തമിഴ് ബ്രാഹ്മണ കുടുംബത്തിലെ അംഗമായ സരസ്വതിയമ്മാൾ സംഗീതത്തിൽ പ്രാവീണ്യമുള്ള സ്ത്രീയായിരുന്നു. മകൻ രാജു സ്റ്റെനോഗ്രാഫർ ജോലിയായി ബോംബെയിൽ താമസിക്കുന്ന സമയത്ത് സരസ്വതിയമ്മാളും രാജുവിനൊപ്പം ബോംബെയിലേക്ക് പോയി. തികച്ചും അപ്രതീക്ഷിതമായി ഒരു നാൾ രാജുവിനു അപ്സ്മാര ബാധയുണ്ടാവുന്നു. അസുഖമുണ്ടായാൽ ചെവിയിൽ വിരലുകൾ തിരുകി രാജുഎവിടേക്കെന്നില്ലാതെ ഓടും.

ഇതിനെത്തുടർന്ന് ബോംബെയിലെ ഫ്ലാറ്റിൽ നിന്നും മരുമകൾ രാജുവിനെ ഇറക്കിവിട്ടു. അസുഖബാധിതനായ രാജുവിനോടൊപ്പം അമ്മ സരസ്വതിയമ്മാളും തെരുവിലേക്കിറങ്ങി. കുറച്ചു കാലം ബോംബെയിൽ അലഞ്ഞുതിരിഞ്ഞ അമ്മയും മകനും പിന്നീട് തൃശൂർ നഗരത്തിലെത്തുകയാണ്. ആദ്യകാലത്ത് രാജു സൗമ്യനായിരുന്നുവെങ്കിലും പിന്നീട് അസുഖം വരുമ്പോൾ ചെവികളിൽ കൈവിരലുകൾ തിരുകി വല്ലാത്തൊരു മാനസിക വിഭ്രാന്തിയിലേക്ക് മാ‍റുകയായിരുന്നു.

കാലങ്ങൾ കുറേ കഴിഞ്ഞു. സരസ്വതിയമ്മാളിനു എഴുപതു വയസ്സോളം പ്രായം. രാജുവിനു അമ്പതും. മാനസിക വിഭ്രാന്തിയുള്ള മകനേയും പിറകെ ഓടുന്ന വൃദ്ധയായ അമ്മയെയും തൃശ്ശൂർ നഗരവാസികൾക്ക് പരിചിതരായി. സരസ്വതിയമ്മാളിനു മകന്റെ കൂടെയോടാനുള്ള ആരോഗ്യമില്ലാതായപ്പോൾ മകന്റെ അരയിൽ കയർ കെട്ടി കയറിന്റെ മറ്റേ അറ്റം സരസ്വതിയമ്മാൾ സ്വന്തം അരയിലും കെട്ടിയാണു രാജുവിനെ പിന്നെ നിയന്ത്രിച്ചിരുന്നത്. നഗരവാസികളുടെ സംശയം ആദ്യം മരിക്കുന്നത് ആരെന്നായിരുന്നു. സരസ്വതിയമ്മാൾ മരിച്ചാൽ രാജുവിനു പിന്നെ ആരുണ്ടാവും? രാജുവാണ് മരിക്കുന്നതെങ്കിൽ വൃദ്ധയായ സരസ്വതിയമ്മാളിനെ ആരു സംരംക്ഷിക്കും?      

പെരുങ്ങോലം എന്ന മനോഹര ഗ്രാമത്തിൽ പൈലോ വൈദ്യൻ എടുത്ത് വളർത്തിയ കുറച്ചു കുട്ടികൾ. നാനാമതത്തിൽപ്പെട്ട കുട്ടികൾ. തികഞ്ഞ ഐക്യത്തോടെ അവർ ജീവിച്ചു. അവർ വളർന്നപ്പോൾ മിടുക്കൻമാരായ കലാകാരന്മാരായി. ഒരു സിനിമ എടുക്കണം എന്നായി അവരുടെ മോഹം. 'കഥ മാറുമ്പോൾ' എന്ന സിനിമ എടുക്കാൻ അവർ തീരുമാനിച്ചു. പണം മുടക്കാൻ ഒരു നിർമ്മാതാവിനെയും കണ്ടെത്തി. അണിയറ പ്രവർത്തകരും നടീ നടൻമാരും എല്ലാം അവർ തന്നെ. ചിത്രീകരണം തുടങ്ങി. ഒരു ദിവസം ചിത്രീകരണ സമയത്ത് ഏതോ ഒരു അജ്ഞാത ശക്തി ക്യാമറ നശിപ്പിച്ച് എല്ലാം അലങ്കോലമാക്കി. തുടർന്നുള്ള സസ്പെൻസ് നിറഞ്ഞ സംഭവങ്ങളാണ് ആന്റീ വൈറസ് ചിത്രം പറയുന്നത്.

സമൂഹത്തിലെ നിലയും വിലയുമുള്ള വീട്ടിലെ അംഗങ്ങളാണ് രംഗൻ, ഹൈദർ, പോൾ ഹാർബർ, ദിവ്യ എന്നിവർ. ഒരു മ്യൂസിക് ബാന്റ് ഉണ്ടാക്കുക എന്ന സ്വപ്നവുമായി അവർ ഇറങ്ങിയിരിക്കയാണ്. സാമൂഹ്യപരമായ സന്ദേശം ഉൾക്കൊള്ളുന്ന മ്യൂസിക് ബാന്റ് എന്നതാണ് അവരുടെ ലക്‌ഷ്യം. ഇവരിൽ രംഗൻ വയലിനിസ്റ്റാണ്. അവന് അച്ഛനും അമ്മയുമില്ല. വീടുകളിൽ ട്യൂഷനെടുത്താണ് ജീവിക്കുന്നത്. ഹൈദർ ഡ്രമ്മറാണ്. ജീന എന്ന പെണ്‍കുട്ടിയാണ് ഹൈദറിന്റെ കാമുകി. പോൾ ഹാർബർ നഗരത്തിലെ ഒരു പ്രശസ്ഥനായ ക്രിമിനൽ ലോയറുടെ മകനാണ്. ദിവ്യ വയലിനിസ്റ്റും. ഈ നാൽവർ സംഘത്തിന്റെ ഇടയിലേക്ക് ആമി എന്ന യുവതി കടന്നു വരുന്നു.

നഗരത്തിലെ കോളേജിൽ പഠിക്കുന്ന കംമ്മ്യൂണിസ്റ്റ് അനുഭാവികളായ ചെറുപ്പക്കാരാണ് വിവേക്, സ്റ്റാലിൻ, ഷമീർ ഖാൻ, ബച്ചൻ, ഡിസ്നി. ഇവരും പുതിയൊരു ദൗത്യവുമായി മുന്നോട്ട് പോകയാണ്. സംഗീതത്തെ സ്നേഹിക്കുന്നവരേയും വിപ്ലവകാരികളായ കംമ്മ്യൂണിസ്റ്റ്കാരേയും ഒന്നിപ്പിക്കുന്നത് ആമിയാണ്. ഇവരുടെ യാത്ര ഒരു പ്രത്യേക ഘട്ടത്തിലെത്തുമ്പോൾ ക്രാന്തിയുടെ കഥ മറ്റൊരു വഴിത്തിരിവാകുകയാണ്...

ദേവലോകത്തിലെ സുന്ദരികളായ നർത്തകിമാരിൽ ഒരാളായ തിലോത്തമയെ അന്വർത്ഥമാക്കുന്ന ഒരു കഥാപാത്രമാണ് ചിത്രത്തിലെ കേന്ദ്ര കഥാപാത്രമായ റോസി. നഗരത്തിലെ ഒരു പഞ്ചനക്ഷത്ര ഹോട്ടലിലെ ഗായികയും നർത്തകിയുമാണ് സുന്ദരിയായ റോസി. അവളുടെ ജീവിതത്തിൽ വലിയ വഴിത്തിരിവുണ്ടാക്കിയ ഒരു കൊലപാതകത്തിന് അവൾക്ക് ദൃക്സാക്ഷിയാകണ്ടി വരുന്നു. കൊലയാളികൾ ഏറെ ശക്തരാണെന്ന് മനസിലാക്കിയ റോസി നഗരം വിടുന്നു. പല സ്ഥലങ്ങളിലായി പിന്നീട് റോസിക്ക് ഒളിവിൽ താമസിക്കണ്ടി വരുന്നു. അതിനിടയിൽ അവൾക്ക് നേരിടേണ്ടി വരുന്ന സംഭവങ്ങളാണ് സസ്പെൻസ് ത്രില്ലറായി അവതരിപ്പിക്കുന്നത്.

മഞ്ഞ പ്രണയത്തിന്റെയും ചുവപ്പ് പ്രതികാരത്തിന്റെയും കറുപ്പ് മരണത്തിന്റെയും നിറങ്ങളാണ്. മഞ്ഞ പകലാണ്‌, ചുവപ്പ് സന്ധ്യയാണ് രാത്രി കറുപ്പാണ്. ഇങ്ങനെ നിരവധി അർത്‌ഥങ്ങൾ .

റിട്ടയേർഡ്‌ പോലീസ് സൂപ്രണ്ടാണ് അലക്സാണ്ടർ കോശി. അദ്ദേഹത്തെ ഇന്റർവ്യൂ ചെയ്യാനായി നിവേദിത എന്ന മാധ്യമ പ്രവർത്തക അലക്സാണ്ടർ കോശിയുടെ വീട്ടിൽ എത്തുന്നു. എന്നാൽ അതേ സമയത്ത് തന്നെ തന്റെ മകനും ഭാര്യയും ദില്ലിയിൽ നിന്നും കൊച്ചിയിലെത്തുന്നു എന്നറിഞ്ഞ് അലക്സാണ്ടർ കോശിയും ഭാര്യയും അവരെ കൂട്ടാനായി എയർപോർട്ടിലേയ്ക്ക് പുറപ്പെട്ടിരുന്നു. നിവേദിതയ്ക്ക്  താമസിക്കാനുള്ള സൗകര്യങ്ങൾ ഒരുക്കിയിട്ടാണ് അവർ പോകുന്നത്. അവിടെ വച്ച് അഡ്വ അറിവഴികിനെ നിവേദിത പരിചയപ്പെടുന്നു. ആ പരിചയം രണ്ടുപേരിലുമുണ്ടാക്കുന്ന സൗഹൃദവും സ്നേഹവും ഒപ്പം ചില സത്യങ്ങളുടെ വെളിപ്പെടുത്തലിലേയ്ക്കും ചെന്നെത്തുന്നു. ഈ സംഭവങ്ങളുടെ ചലച്ചിത്രാവിഷ്ക്കാരമാണ് 'മ ചു ക' 

നഷ്‌ടമാകുന്ന മൂല്യങ്ങള്‍ക്ക്‌ ഏറെ പ്രാധാന്യം നല്‍കി ചിത്രീകരിക്കുന്ന ചിത്രമാണ്‌ 'ഇലഞ്ഞിക്കാവ്‌ പി.ഒ'