ഫാമിലി/ഡ്രാമാ/കോമഡി

മലബാറിലെ ഒരു സാധാരണ മുസ്ലീം കുടുംബത്തിലെ ചെറുപ്പക്കാരനായ അബ്ദുൾ റസാഖ് (സിദ്ദിഖ്) തനിക്കൊരു ആൺകുഞ്ഞ് ജനിക്കണം എന്നു വളരെ ആശിച്ചിരുന്നു. ഭാര്യ (പ്രവീണ) ആദ്യം പ്രസവിച്ചത് നാലു പെൺകുട്ടികളെയായിരുന്നു. അഞ്ചാമനായി ഫൈസി(ദുൽഖർ സൽമാൻ) പിറന്നുവെങ്കിലും നിരന്തരമായ പ്രസവം ഫൈസിയുടേ ഉമ്മയെ രോഗിയാക്കുകയും മരണപ്പെടുത്തുകയും ചെയ്തു. അഞ്ച് മക്കളോടൊപ്പം ദുബായിലേക്ക് പോയ അബ്ദു റസാഖ് മകന്റെ കാര്യത്തിൽ കൂടുതൽ ശ്രദ്ധാലുവായിരുന്നു. സഹോദരിമാരെ വിവാഹം ചെയ്തയച്ചതോടെ ഫൈസിയും ഒറ്റക്കായി. ഫൈസിയുടേ ഇഷ്ടപ്രകാരം സ്വിറ്റ്സർലണ്ടിൽ ഉപരിപഠനത്തിനു പോയ ഫൈസിക്ക് അവിടെ ഒരു ഗേൾഫ്രണ്ട് ഉണ്ടെന്ന കാര്യം അറിഞ്ഞ സഹോദരിമാർ ഫൈസിയുടെ വിവാഹം നടത്താൻ പ്ലാൻ ചെയ്യുന്നു. നാട്ടിലെ അറിയപ്പെടുന്ന സമ്പന്നരായ മുസ്ലീം വീട്ടിലെ  പെൺകുട്ടി ഷാഹ്ന (നിത്യാമേനോൻ)യെ ഫൈസി പെണ്ണുകാണുന്നുണ്ടെങ്കിലും താൻ ഷെഫ് ആണെന്നറിഞ്ഞപ്പോൾ പെൺകുട്ടിയും വീട്ടൂകാരും അതിന് സമ്മതിക്കുന്നില്ല. ഫൈസി വിദേശപഠനത്തിനു പോയത് ഷെഫ് ആകാനാണ്‌ എന്നറിഞ്ഞ ഉപ്പയും അവനോട് ദ്വേഷ്യപ്പെടുന്നു. ഫൈസിയും പാസ് പോർട്ടും ക്രെഡിറ്റ് കാർഡും പിടിച്ചു വെക്കുന്നു. വീട്ടിൽ നിന്നും ആരുമറിയാതെ ഒളിച്ചു പോകുന്ന ഫൈസി തന്റെ ഉപ്പൂപ്പയായ കരീമിക്ക(തിലകൻ)യുടേ ഉസ്താദ് ഹോട്ടലിൽ തങ്ങുന്നു. പാചകത്തിന്റെ ബാലപാഠങ്ങൾ കരീമിക്ക പഠിപ്പിച്ചു കൊടുക്കുന്നു.അതിനുവേണ്ടി ചാക്ക് ചുമക്കാനും, മേശ വൃത്തിയാക്കാനും പാത്രം കഴുകാനും ഫൈസി നിർബന്ധിതനാകുന്നു. തത്വജ്ഞാനിയായ കരീമിക്കയുടെ ശുപാർശ കൊണ്ട് തൊട്ടടുത്ത ബീച്ച് വേ ഹോട്ടലിൽ ഒരു ഷെഫിന്റെ ജോലി ഫൈസിക്ക് ലഭിക്കുന്നു.  ക്രമേണ കരീമിക്കയും ഫൈസിയും ഗാഢമായി അടുപ്പത്തിലാകുന്നു. ഇതിനിടയിൽ ഫൈസി യാദൃശ്ചികമായി ഷാഹ്നയെ കണ്ടുമുട്ടുന്നു. കണ്ടു മുട്ടുന്നതിന്റെ പിറ്റേന്ന് ഷാഹനയുടേ വിവാഹ നിശ്ചയമായിരുന്നു.

റെസ്റ്റോറന്റിൽ കണ്ടുമുട്ടിയ ഇറ്റാലിയൻ ഷെഫിൽ നിന്ന് ലണ്ടനിലേക്ക് പോകാനുള്ള ഒരു അവസരം ഫൈസിക്ക് ലഭിക്കുന്നു. പക്ഷെ അപ്പോഴേക്കും കരീമിക്കയുടേ ആരോഗ്യവും ഉസ്താദ് ഹോട്ടലിന്റെ നിലനിൽ‌പ്പുമൊക്കെ തകരാറിലാകുന്നു. ഫൈസി ഒരു തീരുമാനമെടുക്കാനാവാതെ ആശയക്കുഴപ്പത്തിലാകുന്നു.

മാണിക്കോത്ത് അച്ചുതൻ നായരുടെ (ഇന്നസെന്റ്) മകൻ അജയ ചന്ദ്രൻ നായർ (ജയറാം) ചെറുമംഗലം ഗ്രാമത്തിലെ വില്ലേജ് ഓഫീസിലെ പ്യൂൺ ആയിരുന്നു. താല്പര്യമില്ലാത്ത ആ ജോലി ചെയ്യുന്നതിനിടയിലാണ് അജയന്റെ ആഗ്രഹം പോലെ ഗൾഫിലേക്ക് വിസ കിട്ടിയത്. കുറച്ചു വർഷം ഗൾഫിൽ ജോലി ചെയ്ത് സമ്പാദിച്ച് മടങ്ങിയെത്തിയ അജയൻ ഭാര്യ രശ്മി (സംവൃതാ സുനിൽ)യും മകൾ അശ്വതി(അനു ഇമ്മാനുവൽ) യുമൊരുമിച്ച് നാട്ടിൽ ജീവിക്കാൻ തീരുമാനിച്ചു. പക്ഷെ മുൻപ് നിർദ്ദന കുടുംബാംഗമായിരുന്ന അജയൻ ഗൾഫ് ജീവിതത്തിനുശേഷം നാട്ടിൽ വന്നപ്പോൾ ഏറെ മാറിയിരുന്നു. പണക്കാരനും വലിയ ബിസിനസ്സ് ഉടമയാണെന്നുള്ള പൊങ്ങച്ച ജീവിതത്തിലായിരുന്നു അജയനു കമ്പം. നാട്ടിലെ ജനസമ്മിതിക്കും ആദരവിനും വേണ്ടി പല കാര്യങ്ങൾക്കും കൈയ്യയച്ച് സംഭാവന ചെയ്യുകയും സ്ഥലം വാങ്ങിച്ചു കൂട്ടുകയും പല ബിസിനസ്സ് പരിപാടികൾക്ക് തുടക്കം കുറിക്കുകയും ചെയ്തു. ഭാര്യ രശ്മിയും മകൾ അശ്വതിയും പക്ഷെ ഈ ജീവിതത്തോട് തീരെ താല്പര്യമുള്ളവരായിരുന്നില്ല.  അജയന്റെ അച്ഛൻ അച്ചുതൻ നായരും അജയന്റെ പുതു ജീവിതത്തോട് നീരസം പ്രകടിപ്പിക്കുകയും തന്റെ പഴയ തറവാട്ടുവീട്ടിൽ ഒറ്റക്ക് താമസിച്ചു പോരുകയും ചെയ്തു. ഇതിനിടയിലാണ് അജയന്റെ മകൾ അശ്വതിയുടേ കൂട്ടുകാരി ലക്ഷ്മി അസുഖബാധിതയാണെന്നും ഓപ്പറേഷനു കുറഞ്ഞത് അഞ്ച് ലക്ഷം രൂപയെങ്കിലും വേണമെന്ന് അജയൻ അറിയുന്നത്. ഒട്ടും താമസിക്കാതെ അജയൻ ആ തുക വാഗ്ദാനം ചെയ്യുകയും ഓപ്പറേഷനുള്ള കാര്യങ്ങൾ നിശ്ചയിച്ചോളാൻ പറയുകയും ചെയ്യുന്നത്. അജയന്റെ നാട്ടിലെ ബിസിനസ്സ് കാര്യങ്ങൾക്കും മറ്റുമായി അജയനോട് എപ്പോഴും കൂടെയുണ്ടായിരുന്നത് നാട്ടിലെ ചങ്ങാതി രമേശനാ(ഹരിശ്രീ അശോകൻ)യിരുന്നു. രമേശൻ അജയനെ പല ബിസിനസ്സുകൾ പരിചയപ്പെടുത്തുകയും പണത്തിനു വേണ്ടി രമേശന്റെ പരിചയത്തിലുള്ള ഏറ്റുമാനൂർ ഫൈനാൻസിയേഴ്സുമായി ബന്ധപ്പെടുത്തുകയും ചെയ്യുന്നു. ഫൈനാൻസിയേഴ്സിൽ നിന്നു അമ്പതു ലക്ഷം രൂപ പലിശക്കെുടുത്ത അജയൻ ബിസിനസ്സുകൾ ചെയ്യാൻ ഒരുങ്ങുന്നു.

1980 കാലഘട്ടത്തിൽ ആലപ്പുഴ ജില്ലയിലെ ഒരു കായലോര പ്രദേശത്ത് അജയൻ (ബിജു മേനോൻ) എന്നൊരു തൊഴിലാളി നേതാവ് കൊല്ലപ്പെട്ടു. ആ കൊലപാതകത്തിനു പിന്നിൽ സ്ഥലത്തെ പ്രമാണിയും പ്രധാന കച്ചവടക്കാരനുമായ ആലിക്കോയ (വി. കെ ശ്രീരാമൻ) യും സംഘവുമാണെന്നു ശ്രുതിയുണ്ടെങ്കിലും സ്ഥലം എസ്. പി (ജനാർദ്ദനൻ നായർ) ക്കും പോലീസ് സംഘത്തിനും ആലിക്കോയയേയോ സംഘത്തേയോ അറസ്റ്റു ചെയ്യാൻ സാധിച്ചില്ല. ഈ പോലീസ് സംഘത്തിലുണ്ടായിരുന്ന പവിത്രൻ (മമ്മൂട്ടി) എന്ന മിടുക്കൻ പോലീസ് കോൺസ്റ്റബിൾ തന്റെ മകൾ ലക്ഷ്മി(പൂനം ബജ് വ)യുമായി പ്രണയത്തിലാണെന്ന് ദേശത്തെ പ്രധാന മോഷ്ടാവായ ഒടിയൻ ചന്തു(സുരാജ് വെഞ്ഞാറമൂട്)വിൽ നിന്നും എസ്. പി അറിയുന്നു. അതിൽ അനിഷ്ടം തോന്നിയ എസ്. പി, പവിത്രനെ കുടുക്കാൻ വേണ്ടി ഈ കേസന്വേഷണം പവിത്രനിലേക്ക് ഏൽപ്പിക്കുന്നു. സ്വതന്ത്രമായ കേസന്വേഷണം നടത്താൻ പവിത്രൻ പോലീസ് വേഷം മാറി ഒരു കച്ചവടക്കാരനായി ആലപ്പുഴയിലെ ഒരു കായൽ തീരത്ത് രാത്രിയിൽ വന്നു ചേരുന്നു. രാത്രിയിൽ താമസികാൻ ഒരു മുറിയൊന്നും കിട്ടാത്തതുകൊണ്ട് മരിച്ചു പോയ അജയന്റെ അച്ഛൻ കാലടി ഗോവിന്ദന്റെ (ജഗതി) വള്ളത്തിൽ കിടന്നുറങ്ങിയത് കാലടി ഗോവിന്ദനും മകൾ അമ്മു(കാവ്യാ മാധവൻ)വും പിറ്റേ ദിവസമാണ് കാണുന്നത്. നാട്ടിൽ കച്ചവടം ചെയ്യാനുറച്ച പവിത്രൻ നാട്ടിലെ പ്രമാണിയും പ്രമുഖ കയർ കച്ചവടക്കാരനുമായ ചുങ്കത്തറ രാഘവന്റെ (വിജയരാഘവൻ) തറവാട്ടിൽ എത്തുകയും അവിടെ നിന്ന് വലിയൊരു തുകക്ക് കയർ വാങ്ങിക്കുകയും ചെയ്യുന്നു. അതുമായി ആലിക്കോയയുടേ വീട്ടിലെത്തി കയർ വിൽക്കാൻ ശ്രമിക്കുമ്പോൾ പവിത്രൻ ചുങ്കത്തറക്കാർ വിലകുറഞ്ഞ കയർ കൊടുത്ത് അധിക വില വാങ്ങി വഞ്ചിക്കുകയായിരുന്നു എന്ന് പവിത്രൻ മനസ്സിലാക്കുന്നു. പക്ഷെ ബുദ്ധിമാനായ പവിത്രൻ താൻ കൊടുത്തതിലും അമിത വിലക്ക് അതേ കയർ ചുങ്കത്തറ രാഘവനും മകൻ അനിയപ്പനും (സുരേഷ് കൃഷ്ണ) വിൽക്കുകയും ലാഭം കൈക്കലാക്കുകയും ചെയ്യുന്നു. കച്ചവടത്തിൽ ലാഭം കിട്ടീയ പവിത്രൻ പിന്നീട് കച്ചവട ജീവിതം തുടരാനും പോലീസ് ജോലി രാജിവെക്കാനും തയ്യാറാകുന്നു. മോഷ്ടാവാണെങ്കിലും നാട്ടിൽ നല്ലൊരു മാന്യനെന്നറിയപ്പെടുന്ന ഒടിയൻ ചന്തുവിനെ കൂട്ടുപിടിച്ച് പവിത്രൻ നാട്ടിൽ ഒരു കയർ ഫാക്ടറി തുടങ്ങുന്നു. പവിത്രന്റെ പെരുമാറ്റവും മറ്റും അമ്മുവിൽ പവിത്രനോട് പ്രണയം സൃഷ്ടിക്കുന്നു. അതോടൊപ്പം ചുങ്കത്തറക്കരുടെ അധീനതയിലുണ്ടായിരുന്ന ബാങ്ക് ലേലത്തിൽ പിടിച്ച് നാട്ടിൽ ബാങ്കിങ്ങും പവിത്രൻ ആരംഭിക്കുന്നു. ആ സമയത്താണ്  എസ്. പിയും മകൾ ലക്ഷ്മിയും ആ നാട്ടിലേക്ക് വരുന്നത്. ലക്ഷ്മിക്ക് അവിടെ ഒരു ബാങ്കിൽ ജോലിയായിട്ട്. മുതലാളിയായ പവിത്രനെ കണ്ട് എസ് പി പവിത്രനെ തന്റെ മകൾ ലക്ഷ്മിയുമായി വിവാഹം നടത്താൻ ഒരുങ്ങുന്നു. അതിനിടയിൽ  ഒരു ദിവസം പവിത്രനോട് തന്റെ ഇഷ്ടം പറയാൻ പവിത്രന്റെ വീട്ടിൽ എത്തിയ അമ്മുവിനേയും പവിത്രനേയും നാട്ടൂകാർ മറ്റൊരർത്ഥത്തിൽ സംശയിക്കുകയും ഇരുവരുടേയും വിവാഹം ഉടനെ നടത്തണമെന്ന് ആവശ്യപ്പെടുകയും ചെയ്യുന്നു. നിവൃത്തിയില്ലാതെ പവിത്രൻ അമ്മുവിനെ വിവാഹം ചെയ്യുന്നു. ഇതിനിടയിൽ പവിത്രന്റെ വളർച്ചയിൽ പവിത്രനോട് ശത്രുത തോന്നിയ ആലിക്കോയയും ചുങ്കത്തറക്കാരും പവിത്രനെ തോൽപ്പിക്കാൻ പല തന്ത്രങ്ങളും ഉപയോഗിക്കുന്നു. അതിൻ പ്രകാരം പവിത്രന്റെ ബാങ്ക് രാത്രിയിൽ ആരോ തീവെച്ചു നശിപ്പിക്കുന്നു. പവിത്രൻ വലിയൊരു തുകക്ക് കടക്കാരനാകുന്നു. അതോടെ ആ കരയിലെ പവിത്രന്റെ ജീവിതം മറ്റൊരു അവസ്ഥയിലേക്ക്ക് മാറുകയാണ്. പിടീച്ചു നിൽക്കാനും തന്റെ സത്യസന്ധത വെളിവാക്കാനും പവിത്രൻ ശ്രമിക്കുമ്പോൾ ശത്രുക്കൾ കൂടൂതൽ പ്രബലരായി ആഞ്ഞടിക്കാൻ ശ്രമിക്കുന്നു...അതോടെ വെനീസിലെ കഥ മാറുകയാണ്.

ഭൂരിപക്ഷവും കൃസ്ത്യാനികൾ താമസിക്കുന്ന ഒരു മലയോര കുടിയേറ്റ ഗ്രാമത്തിലാണു കഥ നടക്കുന്നത്. അവിടത്തെ പള്ളിയിലെ കപ്യാരായ ഗീവർഗ്ഗീസിന്റേയും (വിജയരാഘവൻ) ഭാര്യ മേരിയുടേയും (വിനയപ്രസാദ്) മകനാണു സോളമൻ. പേടിതൊണ്ടനും വീട്ടുകാർക്കും നാട്ടുകാർക്കും തന്നെ യാതൊരു ഉപകാരവുമില്ലാതെ നടക്കുന്ന സോളമനു കിട്ടിയ പേരാണു കുഞ്ഞാടെന്ന്. മേരിയെ വിവാഹം കഴിക്കണമെന്നാഗ്രഹിച്ചിരുന്നെങ്കിലും നടക്കാൻ സാധിക്കാത്തതിൽ ഇന്നും വിഷമമായി നടക്കുന്ന ഗ്രാമത്തിലെ ധനികനാണു ഇട്ടിയച്ചൻ (ഇന്നസെന്റ്). ഇട്ടിയച്ചന്റെ മകൾ മേരിയും (ഭാവന) സോളമനും ചെറുപ്പം മുതലേയുള്ള പ്രേമമാണു. ഇതിന്റെ പേരിൽ മേരിയുടെ സഹോദരന്മാരുടെ (ആനന്ദ്, അപ്പാ ഹാജ) കയ്യിൽ നിന്നും സോളമൻ പതിവായി തല്ലു വാങ്ങാറുമുണ്ട്.

സോളമന്റെ അകാരണമായ ഭയത്തിന്റെ കാരണം കണ്ടെത്താൻ മേരിയും സോളമനും കൂടെ മനശാസ്ത്രജ്ഞനെ കാണാനു പോകുന്നു. ഇതറിയുന്ന മേരിയുടെ സഹോദരന്മാർ സോളമനേയും തടുക്കാൻ വരുന്ന ഗീവർഗ്ഗീസിനേയും പൊതിരെ തല്ലുകയും ഇനി മേൽ മേരിയെ കണ്ടു പോകരുതെന്ന് താക്കീത് നൽകുകയും ചെയ്യുന്നു. മേരി പുറത്തു പോകുമ്പോൾ കാവലിനായി ചന്ത മറിയയെ (പൊന്നമ്മ ബാബു) നിയമിക്കുന്നു.

ഒരിക്കൽ ആ നാട്ടിലെത്തുന്ന അപരിചിതനായ ഒരാൾ (ബിജു മേനോൻ) സോളമന്റെ വീടിനടുത്തുള്ള പൊട്ടക്കിണറ്റിൽ വീഴുന്നിടത്തു നിന്നും സോളമനും വീട്ടുകാരും രക്ഷപ്പെടുത്തുന്നു. പിറ്റേ ദിവസം അയാളെ യാത്രയാക്കാൻ പുഞ്ചിരിക്കവലയിലേക്ക് പോകുന്ന വഴിയിൽ മേരിയേയും മറിയയേയും കാണുകയും ഈ വിവരം മറിയ മേരിയുടെ ആങ്ങളമാരെ അറിയിക്കുകയും ചെയ്യുന്നു. കവലയിലിട്ട് സോളമനെ തല്ലാൻ വരുന്ന മേരിയുടെ സഹോദരന്മാർക്ക് സോളമന്റെ കൂടെയുള്ള അപരിചതന്റെ തല്ല് കൊണ്ട് തിരികെ പോകേണ്ടി വരുന്നു. വന്നയാൾ തനിക്കൊരു രക്ഷകനാകുമെന്ന് കണ്ടു സോളമൻ അത് തന്റെ പണ്ട് ഒളിച്ചോടിപ്പോയ ജേഷ്ഠനാണെന്ന് നാട്ടുകാരേയും വീട്ടുകാരേയും ശവപ്പെട്ടി കച്ചവടക്കാരനായ ലോനപ്പന്റെ (സലിം കുമാർ) സഹായത്തോടെ വിശ്വസിപ്പിക്കുന്നു. മടങ്ങിവന്ന മൂത്തമകൻ സോളമനെ അപേക്ഷിച്ച് വീടിനു ഒരുപകാരമായതിൽ സോളമന്റെ വീട്ടുകാർക്ക് സന്തോഷമാകുന്നു. 

മേരിക്ക് വിവാഹലാചോനകൾ നടക്കുന്ന സമയമായതു കൊണ്ട് അവൾ സോളമനുമായി ഒരുറപ്പിനായിട്ട് രജിസ്ട്രർ വിവാഹം നടത്തുന്നതിനു തീരുമാനിക്കുന്നു. പക്ഷേ, പോകുന്ന വഴിയിൽ ഒരപകടം നടക്കുന്നതു കൊണ്ട് അവർക്കതിനു കഴിയുന്നില്ല. അതിനിടെ ബലാൽസംഗം നടത്തി വധിച്ച കേസിൽ ജയിൽ വാസം കഴിഞ്ഞു വന്ന ഒരാളെയാണു താൻ ജേഷ്ഠനായി കൊണ്ടു നടക്കുന്നതെന്ന് സോളമൻ തിരിച്ചറിയുന്നു. അയാളെ വീട്ടിൽ നിന്നും പുറത്താക്കാനുള്ള ശ്രമങ്ങൾ ഒടുക്കം സോളമനെ വീട്ടിൽ നിന്നും പുറത്താക്കുന്നു. നിരാശനാകാതെ മേരിയുടെ ഉപദേശത്താൽ സോളമൻ പള്ളിയിലെ പുതിയ കപ്യാരായി ചുമതലയേൽക്കുന്നു. 

രാത്രിയിൽ മേരിയെ കാണാൻ സോളമൻ ഇട്ടിച്ചന്റെ വീട്ടിൽ പോയെന്നറിയുന്നതിനെ തുടർന്ന് പ്രശ്നം ഒത്തുതീർപ്പാക്കാനായി പള്ളിയിലെ അച്ഛനായ കുണ്ടുകുഴി അച്ഛന്റെ നേതൃത്വത്തിൽ ഒരു യോഗം കൂടുന്നു. അവിടെ വെച്ച് പണ്ട് മോഷണം പോയ പൊൻകുരിശിനു പകരം പുതിയതൊന്നു കൊണ്ടു വരാമെങ്കിൽ തന്റെ മകളെ സോളമനു കെട്ടിച്ചു കൊടുക്കാമെന്ന് ഇട്ടിച്ചൻ പറയുന്നു. അതല്ല സോളമൻ വേറെ വിവാഹം ചെയ്യുകയാണെങ്കിൽ പൊൻകുരിശ് പള്ളിക്ക് താൻ തന്നെ സംഭാവന ചെയ്യാമെന്നും ഇട്ടിച്ചൻ പറയുന്നു. സോളമനെ കൊണ്ട് നടക്കുന്ന കാര്യമല്ലെന്നു മനസ്സിലാക്കുന്ന നാട്ടുകാർ പള്ളിക്ക് പൊൻകുരിശ് ലഭിക്കുമെന്ന് മനസ്സിലാക്കി സോളമനോട് മേരിയെ ഉപേക്ഷിച്ച് വേറെ വിവാഹം കഴിക്കാൻ ആവശ്യപ്പെടുന്നു.

വേദനിക്കുന്ന കോടീശ്വരൻ എന്ന് സ്വന്തമായി വിശേഷിപ്പിക്കുന്ന ശങ്കർദാസ്(മമ്മൂട്ടി) എന്ന ബിസിനസ് രാജാവ് മുംബൈയിൽ നിന്ന് താൻ ജനിച്ചുവളർന്ന ആലപ്പുഴയിലുള്ള ഗ്രാമത്തിലേക്ക് സന്ദർശനത്തിനായി എത്തുന്നു.ആ ഗ്രാമത്തിലെ തയ്യൽക്കാരനും നോവലിസ്റ്റുമായ അംബുജാക്ഷനോട് (ശ്രീനിവാസൻ) മാത്രമാണ് അയാൾ അവന്റെ പണ്ടത്തെ കളിക്കൂട്ടുകാരനായ കുട്ടിശങ്കരൻ ആണെന്ന് വെളിപ്പെടുത്തുന്നത് .ചാത്തോത്തെ പണിക്കരെന്ന ജന്മിയുടെ വീട്ടിൽ ജോലി ചെയ്തിരുന്ന കുട്ടിശങ്കരൻ പണിക്കരുടെ മകൾ അനുരാധയെ ഉമ്മ വച്ചതിന്റെ പേരിൽ പിതാവിൽ നിന്ന് ക്രൂരശിക്ഷയുമേറ്റ് നാടുവിടുകയായിരുന്നു.അഴകിയ രാവണന്റെ സ്വഭാവമുള്ള ശങ്കർദാസിനെ അംബുജാക്ഷൻ സിനിമാനിർമ്മാണത്തിലേക്ക് പ്രേരിപ്പിക്കുന്നു.അനുരാധയുടെ(ഭാനുപ്രിയ) സ്നേഹം പിടിച്ചു പറ്റാനുള്ള ഒരു മാർഗ്ഗമായി ശങ്കർദാസ് സിനിമാഷൂട്ടിംഗ് ലൊക്കേഷനായി ചാത്തോത്തെ തറവാട്ട് വീട് ഉപയോഗിക്കുന്നു. സിനിമാസംവിധായകൻ ശരത്തുമായി (ബിജു മേനോൻ) ഇഷ്ടത്തിലാണ് അനുരാധയെന്ന് മനസിലാക്കുന്ന ശങ്കർദാസ് ദാരിദ്ര്യത്തിലുള്ള അവളുടെ കുടുംബത്തെ സഹായിച്ചു കൊണ്ട് അവളുടെ സ്നേഹം നേടിയെടുക്കാമെന്ന് വ്യാമോഹിക്കുന്നു.അതേ സഹായത്തിന്റെ കണക്ക് പറഞ്ഞ് അവളുടെ അച്ഛൻ പണിക്കരെ(രാജൻ പി ദേവ്) സമീപിക്കുകയും അവളെ വിവാഹത്തിന് നിർബന്ധിക്കുകയും ചെയ്യുന്നു. അനിയന്റെ ഹൃദയശസ്ത്രക്രിയക്കും അനിയത്തിയുടെ പഠിപ്പിനുമൊക്കെ ഉണ്ടായ ലക്ഷക്കണക്കിന് രൂപയുടെ കടത്തിന്റെ ബാധ്യത നിറവേറ്റാൻ ഗത്യന്തരമില്ലാതെ ശങ്കർദാസിനെ വിവാഹം കഴിക്കാൻ അനുരാധ തയ്യാറാവുന്നു.