അച്ചൂസ് ഇന്റർനാഷണലിന്റെ ബാനറിൽ അനീഷ്‌ ഉപസാന സംവിധാനം ചെയ്യുന്ന ചിത്രമാണ് 'സെക്കൻസ്'. ജയസുര്യ, വിനയ് ഫോർട്ട്‌, വിനായകൻ, അപർണ്ണ നായർ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. നിർമ്മാണം അജയ് ജോസ്. വര്‍ണ്ണചിത്ര റിലീസ്‌ ചിത്രം പ്രദര്‍ശനത്തിനെത്തിക്കുന്നു.

നവാഗതനായ സന്തോഷ്‌ നായർ സംവിധാനം ചെയ്യുന്ന റോഡ്‌ മൂവിയാണ് 'മണിരത്നം'. ഫഹദ് ഫാസിലാണ് കേന്ദ്ര കഥാപാത്രത്തെ അവതരിപ്പിക്കുന്നത്. നായിക നിവേദ തോമസ്‌. സെഞ്ച്വറി ഫിലിംസിന്റെ ബാനറിൽ രാജു മാത്യുവാണ് ചിത്രം നിർമ്മിക്കുന്നത്. മാമുക്കോയ,രണ്‍ജി പണിക്കർ ,സുനിൽ സുഖദ,ബാലു എന്നിവരെ ക്കൂടാതെ തമിഴ് അഭിനേതാക്കളായ നവീൻ ,രാജേന്ദ്രൻ (നാൻ കടവുൾ) ,ലീമ ബാബു എന്നിവരും ചിത്രത്തിൽ പ്രധാന വേഷങ്ങൾ ചെയ്യുന്നു.

അര്‍ദ്ധനാരിക്കു ശേഷം സന്തോഷ്‌ സൗപര്‍ണിക ഒരുക്കുന്ന ചിത്രമാണ്‌ മിഴിതുറക്കൂ. റോഷന്‍ പിക്‌ചേഴ്‌സിന്റെ ബാനറില്‍ റെജി തമ്പിയാണ് ചിത്രത്തിന്റെ നിർമ്മാണം. മഹാകവി കുമാരനാശാന്റെ 'ദുരവസ്‌ഥ' എന്ന ഖണ്ഡകാവ്യത്തെ അടിസ്‌ഥാനപ്പെടുത്തിയിട്ടുള്ളതാണ്‌ ചിത്രം.

ആക്ഷന് പ്രാധാന്യം നൽകി നവാഗതനായ ചന്ദ്രഹാസൻ സംവിധാനം ചെയ്ത ഒരു ഇമോഷണൽ ത്രില്ലർ സിനിമയാണ് ജോണ്‍ പോൾ വാതില തുറക്കുന്നു. ജോണ്‍ പോളായി ദീപക് പറമ്പോൾ പ്രധാന വേഷത്തിൽ ഏത്തു നനു. മധു ശ്രുതി മേനോൻ,വിഷ്ണു രാഘവ്,പി ബാലചന്ദ്രൻ ,ദർശന,ഗീഥാ സലാം തുടങ്ങിയവരും ചിത്രത്തിൽ അഭിനയിക്കുന്നു.

മേജർ രവി തിരക്കഥയെഴുതി സംവിധാനം ചെയ്ത സിനിമയാണ് പിക്കറ്റ് 43. 22 ഫീമെയിൽ കോട്ടയം ചിത്രത്തിന് ശേഷം ബ്രുവെറി ഫിലിംസിന്റെ ബാനറിൽ ഓ ജി സുനിലാണ് ചിത്രം നിർമ്മിക്കുന്നത്. പൃഥ്വീരാജ്, ബോളിവൂഡു് നടൻ ജാവേദ് ജെഫ്രി,സുധീർ കരമന,ഹരീഷ് പേരഡി തുടങ്ങിയവരോടൊപ്പം പുതുമുഖ താരങ്ങളും ചിത്രത്തിൽ അണിനിരക്കുന്നു.

ജവാൻ ഓഫ് വെള്ളിമലയ്ക്ക് ശേഷം അനൂപ്‌ കണ്ണൻ സംവിധാനം ചെയ്ത സിനിമയാണ് ഹോംലി മീൽസ്. പുതുമുഖതാരം വിപിൻ ആറ്റ്ലിയാണ് നായകൻ. ചിത്രത്തിന്റെ കഥ തിരക്കഥ സംഭാഷണം നിർവ്വഹിച്ചിരിക്കുന്നത് വിപിൻ ആറ്റ്ലിയാണ്.

ദിലീപിനെ കേന്ദ്രകഥാപാത്രമാക്കി സുധീഷ്‌ ശങ്കർ സംവിധാനം ചെയ്ത ചിത്രമാണ് വില്ലാളിവീരൻ. നിർമ്മാണം സൂപ്പർ ഗുഡ് ഫിലിംസ് അർ ബി ചൗധുരി. സിദ്ധാർത്ഥൻ എന്ന പച്ചക്കറിക്കാരനെയാണ് ദിലീപ് ഇതിൽ അവതരിപ്പിക്കുന്നത്. മൈഥിലി ,നമിത പ്രമോദ് എന്നിവരാണ് നായികമാർ

നവാഗതനായ പ്രസാദ് ജി എഡ്വേർഡ് സംവിധാനം ചെയ്യുന്ന ചിത്രമാണ് പുഴപോലവൾ.
ബോസ് എന്റർടെയ്നേഴ്സിന്റെ ബാനറിൽ വിൻസന്റ് ബോസ് മാത്യു നിർമ്മിക്കുന്ന ചിത്രം വെത്യസ്ഥമായൊരു ആസ്വാദന ശൈലിയാണ് ഒരുക്കിയിരിക്കുന്നത്. 

നോര്‍ത്ത് 24 കാതം’ എന്ന ചിത്രത്തിനു ശേഷം അനില്‍ രാധാകൃഷ്ണ മേനോന്‍ സംവിധാനം ചെയ്യുന്ന രണ്ടാമത്തെ ചിത്രമാണ്  'സപ്തമശ്രീ തസ്കര'. തൃശൂര്‍ക്കാരായ ആറുകള്ളന്മാരും എറണാകുളത്തുകാരനായ അവരുടെ നേതാവിന്റെയും കഥ പറയുന്ന ഈ ചിത്രത്തില്‍ പ്രിഥ്വിരാജ്,നെടുമുടി വേണു,ആസിഫ് അലി,നീരജ് മാധവ്,സുധീർ കരമന, ചെമ്പൻ വിനോദ് ,സലാം ബുഖാരി എന്നിവർ പ്രധാന വേഷത്തിൽ എത്തുന്നു. ഷാജി നടേശന്‍, സന്തോഷ് ശിവന്‍, പൃഥ്വിരാജ് എന്നിവരുടെ ഉടമസ്ഥതയിലുള്ള ഓഗസ്റ്റ് സിനിമായാണ് ചിത്രം നിര്‍മ്മിക്കുന്നത്.

മധു കൈതപ്രം സംവിധാനം ചെയ്യുന്ന സിനിമ. മാധ്യമപ്രവർത്തകനായ ജോണ്‍ ബ്രിട്ടാസ് നായകനാകുന്നു. മസ്കറ്റിലെ ഒരു ബ്രിട്ടീഷ് ഇന്റർനാഷണൽ കമ്പനിയിലെ എക്സിക്ക്യൂട്ടീവായ ഉപേന്ദ്രൻ എന്ന കഥാപാത്രത്തെയാണ് ജോണ്‍ ബ്രിട്ടാസ് അവതരിപ്പിക്കുന്നത്. ക്ളബ് ഡാൻസറായ തനൂജയായി ഇനിയ നായികയായെത്തുന്നു. ഇവരെക്കൂടാതെ ലാലു അലക്സ് ,ടിനി ടോം ,ശ്രീജിത്ത്‌ രവി ,സുരാജ് വെഞാറമൂട് തുടങ്ങിയവരും ചിത്രത്തിൽ അഭിനയിച്ചിട്ടുണ്ട്. കഥ ,തിരക്കഥ സംഭാഷണം നിർവ്വഹിച്ചിരിക്കുന്നത് ചെറുകഥാകൃത്തും നോവലിസ്റ്റുമായ സി വി ബാലകൃഷ്ണനാണ്. നിർമ്മാണം രമേശ്‌ നമ്പ്യാർ