റോയൽ സ്പ്ലെൻഡർ ക്രിയേഷൻസിന്റെ ബാനറിൽ ഖയ്സ് മില്ലൻ സംവിധാനം ചെയ്ത ചിത്രമാണ് 'ആകാശവാണി'. പ്രവീണ്‍ അറയ്ക്കലാണ് ചിത്രത്തിന്റെ നിർമ്മാതാവ്. വിജയ്‌ ബാബു, കാവ്യ മാധവൻ എന്നിവർ കേന്ദ്രകഥാപാത്രങ്ങളെ അവതരിപ്പിക്കുന്നു. തിരക്കഥ വിനോദ് ജയകുമാർ. 

സന്തോഷ്‌ ശിവന്‍റെ അസോസിയേറ്റ് ആയിരുന്ന ഗൗതം മോഹന്‍ ആസിഫ് അലിയെ നായകനാക്കി ഒരുക്കുന്ന ചിത്രമാണ് ഹാപ്പി ബര്‍ത്ത്ഡേ

വിപിൻ നവാഗതനായ അൽത്താസ് ടി അലി തിരക്കഥഎഴുതി സംവിധാനം ചെയ്ത സിനിമയാണ് "ലാവൻഡർ". ഇറാൻ സ്വദേശി എൽഹാം മിർസയാണ് നായിക. റഹ്മാൻ, ഗോവിന്ദ് പത്മസൂര്യ,നിഷാൻ,അജു വർഗീസ്‌,അനൂപ്‌ മേനോൻ തുടങ്ങിയവർ കേന്ദ്രകഥാപാത്രങ്ങളെ അവതരിപ്പിക്കുന്നു.

ജയരാജ് സംവിധാനം ചെയ്ത ഒറ്റാല്‍. കുട്ടനാട്ടിലെ താറാവ് കൃഷിയുടെ പശ്ചാത്തലത്തില്‍ വല്യപ്പച്ചായി എന്ന താറാവ് കര്‍ഷകന്റെയും അയാളുടെ പേരക്കുട്ടിയുടെയും കഥയാണ് ചിത്രം പറയുന്നത്. ബാലവേലയിലൂടെ ബാല്യം നഷ്ടപ്പെടുന്ന കുട്ടപ്പായിയുടെ ജീവിതത്തെ പരിസ്ഥിതിയുമായി കോര്‍ത്തിണക്കി അവതരിപ്പിക്കുകയാണ് ചിത്രം. എം ജെ രാധാകൃഷ്ണനാണ് ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത്. കാവാലം നാരായണപണിക്കര്‍ രചിച്ച ഗാനങ്ങള്‍ക്ക് അദ്ദേഹം തന്നെയാണ് സംഗീതം നല്‍കിയിരിക്കുന്നത്.

സപ്തമശ്രീ തസ്ക്കര: ചിത്രത്തിന് ശേഷം ദേശീയ അവാർഡ് ജേതാവായ അനിൽ രാധാകൃഷ്ണ മേനോൻ സംവിധാനം ചെയ്ത ചിത്രമാണ് "ലോഡ് ലിവിങ്സ്റ്റണ്‍ 7000 കണ്ടി". കുഞ്ചാക്കോ ബോബൻ , റീനു മാത്യൂസ്, നെടുമുടി വേണു, തമിഴ് നടൻ ശ്യാം തുടങ്ങിയവർ കേന്ദ്ര കഥാപാത്രങ്ങളെ അവതരിപ്പിക്കുന്നു.

മലയാളത്തിലേക്ക് മറ്റൊരു ആന്തോളജി ഫിലിം "ഒന്നും ഒന്നും മൂന്ന്". കുലുക്കി സര്‍ബത്ത്, ശബ്ദരേഖ, ദേവി എന്നീ ചിത്രങ്ങളാണ് ഒന്നും ഒന്നും മൂന്ന് എന്ന സിനിമയില്‍ ഉള്‍ക്കൊള്ളിച്ചിട്ടുള്ളത്. വൈറ്റ് ഡോട്സ് മൂവിസിന്‍റെ ബാനറില്‍ നിര്‍മ്മിക്കുന്ന ഈ ചിത്രത്തില്‍ വ്യത്യസ്തങ്ങളായ മൂന്നു കഥകള്‍ ആവിഷ്കരിക്കുന്നു.

ഹ്രസ്വചിത്രങ്ങളുടെ വിവരങ്ങൾ താഴെ: 

കുക്കു സുരേന്ദ്രൻ സംവിധാനം ചെയ്ത 'എന്റെ സത്യാന്വേഷണ പരീക്ഷകൾ'. ശങ്കർ രാമകൃഷ്ണന്റേതാണ് തിരക്കഥ. മേരിമാതാ സിനിമയുടെ ബാനറിൽ അനിൽ മാത്യുവാണ് സിനിമ നിർമ്മിക്കുന്നത്. കാവാലം നാരായണപ്പണിക്കരുടെ വരികൾക്ക് എം.ജി ശ്രീകുമാർ ഈണമിടുന്നു. സുരാജ് വെഞ്ഞാറമൂട്, റഹ്മാൻ, ശങ്കർ രാമകൃഷ്ണൻ,അപർണ്ണ ഗോപിനാഥ്‌,മൈഥിലി,യദു കൃഷ്ണൻ, ശരണ്‍ തുടങ്ങിയവർ അഭിനയിക്കുന്നു. ഗായകൻ എം.ജി ശ്രീകുമാർ ചിത്രത്തിൽ ഒരു പ്രധാനവേഷം കൈകാര്യം ചെയ്യുന്നുണ്ട്.