നീരാടുവാൻ നിളയിൽ നീരാടുവാൻ
നീയെന്തെ വൈകി വന്നൂ പൂന്തിങ്കളേ (2)

ഈറനാം വെൺ നിലാവിൻ പൂമ്പുടവയഴിഞ്ഞൂ
ഈ നദി തൻ പുളിനങ്ങൾ ചന്ദനക്കുളിരണിഞ്ഞു
പൂമ്പുടവ തുമ്പിലെ കസവെടുത്തു
പൂക്കൈത കന്യകമാർ മുടിയിൽ വെച്ചൂ (നീരാടുവാൻ...)

ആറ്റുവഞ്ചി പൂക്കളും കാറ്റിലാടിയുലഞ്ഞൂ
ആലിമാലി മണൽത്തട്ടും ആതിരപ്പൂവണിഞ്ഞൂ
ആലിന്റെ കൊമ്പത്തെ ഗന്ധർവനോ
ആരെയോ മന്ത്രമോതി ഉണർത്തിടുന്നു (നീരാടുവാൻ..)

ആ. ആ‍..
തുമ്പിപ്പെണ്ണെ വാ വാ തു‌മ്പച്ചോട്ടില്‍ വാ വാ (3)
ഇളവെയില്‍ കുങ്കുമ തളികയും കൊണ്ട്
കസവുനൂല്‍ തുന്നിയ പുടവയും കൊണ്ടുനീ വാ..
(തുമ്പിപ്പെണ്ണേ)

ആ.. ആ..

കനവിനിരുന്നാടീടാനായ് കരളില്‍ പൊന്നൂയല്‍ തീര്‍പ്പൂ
കുറുമൊഴിമുല്ലപ്പൂത്തോപ്പില്‍ അവനേയും കാത്തുഞാന്‍ നിന്നു
പൊന്നും തരിവള മിന്നുപുടവയുമൊന്നും ഇല്ലാഞ്ഞോ
എന്തെന്‍‌പ്രിയതമനൊന്നെന്‍‌മുന്നിലിന്നും വന്നില്ല
പൊന്നും തരിവള മിന്നുപുടവയുമൊന്നും അണിയേണ്ടാ
കള്ളിപ്പെണ്ണേ നീതന്നേയൊരു തങ്കക്കുടമല്ലോ..
കരളില്‍ വിടരും മോഹത്തില്‍ ഒരു പൂമതി പൂന്തേന്‍ മതി

(തുമ്പിപ്പെണ്ണേ)

കണ്ണീരിന്‍ മഴയത്തും നെടുവീര്‍പ്പിന്‍ കാറ്റത്തും
കരളേ ഞാന്‍ നിന്നെയും കാത്തിരിക്കും
ഖബറിന്നടിയിലും കാത്തിരിക്കും -ഞാന്‍
കാത്തിരിക്കും (കണ്ണീരിൻ...)

കാലച്ചെറുപ്പത്തിലെ കളിയാടും നാള്‍മുതലേ
കരളില്‍ ഞാന്‍ സൂക്ഷിച്ചൊരാ മോഹം (2)
വിടരുന്നതിന്‍ മുന്‍പേ വിധിയുടെ കൈകളില്‍
വിളയാട്ടുപമ്പരമായി -വിളയാട്ടുപമ്പരമായി
(കണ്ണീരിൻ...)

ഇളകിമറിയുന്ന കല്ലോലമാലയിലെ
ഇടറുന്നു താമരത്തോണി (2)
പൊലിയില്ല നീയെന്റെ കരളില്‍ കൊളുത്തിയ
സ്നേഹത്തിന്‍ കൈത്തിരിനാളം -സ്നേഹത്തിന്‍
കൈത്തിരിനാളം (കണ്ണീരിൻ...)

ആ.. ആ..
നീലാംബുജാക്ഷിമാരേ സഖിമാരേ
നിങ്ങള്‍ക്കൊരു കേളീ-
മണ്ഡപം തീര്‍ത്തു ഞാന്‍
കൈകൊട്ടി കൈകൊട്ടി കളിക്കാം അവിടെ
കളഭപ്പൂഞ്ചോലയില്‍ കുളിക്കാം
(നീലാംബുജാക്ഷി..) ആ.. ആ..

മലയസമീരനില്‍ മരതകസാനുവില്‍
മായാഗന്ധര്‍വ്വയാമങ്ങളില്‍
പവിഴവളകിലുക്കി കനകത്തളകിലുക്കി
പന്തടിക്കാം ഇലപ്പന്തടിക്കാം
ശങ്കരാഭരണങ്ങള്‍ പാടാം ഒന്നിച്ചു
ശങ്കരാഭരണങ്ങള്‍ പാടാം
ആ.. ആ.. (നീലാംബുജാക്ഷി..)

കണ്ണാ.. ആ.....
കണ്ണാ ആലിലക്കണ്ണാ
പാലാഴി തിരയിലൊഴുകും ആലിലക്കണ്ണാ
ഞാനൊരു കന്നിമുക്കുവപ്പെണ്ണ്
എന്റെ തോണിയിലെ പൊന്നു വേണോ പൊന്ന്
(കണ്ണാ...)

നീ പണ്ടൊരു പൂത്തിമിംഗിലമായി അന്നു
നിന്റെ യൗവനം തുഴഞ്ഞുവന്ന നീരാഴി
അന്നെന്റെ ചൂണ്ടയില്‍ നീകൊത്തി നിന്റെ
പൊന്നല്ലിച്ചിറകുകൊണ്ടെന്‍ കണ്ണുപൊത്തി
നീന്തിവാ - നിന്റെ പൊക്കിള്‍
താമരപ്പൂ എനിക്കുതാ - എനിക്കുതാ
(കണ്ണാ..)

ഓം.. ദേവീ... ആ...കന്യാകുമാരീ...
ആ...ആ...
പ്രസീത പ്രത്യക്ഷ മാഹേശ്വരീ
ദേവീ കന്യകുമാരീ..
പ്രസീത പ്രത്യക്ഷ മാഹേശ്വരീ
ദേവീ കന്യകുമാരീ...
ആ... ആ... ആ...

സന്ധ്യയ്ക്കു ലളിതാസഹസ്രനാമം ചൊല്ലും
സംസാരസാഗര തിരകള്‍
ഈറനുടുത്തു വന്നു കനകകലശമാടും
ഹിമഗിരിനന്ദിനി രൂപം
മതിലഞ്ചും കടന്നെത്തുന്ന ഞങ്ങള്‍ക്ക്
മനസ്സില്‍ പതിയേണം
മായേ മഹാമായേ...

ദേവീ കന്യകുമാരീ..
പ്രസീത പ്രത്യക്ഷ മാഹേശ്വരീ
ദേവീ കന്യകുമാരീ...
ആ... ആ... ആ...

ശിശിരകാല മേഘ മിഥുന രതിപരാഗമൊ
അതോ ദേവരാഗമോ
കുളിരിൽ മുങ്ങുമാത്മ ദാഹ മൃദു വികാരമോ
അതോ ദേവരാഗമോ
ഇന്ദ്രിയങ്ങളിൽ ശൈത്യ നീലിമ
സ്പന്ദനങ്ങളിൽ രാസ ചാരുത
മൂടൽ മഞ്ഞല നീർത്തി ശയ്യകൾ
ദേവദാരുവിൽ വിരിഞ്ഞു മോഹനങ്ങൾ ( ശിശിരകാല..)

ആദ്യ രോമഹർഷവും അംഗുലീയ പുഷ്പവും
അനുഭൂതി പകരുന്ന നിമിഷം
ആ ദിവാസ്വപ്നവും ആനന്ദ ബാഷ്പവും കതിരിടും ഹൃദയങ്ങളിൽ
മദന ഗാന പല്ലവി ഹൃദയ ജീവ രഞ്ജിനി
ഇതളിടുമീ നിമിഷങ്ങൾ ധന്യം ധന്യം (ശിശിര..)