കാറ്റേ കാറ്റേ കാടു ചുറ്റും കാറ്റേ വാ
കാറ്റേ കാറ്റേ നാടുചുറ്റും കാറ്റേ വാ
ആനകേറാ മാമലയും പൂത്തിറങ്ങി ഹൊയ്
ആടു കേറാ മാമലയും പൂത്തിറങ്ങി ഹൊയ്
തുമ്പമലർച്ചോറു വേണോ
തുള്ളി വരേണം ഹൊയ്
ചേമ്പിലയിൽ കഞ്ഞി വെണോ
ചെണ്ട കൊട്ടേണം ഹൊയ് (കാറ്റേ...)

തപ്പും കൊട്ടി തക്കിട കൊട്ടി
അപ്പം തിന്നാം ചക്കര തിന്നാം (2)
ദൂരെക്കാണും കൊമ്പിലൊരു തേൻ കൂട്
ആരും കാണാപ്പൊത്തിലൊരു തേൻ കൂട് (2)
ഇനി അങ്കോം കാണാം താളിയും പറിക്കാം
എന്റെ കൂടെ വന്നാട്ടെ ഹോയ് (കാറ്റേ...)

തിത്തിത്താരപ്പൊയ്കയില്
നീർക്കോഴി മുട്ടയിട്ടു
അത്തിക്കായും കൊത്തിത്തിന്നൊരു
പൂത്താങ്കീരി കുരവയിട്ടു
കുറുകുറുകുറു കുരവയിട്ടു
കുരുവില്ലാത്തൊരു ചക്കയിട്ടു

ഇത്തിരിയുള്ളൊരു മത്തൻവള്ളി
ഒത്തിരിമക്കളെ പെറ്റല്ലോ
അതിനൊന്നിനെയെങ്കിലുമൊക്കത്തേറ്റി
കൊണ്ടു നടക്കാൻ വയ്യല്ലോ
തിത്തിത്താരപ്പൊയ്കയില്
നീർക്കോഴി മുട്ടയിട്ടു

തെച്ചിപ്പെണ്ണിനോടിന്നലെയാരോ
ഇഷ്ടം കൂടാൻ വന്നൂലോ
ഇഷ്ടക്കാരൻ നൂറും തേച്ചൊരു
വെറ്റില പാക്കും തന്നൂലോ
വെറ്റില തിന്നു ചുവന്നൊരു ചുണ്ടിൽ
പൊട്ടി വിടർന്നത് പൊൻപൂവ്

നിലാവു വീണു മയങ്ങി 
ആ.... ആ... 
നിലാവു വീണു മയങ്ങി
സാഗരനീലിമ തൻ കുളിർമാറിൽ

നിലാവു വീണു മയങ്ങീ
സാഗരനീലിമ തൻ കുളിർമാറിൽ
മധുരലയത്തിൻ മന്ത്രം പോലൊരു
മൃദുലതരംഗമുണർന്നൂ 
നിലാവു വീണു മയങ്ങി
സാഗരനീലിമ തൻ കുളിർമാറിൽ

മധുകരരഞ്ജിത മലർമഞ്ജരികൾ
അലസമനോഹരമിളകി (2)
തഴുകും കാറ്റിൻ താമരവിരലിനു
ഒരു സുഖ വിസ്മൃതിലഹരി
ആ.. ആ..  ആ. 
ഒരു സുഖദസുന്ദലഹരി 
നിലാവു വീണു മയങ്ങീ
സാഗരനീലിമ തൻ കുളിർമാറിൽ

എന്നു നിന്നെ കണ്ടു ഞാന-
ന്നെൻ ഹൃദയം പാടീ
സ്വർണ്ണവർണ്ണപ്പക്ഷിയെപ്പൊ-
ലെൻ ഹൃദയം പാടീ
നിന്നെ ഞാൻ ഓമനേ സ്നേഹിക്കുന്നൂ
ആ...എന്നു നിന്നെ കണ്ടു ഞാന-
ന്നെൻ ഹൃദയം പാടീ

കായ്മണികൾ കാറ്റിലാടും
ഈയൊലീവിൻ തോപ്പിൽ
കാതരേ..കാതരേ നീ വന്നു നില്പൂ
കാവ്യഭംഗി പോലെ
എൻ മനസ്സിൽ നിൻ മനസ്സിൽ
സ്പന്ദിതമാം മന്ത്രം
എന്റെ ഗിത്താർ തന്ത്രികളിൽ
ഇന്നു ഞാൻ പകർന്നൂ
നിന്നെ ഞാൻ ഓമനേ സ്നേഹിക്കുന്നൂ
നിന്നെ ഞാൻ ഓമനേ....

മഞ്ഞുതുള്ളിയുടെ കുഞ്ഞുകവിളിലും
നുള്ളുകുങ്കുമം ചാർത്തി ഒരു
നുള്ളു കുങ്കുമം ചാർത്തി (മഞ്ഞുതുള്ളി.. )
കന്യകേ..കന്യകേ ഉഷാകന്യകേ ഉദയകന്യകേ
വരിക നീ വരിക നീ.. 
ആ.... 
മഞ്ഞുതുള്ളിയുടെ കുഞ്ഞുകവിളിലും
നുള്ളുകുങ്കുമം ചാർത്തി ഒരു
നുള്ളു കുങ്കുമം ചാർത്തി

നിന്റെ പൊൻവിരൽത്തുമ്പിലെ
പനീർച്ചമ്പകങ്ങൾ മുകരുമ്പോൾ
കമ്പിതാംഗനായ് നില്പൂ
കാലമാം കാമുകൻ കന്യകേ
വരിക നീ വരിക നീ (മഞ്ഞുതുള്ളി.. )

പ്രണയിക്കുകയായിരുന്നു നാം
ഓരോരോ ജന്മങ്ങളില്‍
പ്രണയിക്കയാണ് നമ്മള്‍
ഇനിയും പിറക്കാത്ത ജന്മങ്ങളില്‍ (പ്രണയിക്കുക...)
 

ഈ ബന്ധം എന്നും അനശ്വരമല്ലയോ
അകലുകയില്ലിനി നമ്മള്‍ (2)
പ്രണയത്തിന്‍ പാതയില്‍ നാമെത്ര കാലം
ഇണ പിരിയാതെ അലഞ്ഞു
തമ്മില്‍ വേര്‍പിരിയാതെ അലഞ്ഞു
നമ്മള്‍ വേര്‍പിരിയാതെ അലഞ്ഞു  (പ്രണയിക്കുക...)