ഉമേഷ്‌ ഇന്നിന്റെ പ്രതീകമാണ്. മറ്റു ചെറുപ്പക്കാരെപ്പോലെ എൻജിനീയറിംഗ് പരീക്ഷയൊക്കെ കഴിഞ്ഞ് നടക്കുന്ന ഈ കാലഘട്ടത്തിലെ ബഹുഭൂരിപക്ഷം വരുന്നവരുടെയൊപ്പം സമയം കളയുന്ന വ്യക്തി. പരീക്ഷയിൽ മിക്കതിലും തോറ്റെങ്കിലും അത് പൂർത്തീകരിക്കാൻ ആത്മാർത്ഥമായി ശ്രമിക്കാതെ ഉഴപ്പി നടക്കുകയാണ്. പലചരക്ക് കടക്കാരനായ അച്ഛനും അമ്മയും വളരെ ആശങ്കയോടെയാണ് മകനെ കാണുന്നത്. അങ്ങനെ ലക്ഷ്യമില്ലാത്ത ഉമേഷിന്റെ ജീവിതത്തിലേയ്ക്ക് ഒരു പെണ്‍കുട്ടി കടന്നു വരുന്നു. ഡെയ്സി. ഡെയ്സിയുടെ അപ്രതീക്ഷിതമായിട്ടുള്ള കടന്നു വരവ് ഉമേഷിന്റെ ജീവിതത്തിലുണ്ടാക്കുന്ന സംഭവ വികാസങ്ങളാണ് ഒരു വടക്കൻ സെൽഫിയിൽ ചിത്രീകരിക്കുന്നത്.  

നിസ്സാരമായ ആവശ്യവുമായത്തെു അതിഥി, ക്രമേണ ആതിഥേയനെ അടിമയാക്കുന്ന അധിനിവേശത്തിന്റെ മനശ്ശാസ്ത്രമാണ് ‘വൈറ്റ് ബോയ്സ്’ എന്ന ചിത്രം പ്രതിപാദിക്കുന്നത്. നാടായാലും വീടായാലും രാജ്യമായാലും അധിനിവേശ ശക്തികള്‍ കടന്നുവരുന്നത് നിസ്സാരാവശ്യവുമായിട്ടായിരിക്കും. ഒരു രാവും പകലും നീളുന്ന ഉദ്വേഗജനകമായ നിമിഷങ്ങളിലൂടെയാണ് ‘വൈറ്റ്ബോയ്സ്’ മുന്നോട്ടു പോകുന്നത്.

ഒരു ക്രൈം ഇൻവെസ്റ്റിഗേഷൻ മൂഡിൽ അവതരിപ്പിക്കുന്ന ചിത്രമാണ് ദി റിപ്പോർട്ടർ. മാധ്യമപ്രവർത്തകർ സമൂഹത്തോട് ഏറെ പ്രതിബദ്ധത ഉള്ളവരായിരിക്കണം എന്ന അഭിപ്രായക്കാരിയാണ് പത്രപ്രവർത്തകയായ താര വിശ്വനാഥ്‌. നീതി ലഭിക്കാത്തവർക്ക് വേണ്ടി അവൾ പൊരുതി. തിന്മകൾക്കും അനീതിക്കുമെതിരെ അവൾ പ്രതികരിച്ചു. അവൾക്ക് മുന്നിലെ പുതിയ വിഷയം സാറ എന്ന പെണ്‍കുട്ടിയുടെ ദുരന്തമായിരുന്നു. ഈ ദുരന്തത്തിന്റെമേൽ മാധ്യമങ്ങൾ ഒന്നായി തിരിഞ്ഞുവെങ്കിലും താരയുടെ ഇടപെടലുകൾ ഉറച്ചതായിരുന്നു. താരയുടെ തുടർന്നുള്ള വെല്ലുവിളികളാണ് ദി റിപ്പോർട്ടർ ചിത്രം പറയുന്നത്.

ബാലന്‍ സാധാരണക്കാരനായ ഒരു കര്‍ഷകനാണ്. ഏക മകള്‍ അമ്മുവിനെ വളര്‍ത്തി പഠിപ്പിച്ച് നല്ല നിലയില്‍ എത്തിക്കണം. അതിനായി രാപ്പകല്‍ അധ്വാനിക്കുകയാണ് ബാലന്‍. സ്‌കൂള്‍ പഠനം കഴിഞ്ഞപ്പോള്‍ അമ്മുവിനെ നഗരത്തിലെ പ്രശസ്തമായ കോളേജില്‍ ചേര്‍ത്തു. ആദ്യമായിട്ടാണ് ആ ഗ്രാമത്തില്‍നിന്ന് ഒരാള്‍ പുറത്തുപോയി പഠിക്കുന്നത്. കോളേജ് ഹോസ്റ്റലില്‍ താമസിച്ചാണ് അമ്മു പഠിച്ചിരുന്നത്. താന്‍ ഒരു സാധാരണ കര്‍ഷകന്റെ മകളാണെന്ന കാര്യം അമ്മു മറന്നു, ഭാവത്തിലും രൂപത്തിലും അമ്മു മോഡേണായി. ഈ സാഹചര്യത്തിൽ വിവാഹ വാഗ്ദാനം ചെയ്ത് ഒരു ചെറുപ്പക്കാരന്‍ അമ്മുവിനെ പ്രണയിക്കുകയും ഒടുവില്‍ ചതിക്കപ്പെട്ട് മറ്റൊരുവന്റെ കൈയില്‍ അകപ്പെടുകയും ചെയ്യുന്നത്. അമ്മുവിന്റെ ഈ ദുരിതജീവിതം നഗരത്തിലെ ഒരു സുഹൃത്തിനാല്‍ അറിഞ്ഞ ബാലന്‍ മകളെ കൂട്ടിക്കൊണ്ടുപോരാന്‍ ചെല്ലുന്നു. മകളെ തിരിച്ചുകിട്ടാന്‍ വേണ്ടി പരിശ്രമിക്കുന്നതിനിടയില്‍ ആ അച്ഛനെക്കുറിച്ച് സ്‌നേഹനിധിയായ മകള്‍ പറയുന്നതുകേട്ട് എല്ലാവരും ഞെട്ടി. തുടര്‍ന്നുണ്ടാകുന്ന ഹൃദയസ്പര്‍ശിയായ മുഹൂര്‍ത്തങ്ങളാണ് 'യാത്രചോദിക്കാതെ' എന്നാ ചിത്രത്തിൽ ദൃശ്യ വൽക്കരിച്ചിരിക്കുന്നത്.

ഹര്‍ത്താല്‍ മൂലം ജീവിക്കുന്ന രക്‌തസാക്ഷിയായി മാറിയ 'കനകന്റെ' കഥ പറയുകയാണ് ആൾരൂപങ്ങൾ ചിത്രത്തിൽ. ഒരു പ്രത്യേക സാഹചര്യത്തില്‍ നാട്ടിന്‍പുറത്തുനിന്നും നഗരത്തിലേക്ക്‌ പറിച്ചുനടപ്പെടുകയാണ് കനകന്‍. ഭാര്യ വല്‍സാമണിയും മക്കള്‍ ഐശ്വര്യയും താരയുമടങ്ങുന്നതാണ് കനകന്റെ കുടുംബം. നഗരത്തിലെത്തിയ കനകൻ ആക്രിക്കച്ചവടക്കാരന്‍ ബഷീറിക്കയുടെ സഹായത്തോടെ ഒരു തട്ടുകട നടത്തി ഉപജീവനം നടത്തുന്നു. കനകന്റെ തട്ടുകടയിലെ ഭക്ഷണത്തിന്റെ രുചി നഗരത്തില്‍ പാട്ടായിരുന്നു. സാഹിത്യകാരന്‍ പണിക്കര്‍, കവി ചന്ദ്രദത്തന്‍, ആട്ടോക്കാരന്‍ ഗംഗന്‍ എന്നിവര്‍ കനകന്റെ കടയിലെ നിത്യസന്ദര്‍ശകരാണ്‌. ഒരിക്കൽ ഒരു മിന്നല്‍ ഹര്‍ത്താലില്‍ കനകന്റെ തട്ടുകട തകര്‍ക്കപ്പെടുന്നതോടെ അയാളുടെയും കുടുംബത്തിന്റെയും ജീവിതം വഴിത്തിരിവിലാകുന്നു.

സംഗീതം ജീവവായുവാക്കിയ മനു, മോഹിത് എന്നീ രണ്ട് ആത്മാർത്ഥ സുഹൃത്തുക്കളുടെ കഥയാണ്‌ രാഗ് രംഗീല.  രാഗ് രംഗീല മ്യൂസിക്കൽ ആൻഡ് വിഷ്വൽ ട്രീറ്റ്മെന്റ്റ് എന്ന ഒരു ഡ്രീം പ്രോജക്ടിന് വേണ്ടി മനുവും, മോഹിതും പ്രവർത്തിക്കാൻ തുടങ്ങി. പൂജ എന്ന പെണ്‍കുട്ടിയുമായി ഇവർ പരിച്ചയത്തിലാകുന്നു. തുടർന്നുണ്ടാകുന്ന സംഭവ ബഹുലമായ പ്രണയകഥയാണ് രാഗ് രംഗീല ദൃശ്യവൽക്കരിക്കുന്നത്.

100 ദിവസത്തിൽ അരങ്ങേറുന്ന ഒരു പ്രണയകഥ. ബംഗലൂരു പശ്ചാത്തലത്തിലൂടെയാണ് കഥ പുരോഗമിക്കുന്നത്