രണ്ടു കള്ളന്മാരുടെ ജീവിതത്തിലൂടെ കേരളീയ ജീവിതത്തിന്റെ വര്‍ത്തമാന അവസ്ഥയിലേക്കുള്ള രുക്ഷമായ വിമര്‍ശനമാണ് ചിത്രം മുന്നോട്ടു വെയ്ക്കുന്നത്. ഗ്രാമത്തിലെ കൊച്ചുകൊച്ചു കളവുകൾ നടത്തുന്ന രണ്ട് കള്ളന്മാർ നാടുവിട്ട് പുതിയൊരിടത്ത് എത്തുമ്പോൾ ഉണ്ടാകുന്ന രസകരമായ മുഹൂർത്തങ്ങളാണ്‌ ചിത്രത്തിൽ പറയുന്നത്

വയനാട്ടിലെ ഏവരുടെയും ഇഷ്ടക്കാരനായ ടാക്സി ഡ്രൈവർ ദാമോരന്റെ മകളാണ് ദേവയാനി. ദാമോദരൻ മകളേയും കാർ ഓടിക്കാൻ പഠിപ്പിച്ചിരുന്നു. പഠിക്കാൻ മോശമായിരുന്നെങ്കിലും ഡോക്ടറോ എൻജിനിയറോ ഒക്കെ ആകണമെന്ന ആഗ്രഹമായിരുന്നു ദേവയാനിക്ക്. പക്ഷേ ടാക്സി ഡ്രൈവറാകാനായിരുന്നു ദേവയാനിയുടെ യോഗം. ഒരിക്കൽ മീര മാമൻ കുട്ടികളുമായി ദേവയാനിയുടെ റ്റാക്സിയിൽ ഒരു ഊട്ടി യാത്ര ചെയ്യുന്നു. ജോ എന്നയാളുടെ നേതൃത്വത്തിലുള്ള ഒരു സംഘവും അവരോടൊപ്പം കൂടുന്നു. ഇഷ്ടമില്ലെങ്കിലും ഒരുമിച്ച് യാത്ര ചെയ്യേണ്ടി വരുന്ന ഇവർക്കിടയിലേയ്ക്ക് പിന്നെയും ചിലർ വന്നുകൊണ്ടേയിരുന്നു. ഈ യാത്രയ്ക്കിടയിൽ ഉണ്ടാകുന്ന രസകരമായ മുഹൂർത്തങ്ങളാണ്‌ 'ഷീ ടാക്സി'ചിത്രം പറയുന്നത്. 

പുതിയ തലമുറയുടെ വികാര വിചാരങ്ങൾക്ക് പ്രാധാന്യം നൽകി അവതരിപ്പിക്കുന്ന ചിത്രമാണ് 'ഹരം'. വീണ്ടുവിചാരമില്ലാതെ പ്രണയിക്കുകയും എടുത്തുചാടി വിവാഹം കഴിക്കുകയും വളരെ പിന്നീട് പെട്ടെന്നു തന്നെ ആ ബന്ധം വിവാഹമോചനത്തിലേക്കും നീളുന്നു. ഇത്തരമൊരു സാഹചര്യമാണ് ഹരം ചിത്രംവരച്ചു കാട്ടുന്നത്

അണുകുടുംബങ്ങള്‍ വാഴുന്ന വര്‍ത്തമാനകാല സമൂഹത്തിന്റെ വിഹ്വലതകളാണ്‌ ചിത്രം പ്രശ്‌നവല്‍ക്കരിക്കുന്നത്‌.സാഹചര്യങ്ങള്‍ കൊണ്ട് വിവാഹിതരാകാന്‍ കഴിയാതെപോയവരാണ് കവി ജോസഫ് പുഷ്പവനം എന്ന മധു അവതരിപ്പിക്കുന്ന കഥാപാത്രവും സുലക്ഷണ എന്ന ശാരദയുടെ കഥാപാത്രവും. വാര്‍ധക്യത്തില്‍ അവര്‍ വീണ്ടും കണ്ടുമുട്ടുന്നതാണ് കഥാതന്തു.

മായാപുരി ഒരു സാഹസികയാത്രയും അതിന്റെ പരിസമാപ്തിയുമാണ് പറയുന്നത്. ഒരു സാധാരണ ഗ്രാമമായ രാമനാട്ടുകരയിലെ കുട്ടികളെ കാണാതാകുന്നു. അത് ആ ഗ്രാമത്തിനെ ദു:ഖത്തിലാഴ്ത്തുന്നു. രാമനാട്ടുകരയിലെ തറവാട്ടു മുത്തച്ഛന് അമൂല്യമായൊരു ഗ്രന്ഥ ശേഖരം ഉണ്ടായിരുന്നു. അതിലൊന്നിൽ മറ്റൊരു ലോകത്തെത്താനുള്ള വഴികളെക്കുറിച്ച് പ്രതിപാദിക്കുന്നുണ്ട്. ആ ലോകമാണ് മായാപുരി. മായാപുരി കീഴടക്കാൻ തക്കം നോക്കിയിരിക്കുന്ന ദുഷ്ട ശക്തികളാണ് കാപാലിയും കൂട്ടരും. ആ ദുഷ്ട ശക്തികളാണ് കുട്ടികളുടെ തിരോധാനത്തിനു പിന്നിലെന്ന് വിശ്വസിച്ച് ഇറങ്ങിത്തിരിച്ച മുത്തച്ഛനും ഒരുനാൾ അപ്രത്യക്ഷനാകുന്നു. അങ്ങനെയിരിക്കെ അവധിക്കാലം ആഘോഷിക്കാന്‍ കോല്‍ക്കത്തയില്‍ നിന്നും മുത്തച്ഛന്‍റെ ചെറുമകന്‍ ആദിത്യന്‍ എത്തുന്നു. ദുരൂഹതകളും വെളിപ്പാടുകളും ആദിത്യനെ വേട്ടയാടുന്നു. ഒരുനാള്‍ നിലവറയിലെത്തിയ അവന്‍ അവിടെവച്ചു പലതും തിരിച്ചറിയുന്നു. ആ ഗ്രാമവാസികളായ കുട്ടികള്‍ ആദ്യം ആദിത്യനെ അകറ്റി നിറുത്തുന്നുവെങ്കിലും പിന്നീടവര്‍ ആത്മമിത്രങ്ങളാകുന്നു. അതിനിടെ ആ കൂട്ടുകാരില്‍ ചിലരും നഷ്ടപ്പെടുന്നു. അവര്‍ എത്തിച്ചേര്‍ന്നിരിക്കുന്നത് എവിടെയാണെന്ന് ഇതിനോടകം ആദിത്യന്‍ മനസിലാക്കുന്നു. തന്‍റെ ആത്മമിത്രങ്ങളെയും മുത്തച്ഛനെയും രക്ഷിക്കാന്‍ ആദിത്യന്‍ ഇറങ്ങി പുറപ്പെടുന്നു. ഒപ്പം ചില കൂട്ടുകാരും. ആ യാത്രയ്ക്കിടയിലെ ദുരനുഭവങ്ങളും ദുര്‍ഘടങ്ങളും അവന് അഭിമുഖീകരിക്കേണ്ടിവരുന്നു. ആ സാഹസിക യാത്രയും അതിന്‍റെ പരിസമാപ്തിയുമാണു മായാപുരിയിലൂടെ തുടർന്നുള്ള വത്തിരിവുകളാണ് മായാപുരി 3 ഡി ചിത്രം ദൃശ്യവൽക്കരിക്കുന്നത്.

മനുഷ്യന്റെ മനസ്‌ പലപ്പോഴും ദുര്‍വികാരങ്ങളുടെ തടവറയിലാണ്‌. ഇത്തരം ദുഷ്‌വികാരങ്ങള്‍ വെളിച്ചത്തെ കെടുത്തി ഇരുട്ടിലേക്ക്‌ ആനയിക്കുന്നു. കാമം, ക്രോധം, ലോഭം, മോഹം, മതം, മാത്സര്യം എന്നിങ്ങനെയുള്ള അരാജകത്വം നിറയുന്ന ആറ്‌ ദുര്‍വികാരങ്ങളാണ്‌ മനുഷ്യന്റെ ചിന്താസരണികളെ മുന്നോട്ടു നയിക്കുന്നത്‌. ഇത്തരം ആറ്‌ ദുര്‍വിചാരങ്ങളുടെ വര്‍ത്തമാനകാല ചിന്തകളാണ്‌ സംവിധായകന്‍ ഗുരു രാജ '6' എന്ന തന്റെ പ്രഥമ ചിത്രത്തിലൂടെ അനാവരണം ചെയ്യുന്നത്‌. ശത്രു നിങ്ങളുടെ ഉള്ളിലുണ്ട്‌ എന്ന ആശയമാണ്‌ പ്രധാനമായും ഈ ചിത്രം ഹൈലൈറ്റ്‌ ചെയ്യുന്നത്‌.

അച്ഛൻ ഗോപാലനും , അമ്മ ലക്ഷ്മിയമ്മയ്ക്കും ഭാര്യ മഞ്ജുവിനും , മകൻ അപ്പുവിനുമൊപ്പം കാരക്കോട് ഗ്രാമത്തിലെ താമസക്കാരനാണ് കാഴ്ചപ്പാട് ഗോവിന്ദൻകുട്ടി. എന്ത് പറയുമ്പോഴും 'എന്റെ കാഴ്ചപ്പാടിൽ' എന്ന് സംസാരിച്ചു തുടങ്ങുന്നതുകൊണ്ടാണ് ഗോവിന്ദൻകുട്ടിയെ കാഴ്ചപ്പാട് ഗോവിന്ദൻകുട്ടി എന്ന് വിളിക്കുന്നത്. നഗരത്തിലെ മാലിന്യപ്രശ്നം കണ്ടില്ലെന്ന് നടിക്കരുതെന്ന് മുഖ്യമന്ത്രിക്ക് ഊമക്കത്തയക്കുന്നോടെയാണ് ചിത്രം തുടങ്ങുന്നത്. ബാങ്ക് ഉദ്യോഗസ്ഥനായ ഗോവിന്ദൻകുട്ടിയുടെ സഹപ്രവർത്തകയായ നിരോഷ, വിൽഫ്രഡ്‌ എന്ന ചെറുപ്പക്കാരനുമായി ജോലിസമയത്ത് സംസാരിക്കുന്നത് ഗോവിന്ദൻകുട്ടി വിലക്കുന്നു. ഇതിൽ പ്രകോപിതയായ നിരോഷ നഗരത്തിലെ സ്ത്രീസമത്വവേദിയുടെ യോഗത്തിൽ പങ്കെടുക്കുന്നു. തന്റെ മേലുദ്യോഗസ്ഥാനായ ഗോവിന്ദൻകുട്ടി പീഡിപ്പിക്കുന്നുവെന്നു പരാതി പറയുന്നതോടെ സ്ത്രീകൾ ഒന്നടങ്കം ബാങ്കിലെ പീഡനത്തിനെതിരെ പരാതി നൽകുമെന്ന് അറിയിക്കുന്നു. എന്നാൽ അതൊന്നും തന്റെയടുത്ത് വിലപ്പോവില്ലെന്ന നിലപാടിൽ ഉറച്ചു നില്ക്കുന്നു ഗോവിന്ദൻകുട്ടി. നഗരത്തിൽ നിന്നും ഗ്രാമത്തിലെ വീട്ടിലെത്താൻ ബുദ്ധിമുട്ട് കണക്കിലെടുത്ത് ഗോവിന്ദൻകുട്ടി തന്റെ താമസം ടൗണിലെ ജനമൈത്രി നഗറിലേയ്ക്ക് മാറുന്നു. സബ് ഇൻസ്പെക്ടർ തമ്പി, ഭാര്യ വസുന്ധര, കേശവൻ മാഷ്‌, ഭാര്യ ഗംഗാദേവി, ഗുണ്ട സേവ്യരും കുടുംബവും ഇവരൊക്കെയാണ് ഗോവിന്ദൻകുട്ടിയുടെ അയൽക്കാർ. അവരാകട്ടെ മൈത്രി നഗറിലെ  സ്ത്രീസമത്വവേദി പ്രവർത്തകരും. പുരുഷനും സ്ത്രീയ്ക്കും 50/ 50 അധികാരം എന്നതാണ് അവരുടെ രീതി. ഗോവിന്ദൻകുട്ടിയുടെ ഭാര്യ മഞ്ജുവിനെ സ്ത്രീസമത്വവേദി പ്രവർത്തകർ സ്വാധീനിക്കുന്നു. അതോടെ ഗോവിന്ദൻകുട്ടിയുടെ കഷ്ട്ടകാലം തുടങ്ങുകയായി. ഇവിടെ നിന്ന് എല്ലാം ചേട്ടന്റെ ഇഷ്ടം പോലെ ചിത്രത്തിന് വഴിത്തിരിവുണ്ടാകുകയാണ്.

എയര്‍ഹോസ്‌റ്റസായിരുന്ന അമലയുടെ ജീവിതകഥയാണ്‌ ആകാശങ്ങളിൽ ചിത്രം പറയുന്നത്‌. ഒരു പൈലറ്റുമായി ജീവിതം തുടങ്ങിയ അമല ചില പ്രത്യേക കാരണത്താല്‍ അയാളുമായി തെറ്റിപ്പിരിഞ്ഞു. കൊച്ചിയില്‍ മാധുരി എന്ന സ്ത്രീയുമൊത്തായിരുന്നു പിന്നീടുള്ള പൂജയുടെ ജീവിതം. പണമുള്ളവരുമായി ജീവിച്ച്‌ കാശുണ്ടാക്കാന്‍ മാധുരി അവളെ ഉപദേശിച്ചു. എന്നാൽ അമലയ്‌ക്ക് അത്തരമൊരു ജീവിതത്തോട്‌ താല്‌പര്യമില്ലായിരുന്നു. അങ്ങനെയിരിക്കെ അനന്തു എന്ന ഡ്രൈവറുമായി അവള്‍ പരിചയത്തിലാവുന്നു. അമലയെക്കുറിച്ച്‌ കൂടുതല്‍ അറിഞ്ഞപ്പോള്‍ അനന്തുവിന്‌ അവളോട്‌ സഹതാപം തോന്നി. അവന്‍ അവളുടെ കാര്യത്തില്‍ കൂടുതല്‍ ശ്രദ്ധിക്കാന്‍ തുടങ്ങി. ആദ്യമായി ഒരാളുടെ സ്‌നേഹം എന്തെന്ന് പൂജ അനുഭവിച്ചറിയുകയായിരുന്നു...