ട്രിവാൻഡ്രം ബ്രദേഴ്സിന്റെ ബാനറിൽ രാജേഷ് സിംഗപ്പൂർ നിർമ്മിച്ച്‌ അനൂപ്‌ ദേവ കഥയും തിരക്കഥയും എഴുതി സംവിധാനം ചെയ്ത ചിത്രമാണ് മോഹൻജദാരോ ആരപ്പാ. പുതുമുഖം അഭിമന്യു, ജോബി പാല, സെൽവരാജ്, നൗഷാദ് ഷാഹുൽ,കല്യാണി തുടങ്ങിയവർ  അഭിനയിക്കുന്നു.

സോ എസ്തബെ മൂവീസിന്റെ ബാനറിൽ ആൽബർട്ട് ആന്റണി സംവിധാനം ചെയ്യുന്ന ചിത്രമാണ് '8th മാർച്ച്'. സുനിൽ ചന്ദ്രിക നായർ ചിത്രം നിർമ്മിക്കുന്നു. ബാബുരാജ്, രാഹുൽ മാധവ്, പ്രദീപ്‌ ചന്ദ്രൻ, എകത്രീന, ഖനക് ബുദ്ധിരാജ തുടങ്ങിയവർ അഭിനയിക്കുന്നു. എം ജി ശ്രീ കുമാറിന്റെതാണ് സംഗീതം. ഛായാഗ്രഹണം ഉദയൻ അമ്പാടി.

ആഷിക് അബു നിർമ്മിച്ച്‌ ഫഹദ് ഫാസിലിനെ നായകനാക്കി ദിലീഷ് പോത്തൻ സംവിധാനം ചെയ്ത ചിത്രമാണ് 'മഹേഷിന്റെ പ്രതികാരം'. ശ്യാം പുഷ്കരന്റെതാണ്‌ കഥ. ഒ പി എം സിനിമാസിന്റെ ബാനറിൽ ആഷിക് അബുവാണ് ചിത്രം നിർമ്മിക്കുന്നത്.

സജി സുരേന്ദ്രൻ അനൂപ്‌ മേനോനെ നായകനാക്കി സംവിധാനം ചെയ്യുന്ന ചലച്ചിത്രമാണ് പുളുവൻ മത്തായി. ടി എം റഫീക്ക്, എബ്രഹാം മാത്യു എന്നിവരാണ് ചിത്രം നിർമ്മിക്കുന്നത്. ഛായാഗ്രഹണം അനിൽ നായരും ഷൈജൽ തിരൂർ ചിത്രസംയോജനവും കൈകാര്യം ചെയ്യുന്നു.

ഇതിഹാസ എന്ന ചിത്രത്തിന് ശേഷം ബിനു എസ് സംവിധാനം ചെയ്ത ചലച്ചിത്രമാണ് സ്റ്റൈൽ. ഉണ്ണി മുകുന്ദൻ കേന്ദ്ര കഥാപാത്രത്തെ അവതരിപ്പിക്കുന്നു. മുംബൈ മോഡൽ പ്രിയങ്ക ഖാണ്ട്‌വാള്‍ ആണ് നായിക. 

1983 എന്ന ചിത്രത്തിന് ശേഷം എബ്രിഡ് ഷൈൻ നിവിൻ പോളിയെ നായകനാക്കി ഒരുക്കുന്ന ചിത്രമാണ് 'ആക്ഷൻ ഹീറോ ബിജു'. പോളി ജൂനിയറിന്റെ ഫിലിംസിന്റെ ബാനറില്‍ എബ്രിഡ് ഷൈനും നിവിന്‍ പോളിയും ചേർന്നാണ് ചിത്രം നിര്‍മ്മിക്കുന്നത്. അനു ഇമ്മാനുവലാണ് ചിത്രത്തിലെ നായിക.

ഹോംലി മീല്‍സിലെ രചയിതാവും നായകനുമായിരുന്ന വിപിന്‍ ആറ്റ്‌ലി സംവിധാനാം ചെയ്ത ചിത്രം ബെൻ. മാസ്റ്റർ ഗൗരവ് മേനോൻ കേന്ദ്രകഥാപാത്രത്തെ അവതരിപ്പിക്കുന്നു. സംവിധാനത്തിന് പുറമേ ചിത്രത്തിന്റെ സംഗീതവും ഗാനരചനയും നിർവ്വഹിച്ചിരികുന്നതും വിപിന്‍ ആറ്റ്‌ലി തന്നെയാണ്. ഡോ സാജൻ എം ജോർജാണ് ചിത്രത്തിന്റെ നിർമ്മാണം

സുരാസ് വിഷ്വൽ മീഡിയയുടെ ബാനറിൽ മൊയ്തു താഴത്ത് തിരകഥയെഴുതി സംവിധാനം ചെയ്ത ചിത്രമാണ് 'ടി പി 51'. രമേഷ് വടകര,റിയാസ് ഖാന്‍, ഭീമൻ രഘു, ശിവജി ഗുരുവായൂർ, ദേവി അജിത്ത് തുടങ്ങിയവർ പ്രധാന വേഷത്തിൽ അഭിനയിക്കുന്നു.