ഒന്നിനി ശ്രുതി താഴ്ത്തി പാടുക പൂങ്കുയിലേ
എന്നോമലുറക്കമായ് ഉണര്‍ത്തരുതേ
എന്നോമലുറക്കമായ് ഉണര്‍ത്തരുതേ
ഒന്നിനി തിരി താഴ്ത്തൂ ശാരദനിലാവേ
ഈ കണ്ണിലെ കിനാവുകൾ കെടുത്തരുതേ
കണ്ണിലെ കിനാവുകൾ കെടുത്തരുതേ.
(ഒന്നിനി..)

ഉച്ചത്തിൽ മിടിക്കല്ലെ നീയെന്റെ ഹൃദന്തമേ
സ്വച്ഛശാന്തമെന്നോമൽ മയങ്ങിടുമ്പോൾ (2)
എത്രയോ ദൂരമെന്നോടൊപ്പം നടന്ന പദ പത്മങ്ങൾ
തരളമായ് ഇളവേൽക്കുമ്പോൾ
താരാട്ടിൻ അനുയാത്ര നിദ്രതൻ പടിവരെ
താമര മലര്‍മിഴി അടയും വരെ (2)
(ഒന്നിനി...)

അമ്മേ...അമ്മേ... അമ്മേ..അമ്മേ
ആകാശരൂപിണീ അന്നപൂർണ്ണേശ്വരീ
അഭയം തവപദ കമലം
കല്ലായ് മറഞ്ഞാലും കരളിൽ തെളിയുമീ കരുണാസാഗരമേ

രാജരാജേശ്വരീ നിന്റെ രാജാങ്കണം
രാഗാർദ്രമാമീ പ്രപഞ്ചം
വാനിലും മണ്ണിലും പുല്ലിലും പൂവിലും
കാണുന്നൂ നിൻ മന്ദഹാസം
അമ്മേ..അമ്മേ..അമ്മേ..
അടിയനു ദര്‍ശനം തരണേ
(ആകാശരൂപിണി..)

സാമഗാനപ്രിയേ നിന്റെ തലോടലിൽ
പൂ ചൂടും തീമണൽക്കാടും
നാദമായ് രൂപമായ് ജീവതരംഗമായ്
തൂവുന്നു നിൻ ദയാപുഷ്പം
അമ്മേ...അമ്മേ...അമ്മേ..
അടിയനു ദർശനം തരണേ

സ്വര്‍ഗ്ഗത്തേക്കാള്‍ സുന്ദരമാണീ-
സ്വപ്നം വിടരും ഗ്രാമം
പ്രേമവതിയാം എന്‍ പ്രിയ കാമുകി
താമസിക്കും ഗ്രാമം 
(സ്വര്‍ഗ്ഗത്തേക്കാള്‍..)

അവള്‍ കുളിക്കും - പുഴക്കടവില്‍
അല ഞൊറിയും - പൂങ്കാറ്റേ 
അവള്‍ കുളിക്കും പുഴക്കടവില്‍
അല ഞൊറിയും പൂങ്കാറ്റേ 
പുതിയൊരു ലജ്ജയില്‍ മുങ്ങിപ്പൊങ്ങും
പൂമെയ്‌ കണ്ടിട്ടുണ്ടൊ - അവളുടെ
പൂമെയ്‌ കണ്ടിട്ടുണ്ടൊ - അഹാ
കണ്ടിട്ടുണ്ടൊ
ആഹഹാഹഹാ അഹഹഹാഹഹാഹഹാ
അഹഹഹാഹാഹാഹാഹാ 
(സ്വര്‍ഗ്ഗത്തേക്കാള്‍..)

പ്രേമിച്ചു പ്രേമിച്ചു നിന്നെ ഞാനൊരു 
ദേവസ്ത്രീയാക്കും 
കാടായ കാടുകള്‍ മുഴുവന്‍ ഞാനൊരു 
കതിര്‍മണ്ഡപമാക്കും 
(പ്രേമിച്ചു... ) 

ആയിരമുമ്മകള്‍ കൊണ്ടു നിന്നെ-
യൊരാരോമന പൂവാക്കും
ഞാനതിന്‍ പല്ലവപുടങ്ങള്‍ക്കുള്ളിലെ 
മാണിക്ക്യ മണിമുത്താകും
(പ്രേമിച്ചു... ) 

ആലിംഗനത്തില്‍ മൂടി നിന്നെയൊ-
രാലോല രോമാഞ്ചമാക്കും 
ഞാനതിന്‍ പീലിത്തിരുമുടി ചാര്‍ത്തിയ 
വേണു ഗായകനാകും 
(പ്രേമിച്ചു... )

ഓ... ഓ... 

പൂവും പ്രസാദവും ഇളനീർക്കുടവുമായ്
കാവിൽ തൊഴുതു വരുന്നവളേ
താമരവളയ കൈവിരലാലൊരു
കൂവളത്തിലയെന്നെ ചൂടിക്കൂ 

അർദ്ധനാരീശ്വര പ്രതിമതൻ മുന്നിൽ
അഞ്ജലി കൂപ്പി നീ നിൽക്കുമ്പോൾ
മനസ്സു തുടിച്ചത് ഭക്തി കൊണ്ടോ
മറ്റൊരു മധുരിയ് ഓർമ്മ കൊണ്ടോ
പറയൂ കളമൊഴി നീ (പൂവും..)

മുറ്റത്തു മുട്ടുന്ന മുടിയഴിച്ചിട്ടു നീ
ചുറ്റും പ്രദക്ഷിണം വെയ്ക്കുമ്പോൾ
ചുണ്ടിലിരുന്നത് മന്ത്രങ്ങളോ
സുന്ദര ശൃംഗാര ശ്ലോകങ്ങളോ
പറയൂ കളമൊഴി നീ (പൂവും..)

ആ..... 

പള്ളിയരമന വെള്ളിയരമനയില്‍ 
പൊന്നു കൊണ്ടൊരാള്‍ രൂപം
ചിത്രമണിയറ മുത്തുമണിയറയില്‍ 
ശില്പി തീര്‍ത്തൊരാള്‍ രൂപം - സ്വപ്ന
ശില്പി തീര്‍ത്തൊരാള്‍ രൂപം
(പള്ളിയരമന.. )

ഞാനതിന്റെ നീലക്കണ്ണുകളില്‍ കണ്ടു
ദാഹമായ ദാഹങ്ങള്‍ 
ആ ദാഹം ആ രൂപം ആ നോട്ടം
ആപാദചൂഡം ചാര്‍ത്തിച്ചു - എന്നെ
നാണമെന്നൊരാഭരണം
ആഹഹാ ആഹഹാ...ആ 
(പള്ളിയരമന.. )

ഹൃദയം ദേവാലയം
പോയ വസന്തം നിറമാല ചാർത്തും ആരണ്യ ദേവാലയം
മാനവ ഹൃദയം ദേവാലയം

ആനകളില്ലാതെ അമ്പാരിയില്ലാതെ ആറാട്ടു നടക്കാറുണ്ടിവിടെ
സ്വപ്നങ്ങൾ ആഘോഷം നടത്താറുണ്ടിവിടെ
മോഹങ്ങളും മോഹ ഭംഗങ്ങളും ചേർന്ന്
കഥകളിയാടാറുണ്ടിവിടെ ചിന്തകൾ
സപ്താഹം ചൊല്ലാറുണ്ടിവിടെ
മുറജപമില്ലാത്ത കൊടിമരമില്ലാത്ത
പുണ്യ മഹാക്ഷേത്രം മാനവ ഹൃദയം ദേവാലയം

മേഘം പൂത്തു തുടങ്ങീ മോഹം പെയ്തു തുടങ്ങീ
മേദിനീ കേട്ടു നെഞ്ചിൽ പുതിയൊരു താളം (2)
ആരാരെ ആദ്യമുണർത്തീ ആരാരുടെ നോവു പകർത്തീ (2)
ആരാരുടെ ചിറകിലൊതുങ്ങീ അറിയില്ലല്ലോ
അറിയില്ലല്ലോ അറിയില്ലല്ലോ ( മേഘം..)

എരി വേനൽ ചൂടിന്റെ കഥയാകെ മറന്നൂ
ഒരു ധന്യ ബിന്ദുവിൽ കാലമലിഞ്ഞൂ (2)
പുതുമണ്ണിൻ സ്വപ്നം പുൽക്കൊടികളായുണരും
അവ പിന്നെ പൂക്കളങ്ങളാകും
വളർന്നേറും വനമാകും (2) ( മേഘം..)

സ്വപ്നാടനം ഞാൻ തുടരുന്നു എന്റെ
സ്വപ്നാടനം ഞാൻ തുടരുന്നൂ
വിട തന്നാലും വിട തന്നാലും എന്റെ
വിരഹ ദു:ഖസ്മരണകളേ
സ്മരണകളേ (സ്വപ്നാടനം...)

വിടരും മുൻപേ കൊഴിയുന്നൂ രാഗം
വിരൽ തൊടും മുൻപേ വിതുമ്പുന്നൂ
അടുക്കും മുൻപേ അകലുന്നൂ മോഹം
ഉണരും മുൻപേ മരിക്കുന്നു എന്നിൽ
ഉണരും മുൻപേ മരിക്കുന്നു (സ്വപ്നാടനം..)

തനിച്ചിരിക്കുമ്പോൾ മിഴി പൊത്തുന്നൂ
തിരിഞ്ഞു നോക്കുമ്പോൾ മറയുന്നൂ
എങ്കിലുമൊരുനോക്കു കാണാൻ കൊതിച്ചെന്റെ
സങ്കല്പനടനം തുടരുന്നു എന്റെ
മൗനസംഗീതം തുടരുന്നു (സ്വപ്നാടനം..)

ഓമനത്തിങ്കളിന്നോണം പിറക്കുമ്പോള്‍
താമരക്കുമ്പിളില്‍ പനിനീര്
ഓണം പിറന്നാലും ഉണ്ണി പിറന്നാലും
ഓരോകുമ്പിള്‍ കണ്ണീര് - മണ്ണിനോരോ
കുമ്പിള്‍ കണ്ണീര്
(ഓമനത്തിങ്കൾ...)

വൃശ്ചികമാസത്തില്‍ മാനത്തെക്കുഞ്ഞിന്
വെള്ളോട്ടുപാത്രത്തില്‍ പാല്‍ക്കഞ്ഞി (2)
കണ്ണീരുപ്പിട്ട് കാണാത്തവറ്റിട്ട് 
കര്‍ക്കടകത്തില്‍ കരിക്കാടി
കര്‍ക്കടകത്തില്‍ കരിക്കാടി
ഒന്നുറങ്ങൂ ഒന്നുറങ്ങൂ 
പൊന്നുഷസ്സ് കണികണ്ടുണരാന്‍
ഒന്നുറങ്ങൂ... 
(ഓമനത്തിങ്കൾ...)