കുടുംബ കഥ

കൗമാരപ്രായം തൊട്ട്‌ പ്രണയത്തിലായിരുന്നു ജോസഫ്‌ പുഷ്‌പവനവും സുലക്ഷണയും. രണ്ടു മതത്തില്‍ പെട്ടവരായിട്ടു കൂടി പ്രണയം അവര്‍ക്കൊരു തടസമായിരുന്നില്ല. പക്ഷേ അവര്‍ക്ക്‌ ഒന്നിക്കാന്‍ കഴിഞ്ഞില്ല. സുലക്ഷണ ഒരു ഐ.എ.എസുകാരന്റെ ഭാര്യയായി, മൂന്നു മക്കളുടെ അമ്മയായി. ജോസഫ്‌ പുഷ്‌പവനം വിവാഹിതനാകാതെ എഴുത്തിൽ തന്നെ മുഴുകി. സുലക്ഷണയെക്കുറിച്ചാണ്‌ അയാള്‍ പിന്നീടും എഴുതിയത്‌. ഉറവ വറ്റാത്ത പ്രേമം ജോസഫ്‌ പുഷ്‌പവനം ദിവ്യമായി കൊണ്ടുനടന്നു. അയാളുടെ ജീവിതത്തിലേക്ക്‌ മറ്റൊരു പെണ്ണും കടന്നുവന്നില്ല. അങ്ങനെ ഇരിക്കെ നിനച്ചിരിക്കാതെ ജോസഫ് വീന്ദും സുലക്ഷണയെ കണ്ടുമുട്ടുകയും പിന്നീട് അവർ വീണ്ടും ഒന്നിക്കാൻ തീരുമാനിക്കുന്നതോടെ വിധി തന്നെ എതിർപ്പുകൾ തീർക്കുകയും ചെയ്യുന്നു. സുലക്ഷണ ടീച്ചറിന്റെ പ്രിയപ്പെട്ടവനായിരുന്നു സുദർശൻ എന്ന മൊട്ട സുദൻ. കഞ്ചാവിനടിമയായ അച്ഛനും, പണത്തിനു വേണ്ടി ആർത്തി കാണിക്കുന്ന രണ്ടാനമ്മയും മാത്രമായിരുന്നു സുദർശന്റെ ഏക ബന്ധുബലം. വർഷങ്ങൾക്ക് ശേഷം അവന്റെ പ്രീയപ്പെട്ട ടീച്ചറമ്മയെ കണ്ടുമുട്ടുമ്പോൾ അവന്റെ ജീവിതവും വഴിമാറുന്നു..