ടി കൃഷ്ണനുണ്ണി

1973ൽ പുണെ ഫിലിം ഇന്‍സ്റ്റിറ്റ്യൂട്ടില്‍നിന്ന് ശബ്ദകലയുടെ ആദ്യപാഠങ്ങളുമായി എത്തിയ കൃഷ്ണനുണ്ണി മലയാളത്തിലെ മിക്ക പ്രമുഖ സംവിധായകരുടെയും ചിത്രങ്ങളിൽ ശബ്ദമൊരുക്കിയിട്ടുണ്ട്.

കൃഷ്ണനുണ്ണിക്ക് ആദ്യ സംസ്ഥാന പുരസ്കാരം ലഭിക്കുന്നത് കെ ആര്‍ മോഹനന്‍ സംവിധാനംചെയ്ത പുരുഷാര്‍ഥത്തിലൂടെയാണ്. അടൂര്‍ സംവിധാനംചെയ്ത അനന്തരത്തിലൂടെ ആദ്യ ദേശീയ അവാര്‍ഡും ലഭിച്ചു. ഷാജി എന്‍ കരുണിന്റെ പിറവി, ജയരാജിന്റെ ദേശാടനം എന്നിവയാണ് ദേശീയപുരസ്കാരത്തിന് അര്‍ഹമാക്കിയ മറ്റ് ചിത്രങ്ങള്‍.

വൈദ്യരത്നം പി എസ് വാര്യരെക്കുറിച്ച് സംവിധാനം ചെയ്ത ഡോക്യുമെന്ററിയും ദേശീയ അവാര്‍ഡിന് അര്‍ഹമായി. 1989 ല്‍ വചനം, ആലീസിന്റെ അന്വേഷണം എന്നീ ചിത്രങ്ങളാണ് സംസ്ഥാന അവാര്‍ഡ് നേടിക്കൊടുത്തത്. 1994 മുതല്‍ 1998 വരെ തുടര്‍ച്ചയായി സംസ്ഥാന ചലച്ചിത്ര അവാര്‍ഡ് നേടി. 2007ല്‍ ഒറ്റക്കയ്യനും 2012ല്‍ അടൂരിന്റെ 'ഒരു പെണ്ണും രണ്ടാണും' പുരസ്കാരത്തിന് അര്‍ഹമാക്കി.

മലയാളസിനിമയ്ക്ക് ആദ്യാനുഭവുമായ "11. 1 ഓറോ ത്രീഡി" എന്ന ശബ്ദസംവിധാനം സ്വപാനം എന്ന ചിത്രത്തിലൂടെ പരിചയപെടുത്തുന്നത് ടി കൃഷ്ണനുണ്ണിയാണ്.

​അവലംബം: ദേശാഭിമാനി