ഡ്രാമ/റൊമാൻസ്

ഫോർട്ട് കൊച്ചിയിലെ ടാക്സി ഡ്രൈവറായ റസൂൽ(ഫഹദ് ഫാസിൽ) സാധാരണ ജീവിതം നയിക്കുന്ന ചെറുപ്പക്കാരനാണ്. റസൂലിന്റെ സഹോദരൻ ഹൈദർ(ആഷിക് അബു) ജങ്കാറിൽ ജോലിൽ ചെയ്യുന്നു. ഗൾഫിൽ പോകണമെന്ന ആഗ്രഹത്താൽ ഹൈദർ പാസ് പോർട്ടിനു അപേക്ഷിക്കുന്നുവെങ്കിലും നിയമതടസ്സം പറഞ്ഞ് പോലീസുകാർ അത് വൈകിക്കുന്നു.

റസൂലിന്റെ സുഹൃത്തുക്കളായ കോളിനും(സൌബിൻ സാഹിർ) അബുവിനും(ഷൈൻ) പ്രത്യേകിച്ച് ജോലിയൊന്നുമില്ല. സി സി അടക്കാത്ത വാഹനങ്ങൾ പിടിച്ചെടുക്കുകയും ചില ചില്ലറ തരികിടകൾ ചെയ്തും ജീവിക്കുന്നു. ഇടക്ക് റസൂലിനു ഇവർക്കൊപ്പം ചേരേണ്ടിവരുന്നുമുണ്ട്, താല്പര്യമില്ലെങ്കിലും. ഒരു ദിവസം റസൂലിന്റെ ടാക്സിയിൽ ഒരു യാത്രക്കാരൻ വൈപ്പിനിലേക്ക് യാത്ര ചെയ്തു. വിദേശത്തായിരുന്നു അയാൾ ലീവിനു നാട്ടിൽ വന്നതായിരുന്നു. യാത്രയിൽ വെച്ച് റസൂലും ആഷ്ലി(സണ്ണി വെയ്ൻ)യെന്ന അയാളും സൌഹൃദത്തിലാകുന്നു. സണ്ണിയുടെ നാട്ടിലെ ഇടവകപെരുന്നാളിനും റസൂലും കോളിനും അബുവും പങ്കെടുക്കുന്നു. മദ്യലഹരിയിലായിരുന്ന അബു നാട്ടുകാരിലെ ചില ചെറുപ്പക്കാരുമായി പ്രശ്നമുണ്ടാകുന്നു. ആ സംഘവും അബുവും കോളിനുമായി സംഘട്ടനമുണ്ടാകുന്നു. അവിടെനിന്ന് ഓടി രക്ഷപ്പെടുന്നതിനിടയിലാണ് റസൂൽ അന്നയെ(ആൻഡ്രിയ ജെറമിയ) കാണുന്നത്. പള്ളിയിൽ നിന്നും വരുന്ന അന്നയെ റസൂലിനു ഇഷ്ടപ്പെടുന്നു. ആഷ്ലിയുടേ എതിർവശത്താണ് അന്നയുടെ വീടെന്ന്  റസൂൽ മനസ്സിലാക്കുന്നു. പിറ്റേ ദിവസം ഫോർട്ട് കൊച്ചിയിലേക്ക് തിരിച്ചുപോകാൻ ബോട്ടിൽ കയറിയ റസൂൽ വീണ്ടും അന്നയെ കാണുന്നു. നഗരത്തിലെ ഒരു ടെക്സ്റ്റൈൽ ഷോപ്പിൽ സെയിത്സ് ഗേളാണ് അന്ന എന്ന് റസൂൽ മനസ്സിലാക്കുന്നു.

പിന്നീട് എന്നും അന്നയെക്കാണാനായി റസൂലിന്റെ ശ്രമം. ഫോർട്ട് കൊച്ചിയിൽ നിന്ന് വൈപ്പിനിലേക്കും തിരിച്ച് എറണാകുളത്തേക്കും റസൂൽ ബോട്ടിൽ യാത്ര ചെയ്തു. റസൂലിന്റെ ഈ ഉദ്യമം അന്ന മനസ്സിലാക്കുന്നു. എന്നാൽ എന്തൊക്കെയോ വിഷമങ്ങൾ പേറുന്ന അന്ന പ്രതികരിക്കുന്നില്ല. പിന്നീട് അന്നയെ കണ്ടുമുട്ടാനും അവളോടെ ഇഷ്ടം വെളിപ്പെടൂത്താനും റസൂൽ പലപ്പോഴും ശ്രമിക്കുന്നു. അന്നയെക്കാണാൻ വേണ്ടീ മാത്രം റസൂൽ ആഷ്ലിയുടെ വീട്ടിൽ പലപ്പോഴും പോകുന്നു.

ഒരു ദിവസം  നേരിൽ കാണണമെന്ന് അന്ന ആവശ്യപ്പെടുന്നു. ഈ ബന്ധം ശരിയാകില്ലെന്നും ഇനി ശല്യപ്പെടൂത്തരുതെന്നും മാത്രം പറയുന്നു. അതിനിടയിൽ റസൂലിന്റെ സുഹൃത്തുക്കളായ കോളിനും അബുവും ചില പ്രശ്നങ്ങളിൽ പെടുന്നു. അത് അന്നയുടേയും റസൂലിന്റേയും ബന്ധത്തിൽ പ്രശ്നങ്ങളുണ്ടാക്കുന്നു.

വാഴും കോവിലിടത്തിന്റെ ഇപ്പോഴത്തെ അധികാരിയാണ് രാജശേഖരൻ തമ്പുരാൻ. കർക്കശക്കാരനും ആചാരാനുഷ്ഠാനങ്ങളുടെ കടുത്ത വിശ്വാസിയുമാണ്. മാടമ്പിത്തരത്തിലും ഒട്ടും പിന്നിലല്ല താനും  പക്ഷെ, രാജശേഖരൻ തമ്പുരാന്റെ മകൻ ശേഖരൻ തമ്പുരാൻ (സയ് കുമാർ) പുരോഗമനശബ്ദത്തിന്റെ ഉടമയായിരുന്നു. എന്നാൽ പഴയമയിൽ വിശ്വസിക്കുന്ന തമ്പുരാനു മകനെ അംഗീകരിക്കുവാനായില്ല. ആ ഒരൊറ്റ കാരണം  കൊണ്ടാണ് സ്വന്തം മകനായിട്ടു കൂടി ശേഖരൻ തമ്പുരാനെ അദ്ദേഹം പുറത്താക്കിയത്.

ക്ഷയിച്ചുകൊണ്ടിരിക്കുന്ന പഴമക്കും പാരമ്പര്യത്തിനും പുല്ലുവില കല്പിക്കുന്ന ഒരാളാണ് ശേഖരൻ തമ്പുരാൻ. തികഞ്ഞ പുരോഗമനവാദി. എന്നന്നേക്കുമായി കോവിലകത്തുനിന്നും പുറത്താക്കപ്പെട്ടെങ്കിലും അദ്ദേഹം ഒട്ടും പതറിയില്ല. പുരോഗമനപരമായ മാറ്റങ്ങൾ സമൂഹത്തിലും തന്റെ സ്വന്തം ജീവിതത്തിലും ഉണ്ടാവണമെന്ന് അദ്ദേഹം ആഗ്രഹിച്ചു.  അതുകൊണ്ടു തന്നെ ഇടതുപക്ഷ സഹയാത്രികനായി. ആ കാലഘട്ടത്തിലാണു സുജാത (സുമിത്ര) അദ്ദേഹത്തിന്റെ ജീവിതത്തിലേക്ക് സഖിയായി വരുന്നത്. തമ്പുരാൻ കോവിലകത്തുനിന്നും പുറത്തായതിനു ഒരു കാരണം ഈ ഇഷ്ടവും വിവാഹവുമാണ്. മനോധൈര്യം കൈമുതലാക്കിയ അദ്ദേഹവും സുജാതയും തുടർന്നും ജീവിച്ചു. അവർക്ക് ഒരു മകൾ ജനിച്ചു. ഗായത്രി(നക്ഷത്ര)

കോവിലകത്തെ രാജശേഖരൻ തമ്പുരാന്റെ ചെറുമകനായിരുന്നു ശ്രീകുട്ടൻ(കൈലാഷ്) കുട്ടിക്കാലം മുതലേ ശ്രീകുട്ടനു കോവിലകത്തുനിന്നു പുറത്താക്കപ്പെട്ട ശേഖരൻ തമ്പുരാന്റെ മകൾ ഗായത്രിയോട് ഇഷ്ടമായിരുന്നു. യുവാവായ ശ്രീകുട്ടൻ പിന്നീട് മിലിട്ടറിയിൽ ചേർന്നു. സുമുഖനും സത്സ്വഭാവിയുമായ ശ്രീക്കുട്ടനെ ഗായത്രിയും ഇഷ്ടപ്പെട്ടു.

എന്നാൽ സന്തോഷവും സുഖവും നിറഞ്ഞ നാളുകൾ അധികം നീണ്ടുനിന്നില്ല. ശേഖരൻ തമ്പുരാന്റെ മരണം അകാലത്തിലായിരുന്നു. സുജാതയ്ക്കും ഗായത്രിക്കും ഏക ആശ്രയം ശ്രീകുട്ടനായിരുന്നു.

എന്നാൽ ഒരിക്കൽ അവധി കഴിഞ്ഞ് പട്ടാളക്യാമ്പിലേക്ക് തിരിച്ചു പോയ ശ്രീകുട്ടനെ കാണാതാകുന്നു. എന്താണു സംഭവിച്ചതെന്ന് ആർക്കും ഒരു പിടിയുമില്ല. കോവിലകത്തും മറ്റും എല്ലാവർക്കുംദു:ഖവും നിരാശയും ഉണ്ടാകുന്നു. എന്നാൽ ശ്രീകുട്ടന്റെ തിരോധാനത്തിന്റെ കാരണമെന്തെന്നുള്ള അന്വേഷണത്തിനു ഗായത്രി ഒരുങ്ങുന്നു. അവിടെനിന്നു കാണാതായ ശ്രീകുട്ടനെതേടിയുള്ള ഗായത്രിയുടെ യാത്ര ആരംഭിക്കുന്നു.

പിന്നീട് പ്രേക്ഷകനെ കാത്തിരിക്കുന്നത് പ്രവചനാതീതമായ സംഭവങ്ങളാണ്.