പുലയനാർ മണിയമ്മ പൂമുല്ലക്കാവിലമ്മ
കലമാന്റെ മിഴിയുള്ള കളിത്തത്തമ്മ --(2)
ആളിമാരൊത്തുകൂടി ആമ്പൽപ്പൂക്കടവിങ്കൽ
ആയില്ല്യപ്പൂനിലാവിൽ കുളിക്കാൻ പോയ്
പുലയനാർ മണിയമ്മ പൂമുല്ലക്കാവിലമ്മ
കലമാന്റെ മിഴിയുള്ള കളിത്തത്തമ്മ

അരളികൾ പൂക്കുന്ന കരയിലപ്പോൾ നിന്ന
മലവേടചെറുക്കന്റെ മനം തുടിച്ചു
അവളുടെ പാട്ടിന്റെ ലഹരിയിൽ അവൻ മുങ്ങി
അവളുടെ പാട്ടിന്റെ ലഹരിയിൽ അവൻ മുങ്ങി
ഇളംകാറ്റിലിളകുന്ന വല്ലി പോലെ
(പുലയനാർ മണിയമ്മ)

പൂനിറം കണ്ടോടി വന്നു മാണിക്യ തമ്പാട്ടി

പൂരവിളക്കായ് പൂത്തു നിന്നു മാണിക്യത്തമ്പാട്ടി

പൊൻ പുലരി പന്തലില് പട്ടുവിതാനം കണ്ടു

മുച്ചിലോട്ടു നടയിൽ നിന്നു ശംഖ നാദം കേട്ടു

പൂമരത്തിൻ നിഴൽപ്പടമാ നൂപുരങ്ങൾ തഴുകി

പാദപത്മ പുളകം ചൂടാൻ മൺ തരികൾ പൊരുതി

ഏതു പൂവിൻ ഗന്ധം തേടി മാണിക്യത്തമ്പാട്ടി

ഏതു കാവിൻ പുണ്യം തേടി മാണിക്യ തമ്പാട്ടി (പൂനിറം..)

പൂന്തെന്നൽ ചുംബനങ്ങൾ തേൻ കണമായിളകി

പൂക്കൈത താളുകളിൽ കാവ്യ ഗന്ധമൊഴുകി

താമരപ്പൂങ്കുളങ്ങൾ നൂറു കാമനകൾ കോർത്തു

പാദസര നാദം പുൽകാൻ കുഞ്ഞോളങ്ങൾ കാത്തു

ചുംബനവർണ്ണ പതംഗങ്ങളാൽ നീയാം

ചെണ്ടിൻ പരാഗങ്ങൾ ഞാൻ നുകരും

ചന്ദ്രിക പൂന്തിരച്ചുണ്ടത്തുരുകുന്ന

ചന്ദ്രോപലം ഞാനെൻ സ്വന്തമാക്കും (ചുംബന...)

ആലിംഗനത്തിന്റെ പൊന്നഴിക്കൂട്ടിലൊ

രാലോലപ്പൈങ്കിളി ചിറകടിക്കും

രോമാഞ്ചകഞ്ചുകം ചാർത്തുമാ മേനിയെൻ

പ്രേമമദത്തിൻ വിപഞ്ചിയാക്കും (ചുംബന..)

താരുണ്യ തല്പത്തിൽ താമരവിരിയിലൊ

രാരാമത്തെന്നലായ് ഞാനുലയും

ആ രാഗ മണ്ഡപ ചൈതന്യമെന്നിലെ

ഗാന കവി തൻ കവിതയാക്കും (ചുംബന..)

ചെന്തെങ്ങു കുലച്ചപോലെ ചെമ്പകം പൂത്തപോലെ
ചെമ്മാനം തുടുത്ത പോലൊരു പെണ്ണ്‌
പെണ്ണവൾ ചിരിച്ചു പോയാൽ വെളുത്തവാവ്‌
കണ്മണി പിണങ്ങിയെന്നാൽ കറുത്തവാവ്‌
ചെന്തെങ്ങു കുലച്ചപോലെ ചെമ്പകം പൂത്തപോലെ
ചെമ്മാനം തുടുത്ത പോലൊരു പെണ്ണ്‌

അവളുടെ കണ്ണുകൾ കണ്ണാടിമാളികകൾ
അവയിൽ പ്രേമത്തിൻ സ്വപ്നങ്ങൾ താമസക്കാർ
കാഷ്മീരസന്ധ്യയിലെ സിന്ദൂരതാഴ്‌വരകൾ
കണ്ണുകൾക്കു കാവൽ നിൽക്കും കവിളിണകൾ
ചെന്തെങ്ങു കുലച്ചപോലെ ചെമ്പകം പൂത്തപോലെ
ചെമ്മാനം തുടുത്ത പോലൊരു പെണ്ണ്‌

ചെമ്പകമല്ല നീയോമനേയൊരു
പനിനീർ ചെമ്പകം വെറും
കുങ്കുമമല്ല നീ ശ്രീദേവി ചാർത്തുന്ന
മംഗല്യ കുങ്കുമം (ചെമ്പകമല്ല..)

താമരയല്ല നീ ശ്രീപാദം പൂവിടും
സായൂജ്യ പൊൻ താമര
മണി വീണയല്ല നീ വാണീമണിയുടെ
മടിയിലെ കേളീ കല (ചെമ്പകമല്ല...)

സ്വർനദി ഗംഗയായൊഴുകുന്നു നീയെന്റെ
സ്വപ്നമഹാതലത്തിൽ
താരുണ്യരാഗമായലിയുന്നു നീയെന്റെ
ഗാനസരോവരത്തിൽ ( ചെമ്പകമല്ല..)

കുളിരോടു കുളിരെടി കുറുമ്പുകാരീ
കൂനി വിറയ്ക്കാതെ കാറ്റിൽ പറക്കാതെ
ഇടിമിന്നലിൽ നീയെന്നരികത്തു വാ
നീയീ കുടക്കീഴിൽ വാ
കുളിരോടു കുളിരെടി കുറുമ്പുകാരീ
കൂനി വിറയ്ക്കാതെ

നാലഞ്ചു മുത്തുകൾ ഇതൾത്തുമ്പിൽ വീഴുമ്പോൾ
നാണിച്ചു കൂമ്പുന്നു പൂമൊട്ടുകൾ
കാലവർഷത്തിന്റെ സംഗീത മേളത്തിൽ
കാൽത്തള കെട്ടുന്നു താഴ്വരകൾ
രാഗങ്ങൾ മൂളുന്നു മുളങ്കാടുകൾ
മുളങ്കാടുകൾ മുളങ്കാടുകൾ
(കുളിരോടു...)

അമ്പിളിവിടരും പൊന്മാനം
പൈങ്കിളിപാടും മലയോരം
പൂമഴയായെങ്ങും തേന്മഴയായ്
(അമ്പിളിവിടരും..)
ലാ.. ലലല്ല ലലല്ല ലലല്ല ലലല്ല ലലലല ലാ....

നിന്‍ ചുണ്ടില്‍ തൂവും തൂമരന്ദം
നിറയുന്നു പൂവുകളില്‍ നീളേ
നിന്നെക്കിനാവുകണ്ടു നിന്‍
കിളിക്കൊഞ്ചല്‍ കേട്ടു
എന്നെമറന്നിരുന്നു ഞാന്‍
എന്നെ മറന്നിരുന്നു ഞാന്‍
ലാ.. ലലല്ല ലലല്ല ലലല്ല ലലല്ല ലലലല ലാ....

ഉഷസ്സോ സന്ധ്യയോ സുന്ദരി
ഓമനേ നീ ഉണരുമ്പോഴോ
ഉറങ്ങുമ്പോഴോ സുന്ദരി 
ഉഷസ്സോ സന്ധ്യയോ സുന്ദരി

പനിനീർപൂവോ പവിഴാധരമോ
പരിമളമാദ്യം കവർന്നെടുത്തു
അംബരമുകിലോ അമ്പിളിക്കുടമോ
നിൻ കവിളോ ആദ്യം തുടുത്തു
പറയുമോ മനോഹരി ഉം...
(ഉഷസ്സോ സന്ധ്യയോ..)

ചന്ദനമുളയോ ചന്ദ്രികത്തെളിയോ
തെന്നലോ മെയ്യിനു കുളിരേകി
വെണ്ണനെയ്‌ അമൃതോ കണ്ണന്റെ വിരുതോ
നിന്നുടലീവിധം മൃദുവാക്കി
പറയുമോ മനോഹരി ഉം...
(ഉഷസ്സോ സന്ധ്യയോ..)