എവിടെ നിന്നോ വന്നെത്തിയതും പേരും ഊരുമില്ലാത്തതുകൊണ്ടും നാട്ടുകാര്‍ അയാളെ കുക്കിലിയാര്‍ എന്ന് പേരിട്ട് വിളിച്ചു. അമ്പലപ്പറമ്പില്‍ ഒറ്റപ്പെട്ടു ജീവിക്കുന്ന എഴുപതു വയസ് പ്രായം തോന്നിക്കുന്ന തരത്തില്‍ പ്രാകൃതനായ കുക്കിലിയാറിന്റെ രീതി സുധിക്ക് ഇഷ്ടമായിരുന്നില്ല. അതിന്റെ പേരില്‍ സുധി പലപ്പോഴും നീരസം പ്രകടിപ്പിച്ചിരുന്നു. നാട്ടില്‍ ചെറുപ്പക്കാരുടെ നേതാവാണ് സുധി. എല്ലാകാര്യത്തിലും എവിടെയും സുധിയുടെ സാന്നിദ്ധ്യമുണ്ടാകും. സുധിക്ക് ഒരു കാമുകിയുണ്ട്. കോളജ് വിദ്യാര്‍ഥിനിയായ സരയു. ഒരിക്കല്‍ തന്റെ കൈപ്പിഴയാല്‍ പറ്റിയ അബദ്ധത്തിന്റെ പുറത്ത് കുക്കിലിയാറിനെ സുധിക്ക് സഹായിക്കേണ്ടി വന്നു. തുടര്‍ന്ന് കുക്കിലിയാറിനെക്കുറിച്ച് കൂടുതല്‍ അറിയാന്‍ കഴിഞ്ഞപ്പോള്‍ സുധി മറ്റൊരു സത്യം തിരിച്ചറിഞ്ഞു ;കുക്കിലിയാര്‍ രാഘവന്‍നായരാണ്, സിംഗപ്പൂര്‍ മലയാളിയാണ്. ഭാര്യയും കുട്ടിയുമുണ്ട്. പിന്നെ കുക്കിലിയാറിന് എന്താണ് സംഭവിച്ചത്. കുക്കിലിയാറിന്റെകഥ ഇവിടെ തുടങ്ങുകയാണ്

ജമ്‌നാ പ്യാരിയെന്നാല്‍ അപൂര്‍വ ഇനത്തില്‍പെട്ട ആടാണ്‌. പ്യാരിയെന്നാല്‍ പ്രണയമാണ്‌. എടുത്തുചാട്ടക്കാരനായ നായകനും സമചിത്തതയോടെ സ്‌നേഹപൂര്‍വ്വം അടുക്കുന്ന നായികയും തമ്മിലുള്ള കഥയാണ്‌ ഈ ചിത്രത്തിന്റെ .
  
വടക്കാഞ്ചേരിയിലെ ഓട്ടോ ഡ്രൈവറാണ് വാസൂട്ടൻ. എല്ലാ കാര്യങ്ങളും തുറന്നു പറയുന്ന വാസൂട്ടന്റെ സുഹൃത്താണ് സാബു. ഇരുചക്രവാഹനങ്ങൾ സെക്കന്റ് ഹാന്റായി വിൽക്കുന്ന കട നടത്തുകയാണ് സാബു. എന്ത് പ്രശ്നമുണ്ടായാലും ഇവർക്കൊരു മാർഗ്ഗനിർദ്ദേശിയായി ഒരു കാരണവരായി നിൽക്കുന്നയാളാണ് സ്റ്റുഡിയോ ഉടമയായ പ്രകാശേട്ടൻ. എം ബി എ യ്ക്ക് പടിക്കുന്ന പാർവ്വതി എന്ന പെണ്‍കുട്ടി ഇവരുടെയിടയിലേയ്ക്ക് കടന്നുവരുന്നതോടെ ജമ്നപ്യാരിയുടെ കഥ മറ്റൊരു വഴിത്തിരിവിലേയ്ക്ക് നീങ്ങുകയാണ്.

മലപ്പുറത്തിന്റെ കായികവും, രാഷ്ട്രീയവും, സാമൂഹികവുമായ പശ്ചാത്തലങ്ങളിലൂടെ ഒരു പ്രണയകഥ പറയുന്ന ചിത്രമാണ് KL10 പത്ത്

തിരുവനന്തപുരത്തെ പ്രശസ്ത ടെക്സ്റ്റൈൽ ഷോപ്പിലെ സെയിൽസ് ഗേളാണ് പൂജ. ഒപ്പം ജോലി ചെയ്യുന്ന മീര, മെറിൻ, ജ്യോത്സ്ന എന്നിവർ പൂജയുടെ സുഹൃത്തുക്കളാണ്. പൂജയും, മീരയും നഗരത്തിലെ സെന്റ്‌ മേരീസ് വർക്കിംഗ് വിമൻസ് ഹോസ്റ്റലിലാണ് താമസം. ജോലിയുടെ തിരക്കിനിടയിൽ മോഹങ്ങളും പ്രതീക്ഷകളും പരസ്പരം പങ്കുവച്ച്‌ കഴിയുന്ന ഇവരുടെ ഇടയിൽ ഉണ്ടാകുന്ന ഒരു പ്രശ്നം എല്ലാം തകിടം മറിക്കുന്നു. 
ഹോസ്റ്റലിലെ ഒരു പെണ്‍കുട്ടിയെ കാണാതാകുന്നു , അതൊരു കൊലപാതകം കൂടി ആണെന്നറിഞ്ഞപ്പോൾ എല്ലാവരും ഭയന്നു. കേസന്വേഷിക്കാൻ പോലീസ് ഓഫീസർ സോളമൻ എത്തുന്നതും അതേത്തുടർന്നുണ്ടാകുന്ന സംഭാവികാസങ്ങളുമാണ് സെന്റ്‌ മേരീസ് കൊലപാതകം ചിത്രത്തിൽ ദൃശ്യവൽക്കരിക്കുന്നത്.

മൂന്നു ചങ്ങാതിമാർ. ഇവർക്കിടയില്‍ ഇടയ്‌ക്ക് പിണക്കങ്ങളും ഇണക്കങ്ങളുമുണ്ടാകാറുണ്ട്‌. അവര്‍ ചിലപ്പോള്‍ ശത്രുക്കളെപ്പോലെയും  പെരുമാറും. ഇതിനിടയില്‍ പ്രണയമുണ്ട്‌. കുടുംബ ബന്ധങ്ങളുണ്ട്‌. ഇവരില്‍ ഏറെ പ്രതീക്ഷയര്‍പ്പിച്ചിരിക്കുന്ന മാതാപിതാക്കളുണ്ട്‌. ഇതെല്ലാം പതിവുപോലെ നീങ്ങുന്നതിനിടയിലാണ്‌ അവര്‍ക്കിടയില്‍ ഒരു പ്രശ്‌നം കടന്നുവരുന്നത്‌. ഇത്‌ ചിത്രത്തെ ഏറെ സംഘര്‍ഷത്തിലേക്ക്‌ നയിക്കുന്നു

ഒരു പ്രണയകഥ രണ്ടു കാലഘട്ടങ്ങളിലായി അവതരിപ്പിക്കുന്ന ചിത്രമാണ്‌ 'ദൂരം'. ഡെന്നീസ്‌ പോള്‍, സമീര്‍, സാം, ഷാനവാസ്‌ എന്നീ നാലു സുഹൃത്തുക്കളുടെ ജീവിതത്തിലൂടെയാണ്‌ ഈ ചിത്രത്തിന്റെ കഥ പോകുന്നത്.

ജാര്‍ഖണ്ഡുകാരനായ ദുര്‍ഗാദാസ് ഭാര്യ ശീതളുമൊത്ത് കൊച്ചിയിലെ ഒരു ചെറിയ വീട്ടില്‍ കഴിയുന്നതിനിടയില്‍ ആ കുടുംബത്തിലേക്ക് ഒരു പ്രത്യേക സാഹചര്യത്തില്‍ ചിലര്‍ കടന്നുവരികയാണ്. അതോടെ ആ കുടുംബത്തിന്‍റെ സന്തോഷം നഷ്ടമാകുന്നു. നല്ലൊരു ദിവസത്തിനു വേണ്ടിയുള്ള ദുര്‍ഗാദാസിന്‍റെ പോരാട്ടമാണ് പിന്നീടുള്ളത്.