മലയാളി വീട്ടമ്മമാരുടെ ഇഷ്ടവിഷയമായ മെഗാസീരിയല്‍ രംഗമാണ് സിനിമയുടെ പശ്ചാത്തലം. മൂന്ന് മെഗാസീരിയലുകള്‍ ഒരേ സമയം എഴുതിക്കൊണ്ടിരിക്കുന്ന ജയദേവന്‍ ചുങ്കത്തറ. അയാളുടെ കഥാപാത്രങ്ങളെ അതിരുവിട്ട് സ്നേഹിച്ച് ഒടുവില്‍ ജയദേവന്‍ ചുങ്കത്തറയുടെ ജിവിതത്തിലേക്കെത്തുന്നവളാണ് പുഷ്പവല്ലി. സീരിയലാണ് ജിവിതം എന്നു കരുതുന്ന പുഷ്പവല്ലിയും ജയദേവനും തമ്മിലുള്ള പൊരുത്തവും പൊരുത്തക്കേടുകളുമാണ് "തിങ്കല്‍ മുതല്‍ വെള്ളി വരെ"യിലെ പ്രധാന ആകര്‍ഷണം.

ഫ്ലാറ്റ് ജീവിതം കേന്ദ്രീകരിച്ചാണ് അന്യർക്ക് പ്രവേശനമില്ല എന്ന ചിത്രം കഥയൊരുക്കുന്നത്. ഒരു ഫ്ലാറ്റിലെ പല കുടുംബങ്ങളുടെ അകത്തളങ്ങളും ഒളിച്ചുകളികളുമെല്ലാം ചിത്രം അവതരിപ്പിക്കുന്നു. ഫ്ലാറ്റിലുള്ളവരും അവിടെ എത്തിച്ചേർന്നവരും ജീവിതം ആസ്വദിക്കുമ്പോൾ വ്യക്തി ജീവിതത്തിലേയ്ക്കുള്ള കടന്നു കയറ്റവും മുതലെടുപ്പുകളും ചിത്രത്തിന്റെ കഥാഗതിയിൽ വിവിധങ്ങളായ സംഭവങ്ങൾ എത്തിക്കുന്നു

ആൽബി ഒരു ഓട്ടോ ഡ്രൈവറാണ്. ഭാര്യ മീര. ഏക മകന്‍ ജെറി. ആല്‍ബിയുടെ ഓട്ടോ ഓടിച്ചുള്ള വരുമാനമാണ് കുടുുംബത്തിന്റെ ഏക ആശ്രയം.  ജെറിയാണ് കുടുംബത്തിന്റെ പ്രതീക്ഷയും സ്വപ്‌നവും. ജെറിയുടെ സുഹൃത്തുക്കളാണ് റസൂല്‍, ടിനു, മാളു എന്നിവര്‍. തീവ്രമായ സ്‌നേഹമാണ് ഇവര്‍ തമ്മില്‍. അങ്ങനെയിരിക്കെ ആല്‍ബി ഒരു ദുരന്തത്തില്‍പ്പെടുന്നു. അത് ഈ നാലുകുട്ടികളെയും ബാധിക്കുന്നു. എന്നാൽ കുട്ടികളുടെ സ്‌നേഹബന്ധം ആല്‍ബിയെ രക്ഷപ്പെടുത്തുന്നു.

ഭൗതിക ജീവിതത്തിലെ കഠിനമായ പരുക്കൻ യാഥാർത്‌ഥ്യ ങ്ങളും അതിന്റെ പരിണത ഫലങ്ങളും നവ്യമായ ഭാഷയിൽ ദൃശ്യവൽക്കരിക്കയാണ് രുദ്രസിംഹാസനം ചിത്രത്തിൽ. 

പൂര്‍ണ്ണമായും കൊച്ചിയിലെ ജീവിതാവസ്‌ഥയെ അടിസ്‌ഥാനമാക്കിയുള്ള ചിത്രമാണ് കാന്താരി. കൊച്ചിയിലെ തെരുവിലുള്ള അഭിസാരികമാരായ പാലാരിവട്ടം പത്മാവതി, വൈപ്പിന്‍ രാധ, തമ്മനം മേരി എന്നിവർ എടുത്തുവളര്‍ത്തുന്ന പെണ്‍കുട്ടിയാണ്‌ റാണി. തങ്ങളുടെ ചേരിയില്‍ നല്ല വിദ്യാഭ്യാസം നല്‍കി റാണിയെ വളര്‍ത്തുമ്പോള്‍ തന്നെ എല്ലാവരുടെയും ശ്രദ്ധ റാണിയിലുണ്ടായിരുന്നു. ചേരിയില്‍ ജനിച്ചുവളര്‍ന്നതിനാല്‍ ആരെയും കൂസാത്ത തന്റേടിയായിരുന്നതുകൊണ്ടും 'കാന്താരി'യെന്ന ഓമനപ്പേരിലാണ് റാണി അറിയപ്പെട്ടത്‌. ഊള റോക്കിയാണ്‌ റാണിയുടെ സന്തത സഹചാരി. കൊടീശ്വരനാണെങ്കിലും എല്ലുകള്‍ പൊടിയുന്ന അപൂര്‍വ്വമായ അസുഖത്തിന്‌ അടിമപ്പെട്ടയാളാണ് അമീര്‍ ഹുസൈന്‍. ഒരിക്കലും രക്ഷപ്പെടുകയില്ലെന്ന്‌ ഡോക്‌ടര്‍മാര്‍ വിധിയെഴുതിയിട്ടുമുണ്ട്. അയാളുടെ ജീവിതത്തിന്റെ ഭാഗമാണ്‌ സുല്‍ത്താന. ഒരിക്കല്‍ അമീര്‍ ഹുസൈന്‍ റാണിയെ കാണാനിടയാകുന്നു. അയാളുടെ മനസില്‍ റാണിയോടുള്ള പ്രണയം നാമ്പിടുകയാണ്‌. ഇവിടെനിന്നാണ്‌ 'കാന്താരി'യുടെ കഥ മറ്റൊരു വഴിത്തിരിവിലൂടെ നീങ്ങുന്നത്‌.

അഞ്ച്  കഥാപാത്രങ്ങളുടെ ഒരു ദിവസത്തെ സസ്പെൻസ് കഥയാണ്‌ ഈ ചിത്രത്തിന്റെ സവിശേഷത. അഞ്ചുപേരും നെഗറ്റീവ് ചിന്തകളുള്ള കഥാപാത്രങ്ങളാണ്. താര മാത്യു അസിസ്റ്റന്റ് പോലീസ് കമ്മീഷണറാണ്. ദുരുദ്ദേശപരമായ ചിന്തകളോടെ കരുനീക്കം നടത്തുന്ന താര മാത്യു വളരെ കറപ്റ്റഡ്‌ ആയ പോലീസ് ഓഫീസറാണ്. അൽത്താഫ് എന്ന യുവാവ് അധോലോകത്തെ പ്രധാനിയായ ഗുണ്ടയാണ്. അനിരുദ്ധനും അനിക്കുട്ടനുമാണ് മറ്റുള്ളവർ. ഇവരുടെയെല്ലാം പ്രതീക്ഷാ കേന്ദ്രം ഡോ ജേക്കബാണ്‌. വിവധ പ്രശ്നങ്ങളിൽ ഏർപ്പെടുന്ന ഇവർ ഡോ ജേക്കബിന്റെ മുന്നിൽ എത്തുന്നതോടെ കഥയ്ക്ക് വഴിത്തിരിവുണ്ടാകുന്നു.

അനാര്‍ക്കലി'യില്‍ ലക്ഷദ്വീപിലെ ജീവിതവും ഭാഷയും സംസ്‌കാരവും ഉള്‍പ്പെടുത്തി പ്രണയത്തിനും അതിസാഹസികതയ്ക്കും നര്‍മ്മത്തിനും പ്രാധാന്യം നൽകിയാണ് ദൃശ്യവൽക്കരിക്കുന്നത്.

സ്‌കൂള്‍ കാലത്ത് പ്രണയത്തിലായവരാണ് മൊയ്തീനും കാഞ്ചനയും. മതത്തിന്റെ അതിരുകള്‍ മാറ്റി നിര്‍ത്തിയെങ്കിലും ആ പ്രണയം മതത്തെയന്നല്ല കാലത്തെയും അതിജീവിക്കുകയായിരുന്നു. മൊയ്തീനുമായി കാഞ്ചന പ്രണയത്തിലാണെന്ന് അറിഞ്ഞ വീട്ടുകാര്‍ അവരെ വീട്ടുതടങ്കലിലാക്കി. 25 വര്‍ഷമാണ് കാഞ്ചനയ്ക്ക് ഇങ്ങനെ കഴിയേണ്ടിവന്നത്. ഇതിനിടെ പലപ്പോഴായി ഇവര്‍ ഒന്നിയ്ക്കാന്‍ ശ്രമിച്ചെങ്കിലും നടന്നില്ല. കാലം കാത്തുവെച്ച ഈ കൈത്തെറ്റിന് പരിഹാരക്രിയയാവുകയാണ് ‘എന്ന് നിന്റെ മൊയ്തീന്‍’ എന്ന സിനിമയിലൂടെ.