സ്വാതന്ത്ര്യസമര സേനാനിയായിരുന്ന കുഞ്ഞാമു സാഹിബിന്‍റെ പേരക്കിടാവാണ് ഫാത്തിമ. മലബാറിലെ ദേശീയ നേതാക്കളോട് തോള്‍ചേര്‍ന്ന് നിന്നു കൊണ്ട് ബ്രിട്ടീഷുകരോട് പടപൊരുതിയ ആളായിരുന്നു കുഞ്ഞാമു സാഹിബ്. രണ്ടു കുട്ടികളുടെ അമ്മയായ ഫാത്തിമ ആസ്തമ രോഗിയാണ്. ഫാത്തിമ പൊരുതുന്നത് രോഗത്തോട് മാത്രമല്ല, സ്വന്തം ജീവിതാവസ്ഥകളോട് കൂടിയാണ്. ഭര്‍ത്താവായ അബു കുടുംബമുപേക്ഷിച്ച് പോയി. അവര്‍ക്കാകെയുള്ള വീട് പണയം വെച്ച് കടമെടുത്തു ബിസിനസ് ചെയ്യാന്‍ കൊടുക്കാത്തതിന്‍റെ പേരില്‍. മറ്റൊരു യുവതിയുമായി അബുവിന് അടുപ്പവുമുണ്ട്. ഫാത്തിമയുടെ അമ്മ ആറ്റ അയല്‍ വീടുകളില്‍ പണിയെടുത്താണ് ഉമ്മൂമ്മയടക്കം അഞ്ചു വയറുകളുടെ വിശപ്പടക്കുന്നത്. ഉമ്മക്കുഞ്ഞ്, ആറ്റ, ഫാത്തിമ, സൈനു എന്നിങ്ങനെ, പുരുഷാധികാരത്തിന്‍റെ ശ്വാദലസ്മരണകള്‍ അയവിറക്കി ജീവിക്കുന്ന നാലു തലമുറയിലെ സ്ത്രീകള്‍. അവരുടെ ഏക പ്രതീക്ഷയായ ആണ്‍തരി അലിയെന്ന ചെറുബാലന്‍. കുഞ്ഞാമു കുടുംബത്തിലെ ദാരിദ്ര്യം കാരണം പ്രണയ നഷ്ടം സംഭവിച്ചവളാണ് സാഹിബിന്‍റെ മകള്‍ ആറ്റ. അതിന്‍റെ കയ്പ്പ് മധ്യവയസ്സിലും ആറ്റയെ ശല്യം ചെയ്യുന്നുന്നുണ്ട്.

സ്വന്തം ദാമ്പത്യത്തിലും സമുദായ പരിസരത്തിലുമുള്ള ആണ്‍കോയ്മക്കെതിരെ ഫാത്തിമ ചോദ്യങ്ങളുയര്‍ത്തിയപ്പോള്‍ അവളും കുടുംബാംഗങ്ങളും വിലക്കപ്പെട്ടവരാകുന്നു. പിന്നീട് സാമൂഹികമായ ബഹിഷ്കരണത്തിന് ആ കുടുംബം ഇരയായി ദാരിദ്ര്യക്കയത്തില്‍ മുങ്ങിപ്പോകുന്നു. എന്നാല്‍ സ്വയം കരുത്താര്‍ജിച്ച് വ്യവസ്ഥാപിത മാര്‍ഗങ്ങളുടെ സാധ്യതകള്‍ തിരിച്ചറിഞ്ഞു പ്രയോജനപ്പെടുത്തിക്കൊണ്ട് ജീവിതം തിരിച്ചു പിടിക്കുകയാണ് ഫാത്തിമ. പുരുഷന്‍റെ സ്വാര്‍ത്ഥതക്കനുസരിച്ച് വളച്ചൊടിച്ച മതത്തിനപ്പുറം സ്ത്രീത്വത്തിന് വില കല്‍പ്പിക്കുന്ന യഥാര്‍ത്ഥ മതചിന്തകള്‍ അവള്‍ ഇതിനായി ആയുധമാക്കുന്നു. തനിക്ക് ലഭ്യമായ പുതുവെളിച്ചത്തിലേക്ക് മകളുടെ കൂടി കൈ പിടിച്ചു നയിച്ച് ഫാത്തിമ അങ്ങനെ നടന്നു നീങ്ങവേ, ചരിത്രം തങ്ങള്‍ക്ക് സാധ്യമാക്കിയ എല്ലാ പ്രകാശവീചികളെയും ഊതിക്കെടുത്തിക്കോണ്ട് പിന്തിരിഞ്ഞ് നടക്കുന്ന ഒരു കൂട്ടം സ്ത്രീ രൂപങ്ങളെ നാം കാണുന്നു

വ്യത്യസ്ത ശാരീരിക വൈകല്യങ്ങളുള്ള കുട്ടികളുടെ കഥയാണ് ചിത്രം കൈകാര്യം ചെയ്യുന്നത്

നാഗരിക ജീവിതത്തിലെ മാനുഷിക ബന്ധങ്ങളുടെ സങ്കീര്‍ണ്ണതയാണ് ചിത്രം പ്രമേയമാക്കുന്നത്. നീന,നളിനി വ്യത്യസ്ത സ്വഭാവക്കാരായ രണ്ട് പേര്‍. മുംബൈയില്‍ ജനിച്ചു വളര്‍ന്ന പെണ്‍കുട്ടിയാണ് നളിനി. മുംബൈയിലാണ് ജനിച്ചതെങ്കിലും കേരളീയ സംസ്‌കാരം മുറുകെപിടിച്ചാണ് അവള്‍ ജീവിച്ചത്. ഭര്‍ത്താവ് വിനയ് പണിക്കരും ഏക മകള്‍ അഖിലും അടങ്ങുന്നതാണ് നളിനിയുടെ കുടുംബം. പ്രമുഖ പരസ്യകമ്പനിയിലെ ഉദ്യോഗസ്ഥനാണ് വിനയ് പണിക്കര്‍. അങ്ങനെയിരിക്കെ കൊച്ചിയിലേക്ക് കൂടുമാറി വരുകയാണ് ഈ ദമ്പതികള്‍. കൊച്ചിയിലെ വിനയ് പണിക്കറുടെ ഓഫീസില്‍ ജോലി ചെയ്യുന്ന പെണ്‍കുട്ടിയാണ് നീന. മെട്രോ സംസ്‌കാരം പിന്തുടരുന്ന പെണ്‍കുട്ടിയാണ് നീന. നീനയുടെ ജീവിതത്തിലേക്ക് വിനയ് പണിക്കരും നളിനിയും കടന്നുവരുന്നതോടെയുണ്ടാകുന്ന സംഭവങ്ങളാണ് ലാല്‍ ജോസ് ഒരുക്കുന്ന നീനയുടെ കഥാഗതി നിര്‍ണയിക്കുന്നത്

സാധാരണക്കാരായ മാർക്കറ്റ് തൊഴിലാളികളുടെ കഥ പറയുന്ന ചിത്രം 

ഒരു മലയോരഗ്രാമത്തിലെ സാധാരണക്കാരനായ ഒരു കര്‍ഷകന്‍. അപ്പനും അമ്മയും രണ്ട് സഹോദരിമാരും അടങ്ങുന്നതാണയാളുടെ കുടുംബം. ഇതാണ് ജോസൂട്ടി. ജോസൂട്ടിയുടെ മുപ്പത് വർഷത്തെ ജീവിതമാണ് ചിത്രത്തിലൂടെ പറയുന്നത്. പത്തുവയസ്സു മുതലുള്ള കാലഘട്ടത്തിൽ ജോസൂട്ടിയുടെ ജീവിതത്തിൽ വന്നുപോകുന്ന കുറേ വ്യക്തികളും സംഭവങ്ങളുമാണ് ലൈഫ് ഓഫ് ജോസൂട്ടിയുടെ പ്രമേയം. നിഷ്ക്കളങ്കനും ഗ്രാമീണനുമായ ജോസൂട്ടിയുടെ ജീവിതയാത്രയാണ് ഈ ചിത്രമെന്ന് റ്റൈറ്റിലിനൊപ്പം ഓർമ്മിപ്പിക്കുന്നു.   

ചേട്ടനും അനിയനും തമ്മിലുള്ള സ്നേഹത്തിന്റെയും വൈരാഗ്യത്തിന്റെയും കഥയാണ്‌ യൂ ടൂ ബ്രൂട്ടസ് പറയുന്നത്. സിറ്റിയിലെ താസക്കാരാണ് ഹരിയും അനുജൻ അഭിയും. വളരെ സ്നേഹത്തോടെ കഴിഞ്ഞിരുന്നവർ ഒരിക്കൽ പരസ്പരം വഴക്കിടുന്നു. തന്മൂലം അഭി വീട് വിട്ടിറങ്ങുന്നു. ഇതോടെ ഹരിക്ക് അഭിയോടുള്ള ദേഷ്യം കൂടുന്നു. അഭി താമസിക്കുന്നത് ഏതാനും കൂട്ടുകാരോടൊപ്പമായിരുന്നു. അവർക്ക് അഭിയുടെ അവസ്ഥയിൽ വിഷമമുണ്ട്. ചങ്ങാതിയെ സഹായിക്കാൻ അവർ തീരുമാനിക്കുന്നു. അഭിയെ സഹായിക്കനിറങ്ങിയ കൂട്ടുകാർ അഴിയാക്കുരുക്കിൽ അകപ്പെടുന്നതോടെ  യൂ ടൂ ബ്രൂട്ടസിന്റെ കഥ വേറിട്ട വഴിയിലൂടെ പോകയാണ്.

കണ്ണൂർ സെൻട്രൽ ജെയിലിൽ നിന്നും തിരുവനന്തപുരം സെൻട്രൽ ജെയിലിലേയ്ക്ക് രണ്ടു കള്ളന്മാരുമായി പോകുന്ന പോലീസുകാരുടെ കഥ പറയുകയാണ്‌ 'ഒരു II ക്ലാസ്സ് യാത്ര' ചലച്ചിത്രം

ദാമ്പത്യ ജീവിതത്തിനിടയിൽ ഭാര്യയും ഭർത്താവും തമ്മിൽ ശാന്തമായി മുന്നോട്ട് നീങ്ങാൻ ചില നമ്പറുകൾ പരസ്പരം പ്രയോഗിക്കും. അതിന്റെ പിന്നാലെയുള്ള രസകരമായ മുഹൂർത്തങ്ങളാണ് ലുക്കാ ചുപ്പിയിൽ വേറിട്ട കാഴ്ചകളുമായി ദൃശ്യവൽക്കരിക്കുന്നത്. 

സമ്പത്തും പ്രതാപവും നിറഞ്ഞ കുടുംബത്തിലെ അംഗമായ ഭാസ്ക്കർ വലിയ നിലയിൽ സ്വകാര്യ ബാങ്ക് നടത്തിവന്ന ബാങ്കർ ശങ്കര നാരായണന്റെ ഏക മകനാണ്. സമൂഹത്തിൽ ഉയർന്ന നിലയിൽ ജനിച്ചതാണെങ്കിലും ഭാസ്കറിന്റെ ജീവിതവും സംസ്കാരവും താഴേക്കിടയിൽ നിന്നുമായിരുന്നു. അടിപിടിയും ചട്ടമ്പിത്തരവുമൊക്കെയുള്ള ഒരാൾ. വിദ്യാഭ്യാസം വെറും പത്താം ക്ലാസ്. സ്റ്റെൻ സെലാവോസ്, വിക്രമൻ, അബ്ദുൾ റസാക്ക് എന്നീ മൂന്ന് സുഹൃത്തുക്കളാണ് ഭാസ്കറിനുള്ളത്. സ്വഭാവത്തിലും സംസ്കാരത്തിലുമൊക്കെ നേർ വിപരീതമുള്ള ഹിമ എന്ന സ്ത്രീയുടെ സാമിപ്യം, ഇരുവരുടേയും ജീവിതത്തിൽ ഉളവാക്കുന്ന സംഭവങ്ങളുടെ രസകരമായ മുഹൂർത്തങ്ങളുടെ ചലച്ചിത്രാവിഷ്ക്കാരമാണ് ഭാസ്ക്കർ ദി റാസ്ക്കൽ ചിത്രം.

രണ്ടു ധ്രുവങ്ങളിൽ നിൽക്കുന്ന വിനീതും ദീപ്തിയും. അവർ അവരുടെ ഉദ്യമങ്ങൾക്കിടയിൽ പരസ്പ്പരം കാണുവാനും അടുത്തറിയുവാനും കാരണമാകുന്നു. ഇത് ഇവരുടെ ജീവിതത്തിലെ പല തിരിച്ചറിവുകൾക്കും കൂടി കാരണമാവുകയാണ്. വിനീത് വനിതാരത്നം എന്ന ഒരു വാരികയുടെ സ്റ്റാഫ് റിപ്പോർട്ടറാണ്. ദീപ്തി കുടുംബ കോടതി വക്കീലും. നന്മ ചെയ്യാൻ കഴിയുന്ന മനസിന്റെ ഉടമ. വിനീതിന് ദീപ്തിയിൽ നിന്നും ഒരു കാര്യം സാധിക്കണം. അതിനുള്ള വിനീതിന്റെ ശ്രമങ്ങളുടെ ചലച്ചിത്രാവിഷ്ക്കാരമാണ് ചിത്രം.

സമകാലീന വിഷയങ്ങളിലൂടെ രസകരമായി കഥ പറഞ്ഞു പോകുന്ന ഒരു സിനിമയാണിത്. സാമൂഹ്യ പ്രശ്നങ്ങളുണ്ട്. വീനീത് എന് പിള്ളയും അഡ്വക്കേറ്റ് ദീപയും ഇടപെടുന്ന കുറെ ഇടങ്ങളുണ്ട്. കുടുംബവും സമൂഹവുമെല്ലാം പരിഗണിക്കപ്പെടുന്ന എല്ലാ പ്രേക്ഷകരെയും ഇഷ്ടപ്പെടുത്തുന്ന ഒരു പ്രമേയമാണിതെന്ന് അണിയറ പ്രവർത്തകർ അവകാശപ്പെടുന്നു.