എള്ളുപാടം കുണുക്കിട്ടു നിന്നേ പണ്ട്
കൊല്ലങ്കൊല്ലൊരു
കൊച്ചമ്പ്രാൻ വന്നേ
വയസ്സറിഞ്ഞ് കുലുങ്ങിത്തുളുമ്പും ആ
പെലക്കെടാത്തിയെ
കണ്ട് കൊതിച്ചേ
അക്കഥ ഇമ്മക്കും അറിയാവേ

നീലമിഴിയാൽ കരളിൻ
വയലിൽ
ഞാറു നട്ടൊരു ചെറുമീ...
നീയെന്റെ ചിന്തകൾ
അലങ്കരിക്കും
നാലുകെട്ടിലെ റാണി...

(നീല...)

നടയറക്കായൽ വളകൾ
കിലുക്കും
നടവരമ്പിൽ നിൻ ചുവടുകളിളകീ
നന്തുണി വച്ചൂ മനസ്സിൽ
ഇന്ൻ
പൊന്നമ്പ്രാനെ ഏനിരുത്തി

(നീല...)

മഞ്ചാടിക്കിളിക്കൂടിലും പൂ ചൂടും നേരത്ത്
ഒരു കുടം കുളിരും
കൊണ്ട് പെണ്ണാളേ വായോ
നിലാവു ദിക്കും ചെരുവിൽ
താഴമ്പുഴക്കരയിൽ
നാലുപറപ്പൂവേന്ന് അനക്ക്
തേനുമെടുത്തേ

(മഞ്ചാടി...)

കന്നിമണിക്കതിര് മുറിച്ച് കണ്ണരിവാള്
ഇളക്കി നീ
കൊയ്‌ത് കൊയ്‌തു നെറച്ചല്ലോ ഇന്ന് അന്റെ കിനാവ്
ഈ മിന്നണ
എണ്ണവിളക്ക് കൂടെയെത്തുമ്പം
വയലേല തോറും മണമേകും നീലമലർ നുള്ളി ഏൻ
തരട്ടേ

(മഞ്ചാടി...)

ഇടവാക്കായലിൻ അയൽക്കാരീ
അറബിക്കടലിൻ കളിത്തോഴീ
ഗ്രാമീണതയുടെ ആടകളണിയും
വെൺകുളമേ വിൺമണ്ഡലമേ

(ഇടവാ...)

ചുവന്നപൂവുകൾ അഴകിൽ വിടർത്തി
ഋതുമതിയായ് നീ എന്നാലും
മംഗല്യമാകാത്ത മഞ്ജുളാംഗീ
നിന്റെ കസ്‌തൂരിഗന്ധം നുകരട്ടേ
നിൻ കളിത്തോണികൾ തുഴയും ഞാൻ
നിൻ മുടിപ്പീലികൾ തഴുകും ഞാൻ

(ഇടവാ...)

നിറഞ്ഞ ലജ്ജതൻ കണികൾ നിരത്തി
കളഭവുമായ് നീ നിൽക്കുമ്പോൾ
വേണാടിൻ സീമന്ത തമ്പുരാട്ടീ
നിന്റെ പൊന്നമ്പലനടയിൽ വന്നോട്ടേ
നിൻ മണിനാദത്തിലുണരും ഞാൻ
നിൻ ഗായത്രിയിൽ അലിയും ഞാൻ

(ഇടവാ...)

ഉത്രാളിക്കാവിലെ പട്ടോലപ്പന്തലിൽ
കുളിരമ്പിളിവളയങ്ങൾ
തോരണമായി
മഞ്ഞിലത്തുമ്പികളെ കൊഞ്ചിയുണർത്താൻ
അണിയറയിൽ പൂപ്പടതൻ
ആരവമായി

(ഉത്രാളി...)

മരതകമഞ്ജരികൾ
തോടയണിഞ്ഞു...
കാഞ്ചനവിളനിലം നിറപറയേകി...
പാരിജാതത്തിലെ നന്മണിക്കൊമ്പിലായ്

ശ്യാമവസന്തം കൊടിയേറി...

(ഉത്രാളി...)

നിറനാഴിപ്പഴമയിൽ
മേടമണിഞ്ഞു...
താലിയിൽ ആലിലക്കണ്ണനുണർന്നൂ...
ഉള്ളലിവെല്ലാം മണ്ണിനു
നൽകുമീ
പൈമ്പുഴയേതോ കഥ പാടി...

(ഉത്രാളി...)

പൂവരമ്പിൻ താഴെ പൂക്കളം തീർത്തു
തുളസിപ്പൂവിലും
തുള്ളിമഞ്ഞിൻ വെണ്ണ നേദിച്ചു
പുലരിക്കൈകളെൻ നെറ്റിയിൽ കുങ്കുമം
തൊട്ടൂ
ഹരിചന്ദനം തൊട്ടൂ... ഹരിചന്ദനം
തൊട്ടൂ...

(പൂവരമ്പിൻ...)

തൂവാനം താണിറങ്ങും വെള്ളിമേട്ടിൻ
മേലേ
വാർമേഘപ്പൈക്കിടാങ്ങൾ ഇളകിമേയും നേരം
ആനന്ദക്കണിവിളക്കിലൊരായിരം
കതിരുമായ്
പിൻ‍‌വിളക്കുകൾ തൂമണ്ണിൽ പൊൻ‌കണങ്ങൾ തൂവീ
നാളങ്ങൾ
സുകൃതമായ് തെളിഞ്ഞുനിൽക്കേ...
മാധവം മധുലയം
നുണഞ്ഞിരിക്കേ...

(പൂവരമ്പിൻ...)

പാതിരാക്കൊമ്പിലെ

തേൻ‌കുയിൽക്കുഞ്ഞിന്...
പൂങ്കാറ്റിൻ മുളങ്കുഴൽ
വീണുകിട്ടി...
അതിലായിരം രാഗങ്ങൾ
പതിച്ചുകിട്ടി...

(പാതിരാ...)

ഇളവെയിലിൻ നാട്ടിലും
വെള്ളിനിലാപ്പാടിലും
പാട്ടിന്റെ പുതുമാരി പെയ്‌തലിഞ്ഞു...
സ്‌നേഹസുഗന്ധമായ്
പൂവിളം മനസ്സുകൾ
ആ ഗാനം സാന്ദ്രമായ് ഏറ്റുപാടി
ആജന്മബന്ധം നുകർന്നു
നിന്നു

(പാതിരാ...)

ഒരു പൂ വിരിയുന്ന സുഖമറിഞ്ഞു
നറുമഞ്ഞുരുകുന്ന ലയമറിഞ്ഞു
ഉണരൂ ഉണരൂ യമുനേ ഉണരൂ
ഏതോ മുരളിക പാടുന്നൂ...
ദൂരേ വീണ്ടും പാടുന്നൂ...

(ഒരു പൂ...)

വർണ്ണങ്ങൾ നെയ്യും മനസ്സിലെ മോഹങ്ങൾ
സ്വർണ്ണമരാളങ്ങളായിരുന്നൂ (വർണ്ണങ്ങൾ)
അവയുടെ ഈറൻ തൂവൽത്തുടിപ്പിൽ
അനുഭവമന്ത്രങ്ങളുണർന്നൂ...
എല്ലാം എല്ലാം നാം മറന്നു...

(ഒരു പൂ...)

രാവിന്റെ നീലക്കടമ്പുകൾ തോറും
താരകപ്പൂവുകൾ വിരിഞ്ഞു (രാവിന്റെ)
യവനികയ്‌ക്കപ്പുറം ജന്മം കൊതിക്കും
യദുകുലം തളിർക്കുന്നതറിഞ്ഞു...
എല്ലാം എല്ലാം നാം മറന്നു...

മണിപ്രവാളങ്ങളാകും മണിച്ചിലമ്പൊലി തൂകി
മലയാളക്കവിതേ നീ
പിറന്നൂ (മണിപ്രവാളം)
കൊടുങ്ങല്ലൂർ തമ്പുരാ‍ന്റെ
രാജകീയമന്ദിരത്തിൽ
കൊഞ്ചിക്കൊഞ്ചി പിച്ചവച്ചു നീ നടന്നു

(മണിപ്രവാളം)

ഗുരു തുഞ്ചൻ വളർത്തിയ
പനന്തത്തക്കിളിപ്പെണ്ണിൻ
മൊഴികളിലമൃതായ് നീ നിറഞ്ഞൂ (ഗുരു
തുഞ്ചൻ)
നമ്പ്യാ‍രും ചാക്യാരും ഉണ്ണായിയും വെണ്മണിയും
പച്ചകുത്തി
കച്ചകെട്ടി ഒരുക്കി വിട്ടു
നിന്നെ മെരുക്കി വിട്ടു...

(മണിപ്രവാളം)

വീണപാടുമീണമായി
അകതാരിലൂറും വിരഹാർദ്രഗീതമേ
നാളെ നീയെൻ താളമായി
നിഴലായി വീണ്ടും നിറദീപനാളമേ
വീണപാടുമീണമായി ആ..........

മിഴിയോരതാളിൽ നീളെ അനുഭൂതികൾ
മണിച്ചെപ്പിലാരോ തൂകും നിറക്കൂട്ടുകൾ
അനുരാഗദൂതുമായ് മുഴുതിങ്കളേ വാ (2)
നാളെ നീയെൻ താളമായി
നിഴലായി വീണ്ടും നിറദീപനാളമേ
വീണപാടുമീണമായി ആ......

മഴമേഘമേതോ തീരം ഉണരാനിനി
മനതാരിലെങ്ങോ മായും മലർമെത്തതൻ
ഇടനെഞ്ചിലേറിയോ രതിഭാവമേ നീ (2)

വീണപാടുമീണമായി
അകതാരിലൂറും വിരഹാർദ്രഗീതമേ
നാളെ നീയെൻ താളമായി
നിഴലായി വീണ്ടും നിറദീപനാളമേ
വീണപാടുമീണമായി ആ......

സ്വരജതി പാടും പൈങ്കിളീ
ഓരോ ശ്രുതിക്കൂടിനുള്ളിൽ നിന്നു നീ (സ്വര)
തിരുവൈയാറിൽ നിന്നോ തിരുവാഴുംകോടിൽ നിന്നോ
തിരുവിതാംകൂറിൽ നിന്നോ വന്നു നീ (സ്വരജതി)

ഹൃദയമാം പൊയ്കയിൽ വിടരുന്നു പൂവായ് മോഹം
അ...അ...അ...അ...അ....ഓ....ഓ...ഓ...ഓ...
അതിനുള്ളിലെന്നെന്നും നിറയുന്ന ദേവീ
വാണീ മായേ സാമവേദാനന്തം നീയേ

അ...അ....‍നിസഗമപ ഗമരിഗസരി
നിസഗമപ സനിധനി പധമപഗമ
സാസ സാസ സസ സാസ സാസ സസ
ഗഗരി സനിധ പസനിധപമ
ഗരി മഗ പമ നിധ മപനിധസ അ....

സ്വരജതി പാടും പൈങ്കിളീ
ഓരോ ശ്രുതിക്കൂടിനുള്ളിൽ നിന്നു നീ