എല്ലാരും പാടത്തു സ്വര്‍ണ്ണം വിതച്ചൂ
ഏനെന്റെ പാടത്തു സ്വപ്നം വിതച്ചു
സ്വര്‍ണ്ണം വെളഞ്ഞതും നൂറുമേനി
സ്വപ്നം വെളഞ്ഞതും നൂറുമേനി
(എല്ലാരും..)

പകല്‍ വാഴും - തമ്പിരാന്‍ വന്ന്
പൊന്നും വെയില്‍ക്കുട നീര്‍ത്തുമ്പോള്‍
കിളിയാട്ടാന്‍ ഏനിറങ്ങീ 
കിലുകിലെ കിലുകിലെ വളകിലുങ്ങീ - കയ്യില്‍
കിലുകിലെ കിലുകിലെ വളകിലുങ്ങീ ഹൊയ്.....
ഹൊയ്താരതിന്തത്താരതിന്തത്താനനാ
ഹൊയ്താരതിന്തത്താരതിന്തത്താനനാ
(എല്ലാരും...)

ഹാലു പിടിച്ചൊരു പുലിയച്ചൻ
പുലി വാലു പിടിച്ചൊരു നായരച്ചൻ
നടുവിലു നട്ടം തിരിഞ്ഞു നമ്മളു
ഹലാക്കിലായീ ചങ്ങാതി (2)
(ഹാലു പിടിച്ചൊരു . . .)

ചുറ്റണു ചീറ്റണു പുലിയച്ചൻ
ആ ചീറി നിൽക്കണു നായരച്ചൻ (2)
തെക്കു വടക്കു കൂട്ടിൽ നടന്നൊരു
മുക്കിലിരിക്കണു പുലിയച്ചൻ
ഒരു മുക്കിലിരിക്കണു പുലിയച്ചൻ
(ഹാലു പിടിച്ചൊരു . . )

കാട്ടിൽ നടന്നൊരു പുലിയച്ചൻ
തൻ വീട്ടിലിരുന്നൊരു നായരച്ചൻ (2)
അരികിൽ ചെന്നാൽ നമ്മളെ 
ബിരിയാണിയാക്കും പുലിയച്ചൻ
ബിരിയാണിയാക്കും പുലിയച്ചൻ
(ഹാലു പിടിച്ചൊരു... )

എന്തിനിത്ര പഞ്ചസാര 
പുഞ്ചിരിപ്പാലിൽ
തങ്കം പുഞ്ചിരിപ്പാലിൽ
തങ്കം പുഞ്ചിരിപ്പാലിൽ (2)

എന്തിനിത്ര കുങ്കുമം നീ 
പൂങ്കവിളിണയിൽ പൂശി - നിൻ
പൂങ്കവിളിണയിൽ പൂശി
കാതിൽ വീഴും വാക്കിലെന്റെ 
കാണാക്കുയിലിൻ ഗാനം - ഏതോ
കാണാക്കുയിലിൻ ഗാനം (2) 

എന്തിനിത്ര പഞ്ചസാര 
പുഞ്ചിരിപ്പാലിൽ
തങ്കം പുഞ്ചിരിപ്പാലിൽ
തങ്കം പുഞ്ചിരിപ്പാലിൽ 

കാണും നേരം നിന്നോടു ചൊല്ലാൻ
കരുതീ പല പല കാര്യം
ഞാൻ കരുതീ പല പല കാര്യം
നേരിൽ നിന്നെ കണ്ട നേരം
നെഞ്ചിനു വല്ലാത്ത നാണം - എൻ
നെഞ്ചിനു വല്ലാത്ത നാണം

താലോലം പൂമ്പൈതലേ
താരാട്ടാന്‍ വാ തെന്നലേ
ഈ താമരപ്പൂം കണ്‍കളില്‍
ഒരു മുത്തം നല്‍കാന്‍ വാ
കുളിര്‍ മുത്തം നല്‍കാന്‍ വാ ( താലോലം..)

തിങ്കളോ നിറ തിങ്കളില്‍
കളിയാടും മാന്‍ കുഞ്ഞോ
താമരക്കുളിരല്ലിയോ
അതിലൂറും പൂന്തേനോ
ഭൂമിദേവിയോമനിക്കും
പൂനിലാവിന്‍ ചെണ്ടോ
പുലര്‍കാലം കണ്‍ചിമ്മി
കണി കാണുന്നു നിന്നെ ( താലോലം..)

ഇന്നല്ലോ പൂത്തിരുന്നാൾ മകം പിറന്നൊരു മങ്കക്ക് (2)
പുന്നെല്ലിൻ പുത്തരിയാൽ വിരുന്നൊരുക്കാം തങ്കക്ക്
പുള്ളോർവീണേ കുടവും പാട്ടിനിള നീരുമായോടി വാ

എല്ലാർക്കും പൊൻ മകളാം മകം പിറന്നൊരു മങ്കക്ക്
മുത്തായ മുത്തുകൾ ഇഴ കോർത്തു
കഴലിലണിയും ഇള നൂപുരങ്ങൾ
ഇന്നല്ലോ പൂത്തിരുന്നാൾ മകം പിറന്നൊരു മങ്കക്ക്

മനസ്സില്‍ മിഥുന മഴ പൊഴിയുമഴകിലൊരു മയിലിന്‍ അലസ ലാസ്യം

ഹരിത വനിയിലൊരു ഹരിണ യുവതിയുടെ പ്രണയ ഭരിത ഭാവം
സ്വരകലികയിലൂടെ ശ്രുതിലയ സുഖമോടേ
ഗന്ധര്‍വ സംഗീതം മംഗളരാഗമുതിര്‍ന്നുണരുന്നൂ
രാധേ നിന്‍ ശ്രീ പാദം ചഞ്ചലമാകുന്നു (മനസ്സില്‍...)

ദേവീ നീയാം മായാശില്പം ലീലാലോലം നൃത്തം വെയ്ക്കേ
ജ്വാലാമേഘം കാറ്റില്‍ പടര്‍ന്നൂ (2)
എന്‍ കണ്ണില്‍ താനേ മിന്നീ ശ്രീലാഞ്ജനം
  നിൻ കാല്‍ക്കല്‍ മിന്നല്‍ ചാര്‍ത്തീ പൊന്‍ നൂപുരം
ധിരന ധിരന സ്വരമണികളുതിരും നിന്റെ ചടുല നടനം തുടരൂ
ശിശിരയമുനയുടെ അലകള്‍ തഴുകുമൊരു തരള ലതകള്‍ വിടരൂ (മനസ്സില്‍...)

ഗോപികേ ഹൃദയമൊരു വെണ്‍ശംഖു പോലെ
തീരാ വ്യഥകളില്‍ വിങ്ങുന്നുവോ
ഏതോ വിഷാദമാം സ്നേഹാര്‍ദ്ര സാഗരം
ഉരുകീ നിന്റെ കരളില്‍ (ഗോപികേ..)

ഏതോ വിഭാതം പാടും സോപാന ഗാനം പോലെ
ഗന്ധര്‍വ്വ ഹൃദയം മീട്ടും ഹിന്ദോള രാഗം പോലെ
പ്രണയാര്‍ദ്രമായീ നിന്‍ മാനസം
ഒരു പൂര്‍ണ്ണ ചന്ദ്രോദയം കടലിന്റെ അലമാലയെ
പുണരുന്ന പോലെ സ്വയം മറന്നു (ഗോപികേ...)

ആരും ആരും കാണാതെ ചുണ്ടത്തെ ചെമ്പകമൊട്ടിന്മേൽ
ചുംബന കുങ്കുമം തൊട്ടു ഞാൻ (2)
മിഴികളിൽ ഇതളിട്ടു നാണം
ഈ മഴയുടെ ശ്രുതിയിട്ടു മൌനം
അകലെ മുകിലായ് നീയും ഞാനും
പറന്നുയർന്നൂ ഓ..പറന്നുയർന്നൂ (ആരും...)

നറുമണിപൊൻ വെയിൽ നാൽ മുഴം നേര്യതാൽ
അഴകേ നിൻ താരുണ്യം മൂടവേ
അലയിലുലാവുമീ അമ്പിളിത്തോണിയിൽ
തുഴയാതെ നാമിന്നു നീങ്ങവേ
നിറമുള്ള രാത്രി തൻ മിഴിവുള്ള തൂവലിൽ
തണുവണി പൊൻ വിരൽ തഴുകുന്ന മാത്രയിൽ
കാണാകാറ്റിൻ കണ്ണിൽ മിന്നി പൊന്നിൻ നക്ഷത്രം
ഓ.. വിണ്ണിൻ നക്ഷത്രം ( ആരും...)

ആ..ആ...ആ..ആ

ശ്രീല വസന്തം പീലിയുഴിഞ്ഞു മധുരയിൽ പൌർണ്ണമിയായി (2)
ഗോപീ ഹൃദയം തരളിതമായി മാധവ സംഗമമായി
രാധാമാധവ സംഗമമായി (ശ്രീലവസന്തം.....)

നിൻ നീലക്കണ്ണിൽ നാണം മഷിയെഴുതും യാമം യാമം
ഈ മായക്കണ്ണൻ നീയാം മധു നുകരും നേരം നേരം
ആകാശകടമ്പിൽ വിരിയുമൊരു നക്ഷത്രക്കുരുന്നും യമുനയിലെ
നീരോളം പരപ്പിൽ തെളിയുമൊരു രാതിങ്കൾ തിടമ്പും
ശ്രുതി മുറുകും അമൃത സംഗീത ലയവുമൊന്നാവും
അരിയ രാസോത്സവം (2)
കൃഷ്ണാ നീ വേഗനേ ബാറോ (2)

കൃഷ്ണപക്ഷക്കിളി ചിലച്ചു
ഉം..ഉം
കുളിച്ചുവാ പെൺപക്ഷീ കുളിച്ചു വാ
ഉം..ഉം
കുളിച്ചു വന്നാൽ ചൂടിക്കാം
കൊക്കു കൊണ്ടൊരു കുങ്കുമപ്പൂ
ആ..ആ
(കൃഷ്ണപക്ഷക്കിളി..)

മല്ലികാർജ്ജുന ക്ഷേത്രക്കുളങ്ങരെ
മഞ്ഞുമൂടിയ കാവ്‌
ആ...ആ
മഞ്ഞു മൂടും കാവിനകത്തൊരു മന്ത്രമല്ലികപ്പൂവ്‌
ആ...ആ
പൂ നുള്ളാം ഓഹോ..ഹൊ..ഹൊ..
പൂവിൽ മയങ്ങാം ഹായ്‌.. ഹായ്‌.. ഹായ്‌.. ഹായ്‌
ഒരു പൂവമ്പ് കൊള്ളുമ്പോൾ പേടിക്കുമോ - പെണ്ണു പേടിക്കുമോ
ഉം..ഹും..
(കൃഷ്ണപക്ഷക്കിളി..)