ശിവശൈലശൃംഗമാം തിരുവരങ്ങിൽ
സത്യശിവസുന്ദരങ്ങൾതൻ അങ്കണത്തിൽ
നിത്യമംഗലയാം ദേവീ നൃത്തമാടൂ, നിൻ‌റെ
പൊൽച്ചിലമ്പിൽ ഞാനിന്നൊരു മുത്തായെങ്കിൽ

(ശിവശൈല...)

കോതിവച്ച ചുരുൾമുടിയിൽ
സൂര്യചന്ദ്രമണികൾ ചൂടി
കോമളത്താമരമിഴികൾ ചിമ്മി
ഒരു കുടന്ന നിലാവുപോ‍ലാം
പുഞ്ചിരി തൂകി....
കരപുടങ്ങൾ കൂപ്പി നിൽക്കും
ലാവണ്യം നീ - ലാസ്യലാവണ്യം നീ

(ശിവശൈല...)

സങ്കല്‌പങ്ങൾ പൂ ചൂടുന്നു
സായൂജ്യങ്ങൾ ഞാൻ
കൊള്ളുന്നു
നിന്നിൽ നിന്നും,‍ സഖി നിന്നിൽ നിന്നും
വഴികളിൽ‍‍
സ്വപ്‌നങ്ങൾ എഴുതിയ ചിത്രങ്ങൾ
തഴുകും
ചിന്താമയൂരം....

(സങ്കല്‌പങ്ങൾ...)

ഓളം കരയുടെ മേനി പുൽകും
നേരം
ഓളം ഹൃദയത്തിലാശയാകും നേരം
അണയൂ ആത്‌മവീണയിൽ...
ഉണരൂ
പ്രാണതന്ത്രിയിൽ...
പകരൂ നിൻ രഹസ്യമെന്നിൽ നീ
വിടരും തീരഭൂമികൾ പടരും
സ്വർണ്ണവല്ലികൾ
അരുളും തൂവൽ മേഞ്ഞ സങ്കേതം...

(സങ്കല്‌പങ്ങൾ...)

നീ മനസ്സിൻ താളം
നീയെൻ മനസ്സിൻ രാഗം
ഒരു മോഹവുമായ്
ഇതാ
ഇതാ ഞാനരികിൽ നീ വരൂ
വരൂ മെല്ലെ ഈ
രാവിൽ...

(നീ...)

മണ്ണിൻ നാണം ഊറും
മഞ്ഞിൻ കൈ
തൊടുമ്പോൾ
ഏതോ ദാഹം പകരും ചേതനേ
നിനക്കായെൻ‍‍
ഗാനം...

(നീ...)

തെന്നൽ‌പോലും മൗനം കൊള്ളും
വേളയിലെൻ
ചേതോനാദം
ഉയിരിൻ ഭാഗമേ... ഉം, അങ്ങനെയല്ല!
ഉയിരിൻ ഭാഗമേ നിനക്കായെൻ‍
ജന്മം

(നീ...)

കണ്ണീര്‍പ്പൂവിന്റെ കവിളില്‍ തലോടി
ഈണം മുഴങ്ങും പഴമ്പാട്ടില്‍ മുങ്ങി
മറുവാക്കു കേള്‍ക്കാന്‍ കാത്തു നില്‍ക്കാതെ
പൂത്തുമ്പിയെന്തേ മറഞ്ഞൂ, എന്തേ
പുള്ളോര്‍ക്കുടം പോലെ തേങ്ങി
(കണ്ണീര്‍)

ഉണ്ണിക്കിടാവിന്നു നല്‍കാന്‍
അമ്മ നെഞ്ചില്‍ പാലാഴിയേന്തി
ആയിരം കൈ നീട്ടി നിന്നു
സൂര്യതാപമായ് താതന്റെ ശോകം
വിട ചൊല്ലവേ നിമിഷങ്ങളില്‍
ജലരേഖകള്‍ വീണലിഞ്ഞൂ
കനിവേകുമീ വെണ്മേഘവും
മഴനീര്‍ക്കിനാവായ് മറഞ്ഞു, ദൂരെ
പുള്ളോര്‍ക്കുടം കേണുറങ്ങി
(കണ്ണീര്‍‌)

നിറ നിറക്കൂട്ടിൻ ചിത്രങ്ങൾ
ശബ്‌ദങ്ങൾ
അണിയറയ്‌ക്കുള്ളിൽ രൂപ‍ങ്ങൾ ഭാവങ്ങൾ
കളിയരങ്ങാകെ ഇതാ
ചലനമായ്
സ്വയം തേടും വേഷങ്ങൾ

(നിറ...)

പൂമഴ പെയ്യും നിൻ
കൺ‌കോണിൽ
പൂനുര തുള്ളും നിൻ പുഞ്ചിരിയിൽ
ശലഭങ്ങൾ
നടമാടുന്നൂ...
മദം കൊള്ളും മയിലാടുന്നൂ...
പ്രിയസഖീ ആലിംഗനം
തന്നാട്ടേ...

(നിറ...)

കൂവരംകിളിക്കൂട്...
കഥ കഥ കഥക്കിളിക്കൂട്...
തലമൂത്തൊരു കാർന്നോര്...
ഗമ കാട്ടണ കാർന്നോര്...
കിളിപ്പെണ്ണും കിളിമക്കളുമായ് കൂടുകൂട്ടി
കാരണംകോട്ടേ ചക്കരമാവിൽ...
എന്നിട്ട്... എന്നിട്ട്... എന്നിട്ട്...
കാരണംകോട്ടേ ചക്കരമാവിൽ

(കൂവരംകിളി...)

പച്ചിലയില്ലത്ത് ചിറകു വിരിച്ചുയരാം
ചെമ്മാനച്ചെരുവിൽ കൂകി വിളിച്ചലയാം
പറപറന്നുടലൊന്നു തളർന്നാൽ
മരമുകളില് ചേക്കയിരിക്കാം
ചിറകഴകിന് കോതിയൊതുക്കാം
കളകളമൊഴി കൂവിത്തെളിയാം
മക്കളേ കൊക്കിനുള്ളിൽ
കൊക്കുംവച്ച് കൊഞ്ചാം

(കൂവരംകിളി...)

ഗോപികേ നിൻ വിരൽ തുമ്പുരുമ്മി വിതുമ്പി
വീണയോ ഹൃദയമോ തേനഞ്ചി തേങ്ങി

(ഗോപികേ...)

ആവണിത്തെന്നലിൻ ‍ആടുമൂഞ്ഞാലിൽ
അക്കരെ ഇക്കരെ എത്ര മോഹങ്ങൾ
കൈനീട്ടി പൂവണിക്കൊമ്പിൻ തുഞ്ചമാട്ടി
വർണ്ണവും ഗന്ധവും അലിയും തേനരുവിയിൽ
ആനന്ദം ഉന്മാദം........

(ഗോപികേ...)

എൻ മനം പൂർണ്ണമാം പാനഭാജനമായ്
തുമ്പി നീ ചുറ്റിനും തുള്ളിയിളകുമ്പോൾ
കാതിൽ നീ ലോലമായ് മൂളും മന്ത്രം കേട്ടു
നിത്യമാം നീലിമ മനസ്സിൻ‍ രതിയുടെ
മേഘങ്ങൾ സ്വപ്‌നങ്ങൾ....

(ഗോപികേ...)

ദേവദൂതർ പാടി
സ്‌നേഹദൂതർ പാടി
ഈ ഒലീവിൻ പൂക്കൾ

ചൂടിയാടും നിലാവിൽ

(ദേവദൂതർ...)

ഇന്നു നിന്റെ പാട്ടു തേടി

കൂട്ടു തേടിയാരോ...
വന്നു നിന്റെ വീണയിൽ
നിൻ പാണികളിൽ തൊട്ടു

ആടുമേയ്‌ക്കാൻ കൂടെ വരാം
പൈക്കളുമായ് പാടി വരാം
കാതിലാരോ ചൊല്ലി

(ദേവദൂതർ...)

ആയിരം വർണ്ണങ്ങൾ കൂടെ
വന്നു
അഴകാർന്നോരാടകൾ നെയ്‌തു തന്നു
ആമാടപ്പെട്ടി തുറന്നു തന്നൂ...
ആകാശം പൂത്തു
ഭൂമിയിൽ കല്യാണം സ്വർഗ്ഗത്തോ
കല്യാണം

(ദേവദൂതർ...)

കണ്ണാന്തുമ്പീ പോരാമോ, എന്നോടിഷ്‌ടം
കൂടാമോ
നിന്നെക്കൂടാതില്ലല്ലോ ഇന്നെനുള്ളിൽ പൂക്കാലം
കളിയാടാമീ
കിളിമരത്തണലോരം - 2

(കണ്ണാന്തുമ്പീ...)

വെള്ളാങ്കല്ലിൻ ചില്ലും
കൂടൊന്നുണ്ടാക്കാം
ഉള്ളിനുള്ളിൽ താലോലിക്കാമെന്നെന്നും
എന്തേ പോരാത്തൂ വാവേ
വാവാച്ചീ
കുന്നിക്കുരുക്കുത്തി നുള്ളിപ്പറിച്ചിട്ടു
പിന്നിക്കൊരുത്തൊരു മാല
തീർക്കാം
തിങ്കൾക്കിടാവിനെ തോളത്തെടുക്കുന്ന
തങ്കക്കലമാനെ
കൊണ്ടത്തരാം
ചിങ്കിരി മുത്തല്ലേ എന്റെ
ചിത്തിരക്കുഞ്ഞല്ലേ

(കണ്ണാന്തുമ്പീ...)

ഏഴഴകുമായ് പൂവനികളിൽ
കളിയൂഞ്ഞാലാടി പൊന്നുംകനവുകൾ
വസന്തമാകെ കുളിർന്നു പെയ്‌തൂ
മനസ്സിനുള്ളിൽ ഓ....

(ഏഴഴകുമായ്)

കിളിമകളോതുന്നൂ സംഗമഗാനം
മിഴിമുനയെഴുതുന്നൂ പരിഭവരാഗം
ചന്ദനമലരിൻ‍ കവിളിൽ തഴുകാൻ
തങ്കനിലാവിനുപോലും നാണം
വീണ്ടുമിന്നു പ്രണയതരളമായ് രജനി

(ഏഴഴകുമായ്)

മായരുതെങ്ങും നിൻ പുഞ്ചിരിയലകൾ
മറയരുതെന്നും നിൻ സ്‌‌നേഹസുഗന്ധം
അനുപമനിർവൃതി കോരിയണിഞ്ഞെൻ
നെഞ്ചിലമർന്ന വിലാസവതീ നീ‍
എന്നുമെന്നുമെന്റെ സുകൃതമാകണമേ

(ഏഴഴകുമായ്)