ഒരു റെസ്‌ക്യൂ ഓപ്പറേഷന്റെ കഥ പറയുന്ന ചിത്രത്തില്‍ ഫയര്‍മാനായാണ് മമ്മൂട്ടി അഭിനയിക്കുന്നത്. ഒരു നഗരത്തിൽ തികച്ചും ആകസ്മികമായുണ്ടായ തീപിടുത്തം തടയാൻ ഫയർഫോഴ്സ് നടത്തുന്ന ശ്രമങ്ങളാണ് ചിത്രത്തിന്റെ ഫോക്കസ്. സ്റ്റണ്ടും സസ്‌പെന്‍സും ചിത്രത്തിലുണ്ടാകുമെന്ന് അണിയറ പ്രവർത്തകർ അവകാശപ്പെടുന്നു

മിലി കൊച്ചു കുഞ്ഞുങ്ങളുടെ ടീച്ചറാണ്. ആരോടും അധികം സംസാരിക്കാത്ത ഒരു അന്തർമുഖിയും. മറ്റുള്ളവരുമായി കൂട്ടുകൂടാതെ പുറം ലോകവുമായി യാതൊരു ബന്ധവും ഇല്ലാതെ ഉൾവലിഞ്ഞു ജീവിക്കുന്ന പ്രകൃതം. എന്നാൽ മിലി നവീൻ എന്ന ചെറുപ്പക്കാരനുമായി നല്ല സൗഹൃദത്തിലാണ്. സ്വഭാവത്തിൽ എന്ന പോലെ തൊഴിൽ മേഖലയിലും രണ്ടു ധ്രുവങ്ങളിൽ കഴിയുന്ന മിലീയും നവീനും കൂടുതൽ ഇടപഴകുമ്പോൾ മിലിയുടെ ജീവിതത്തിൽ ഉണ്ടാകുന്ന മാറ്റങ്ങളാണ് ഈ ചിത്രത്തിൽ.

ഗൗളിപ്പാടി എന്ന സാങ്കല്‌പിക ഗ്രാമത്തിന്‍റെ പശ്‌ചാത്തലത്തിലൂടെയാണ്‌ ആമയും മുയലും ഒരുക്കുന്നത്‌
കാശിനാഥനായി നെടുമുടിയും, നല്ലവനായി ഇന്നസെന്റും, കല്ലുവായി ജയസൂര്യയും, താമരയായി പിയ വാജ്‌പേയിയും എത്തുന്നു. കൂര്‍മബുദ്ധിക്കാരായ ആളുകളുടെ ഗ്രാമമാണ് ഗൗളിപ്പാടി. അവിടെ നടക്കുന്നൊരു കൊലപാതകം അവര്‍ ഒളിച്ചുവയ്ക്കുന്നു. ഏതുനിമിഷവും പിടിക്കപ്പെടുമെന്ന രീതിയിലുള്ള സംഭവങ്ങളാണ് പിന്നീട് അരങ്ങേറുന്നത്. എല്ലാം കോമഡിയുടെ ട്രാക്കില്‍. ഹ്യൂമറും റൊമാന്‍സും ത്രില്ലറും ഒന്നിനൊന്നു ചേരുന്നതാണ് സിനിമയുടെ കഥയെന്ന് സംവിധായകൻ പ്രിയദര്‍ശന്‍. 

പൂനെയിൽ താമസമാക്കിയ രാമൻ ഒരു റൈസ് മില്ലിലെ തൊഴിലാളിയാണ്. ഒരു ജോലി ഉണ്ടെന്നതിനപ്പുറം കാര്യമായ മെച്ചമൊന്നും അയാൾക്കില്ല. എന്നാൽ പിന്നെ സ്വന്തമായി എന്തെങ്കിലും ചെയ്യാം എന്ന മോഹം അയാളിൽ ഉദിച്ചു. ഒരു ഓട്ടോറിക്ഷ വാങ്ങാം എന്ന ഉദ്ധേശത്തിൽ നാട്ടിലെത്തിയ രാമൻ, തൻറെ പൈതൃക സ്വത്ത് വിൽക്കാൻ വേണ്ടി പുറപ്പെടുന്നു. വഴിയിൽ നിക്കിയുടെ കഥാപാത്രത്തെ കാണുന്ന രാമൻ അവളുമായി സൗഹൃദത്തിലാകുന്നു. ഇരുവരുടെയും യാത്ര ഒരേ സ്ഥലത്തേക്ക്. പക്ഷെ അവൾക്കൊപ്പം നാട്ടിലെത്തിയ രാമന് കാണേണ്ടി വന്നത് തന്നെ കൊല്ലാനായി കാത്തിരിക്കുന്ന ഒരു കൂട്ടം ആളുകളെയാണ്. പൈതൃകമായി കൈമാറിയ പകയുടെ ആ കളിയിൽ രാമനെ കൊല്ലാൻ വെറിപൂണ്ടവരും മരിക്കാതിരിക്കാനുള്ള രാമൻറെ കഷ്ടപ്പാടുകളുമാണ് ചിത്രത്തിൽ ഒരുക്കിയിരിക്കുന്നത്.

നായകന്റെ ജീവിതത്തില്‍ ഒരു പ്രത്യേക സമയത്ത് സംഭവിക്കുന്ന ഗതിവിഗതികളാണ് ചിത്രത്തിന്റെ പ്രമേയം.

സ്വന്തം മകളുടെ വൃക്ക ചികിത്സയ്ക്കുവേണ്ടി തെരുവിൽ തെണ്ടി ഭിക്ഷ യാചിക്കുന്ന നാടക കലാകാരൻ സുധാകരൻ. ഭർത്താവ് ഗൾഫിലായ തക്കം നോക്കി കാമുകന്റെ പിറകെ പോയി അബദ്ധത്തിൽ ചാടിയ ലീന. കിഡ്നി ആര് ദാനം ചെയ്യും എന്നറിയാതെ അലഞ്ഞു നടക്കുന്ന നേതാവ്. ഇവരുടെയെല്ലാം മധ്യ വർത്തിയായി പ്രവർത്തിക്കുന്ന ആന്റണി. ഒരു ബിരിയാണിക്കടയിലിരുന്ന് ആന്റണി വലവീശുന്നു. ഇതിനെ ആസ്പദമാക്കിയാണ് കഥ നീങ്ങുന്നത്

സാം, ജോര്‍ജി, പോളി, ടോണി എന്നിവര്‍ കസിന്‍സാണ്. ഇവരില്‍ പോളിയും ടോണിയും സഹോദരങ്ങളാണ്‌. സാമിന്റെ ജീവിതത്തിലെ പഠനകാലത്ത്‌ ആറുവര്‍ഷക്കാലം ഓര്‍മ്മയില്‍നിന്നും നഷ്‌ടപ്പെടുന്നു. അത് വീണ്ടെടുക്കാന്‍ ഡോക്‌ടറുടെ നിര്‍ദ്ദേശപ്രകാരം നാലുപേരും നടത്തുന്ന ഒരു യാത്രയിലൂടെയാണ്‌ ഈ ചിത്രത്തിന്റെ കഥാഗതികള്‍ വികസിക്കുന്നത്‌. യാത്രയ്‌ക്കിടയില്‍ കേരള കർണാടക അതിർത്തിയിലുള്ള ചന്ദ്രഗിരി കൊട്ടാരത്തില്‍ ഇവര്‍ എത്തപ്പെടുന്നു. ഏറെ സവിശേഷതകള്‍ നിറഞ്ഞതാണ്‌ ചന്ദ്രഗിരി കൊട്ടാരം. രാജവാഴ്‌ച അവസാനിച്ചിട്ടും ഇന്നും സാമ്പ്രദായമായ ആചാരങ്ങളും അനുഷ്‌ഠാനങ്ങളും അതേപടി തുടരുന്ന ഒരു തലമുറയാണ്‌ കൊട്ടാരത്തിലുള്ളത്‌. ഈ കൊട്ടാരത്തിന്റെ മറ്റൊരു പ്രത്യേകത ഇവിടെ പെണ്‍ഭരണമാണ്‌ നടക്കുന്നത്‌ എന്നുള്ളതാണ്. വല്യമ്മയും ചെറിമ്മയുമാണ്‌ അവകാശികള്‍. കൊട്ടാരത്തിലെ നാലു സഹോദരന്മാരുടെ സഹോദരിമാരാണ് ആരതിയും മല്ലികയും. അതുകൊണ്ടുതന്നെ ഏറെ ബഹുമാനവും സ്‌നേഹവും ഇവര്‍ക്ക്‌ ലഭിക്കുന്നു. നാട്ടിലെ നിയമവാഴ്‌ചയും തീരുമാനങ്ങളും ചന്ദ്രഗിരി കൊട്ടാരത്തിന്റെ അവകാശമാണ്‌. സാമിന്റെ നഷ്‌ടപ്പെട്ട, സങ്കീര്‍ണമായ ഓര്‍മ്മകള്‍ക്ക്‌ ഈ കൊട്ടാരം പ്രധാന പശ്‌ചാത്തലമാകുന്നു. ഇവിടെനിന്നും ഈ ഓര്‍മ്മകള്‍ വീണ്ടെടുക്കാന്‍ കസിന്‍സ്‌ നാലുപേരും നടത്തുന്ന ശ്രമങ്ങളുടെ ചലച്ചിത്രാവിഷ്‌കരണമാണ്‌ ചിത്രം.

സമകാലിക സംഭവങ്ങളുടെ പശ്ചാത്തലത്തില്‍ നര്‍മത്തിനും പ്രണയത്തിനും സസ്പെന്‍സിനും പ്രാധാന്യം നല്‍കി യാദൃച്ഛികമായി വ്യക്തിജീവിതത്തിലുണ്ടാകുന്ന പ്രശ്നങ്ങള്‍ എങ്ങനെ കുടുംബത്തിലും സമൂഹത്തിലും പ്രതിഫലിക്കുന്നുവെന്ന് ആക്ച്വലി എന്ന ചിത്രത്തില്‍ ഷൈന്‍ കുര്യന്‍ ദൃശ്യവത്കരിക്കുന്നു

ഒരു ഗ്രാമത്തിലെ പ്രമാണിയാണ്‌ സുകുമാരൻ. സുകുമാരന്റെ കൂട്ടുകാരനാണ് പ്രഭാകരനും,പങ്കജാക്ഷനും ,ആലിക്കോയയും,അപ്പു പണിക്കരും. മൂത്ത മകൻ സത്യനും ഇളയ സഹോദരി നന്ദിനിയും മകൻ മണിയും അടങ്ങുന്നതാണ് സുകുമാരന്റെ കുടുംബം. സുകുമാരൻ ഹൃദയാഘാതത്തോടെ മരിക്കുന്നതോടെ കുടുംബം അനാഥമാകുന്നു. പക്ഷേ സുകുമാരൻ മരിച്ചെങ്കിലും അദേഹത്തിന്റെ സുഹുത്തുക്കൾ ആ കുടുംബവുമായി സൗഹൃദം തുടർന്നു. ഒരുനാൾ വളരെ പ്രയാസകരമായ ഒരു സാഹചര്യത്തെ അഭിമുഖീകരിക്കേണ്ടി വന്നപ്പോൾ 8 വയസുകാരനായ മണി ആരും ചിന്തിക്കാത്തൊരു ഉപായം പറയുന്നു. മണിയുടെ അഭിപ്രായത്തിലൂടെ കുടുംബത്തിന് നന്മയിലേയ്ക്കുള്ള വഴി തുറക്കുകയാണ്. തദവസരത്തിൽ വീട്ടിലെ മുത്തശ്ശി 8 വയസുകാരനായ മണി ഇനിമേൽ കാരണവരാണെന്ന് പ്രഖ്യാപിക്കുന്നു. അച്ഛൻ സുകുമാരന്റെ കൂട്ടുകാരും മണിയുടെ ചങ്ങാതിമാരാകുന്നു. ഗ്രാമവാസികൾക്കും പ്രിയങ്കരനാകുന്ന മണി എല്ലായിടത്തും അങ്ങനെ കാരണവരായി മാറുകയാണ്. മണിയുടെ മുന്നോട്ടുള്ള പ്രയാണമാണ് ചിത്രം പിന്നീട് പറയുന്നത് 

ഒരു ഗ്രാമത്തിലെ സാധാരണ ജീവിതം നയിക്കുന്ന സുകു,സീത എന്നിവരുടെ കുടുംബം പശ്ചാത്തലമാക്കിയാണ് കഥ പറയുന്നത്. തെക്കേത്തറ ഗ്രാമത്തിലാണ് സുകുവും ഭാര്യ സീതയും മകൻ അപ്പുവും താമസിക്കുന്നത്. സുകുവായി വിജയകുമാറും സീതയായി പ്രവീണയും വേഷമിടുന്നു. സന്തോഷം നിറഞ്ഞതായിരുന്നു അവരുടെ ജീവിതം. എന്നാൽ ദുരന്തങ്ങൾ ഒന്നിന് പിറകേ ഒന്നായി വേട്ടയാടുമ്പോൾ ആ കുടുമ്പത്തിലെ സന്തോഷം അധികനാൾ നീണ്ടുനിൽക്കുന്നില്ല. ഒടുവിൽ സുകുവിന്റെ മരണത്തോടെ സീതയും അപ്പുവും ഗ്രാമവാസികളുടെ ഇടയിൽ തീർത്തും ഒറ്റപ്പെട്ടു പോകുന്നു. അധ്യാപകനും സാഹിത്യകാരനും കൂടിയായ മോഹനകൃഷ്ണൻ മാഷ്‌ മറ്റുള്ളവരുടെ വിഷമങ്ങളിൽ സഹായിക്കുന്നവനും ആവശ്യങ്ങളിൽ ഓടിയെത്തുന്നയാളുമായിരുന്നു. മാഷിന്റെ പ്രചോദനവും ആശ്വസവാക്കുകളും ആ കുടുംബത്തിന് പുതിയ വെളിച്ചം നൽകുന്നു. തുടർന്നുണ്ടാകുന്നതെല്ലാം നന്മയുടെ നല്ല വാർത്തകളായിരുന്നു. അതിലൂടെ പ്രേക്ഷകരിലേയ്ക്ക് ശുഭാപ്തി വിശ്വാസത്തെ വളർത്തുകയാണ് കളർ ബലൂണ്‍ ചിത്രത്തിന്റെ ലക്ഷ്യം. മോഹനകൃഷ്ണൻ മാഷായി അഭിനയിക്കുന്നത് ടിനി ടോം ആണ്.