മൂകതയുടെ സൗവർണ്ണപാത്രത്തിൽ
മൂടി വെച്ചൊരെൻ ദുഃഖമേ പോരൂ (2)
എന്നുമെന്നുമെനിക്കിനി കൂട്ടായ്
എന്നരികിൽ നീ മാത്രമിരിക്കൂ (മൂകതയുടെ..)

ഇന്നൊരുഷ്ണപ്രവാഹത്തിൽ നീന്തും
സ്വർണ്ണമത്സ്യമായ് ഞാനുരുകുന്നു
നഗ്നമാം ശിലാവക്ഷസ്സിൽ വീഴും
വർഷ ബിന്ദു പോൽ ഞാൻ ചിതറുന്നൂ

കണ്ണില്ലാത്ത നിഴൽ പാമ്പുകൾ
വന്നെന്നെ കൊത്തുന്നു
ആരും കാണാത്തിരുമുറിവുകളിൽ
ചോര പൊടിക്കുന്നു
എന്റെ നെഞ്ചൊരു കിളിയായ് പിടയുന്നു
പിടഞ്ഞു കേഴുന്നു
എന്റെ വേദന ആരറിയുന്നൂ ആരറിയുന്നൂ....

------------------------------------------------------------
 

പ്രഭാമയീ പ്രഭാമയീ
സുവർണ്ണമുഖി നിൻ നെറ്റിയിലാരീ
സൂര്യതിലകം ചാർത്തീ
പ്രകൃതിയൊരുക്കിയ പന്തലിലാരുടെ
പ്രതിശ്രുതവധുവായ് നീ വന്നൂ
വന്നൂ വന്നൂ നീ വന്നൂ (പ്രഭാമയീ...)

അരുമയായനംഗൻ മന്ത്രങ്ങളെഴുതിയ
അഴകോലുമൊരു തങ്കത്തകിടല്ലേ നീ (2)
മടിയിൽ വെച്ചതിലെഴും മധുരമാം മന്ത്രങ്ങൾ
മനസിജ മന്ത്രങ്ങൾ ഉരുവിടും ഞാൻ
പാടിയുരുവിടും ഞാൻ

ഒളിചിന്നുമരയിലെ കാഞ്ചനകാഞ്ചിയിൽ
കളിയാടുമൊരു മുത്തായിരുന്നെങ്കിൽ ഞാൻ (20
അടിമുടി പുണരുമീയുടയാടത്തളിരിലെ
ഒരു വെറുമിഴയായ് ഞാൻ പടർന്നുവെങ്കിൽ
ഒരു വെറുമിഴയായ് ഞാൻ പടർന്നുവെങ്കിൽ

ഏലം പൂക്കും കാലം വന്നൂ
ഏലേലം പാടീ
കാറ്റും കിളിയും പാറി നടക്കും
പൂക്കാലം വന്നൂ.. പൂക്കാലം വന്നൂ
(ഏലം പൂക്കും . . )

പ്രാവുകൾ കുറുകുന്നൂ 
തേൻ കിനാവുകൾ കുറുകുന്നൂ (2)
പൂത്ത ചമ്പകതരുവിൻ തണലൊരു
പൂമ്പട്ടാവുന്നൂ 
നമുക്കൊരു പൂമ്പട്ടാവുന്നൂ
(ഏലം പൂക്കും . . )

കാറ്റിനു കുളിരുന്നൂ നിന്റെ-
കവിളിണ തഴുകുമ്പോൾ (2)
കാട്ടിലേതോ കിളിയുടെ ദാഹം
പാട്ടായൊഴുകുന്നൂ
ഇണക്കിളി കേട്ടു മയങ്ങുന്നു
(ഏലം പൂക്കും. . )

മലർത്തിങ്കളെന്തേ മുകിൽക്കീറിനുള്ളിൽ
ഒളിക്കുന്നു വീണ്ടും ചിരിക്കുന്നുവോ നീ
ചിരിക്കുന്നുവോ (മലർത്തിങ്കളെന്തേ...)

നിലാപ്പൂക്കൾ വീണ്ടും  വിടർത്തുന്നതാരോ
കിനാവിന്റെ ലോകം തുറക്കുന്നതാരോ (2)
അതിൽ വർണ്ണജാലം പനീർപ്പൂക്കളായി (2)
മനസ്സിൽ പരാഗം ചൊരിഞ്ഞൂ (മലർത്തിങ്കളെന്തേ...)

കിളുന്നോർമ്മകൾ തൻ തളിർ തിന്നു പാടും
വിഷുപ്പക്ഷിയായ് നീ വിളിക്കുന്നതാരേ (2)
കണിക്കൊന്ന വീണ്ടും മണിപ്പൂക്കൾ ചൂടി (2)
മനസ്സിൽ നിറങ്ങൾ പടർന്നൂ (മലർത്തിങ്കളെന്തേ...)

----------------------------------------------------------------

കണ്ണാരം പൊത്തി കാണാത്ത വഴിയേ പോയ്
കണ്ണഞ്ചിരട്ടയിൽ മണ്ണപ്പം ചുട്ട്
പ്ലാവിലക്കിണ്ണത്തിൽ പായസം വെച്ച്
പൂവാലൻ തുമ്പിയേം കൂട്ടി വായോ ഓടി വായോ

കണ്ണാരം പൊത്തി കാണാത്ത വഴിയേ പോയ്
കന്നിപ്പൂ തൊട്ട് കടിഞ്ഞൂൽ പൂ തൊട്ട്
കണ്ണനാമുണ്ണീടെ പീലിപ്പൂ തൊട്ട്
ഒന്നേയൊന്നെണ്ണും മുമ്പോടി വായോ ഓടി വായോ

ഓളങ്ങളിലുലയും കുളവാഴയ്ക്കുണ്ടൊരു പീലിപ്പൂ (2)
നിറുകയിൽ നിരന്ന പീലിപ്പൂ
പാടങ്ങളിലലയും കുളിർകാറ്റിനുണ്ടൊരു പൂങ്കുഴല് (2)
കുറുകുഴൽ നിറയെ തേൻകുളിര് (ഓളങ്ങളിൽ...)

വരൂ നീ വരൂ നീ സന്ധ്യേ
വരവർണ്ണിനിയാം സന്ധ്യേ
സുലളിത പദവിന്യാസ വിലാസിനി
സുമധുര മൃദുഹസിതവുമായ്
വരൂ നീ വരൂ നീ സന്ധ്യേ

ഏതോ മോഹം ഭൂമിയിൽ വീഴ്ത്തിയ
ദേവാംഗന പോലെ
പ്രിയതരമേതോ സ്മൃതിലഹരികളിൽ
പിടയും ചേതനയോടെ
സുലളിത പദവിന്യാസ വിലാസിനി
സുമധുര മൃദുഹസിതവുമായ്
വരൂ നീ വരൂ നീ സന്ധ്യേ
വരവർണ്ണിനിയാം സന്ധ്യേ

പൊൻ വെളിച്ചം കർണ്ണികാരപ്പൂ വിടർത്തും തീരമേ
വർണ്ണരാജി താലമേന്തി നൃത്തമാടും തീരമേ
ദൂരെ ദൂരെയൊരു പൂക്കടമ്പിലൊരു
കൂടു വെച്ചു കുടിയേറുവാൻ
മോഹമെന്ന ചിറകും വിടർത്തിയൊരു
പക്ഷിയീ വഴി പറന്നുവോ  ഒഹോ..ഓ..ഓ (പൊൻ വെളിച്ചം..)

പറക്കും കമ്പളം നിവർത്തൂ വാനമേ (2)
നിറങ്ങൾ പൂക്കളങ്ങളായ് വിടർത്തും കമ്പളം
അതിന്മേലേറി നാം ഉയർന്നു പാറുവാൻ
ഇനിച്ചൊല്ലാം ഒരേ മന്ത്രം
നമുക്കൊന്നായ് പാടിടാം (പൊൻ വെളിച്ചം...)

നീലഗഗനമേ പൂ ചൊരിയൂ നീ
നീയൊരു പാട്ടിൻ നിറകുടമാകൂ
കോൾമയൊർ കൊള്ളും ഭൂമിയിൽ വീണ്ടും
ഉണ്ണിപ്പൂവിനെ ഊഞ്ഞാലാട്ടാൻ
ഇനിയാരോ (നീലഗഗനമെ...)

വെണ്മയിൽ പീലി വിടർത്തിയ പോലെ
വെണ്മലർ മഴ പോലീ ജലധാര
ഇന്നതിലുണർന്നൊരുന്ദ്രധനുസ്സോ
വർണ്ണപരാഗം സ്വർണ്ണപരാഗം
ചൊരിയുന്നൂ (നീലഗഗനമെ...)

ഏതോ സുന്ദരഗാനം പോലെ
ഏതോ കളമൃദുതാളം പോലെ
കാവുകളണിഞ്ഞൊരുൾക്കുളിർ പോലെ
പൂവിളിയോടെ ജീവിതമിവിടെ ഒഴുകുന്നു (നീലഗഗനമേ   )

---------------------------------------------------------------------------

പാടുവാൻ മറന്നു പോം
ഏകതാര ഞാൻ (2)
എതോ വിരഹാർദ്രമാം
ഗാനമാണു നീ  (2)  
(പാടുവാൻ...)

പോകും വഴിയാകവേ
പൂ ചൊരിഞ്ഞു നീ (2)
നോവും ഹൃദയങ്ങളിൽ
തേൻ പകർന്നു നീ 
(പാടുവാൻ...)

പാടും പകൽ വേളകൾ
മായും സീമയിൽ (2)
ഏതോ കിളി കേഴുമീ
തീരഭൂമിയിൽ (2)

പാടുവാൻ മറന്നു പോം
ഏകതാര ഞാൻ 
എതോ വിരഹാർദ്രമാം
ഗാനമാണു നീ (2)
പാടുവാൻ മറന്നു പോം
ഏകതാര ഞാൻ 

ഓർമ്മകളായ് കൂടെ വരൂ
ഓർമ്മകളായ് പാടി വരൂ
ഇനി യാത്ര പറയാനും ഇവിടില്ലാരും
പാഥേയമായ്  പാട്ടിന്റെ ഈണം
ഓർമ്മകളായ്.. . 

ഏതോ യക്ഷഗാനം കേട്ടിരുന്ന രാവിൽ (2)
ചിലമ്പിട്ട മോഹം പോൽ 
ചിരിച്ചാർത്തു പോയ് ഞാൻ (2)
സ്നേഹം സിര തോറും പടരുന്നോരഗ്നിയായ്
തിരിനാളം താനേ വിടരുന്ന ദീപമായ്
സ്നേഹിക്കുവാനായ് ജീവിച്ചു നമ്മൾ 
ഓർമ്മകളായ്. .

ദൂരെ ദൂരെയേതോ വാനമ്പാടി പാടും (2)
വിരഹാർദ്ര ഗാനത്തിൽ വിരിയുന്ന പൂക്കൾ (2)
സ്നേഹം ഇതൾതോറും പടരും സുഗന്ധമായ്
എരിവേനൽ പോലും പുണരുന്ന വർണ്ണമായ്
സ്നേഹിക്കുവാനായ്