25 വർഷം തികയുന്ന ഉർവ്വശി തിയ്യറ്റേഴ്സിനു ഒരു നാടകം ചെയ്യണമെന്നുള്ള അടങ്ങാത്ത ആഗ്രഹവുമായി ഉറങ്ങുന്ന മാന്നാർ മത്തായി ആ നാടകത്തിന്റെ ക്ലൈമാക്സ് സ്വപ്നം കണ്ട് ഞെട്ടിയുണരുന്നു. സംഭവം വിവരിക്കുന്നതോടെ ഗോപാലകൃഷ്ണനും (മുകേഷ്) ബാലകൃഷ്ണനും(സായ് കുമാർ) മത്തായിച്ചേട്ടനോട് ‘ഇനി ഇവിടെ നാടകം എന്ന് മിണ്ടിപോകരുത്’ എന്ന് താക്കീത് ചെയ്യുന്നു. നാടകം അവസാനിപ്പിച്ച് ഉർവ്വശി ടൂർസ് & ട്രാവത്സ് ബിസിനസ്സുമായി നല്ല രീതിയിൽ ജീവിക്കുകയാണ് മൂവരും. ഗോപാലകൃഷ്ണനും വിവാഹിതനായി രണ്ടു പെൺകുട്ടികളുടെ അച്ഛനായി. ഗൾഫിലായിരുന്നെങ്കിലും ചില പ്രശ്നങ്ങൾ മൂലം മക്കളെ കൂട്ടി നാട്ടിലേക്ക് വരികയായിരുന്നു. ഭാര്യ ലക്ഷ്മി ഗൾഫിലാണ്. ഉർവ്വശി ട്രാവത്സിന്റെ പ്രധാന കാർ ഡ്രൈവറാണ് കോശി(ഷമ്മി തിലകൻ)കൂടാതെ ഇവർക്ക് ഭക്ഷണമൊരുക്കാൻ കുശിനിക്കാരനുമുണ്ട്(കലാഭവൻ നിയാസ്)

ഡ്രൈവർ കോശിയ്ക്ക് ഇംഗ്ലീഷ് അറിയാത്തതുമൂലം വിദേശ ടൂറിസ്റ്റുകളെയും കൊണ്ട് യാത്ര പോകുന്നതിനു ബുദ്ധിമുട്ടാകുന്നു. ഒരു മദാമ്മയോട് അപമര്യാദയായി പെരുമാറിയതിന്റെ പേരിൽ ഇംഗ്ലീഷ് അറിയാവുന്ന നല്ല ഒരു ഡ്രൈവറെ നിയമിക്കാൻ ടൂർ ഏജന്റ് മൂവരേയും നിർബന്ധിക്കുന്നു. അതിന്റെ പേരിൽ അവർ പത്രത്തിൽ ഒരു പരസ്യം കൊടുക്കാൻ തീരുമാനിക്കുന്നു. എന്നാൽ പരസ്യം കൊടുക്കാമെന്നേറ്റ മാന്നാർ മത്തായി ഇംഗ്ലീഷ് അറിയാവുന്ന ഡ്രൈവറെ വേണമെന്ന ആവശ്യത്തിനൊപ്പം ഒരു നാടക നടിയേയും ആവശ്യമുണ്ട് എന്ന് പരസ്യം ചെയ്യുന്നു.

ഇന്റർവ്യൂ ദിവസം നിരവധി നാടകനടിമാർ ഇന്റർവ്യൂവിനു എത്തുന്നു. എന്നാൽ ഡ്രൈവർമാരുടേ ഇന്റർവ്യൂവിനു മൂന്നോ നാലോ പേരെ എത്തിയുള്ളു. അതിൽ നിന്നും ഉണ്ണി (ബേസിൽ ജോസഫ്) എന്ന ചെറൂപ്പക്കാരനെ ഗോപാലകൃഷ്ണനും ബാലകൃഷ്ണനും അപ്പോയ്ന്റ് ചെയ്യുന്നു.

ഇതിനിടയിൽ പത്രത്തിൽ പരസ്യം കണ്ട മറ്റൊരു ഡ്രൈവർ പൊന്നപ്പൻ (ഇന്ദ്രൻസ്) പത്രവുമായി ഗർവ്വാസീസ് ആശാന്റെ (ജനാർദ്ദനൻ) അടുത്തെത്തുന്നു. നാടക നടിയേയും പരസ്യത്തിൽ പറഞ്ഞിട്ടുണ്ടെന്നറീഞ്ഞ ആശാൻ പഴയ നടി ശകുന്തള(പ്രിയങ്ക)യുമായി മാന്നാർമത്തായിയുടേയും കൂട്ടരുടേയും അടുത്തെത്തുന്നു. എന്നാൽ താൻ ക്യാമ്പ് റിഹേഴ്സൽ തുടങ്ങിയിട്ടില്ലെന്നും തുടങ്ങുമ്പോൾ അറിയിക്കാമെന്നും പറഞ്ഞ് മത്തായിയും കൂട്ടരും അവരെ തിരിച്ചയക്കുന്നു.

അതിനിടയിൽ നിത്യ (അപർണ്ണ ഗോപിനാഥ്) എന്ന പെൺകുട്ടി ഉർവ്വശി ടൂർസ് & ട്രാവത്സിൽ വരുന്നു. ബാംഗ്ലൂരിൽ പഠിക്കുകയാണെന്നും നാടക സമിതികളേക്കുറിച്ച് പ്രൊജക്റ്റ് ചെയ്യുന്ന അവർ കൂടുതൽ വിവരങ്ങൾ മത്തായിയച്ചനിൽ നിന്നും അറിയാൻ വന്നതാണെന്നും അറിയിക്കുന്നു. നിത്യയിൽ തന്റെ പുതിയ നാടകത്തിലെ നായികയെ കണ്ട മത്തായിയച്ച അവളെ നാടകത്തിലെടുക്കാം എന്ന ഉദ്ദേശത്തിൽ പ്രൊജക്റ്റ് തീരും വരെ അവിടെ താമസിക്കാൻ അനുവാദം കൊടുക്കുന്നു. നിത്യ എന്ന സുന്ദരിയെ കണ്ടതു മുതൽ ഗോപാലകൃഷ്ണനും ബാലകൃഷ്ണനും മനം മാറുന്നു. നാടകം അവതരിപ്പിക്കാൻ മത്തായിയച്ചനെ അനുവദിക്കുന്നു.

എന്നാൽ അല്പ ദിവസത്തിനു ശേഷം നഗരത്തിൽ ഷോപ്പിങ്ങിനിറങ്ങിയ ഗോപാലകൃഷ്ണൻ പണ്ട് മരിച്ചു പോയ മഹീന്ദ്ര വർമ്മ(ബിജു മേനോൻ)യെ കണ്ടതായി വിവരം പറയുന്നു. അപകടത്തിൽ പെട്ട് മരിച്ച മഹേന്ദ്രൻ തിരിച്ചു വരില്ലെന്നും ഗോപാലകൃഷ്ണനു തോന്നിയതാകാമെന്നും മത്തായിച്ചനും ബാലകൃഷ്ജ്ണനും പറയുന്നു. എന്നാൽ അന്ന് രാത്രിയിൽ ഗോപാലകൃഷ്ണൻ മഹേന്ദ്രന്റെ നിഴൽ ജനലരികിൽ കണ്ടു നിലവിളിക്കുന്നു. ഞെട്ടിയുണർന്ന എല്ലാവരും അത് അവന്റെ തോന്നലാണെന്ന് പറഞ്ഞ് ഉറങ്ങാൻ കിടക്കുന്നു. എന്നാൽ അല്പനിമിഷത്തിനു ശേഷം മത്തായിയച്ചന്റെ നിലവിളി കേട്ടാണ് എല്ലാവരും ഞെട്ടിയെഴുന്നേൽക്കുന്നത്. മത്തായിച്ചന്റെ മുറിയിലെത്തി പരിശോധിച്ചപ്പോൾ അരണ്ട വെളിച്ചത്തിൽ അവർക്ക് നേരെ ഇരിക്കുന്ന മനുഷ്യനെ കണ്ടപ്പോൾ മൂവരും ഞെട്ടി. 19 വർഷങ്ങൾക്ക് മുൻപ് കെട്ടിടത്തിന്റെ മുകളിൽ നിന്നും വീണു മരിച്ചുവെന്ന് കരുതിയ മഹേന്ദ്രവർമ്മയായിരുന്നു മത്തായിയച്ഛന്റെ മുറിയിൽ.

ഒരു യഥാർഥ സംഭവത്തെ അടിസ്ഥാനമാക്കിയുള്ള ത്രില്ലർ കഥയാണ്‌ ചിത്രം പറയുന്നത്. 

അയ്മനം പ്രദേശത്തെ കോൺഫ്രൻസ് പാർട്ടി നേതാവും എം എൽ എയുമായ ഭാസ്കരൻ നായർ അത്യാസന്ന നിലയിൽ ആശുപത്രിയിലാണൂ. അയാൾ അന്തരിച്ചു കഴിഞ്ഞാൽ ബൈ ഇലക്ഷനിൽ മണ്ഡലം പ്രസിഡന്റായ അയ്മനം സിദ്ധാർത്ഥ(ഫഹദ് ഫാസിൽ)നാണു ചാൻസ്. തനിക്ക് അവസരം കിട്ടുമെന്ന് കരുതി സിദ്ധാർത്ഥനും തയ്യാറെടുപ്പിലാണു. സിദ്ധാർത്ഥനു പിന്തുണയുമായി കൂട്ടുകാരും അച്ഛൻ സേതുവും അമ്മയുമൊക്കെയുണ്ട്. ആശുപത്രിയിൽ നേഴ്സായ സുധ (കൃഷ്ണപ്രഭ) സിദ്ധാർത്ഥന്റെ ചേച്ചിയാണു. ഒരു പ്രണയം തകർന്നതിൽ വിവാഹം വേണ്ടെന്നു വെച്ചിരിക്കുകയാണൂ സുധ. പാർട്ടി നേതാവായ ഉതുപ്പ് വള്ളിക്കാടൻ (ഇന്നസെന്റ്) സിദ്ധാർത്ഥനു പിന്തുണയുമായുണ്ട്. പൊതുപ്രവർത്തനത്തിനു താല്പര്യമില്ലെങ്കിലും വള്ളിക്കാടൻ ചാനൽ ചർച്ചകളിൽ കോൺഫ്രൺസ്  പാർട്ടിയെ പ്രതിനിധീകരിച്ച് സജ്ജീവമായുണ്ട്. അയ്മനം സിദ്ധാർത്ഥൻ ആദർശത്തേക്കാളുപരി പ്രാക്റ്റിക്കലായ രാഷ്ട്രീയത്തിൽ വിശ്വസിക്കുന്നയാളാണു.

എം എൽ എയുടെ മരണം ബൈ ഇലക്ഷൻ ഉണ്ടാക്കിയെങ്കിലും മുൻ പാർട്ടി തീരുമാനം മാറി അയ്മനം സിദ്ധാർത്ഥനു ഇലക്ഷൻ സീറ്റു നിഷേധിക്കപ്പെടുന്നു പകരം ഒരു കേന്ദ്രമന്ത്രിയുടെ മകളായ ഡോ. വിമലാ രാമനാഥനു (മുത്തുമണി) സീറ്റു നൽകുന്നു. അതിൽ പ്രതിക്ഷേധിച്ച് സിദ്ധാർത്ഥൻ ഇലക്ഷൻ പ്രവർത്തനത്തിൽ നിന്നും മാറി നിൽക്കുന്നു. തിരഞ്ഞെടുപ്പു തന്ത്രവും രാഷ്ട്രീയ തന്ത്രവും നന്നായിറിയാവുന്ന ആളായിരുന്നു വിമലാ രാമനാഥൻ.

ഇലക്ഷനിൽ സ്ഥാനാർത്ഥിത്തം നിഷേധിക്കപ്പെട്ട സിദ്ധാർത്ഥൻ പാർട്ടി പ്രവർത്തനത്തിൽ നിന്നു ലീവെടുക്കാനും കുറച്ചു നാൾ മാറി നിൽക്കാനും ആലോചിക്കുന്നു.അപ്പോഴാണു വള്ളിക്കാടൻ  ഒരു പുതിയ ജോലി സിദ്ധാർത്ഥനു നൽകുന്നത്. വള്ളിക്കാടന്റെ ഭാര്യയുടെ ബന്ധുവിന്റെ ആവശ്യപ്രകാരം കാനഡയിൽ നിന്നും  ഒരു മലയാളി പെൺകുട്ടി ഇവിടെ ഡോക്യുമെന്ററി ചിത്രീകാരിക്കാൻ എത്തുന്നുണ്ടെന്നും അവരെ സഹായിക്കാൻ ആരെയെങ്കിലും ഏർപ്പാടാക്കാനും. മനസ്സില്ലാ മനസ്സോടെ സിദ്ധാർത്ഥൻ അതിനു തയ്യാറാകുന്നു. ആരെയെങ്കിലും ഏർപ്പാടാക്കാം എന്നു കരുതിയ സിദ്ധാർത്ഥനു ഈ സഹായത്തിനു പണം ലഭിക്കുമെന്നു അറിഞ്ഞപ്പോൾ ആ ഉത്തരവാദിത്വം സ്വയം ഏറ്റെടുക്കുന്നു. 

അനാഥായലങ്ങളെപ്പറ്റി ഡോക്യുമെന്ററി എടുക്കാനാണു താൻ വന്നതെന്നു ഐറിൻ(അമലാ പോൾ) വെളിപ്പെടുത്തുന്നു. ഐറിനുമായുള്ള കുറച്ചു ദിവസത്തെ പ്രവൃത്തിപരിചയം അവർ തമ്മിൽ നല്ല സൗഹൃദത്തിലാക്കുന്നു. ഐറിൻ തന്റെ സുഹൃത്തായ മെർലിന്റെ വീട്ടിലായിരുന്നു താമസം. നഗരത്തിന്റെ എല്ലാ ശീലങ്ങളുമുള്ള മെർലിന്റെ പ്രവൃർത്തികളിൽ ഐറിനു അത്ര താല്പര്യമുണ്ടായിരുന്നില്ല. ഒരു ദിവസം രാത്രിയിൽ  ഐറിൻ താമസിക്കുന്ന വീട്ടിലേക്ക് കർണ്ണാടക പോലീസ് വരുന്നു. ഐറിനെക്കുറിച്ചും അവരുടെ സന്ദർശനത്തെക്കുറിച്ചും സംശയമുണ്ടെന്നും പറഞ്ഞ് പോലീസ് ഐറിനെ അറസ്റ്റു ചെയ്യുന്നു. വിവരമറിഞ്ഞ് പോലീസ് സ്റ്റേഷനിലെത്തിയ വള്ളിക്കാടനോടും സിദ്ധാർത്ഥനോടും പോലീസ് ഓഫീസർ സംഭവം വിശദീകരിക്കുന്നു. അനാഥാലയങ്ങളെ കേന്ദ്രീകരിച്ച് വിദേശത്തേക്ക്  അവയവക്കടത്തു നടത്തുന്ന സംഘങ്ങളെക്കുറിച്ച് പോലീസിനു അറിവു ലഭിച്ചതിന്റെ അടിസ്ഥാനത്തിലാണു ഐറിനെ അറസ്റ്റ് ചെയ്തത് എന്നറിഞ്ഞ സിദ്ധാർത്ഥനും വള്ളിക്കാടനും സ്തംഭിച്ചു പോകുന്നു.