ഇവൻ മര്യാദരാമൻ

പൂനെയിൽ താമസമാക്കിയ രാമൻ ഒരു റൈസ് മില്ലിലെ തൊഴിലാളിയാണ്. ഒരു ജോലി ഉണ്ടെന്നതിനപ്പുറം കാര്യമായ മെച്ചമൊന്നും അയാൾക്കില്ല. എന്നാൽ പിന്നെ സ്വന്തമായി എന്തെങ്കിലും ചെയ്യാം എന്ന മോഹം അയാളിൽ ഉദിച്ചു. ഒരു ഓട്ടോറിക്ഷ വാങ്ങാം എന്ന ഉദ്ധേശത്തിൽ നാട്ടിലെത്തിയ രാമൻ, തൻറെ പൈതൃക സ്വത്ത് വിൽക്കാൻ വേണ്ടി പുറപ്പെടുന്നു. വഴിയിൽ നിക്കിയുടെ കഥാപാത്രത്തെ കാണുന്ന രാമൻ അവളുമായി സൗഹൃദത്തിലാകുന്നു. ഇരുവരുടെയും യാത്ര ഒരേ സ്ഥലത്തേക്ക്. പക്ഷെ അവൾക്കൊപ്പം നാട്ടിലെത്തിയ രാമന് കാണേണ്ടി വന്നത് തന്നെ കൊല്ലാനായി കാത്തിരിക്കുന്ന ഒരു കൂട്ടം ആളുകളെയാണ്. പൈതൃകമായി കൈമാറിയ പകയുടെ ആ കളിയിൽ രാമനെ കൊല്ലാൻ വെറിപൂണ്ടവരും മരിക്കാതിരിക്കാനുള്ള രാമൻറെ കഷ്ടപ്പാടുകളുമാണ് ചിത്രത്തിൽ ഒരുക്കിയിരിക്കുന്നത്.