കുഞ്ഞുവാവയ്ക്കിന്നല്ലോ
നല്ല നാള് പിറന്നാള്
തുന്നിവെച്ചതാരാണീ
കിന്നരിപ്പൊൻ തലപ്പാവ്
ചന്തമുള്ളൊരാന
നല്ല കൊമ്പനാന
ചങ്ങലയും പൊന്ന്
തന്നതാരീ സമ്മാനം (കുഞ്ഞുവാവ...)

കുഞ്ഞുടുപ്പും കുപ്പിവളേം കിങ്ങിണിയും അണിയാം
ഇങ്കു തരാം ഉമ്മ തരാം രാരിരാരോ പാടാം
ചമ്പകപ്പൂമരക്കൊമ്പിലെ
അമ്പിളിമാമനും കൂടെ വാ
തന്നാനം മയിൽ തന്നാനം
തന്നാനം കുയിൽ തന്നാനം ( കുഞ്ഞുവാവ...)

ഒരു കുഞ്ഞു സൂര്യനേ നിറുകയില്‍ ചാര്‍ത്തുന്ന
വെറുമൊരു ഹിമബിന്ദു ഞാനൊരു ഹിമബിന്ദു
നിറുകയിലാ സൂര്യനെരിയുമ്പോള്‍
താനെ ഉരുകുന്ന ഹിമബിന്ദൂ അതിലുരുകുന്ന ഹിമബിന്ദൂ

എന്നോ മാഞ്ഞ നിലാവിന്റെ ഓര്‍മകള്‍
ഇന്നീ മുല്ലയില്‍ പൂവിട്ടു
പൂവിതൾ തുമ്പിലെ കണ്ണുനീരൊപ്പുവാന്‍
കൈ വിരല്‍ നീളുന്നൂ
വെറുതേ .. വെറുതേ.. വെറുതേ..

എന്നൊ കണ്ട കിനാവിന്റെ ഓര്‍മകള്‍
ഇന്നീ മൗനത്തില്‍ മൊട്ടിട്ടു
കാലത്തുണര്‍ന്നൊരു പൂക്കണി പാട്ടിനായ്‌
കാവിലെ മൈനയും കാത്തിരുന്നു
വെറുതേ...വെറുതേ..വെറുതേ..

കാട്ടിലെ വെൺ തേക്കും
കുളിർ കാറ്റത്തു തളിരിട്ടു
ഇല വന്നു തളിർ വന്നു തന്നാനം

കുറുകുറുകുറുകുറു കുഴലൂതി
കുളിരിന്റെ കുടമൂതിക്കുരവയിട്ടു
തിന്താരേ തിനു തിനു തിന്താരേ
തിന്താരേ തിനു തിനു തിന്താരേ

ഭൂമിയും വാനവും തൊട്ടു തൊട്ടിരിക്കണ
പൂമുഖമുറ്റത്തെ മുല്ല പൂത്തു
പൂവിറുക്കാനൊരു കാറ്റും വന്നു
പൂന്തുടിപ്പാട്ടും കൊണ്ടോടി വന്നു
തിന്താരേ തിനു തിനു തിന്താരേ
തിന്താരേ തിനു തിനു തിന്താരേ

പൊന്നു വിളയുന്ന വയനാട്  ഇത്
കണ്ണവം കാട്ടിലെ പൂമേട്
മാനും മയിലും കറുത്ത മനുഷ്യനും
മാനത്തിൻ കുടക്കീഴേ വാഴും കാട്
സൂര്യപ്പെരുമാള് മാനത്തുദിച്ചാലും
കൂരിരുൾ മാറാത്ത കാട്

ഇറ്റു വെളിച്ചത്തിൻ പൊട്ടു പോലെ
ഇത്തിരിപ്പോന്നൊരു മുത്തു പോലെ
ഏറെക്കറുത്തൊരുടലിന്നുള്ളിൽ
ഏറെ വെളുത്ത മനസ്സുമായി
ഇവിടെയും മർത്ത്യൻ പിറന്നു വീണു
ഇവിടെയും ജീവിതം പൂത്തു നിന്നൂ
ചിരിയും കരച്ചിലും സ്വപ്നങ്ങളും
അരിയ മോഹങ്ങളും ചാർത്തി നിന്നൂ

ഇവിടെയീ പച്ച പുതച്ച കാട്ടിൽ
ഇവിടെയീ കണ്ണവം കാട്ടിനുള്ളിൽ
ഇവിടെയിവിടെയീ കാട്ടിനുള്ളിൽ

തുള്ളിത്തുള്ളി
തുള്ളിത്തുള്ളിത്തുള്ളി വാ
ചെല്ലച്ചെറുമാനേ
കുണുങ്ങി വാ ഇണങ്ങി വാ
കുതിച്ചു വാ കുളമ്പടിച്ചു വാ  (തുള്ളിത്തുള്ളി...)

പുള്ളിത്തോലുടുപ്പാര് തന്നു
അമ്പുള്ള കൊമ്പുകളാര് തന്നൂ
ചാഞ്ചക്കം ചാഞ്ചക്കം തുള്ളാട്ടത്തിനു
ചന്ദനപ്പൂങ്കുളമ്പാരു തന്നു
ആരു തന്നു നിനക്കാരു തന്നൂ  (തുള്ളിത്തുള്ളി...)

ഇന്ദു പൂർണ്ണെന്ദു
വിണ്ണിൻ നിറുകയിൽ സ്നേഹാംഗുലികളാൽ
ഇന്നാരോ ചാർത്തിയ ബിന്ദു
ചന്ദനതിലകത്തിൻ ബിന്ദു
മൂകമാമെൻ പ്രേമസംഗീത ധാരയിൽ
പൂവിടും സ്വരബിന്ദു
നീയൊരു സുസ്വരബിന്ദു (ഇന്ദു...)

നിൻ പൊൻ കവിളിൽ ഏതൊരു കാമുക
ചുംബനത്തിൻ ശ്യാമബിന്ദു
ലജ്ജാവിവശയായ് നില്പതെന്തേ പ്രിയ
ദർശിനിയാം ശാരദേന്ദു
നിൽക്കൂ നിൽക്കൂ ഒരു നിമിഷം
പ്രേമഭിക്ഷുവിൻ മൊഴിയിതു കേൾക്കൂ (ഇന്ദു...)

മാനം പൂമാനം ഒരു
താമരക്കുടയായീ
മാണിക്ക്യക്കുയിലുകൾ പാടുകയായീ
ഞാനൊന്നു ചോദിച്ചോട്ടെ
നീയെന്നുമെന്റേതല്ലേ

കുടകൾ പൂങ്കുടകൾ പട്ടുക്കുടകൾ
ഋതുകന്യകൾ വർണ്ണക്കുടകൾ മാറും
അന്നും ഒരു കിളി പാടും നീ
എന്നുമെന്റേതല്ലേ കൂഹൂ കൂഹൂ
കണ്ണു ചിമ്മും വിണ്ണിലപ്പോൾ
സ്വർണ്ണപുഷ്പങ്ങൾ (മാനം...)

കുളിരും പൊൻ വെയിലും മഞ്ഞും മഴയും
കുടമൂതി കൊണ്ണം പൊൻ തുടിയും കൊട്ടും
അന്നും കുറുമൊഴി പാടും നീ
എന്നുമെന്റേതല്ലേ കൂഹൂ കൂഹൂ
മന്ത്രമോതും മണ്ണിലപ്പോൾ
വർണ്ണപുഷ്പങ്ങൾ (മാനം...)

-------------------------------------------------

വീണുടയുന്നു വിശ്വാസത്തിൻ
പളുങ്കുപാത്രങ്ങൾ
കേണലയുന്നു ചിറകുകൾ തളരും
സ്നേഹപതംഗങ്ങൾ

സുവർണ്ണധൂളികളായൊരു പകലിൻ
പ്രതാപമകലെ ചിതറുന്നു
ചെങ്കല്‍പ്പടവുകളിൽ പദമിടറിയ
വെളിച്ചമകലുന്നൂ എങ്ങോ
വെളിച്ചമകലുന്നൂ  (വീണുടയുന്നു....)

ദുരന്ത ശോണിമ ചാർത്തിയ മുകിലുകൾ
പറന്നു പലവഴിയലയുന്നു
അന്തിത്താരക മിഴി ചിമ്മുന്നിതൊ
രനാഥ ശിശുവെ പോലെ പാവമൊര
നാഥ ശിശുവെ പോലെ (വീണുടയുന്നൂ...)

--------------------------------------------------------------

ഒടുവിലീ ശിശിരത്തിൻ പൂക്കളും വാടുന്നു
ഒരുവരും ചൂടാതെ
ഹൃദയത്തിലുറവാർന്നൊരീണങ്ങൾ മായുന്നു
അധരങ്ങളറിയാതെ (ഒടുവിലീ...)

ഒരു വെറും ദുഃഖത്തിൻ കരിമുള്ളു മാത്രം
പൂവിതൾ കാത്തു നിൽക്കുന്നു വെറുതേ
ഒരു പൊരുൾ തേടുമീ യാത്ര തന്നന്ത്യത്തിൻ
അറിയുന്നിതെല്ലാം വെറുതേ (ഒടുവിലീ...)

ഒടുവിലെന്നോർമ്മ തൻ മാറാപ്പിൽ നിന്നൊരു
തുടുചന്ദനത്തുണ്ടു വിറകും
എരിയുന്ന സൂര്യന്റെ ചിതയിൽ സമർപ്പിച്ചു
നിറമിഴി കൂമ്പുന്നു വെറുതേ (ഒടുവിലീ...)

പൂവാം മഞ്ചലിൽ മൂളും തെന്നലെ
കുളുർത്തേൻ കിനാവേ വരൂ നീ
തൈ തൈ തൈ താളം
താളത്തിൽ മേളം
മേളം തുള്ളി വാ
താളം തുള്ളി വാ
കുളിർത്തേൻ കിനാവേ വരൂ നീ

പൊന്നാവണിപ്പാടങ്ങളിൽ
നീന്താനോടി വാ
ഒന്നാം മലർക്കനിയ്ക്കു നീ
തേനും  കൊണ്ടു വാ
കൈകൊട്ടിപ്പാടാൻ
കൊ കോർത്തു പാടാൻ
മെയ്യോടു മെയ്യായ് മേളത്തിലാടാൻ
തെയ്യ തെയ്യ തെയ് തെയ്
തെയ്യ തെയ്യ താളം താ (പൂവാം മഞ്ചലിൽ..)