ പ്രൊഡക്ഷൻസിനെതിരേ കേസ്‌ കൊടുത്തു. 

  ഒടുവിൽ ആദ്യത്തെ പുറപ്പാടിന്റെ നിർമ്മാതാക്കൾക്ക്‌ (3 ലക്ഷം രൂപാ) നഷ്ടപരിഹാരം (കോടതിക്ക്‌ പുറത്ത്‌) നൽകി പുതിയ പുറപ്പാട്‌ റിലീസ്‌ ചെയ്തു.

തമിഴ് നടനും ഗായകനുമായ മലേഷ്യാ വാസുദേവിന്റെ ആദ്യ മലയാള ചിത്രം.

മമ്മൂട്ടി ഇരട്ടവേഷത്തിലഭിനയിച്ച ഈ ചിത്രം 1991ൽ ഫൂൽ ഔർ കാണ്ടെ എന്ന പെരിൽ ഹിന്ദിയിലും 1993ൽ വരസുഡു എന്ന പേരിൽ തെലുങ്കിലും റീമെയ്ക്ക് ചെയ്യപ്പെട്ടു.

ചിത്രത്തിൻറെ നിർമ്മാതാവായിരുന്ന സാജൻ വർഗീസ്‌, തന്റെ ബ്ളേഡ് കമ്പനി തകർന്നതിനെ തുടർന്ന് കടക്കെണിയിൽ അകപ്പെട്ടു. തുടർന്ന് കോടതി സാജന്റെ സ്വത്തെന്ന നിലയിൽ ഈ ചിത്രം പിടിച്ചെടുക്കുകയും ഇതിൽ നിന്ന് കിട്ടുന്ന ലാഭം നിക്ഷേപകർക്ക് വീതം വെക്കണമെന്ന് ഉത്തരവിടുകയും വിതരണത്തിനായി നവോദയയെ ഏല്പിക്കുകയും ചെയ്തു. 1985 ൽ  ഷൂട്ടിംഗ് പൂർത്തിയായെങ്കിലും 1990 ൽ പ്രധാന അഭിനേതാക്കളിൽ ഒരാളായ പ്രേം നസീറിന്റെ മരണത്തിനു ശേഷമാണ് ചിത്രം പുറത്തിറങ്ങിയത്. 

ചിത്രം പുറത്തിറക്കാനായപ്പോഴേക്കും പ്രേംനസീറടക്കം പല താരങ്ങൾക്കും ഡബ്ബു ചെയ്യേണ്ടതുണ്ടായിരുന്നു. അപ്പോഴേക്കും ചിത്രത്തിൻറെ സൌണ്ട് ട്രാക്ക് പൂർണ്ണമായും നഷ്ടമായിരുന്നതിനാൽ ശാരംഗപാണി, ചുണ്ടനക്കം ശ്രദ്ധിച്ച് വീണ്ടും സംഭാഷണമെഴുതി. പ്രേംനസീറടക്കം ഇരുപതോളം നടന്മാർക്ക് ശബ്ദം കൊടുത്തത് ഷമ്മി തിലകൻ ആണ്.

• റിസബാവയുടെ ആദ്യ ചിത്രം