അയ്യപ്പന്റമ്മ നെയ്യപ്പം ചുട്ടു
കാക്ക കൊത്തി
കടലിലിട്ടു
മുക്കുവപ്പിള്ളേരു മുങ്ങിയെടുത്തു
തട്ടാപ്പിള്ളേരു
തട്ടിയെടുത്തു

(അയ്യപ്പന്റമ്മ...)

ധന്യേ ലാവണ്യധന്യേ
പൂക്കൂ
നീയെന്നിലെന്നും
വാസന്തശ്രീ‍വർണ്ണങ്ങളിൽ
മനോഹരീ മനോന്മണീ
സുരഭീ
സുമുഖീ അണയൂ

അയ്യപ്പന്റമ്മ നെയ്യപ്പം ചുട്ടു
കാക്ക കൊത്തി
കടലിലിട്ടു
വാണിയപ്പിള്ളേരു വലയെടുത്തിട്ടു
കൊല്ലപ്പിള്ളേർക്കു
കൊതിപെട്ടു

അച്‌ഛോ അച്‌ഛോ അച്‌ഛോ അയ്യോ
അച്‌ഛനിന്നലെ വല്ലാത്തൊരക്കിടി
പറ്റി
എന്റച്‌ഛനിന്നലെ വല്ലാത്തൊരക്കിടി പറ്റി
അടി കിട്ടി, ഇടി കിട്ടി, തൊഴി
കിട്ടി, പിടിച്ചുകെട്ടി
പോരാൻ‌ നേരം കൂട്ടിനായൊരു വാഴയും
കിട്ടി....

(അച്‌ഛൻ...)

കൊത്തിക്കൊത്തി

മുറത്തിൽക്കേറിക്കൊത്താതെടാ
മകനേ... എടാ മകനേ...
ഭീമസേനാ...

കിളി കിളി പൈങ്കിളീ...
കൃഷ്‌ണപ്പൈങ്കിളീ (2)
ഇവനെ ഞാൻ സ്‌നേഹിക്കുന്നൂ...
ഇവനെ മാത്രം സ്‌നേഹിക്കുന്നൂ...
(കിളി...)

ഇവനൊരു മലരമ്പും മലർമാലയുമായ്
ഇന്നലെ ഇരവിൽ വിരുന്നുവന്നു...
ഇതുവരെയായ് ഞാനറിയാത്ത കാര്യങ്ങൾ (2)
ഇരുചെവിയറിയാതെ പറഞ്ഞുതന്നു...
(കിളി...)

ഇവനൊരു കുളിരമ്പിളി നീലനിലാവായ്
ഇന്നെന്റെ മനസ്സിൽ ഉദിച്ചുയർന്നു...
ഇതുവരെയായ് ഞാൻ കാണാത്ത കാര്യങ്ങൾ (2)
ഇന്നെനിക്കായ് മാത്രം കാഴ്‌ചവച്ചു...(ഇതുവരെയായ്.. )
(കിളി...)

തീരത്തുനിന്നും തീരത്തിലേയ്‌ക്കുള്ള
തീർത്ഥയാത്ര, ഒരു
തീർത്ഥയാത്ര
ജന്മത്തിൽ നിന്നും മരണത്തിലേയ്‌ക്കുള്ള
ജന്മജന്മാന്തര
യാത്ര, ഇതു ജന്മജന്മാന്തര യാത്ര

(തീരത്ത്...)

എവിടെ നിന്ന്
തുടങ്ങിയതോ
തുഴയുന്നതേതു ലക്ഷ്യത്തിലേക്കോ
തോണിയേതോ തോണിക്കാരനാരോ

തുണയായ് വരുന്നതാരോ....

(തീരത്ത്...)

എവിടെ നിന്ന്
തുടങ്ങിയാലും
അവസാനമെത്തുന്നതൊരിടത്തല്ലേ
ഇക്കരെയാണോ
അക്കരെയാണോ
ഇറങ്ങുന്നതൊരുമിച്ചല്ലേ...

(തീരത്ത്...)

അനുരാഗസുധയാൽ ഹൃദയം നിറഞ്ഞപ്പോൾ
അനുവാദം ചോദിക്കാൻ വന്നു...
അടിയന്റെ പാനപാത്രം ഈയഴകിന്റെ മുമ്പിൽ
തിരുമുൽക്കാഴ്‌ചയായ് സമർപ്പിച്ചോട്ടേ...

(അനുരാഗ...)

തളിരിലക്കുട നീർത്തി ലാളിച്ചു വളർത്തിയ
ഇളവാഴക്കൂമ്പിലെ തേൻ‌തുള്ളികൾ...
ഒരു തുള്ളി ചോരാതെ കരിവണ്ടറിയാതെ
കിളിമൊഴിച്ചുണ്ടിനായ് കൊണ്ടുവന്നു...

(അനുരാഗ...)

ഇളനീലമേഘങ്ങൾ മാറത്തു മയക്കുന്ന
ഇതുവരെ കാണാത്ത മാൻ‌പേടയെ...
നിറചന്ദ്രനറിയാതെ നറുനിലാവറിയാതെ
കിളിമൊഴിപ്പെണ്ണിനായ് കൊണ്ടുവന്നു...

(അനുരാഗ...)

അമ്പലമുക്കു കഴിഞ്ഞാലുടനെൻ
പെമ്പിളവീട് പെമ്പിളവീട്
പെമ്പിളവീട്
ഈ അവറാനെ പേടിപ്പിക്കണ
പെമ്പിളവീട് പെമ്പിളവീട് പെമ്പിളവീട്

(അമ്പലമുക്ക്)

സന്ധ്യ വന്നുകഴിഞ്ഞാൽ അവറാൻ
അവറാൻ അവറാൻ
അവറാൻ
സന്ധ്യ വന്നുകഴിഞ്ഞാൽ അവറാനൊന്നു മിനുങ്ങും
നെഞ്ചിനുള്ളിൽ
പെമ്പിളയോടൊരു പ്രേമമൊക്കെ തോന്നും

ആ മുഖം കണ്ട നാൾ
ആദ്യമായ് പാടി ഞാൻ
രാഗം പൂക്കും രാഗം പാടി ഞാൻ
(ആ മുഖം.. )

പോക്കുവെയിൽ പൊന്നണിഞ്ഞു നിൻ
പൊൻ‌പദങ്ങൾ പുൽകും മേദിനി (2)
എന്റെ സ്വപ്‌നമാകവേ
എന്നിൽ പൂക്കൾ വിടരവേ
മൗനമുടഞ്ഞു ചിതറി
(ആ മുഖം.. )

സ്വർണ്ണമുകിലാടും വാനിടം
നിന്നിലീ മുത്തൊളിച്ച സാഗരം (2)
എൻ ഹൃദയമാകവേ
എന്നിൽ രത്നം വിളയവേ
മൗനമുടഞ്ഞു ചിതറി
(ആ മുഖം.. )

ശ്രാവണന്ധ്യതൻ നീളും
നിഴൽമൂടിയീ വഴിത്താരയിരുണ്ടൂ
പാട്ടിന്റെ തേൻകുടമേന്തി
നീയെത്തുമെന്നോർത്തു
ഞാൻ പിന്നെയും നിന്നു
(ശ്രാവണ...)

വന്നു നീയെങ്കിലും നിന്നിലെ ശാരിക
നൊമ്പരം കൊള്ളുന്നതെന്തേ
പെൺകൊടി നീ മണിത്തമ്പുരുവാക്കുമീ
മൺകുടം പാടാത്തതെന്തേ
നിന്നെ ഞാനെൻ ദുഃഖമെന്നറിയുന്നു
നിൻ കൺകളിലെൻ നിഴൽ കാണ്മൂ
നിന്ദിതയാം ഭൂമി നന്ദിനി, നിൻ
കണ്ണീർ എൻ തൂവലീറനാക്കുന്നൂ
(ശ്രാവണ...)

ആകാശമൗനം വാചാലമാകും
താരങ്ങൾ കൺ‌ചിമ്മും തീരങ്ങൾ
ആ നീലരാവും പൂനിലാവും
പൊന്നൂഞ്ഞാലിൽ ആടും യാമം

(ആകാശമൗനം)

നീലോല്പലങ്ങൾ തിളങ്ങുന്നുവോ
നിൻ ലോചനങ്ങൾ തിളങ്ങുന്നുവോ
പൂത്തുവിരിയും മലരേ....
രാത്രി പൊഴിയും അഴകിൻ‍ പനിമഴയിൽ
നനയുമിളം തനുവിലിവൻ മധുശലഭം

(ആകാശമൗനം)

കാതോർത്തിരിക്കുന്നതെന്തേ സഖീ
കൗമാരം താണ്ടുന്ന കാൽത്താളമോ
നേർത്ത രജനി പകരും ആദ്യ ലഹരി നുരയോ
മനസരസ്സിൽ‍ മയങ്ങുമിളം അരയന്നമേ പറയു പ്രിയേ

(ആകാശമൗനം)

പൊൻ‌പീലികൾ മനസ്സിൽ
മുകിൽമാലകൾ മലർമാരികൾ
പുലരിയിൽ... രജനിയിൽ...
മൂകതീരങ്ങളിൽ...

(പൊൻ‌പീലി...)

കതിരിടും ഹൃദയഭൂവിൽ
കനവുകൾ വിരിയവേ
വീചികൾ ശ്യാമവീചികൾ
ആയിരം വർണ്ണരാജികൾ
രാഗാർദ്ര നിമിഷങ്ങളിൽ

(പൊൻ‌പീലി...)

നിറമെഴും ചിറകുമായി.....
നിനവുകൾ ഉണരവേ (നിറമെഴും)
കൊഞ്ചലോ പൂവിൻ കൊഞ്ചലോ
തേങ്ങലോ കാറ്റിൻ തേങ്ങലോ
അജ്ഞാത ലയനങ്ങളിൽ...

(പൊൻ‌പീലി...)