വ്യത്യസ്തനാമൊരു ബാർബറാം ബാലനെ
സത്യത്തിലാരും തിരിച്ചറിഞ്ഞീലാ
തല വടിക്കുന്നോർക്കു തലവനാം ബാലൻ
വെറുമൊരു ബാലനല്ലിവനൊരു കാലൻ

ബാലൻ ഒരു കാലൻ
മുടിമുറിശീലൻ അതി ലോലൻ
മുടിവടിവേലഞനത്തോഴൻ
നമ്മുടെ ബാലൻ ബാലൻ ബാലൻ

പുളകം പതയ്ക്കുന്ന ക്രീമുമായെത്തി
വദനം മിനുക്കുന്ന മീശ പ്രകാശാ
ആമാശയത്തിന്റെ ആശ നിറവേറ്റാൻ
രോമാശയങ്ങൾ അറുക്കുന്ന വീരാ....
താര രാജാവിന്റെ സ്നേഹിതൻ ബാലൻ
ഈരാറ്റുപേട്ടേന്ന് വേരറ്റ ബാലൻ
ഒന്നുമേ അറിയാത്ത പാവത്തിനെ പോലെ
എല്ലാമൊളിപ്പിച്ച് വെക്കുന്ന കള്ളൻ ( ബാലൻ ഒരു കാലൻ....)

പൊന്നരളി പൂവൊന്നു മുടിയിൽ ചൂടി
കന്നിനിലാ കസവൊളി പുടവ ചുറ്റി
കുന്നത്തെ കാവിൽ വിളക്കു കാണാൻ വന്നൊ-
രുൾനാടൻ പെൺ കിടാവേ
എന്റെ ഉള്ളിൽ മയങ്ങുന്ന മാൻ കിടാവേ (പൊന്നരളി..)

ശാലീന ഭംഗി തളിർത്തു നിൽക്കും
ശ്യാമ മനോഹര ഗ്രാമ ഭൂവിൽ (2)
ശംഖുപുഷ്പം പോലെൻ മുന്നിൽ ചിരിക്കുന്നോ
രുൾനാടൻ പെൺ കിടാവേ
എന്റെയുള്ളിലെ പൊൻ കിനാവേ

നീഹാര മൌക്തിക മാലയുമായി
നീല വനാന്തത്തിൻ മാറിടത്തിൽ (2)
ചായുന്ന ശ്രാവണ ചന്ദ്രികയെ പോലെൻ
ചാരുതയാർന്നവളേ എന്റെയാരോമൽ പെൺകിടാവേ (പൊന്നരളി )

മാനത്തെ മഴമുകില്‍ മാലകളേ
ചേലൊത്ത മാടപ്പിറാവുകളേ
തുളുനാടിന്‍ കളരിയില്‍ പോയ് വരാമോ എന്റെ
കുറിമാനം കൊണ്ടു നീ നല്‍കാമോ (മാനത്തെ..)

മുല്ലപ്പൂബാണനെപോല്‍ മെയ്യഴകുള്ളോരെന്‍
കല്യാണ മുറച്ചെറുക്കന്‍ അവിടെയല്ലോ
കണ്ടാലോ സുന്ദരന്‍ എന്റെ മാരന്‍
കരവാളെടുത്താലും കരളലിവുള്ളവന്‍ (മാനത്തെ..)

ഏഴാം കടലോടി വന്ന് വീരാളിപ്പുടവയുമായ്  (2)
എന്നവന്‍ വരുമെന്ന് ചോദിക്കാമോ
പൂമെത്ത നീര്‍ത്തി ഞാന്‍ കാത്തിരിക്കും
മട്ടിപ്പാല്‍ പുകച്ചു ഞാന്‍ കാത്തിരിക്കും ( മാനത്തെ..)

ഇനിയൊരു ജന്മമുണ്ടെങ്കില്‍ നമുക്കാ
സരയൂ തീരത്തു കാണാം
പിന്നെയും ജന്മമുണ്ടെങ്കില്‍ യാദവ
യമുനാ തീരത്തു കാണാം.(2)

നിനക്കുറങ്ങാന്‍ അമ്മയെ പോലെ ഞാനുണ്ണാതുറങ്ങാതിരിക്കാം
നിനക്ക് നല്‍കാന്‍ ഇടനെഞ്ചിനുള്ളിലൊരൊറ്റ ചിലമ്പുമായ് നില്‍ക്കാം
പണയപ്പെടുമ്പോഴും തോറ്റുകൊണ്ടെന്നും
പാഞ്ചാലിയായ് പുഞ്ചിരിക്കാം (2)
(ഇനിയൊരു ജന്മമുണ്ടെങ്കില്‍ ...)

കസ്തൂരിത്തൈലമിട്ട് മുടിമിനുക്കീ
മുത്തോടുമുത്തുവെച്ച വളകിലുക്കീ - കയ്യില്‍ 
മുത്തോടുമുത്തുവെച്ച വളകിലുക്കീ
മന്ദാരക്കുളങ്ങരെക്കുളിച്ചൊരുങ്ങീ
മംഗല്യത്തട്ടമിട്ട പുതുക്കപ്പെണ്ണ് - മാറില്‍ 
മഞ്ചാടിമറുകുള്ള മിടുക്കിപ്പെണ്ണ്
കസ്തൂരിത്തൈലമിട്ട് മുടിമിനുക്കീ
മുത്തോടുമുത്തുവെച്ച വളകിലുക്കീ - കയ്യില്‍ 
മുത്തോടുമുത്തുവെച്ച വളകിലുക്കീ

കായലൊന്നു ചിരിച്ചാൽ കരയാകെ നീർമുത്ത്
ഓമലൊന്നു ചിരിച്ചാൽ പൊട്ടിച്ചിതറും പൊൻ മുത്ത് (2)
ആ മുത്ത് ഈ മുത്ത് ആളെകൊല്ലും മണിമുത്ത് (2)
കക്ക പെറുക്കണ ചക്കിപ്പെണ്ണിന്റെ
കണ്ണും ചിരിയും നിറയെ മണി മുത്ത് ആ‍...ആ..ആ.(കായലൊന്നു..)

കായലൊന്നു കലമ്പിയാൽ ഓളത്തിൽ പേക്കൂത്ത്
ഓമലൊന്നു പിണങ്ങിയാൽ കണ്ണീരിൻ നീർക്കുത്ത് (2)
അക്കുത്തിക്കുത്താന വരും കുത്താളെ കൊല്ലും നീർകുത്ത്
മുങ്ങിപൊങ്ങും കോതപ്പെണ്ണിൻ
തലയും മാറും നിറയെ നീർമുത്ത് ആ..ആ.ആ.. (കായലൊന്നു..)

മണവാളൻ പാറ ഇതു മണവാട്ടി പാറ (2)
തമ്മിൽ പുണരാൻ പണ്ടു മുതൽക്കേ തപസ്സു ചെയ്യുന്നു
ഇവർ തപസ്സു ചെയ്യുന്നൂ (2)
മണവാളൻ പാറ ഇതു മണവാട്ടി പാറ 

അമ്പലപ്പുഴ രാജാവിന്റെ അരുമക്കിടാത്തി
പൊൻചെമ്പകപ്പൂ നിറമുള്ള കൊച്ചു തമ്പുരാട്ടി (2)
പണ്ടൊരിക്കൽ പമ്പയാറ്റിൽ കുളിക്കടവിൽ (2)
വെച്ചു കണ്ടു മുട്ടീ കണ്ടാൽ നല്ലൊരു കാലിച്ചെറുക്കനെ 
കണ്ടു മുട്ടീ കണ്ടാൽ നല്ലൊരു കാലിച്ചെറുക്കനെ 
മണവാളൻ പാറ ഇതു മണവാട്ടി പാറ (2)

കുളിരാടുന്നു മാനത്ത് കിളി പാടുന്നു താഴത്ത്
മഞ്ഞിൽ വിരിഞ്ഞൂ മന്ദാരങ്ങൾ
നെഞ്ചിൽ കിനിഞ്ഞൂ തേൻ തുള്ളികൾ
കിളിവാതിൽ തുറന്നൊരു പൊൻ പക്ഷി പോൽ
ഇനിയെൻ ഗാനമേ പോരൂ നീ ( കുളിരാടുന്നു..)

ഉഴിയുന്നു നിറതാലം അഴകോലും നിറതാലം
അണിതിങ്കൾ തിരി നീട്ടി കണി കാണ്മൂ കതിർ മാനം
തളിർ നുള്ളി കതിർ നുള്ളി തളരും നിൻ വിരൽ മുത്താൻ
ഒരു കുമ്പിൾ കുളിരും കൊണ്ടൊരു കാറ്റിങ്ങലയുന്നൂ
ആരണ്യ ലാവണ്യമാം ആരോമലെ പോരൂ നീ (കുളിരാടുന്നൂ...)

ഏറ്റുമാനൂരമ്പലത്തിലെഴുന്നള്ളത്ത് മുന്നില്‍
കാത്തുനിന്ന പൂവമ്പന്റെ പള്ളിനായാട്ട്
മുന്നില്‍ കാത്തുനിന്ന പൂ‍വമ്പന്റെ പള്ളിനായാട്ട്
(ഏറ്റുമാനൂര്‍...)

ഏഴരപ്പൊന്നാനയെഴുന്നള്ളിവന്നപ്പോള്‍
ഏതോകിനാവില്‍ ഞാന്‍ ലയിച്ചു പോയീ
പഞ്ചാരി കേട്ടില്ലാ പാണ്ടിയും കേട്ടില്ലാ
പഞ്ചബാണവീണമാത്രം മുഴങ്ങികാതില്‍
(ഏറ്റുമാനൂര്‍..)