കിനാവില്‍ ഏദന്‍ തോട്ടം ഏതോ സ്വര്‍ഗ്ഗമായ്
വികാരം താളം ചേര്‍ക്കും മൌനം ഗാനമായ് (2)
മോഹം നല്‍കും തേന്‍ കനി വാങ്ങുമ്പോള്‍
കാലം എന്നും കാവല്‍ നില്‍ക്കുമോ (കിനാവില്‍...)

നിറം ചാര്‍ത്തുമാത്മാവിന്‍ സുഖങ്ങള്‍ക്കു പിന്നില്‍ നിന്‍
വിടര്‍ന്ന കിനാക്കള്‍ തന്‍ സ്വരങ്ങളല്ലേ (2)
ഏദന്റെ ഓര്‍മകള്‍ മിഴിവേകും വേളയില്‍
ഹൃദയം വിമൂകമായ് പാടുകില്ലെ (കിനാവില്‍...)

ചിരി തൂകി നില്‍ക്കുമ്പോള്‍ യുഗങ്ങള്‍ക്കു മുന്നില്‍ നീ
ഒരു സ്വപ്ന രേണു പോല്‍ വിടരുകില്ലേ (2)
മോഹങ്ങളേകുന്ന പൊന്മണി വീണ നിന്‍
കതിര്‍ ചൂടുമാത്മാവിന്‍ കാവ്യമല്ലേ (കിനാവില്‍..)

നന്ദകിശോരാ ഹരേ മാധവാ
നീയാണെന്നഭയം
തിരുമെയ്യണിയും ശ്രീ തിലകങ്ങളിൽ
വര ഗോരോചനമാവാം ഞാൻ നിൻ
പ്രിയ സങ്കീർത്തനമാവാം
ഓം ജയ ജയ ശൌരേ ഹരി
ഓം ജയ ജയ ഭഗവാൻ ! (2) ( നന്ദ..)

തരളിതമാമെൻ കരളൊരു യമുനാ
നദിയായ്പാടുന്നു നിന്നേ തേടുന്നു(2)
വനമലർമാലീ അറിയുന്നോ

ഓം ജയ ജയ ശൌരേ ഹരി
ഓം ജയ ജയ ഭഗവാൻ..(2)

കണ്ണീർപൂക്കും കാട്ടുകടമ്പായ്
കാതര ജന്മം നിന്നുരുകുന്നു ( നന്ദ...)

താലോലം പൈതൽ താലോലം
താമര പൂന്തൊട്ടിലിലാലോലം
പൂമിഴിയിൽ പൊൻ‌കിനാവിൻ
തേൻ കിനിഞ്ഞു നീയുറങ്ങൂ
(താലോലം...)

അമ്മിഞ്ഞ പാൽ നുരയോലും
ചുണ്ടിൽ ചിരി വിരിയും
തുമ്പക്കുടത്തിനു തങ്കക്കുടത്തിന്
ഉമ്മ കൊടുത്തമ്മ പോകും ഈ
പഞ്ചമി ചന്ദ്രിക പോകും
(താലോലം...)

കൂട്ടിലെ കുഞ്ഞി ക്കിളിക്കും
കാട്ടിലെ കുരുവികൾക്കും
കാണാതെ ചൊല്ലുവാൻ
ഈണങ്ങളൊരോന്നു
പാടിക്കൊടുത്തമ്മ പോകും
ഈ മാണിക്ക്യ കുയിലമ്മ പോകും
(താലോലം...)

എന്റെ നീലാകാശം നിറയെ വെള്ളിമുകില്‍ മാലാ..
എന്റെ നീലാകാശം നിറയെ മുല്ല മലര്‍മാലാ...
എന്റെ നീലാകാശം

ഉഷമലരികള്‍ തൊഴുതുണരുകയായെന്‍
ഉടജാങ്കണമാകെ (2)
ഉദയാര്‍ച്ചനയുടെ മണിനാദം കേട്ടു-
ണരുക മധുമതി നീ..
ഇനി ഉണരുക പ്രിയ സഖി നീ....(എന്റെ..)

മധു മൊഴി ശാരിക പാടുകയാണെന്‍
കദളീ വനമാകെ (2)
കള നൂപുര മൃദു രവമാർന്നാരോ
കരളില്‍ പാടുന്നൂ

ഒരു കവിത പാടുന്നൂ.. (എന്റെ...)

---------------------------------------------------------

കണ്ണുനീർപ്പാടത്തെ കിളി മകളേ
കരളുരുകുന്നൊരു കഥ പാടുമോ (2)
സ്വപ്നങ്ങൾ വിറ്റിട്ടു ദു:ഖങ്ങൾ വാങ്ങിയ സുന്ദരിപ്പെണ്ണിന്റെ കഥ പാടുമോ (2)
ഓ... കഥ പാടുമോ (കണ്ണുനീർ...)

മോഹങ്ങളെരിയുന്ന ചിതയിൽ നിന്നുയരുമോ
ആത്മ ദാഹത്തിന്റെ തീ ജ്വാലകൾ (2)
മൃദുലമാമൊരു സാന്ത്വനത്തിന്റെ നിമിഷങ്ങൾ തേടി നീ വന്നതോ ദു:ഖ തീരം (2)
ഓ.....(കണ്ണുനീർ..)