കോമഡി

പ്രണയവിരുദ്ധരും തൊഴിൽരഹിതരുമായ മൂന്നു ചെറുപ്പക്കാർ. പ്രണയിക്കാൻ അറിയാത്ത ഇവർക്ക് മറ്റുള്ളവരുടെ പ്രണയം കാണുമ്പോൾ അസൂയയാണ്. അന്യരുടെ പ്രണയം പാരവച്ച് പൊളിക്കയാണ് ഇവരുടെ സ്ഥിരം പണി.  

ഒരാളെ പോലെ ഏഴ് പേരുണ്ടെന്നുള്ള സത്യം നിലനില്‍ക്കെ അതുപോലെ രൂപസാദൃശ്യമുള്ള അഞ്ച്‌പേര്‍. ഒരു അമ്മ പെറ്റ അഞ്ച് സഹോദരങ്ങള്‍. ഒരു പ്രത്യേക സാഹചര്യത്തില്‍ വേര്‍പിരിഞ്ഞ് വ്യത്യസ്ത മതത്തിലും സംസ്‌കാരത്തിലും വളര്‍ന്ന ഇവര്‍, നഗരത്തിലെ വിവിധ രംഗങ്ങളില്‍ അറിയപ്പെടുന്നവരാണ്. മൂത്ത ആള്‍ സര്‍ക്കിള്‍ ഇന്‍സ്‌പെക്ടറാണ്. നീതിയും നിയമവും വിട്ടുള്ള ഒരു കാര്യത്തിനും നില്‍ക്കാത്ത സത്യസന്ധനും ആദര്‍ശധീരനും ധൈര്യശാലിയും ബുദ്ധിമാനും ആസ്ത്മ രോഗിയുമായ മാന്‍സിംഗ്. രണ്ടാമത്തെ ആള്‍ പാസ്റ്ററാണ്. നഗരത്തിന്റെ തിരക്കേറിയ ഏത് കോണിലും ഇ പാസ്റ്റര്‍ തങ്കച്ചനെ കാണാം. സുവിശേഷ പ്രസംഗകലയില്‍ ആരെയും ആകര്‍ഷിക്കാന്‍ കഴിവുള്ള പാസ്റ്റര്‍. ചില തരികിടകള്‍ കൈയ്യിലുള്ള മൂന്നാമത്തെ ആള്‍ പോക്കറ്റടിക്കാരൻ ഭൈരവന്‍. തിരക്കുള്ള ബസിലും ബസ്സ്റ്റാന്റിലും റെയില്‍വേ സ്റ്റേഷനിലും ഭൈരവനെ കാണാം. ചട്ടുകാലനാണ്, മുച്ചീട്ടുകളി, പന്നിമലത്ത് തുടങ്ങിയ കലാപരിപാടികളാണ് വിനോദം. നാലാമത്തെ ആള്‍ കോടികളുടെ ബിസിനസ് സാമ്രാജ്യം വാഴുന്ന റിയല്‍ എസ്റ്റേറ്റ് ബിസ്‌നസ്സ്മാന്‍. നടപ്പിലും ഇരുപ്പിലും വസ്ത്രരീതിയിലും വ്യത്യസ്തത ഫീല്‍ ചെയ്യുന്നു. പേര് മാര്‍ത്താണ്ഡന്‍. കീരി മാര്‍ത്താണ്ഡന്‍ എന്നാണ് നാട്ടുകാര്‍ വിളിക്കുന്നത്. പുളുവടിയില്‍ കേമനാണ്. അഞ്ചാമത്തെ ആള്‍ ഒരു ബാലെ നര്‍ത്തകനാണ്. പത്മദളാക്ഷന്‍ സ്ത്രൈണഭാവം കൈവിടാത്ത നടത്തം. രസികന്‍. ഇത്തരത്തിൽ ഉള്ള അഞ്ചുപേർ ഒരു നഗരത്തില്‍ ജീവിച്ചാല്‍ എന്താണ് സംഭവിക്കുക. ഈ ചോദ്യത്തിന് ഉത്തരം തേടുകയാണ് ഈ ചിത്രം.

വ്യത്യസ്‌ത സ്വഭാവമുള്ള അഞ്ചു കള്ളന്മാരുടെ കഥ പറയുന്ന ചിത്രമാണ്‌ ഉറുമ്പുകള്‍ ഉറങ്ങാറില്ല. ഒരിക്കല്‍ നഗരത്തിലെ തിരക്കേറിയ ബസില്‍ വച്ച്‌ മനോജ്‌ എന്ന ചെറുപ്പക്കാരന്‍ റിട്ടയേഡ്‌ കള്ളനായ കേളുവാശാന്റെ ബാഗ്‌ മോഷ്‌ടിക്കാന്‍ ശ്രമിക്കുന്നു. അവനെ കൈയോടെ പിടികൂടുന്ന കേളുവാശാന്‍ തന്റെ പഴയ ശിഷ്യനായ കള്ളന്‍ ബെന്നിയുടെ അടുത്ത്‌ പരിശീലനത്തിനായി എത്തിക്കുന്നു. തുടര്‍ന്നുണ്ടാകുന്ന സംഭവവികാസങ്ങളുടെ അത്യന്തം രസാവഹമായ ചലച്ചിത്രാവിഷ്‌കരണമാണ്‌ ഈ ചിത്രം.

മൂന്നു ചങ്ങാതിമാർ. ഇവർക്കിടയില്‍ ഇടയ്‌ക്ക് പിണക്കങ്ങളും ഇണക്കങ്ങളുമുണ്ടാകാറുണ്ട്‌. അവര്‍ ചിലപ്പോള്‍ ശത്രുക്കളെപ്പോലെയും  പെരുമാറും. ഇതിനിടയില്‍ പ്രണയമുണ്ട്‌. കുടുംബ ബന്ധങ്ങളുണ്ട്‌. ഇവരില്‍ ഏറെ പ്രതീക്ഷയര്‍പ്പിച്ചിരിക്കുന്ന മാതാപിതാക്കളുണ്ട്‌. ഇതെല്ലാം പതിവുപോലെ നീങ്ങുന്നതിനിടയിലാണ്‌ അവര്‍ക്കിടയില്‍ ഒരു പ്രശ്‌നം കടന്നുവരുന്നത്‌. ഇത്‌ ചിത്രത്തെ ഏറെ സംഘര്‍ഷത്തിലേക്ക്‌ നയിക്കുന്നു

മലയാളി വീട്ടമ്മമാരുടെ ഇഷ്ടവിഷയമായ മെഗാസീരിയല്‍ രംഗമാണ് സിനിമയുടെ പശ്ചാത്തലം. മൂന്ന് മെഗാസീരിയലുകള്‍ ഒരേ സമയം എഴുതിക്കൊണ്ടിരിക്കുന്ന ജയദേവന്‍ ചുങ്കത്തറ. അയാളുടെ കഥാപാത്രങ്ങളെ അതിരുവിട്ട് സ്നേഹിച്ച് ഒടുവില്‍ ജയദേവന്‍ ചുങ്കത്തറയുടെ ജിവിതത്തിലേക്കെത്തുന്നവളാണ് പുഷ്പവല്ലി. സീരിയലാണ് ജിവിതം എന്നു കരുതുന്ന പുഷ്പവല്ലിയും ജയദേവനും തമ്മിലുള്ള പൊരുത്തവും പൊരുത്തക്കേടുകളുമാണ് "തിങ്കല്‍ മുതല്‍ വെള്ളി വരെ"യിലെ പ്രധാന ആകര്‍ഷണം.

ചേട്ടനും അനിയനും തമ്മിലുള്ള സ്നേഹത്തിന്റെയും വൈരാഗ്യത്തിന്റെയും കഥയാണ്‌ യൂ ടൂ ബ്രൂട്ടസ് പറയുന്നത്. സിറ്റിയിലെ താസക്കാരാണ് ഹരിയും അനുജൻ അഭിയും. വളരെ സ്നേഹത്തോടെ കഴിഞ്ഞിരുന്നവർ ഒരിക്കൽ പരസ്പരം വഴക്കിടുന്നു. തന്മൂലം അഭി വീട് വിട്ടിറങ്ങുന്നു. ഇതോടെ ഹരിക്ക് അഭിയോടുള്ള ദേഷ്യം കൂടുന്നു. അഭി താമസിക്കുന്നത് ഏതാനും കൂട്ടുകാരോടൊപ്പമായിരുന്നു. അവർക്ക് അഭിയുടെ അവസ്ഥയിൽ വിഷമമുണ്ട്. ചങ്ങാതിയെ സഹായിക്കാൻ അവർ തീരുമാനിക്കുന്നു. അഭിയെ സഹായിക്കനിറങ്ങിയ കൂട്ടുകാർ അഴിയാക്കുരുക്കിൽ അകപ്പെടുന്നതോടെ  യൂ ടൂ ബ്രൂട്ടസിന്റെ കഥ വേറിട്ട വഴിയിലൂടെ പോകയാണ്.

കണ്ണൂർ സെൻട്രൽ ജെയിലിൽ നിന്നും തിരുവനന്തപുരം സെൻട്രൽ ജെയിലിലേയ്ക്ക് രണ്ടു കള്ളന്മാരുമായി പോകുന്ന പോലീസുകാരുടെ കഥ പറയുകയാണ്‌ 'ഒരു II ക്ലാസ്സ് യാത്ര' ചലച്ചിത്രം

ഉമേഷ്‌ ഇന്നിന്റെ പ്രതീകമാണ്. മറ്റു ചെറുപ്പക്കാരെപ്പോലെ എൻജിനീയറിംഗ് പരീക്ഷയൊക്കെ കഴിഞ്ഞ് നടക്കുന്ന ഈ കാലഘട്ടത്തിലെ ബഹുഭൂരിപക്ഷം വരുന്നവരുടെയൊപ്പം സമയം കളയുന്ന വ്യക്തി. പരീക്ഷയിൽ മിക്കതിലും തോറ്റെങ്കിലും അത് പൂർത്തീകരിക്കാൻ ആത്മാർത്ഥമായി ശ്രമിക്കാതെ ഉഴപ്പി നടക്കുകയാണ്. പലചരക്ക് കടക്കാരനായ അച്ഛനും അമ്മയും വളരെ ആശങ്കയോടെയാണ് മകനെ കാണുന്നത്. അങ്ങനെ ലക്ഷ്യമില്ലാത്ത ഉമേഷിന്റെ ജീവിതത്തിലേയ്ക്ക് ഒരു പെണ്‍കുട്ടി കടന്നു വരുന്നു. ഡെയ്സി. ഡെയ്സിയുടെ അപ്രതീക്ഷിതമായിട്ടുള്ള കടന്നു വരവ് ഉമേഷിന്റെ ജീവിതത്തിലുണ്ടാക്കുന്ന സംഭവ വികാസങ്ങളാണ് ഒരു വടക്കൻ സെൽഫിയിൽ ചിത്രീകരിക്കുന്നത്.