ജമ്നാപ്യാരി

ജമ്‌നാ പ്യാരിയെന്നാല്‍ അപൂര്‍വ ഇനത്തില്‍പെട്ട ആടാണ്‌. പ്യാരിയെന്നാല്‍ പ്രണയമാണ്‌. എടുത്തുചാട്ടക്കാരനായ നായകനും സമചിത്തതയോടെ സ്‌നേഹപൂര്‍വ്വം അടുക്കുന്ന നായികയും തമ്മിലുള്ള കഥയാണ്‌ ഈ ചിത്രത്തിന്റെ .
  
വടക്കാഞ്ചേരിയിലെ ഓട്ടോ ഡ്രൈവറാണ് വാസൂട്ടൻ. എല്ലാ കാര്യങ്ങളും തുറന്നു പറയുന്ന വാസൂട്ടന്റെ സുഹൃത്താണ് സാബു. ഇരുചക്രവാഹനങ്ങൾ സെക്കന്റ് ഹാന്റായി വിൽക്കുന്ന കട നടത്തുകയാണ് സാബു. എന്ത് പ്രശ്നമുണ്ടായാലും ഇവർക്കൊരു മാർഗ്ഗനിർദ്ദേശിയായി ഒരു കാരണവരായി നിൽക്കുന്നയാളാണ് സ്റ്റുഡിയോ ഉടമയായ പ്രകാശേട്ടൻ. എം ബി എ യ്ക്ക് പടിക്കുന്ന പാർവ്വതി എന്ന പെണ്‍കുട്ടി ഇവരുടെയിടയിലേയ്ക്ക് കടന്നുവരുന്നതോടെ ജമ്നപ്യാരിയുടെ കഥ മറ്റൊരു വഴിത്തിരിവിലേയ്ക്ക് നീങ്ങുകയാണ്.