മുത്തും മുടിപ്പൊന്നും നീ ചൂ‍ടി വാ
ചന്ദനത്തേരിലായ് ചെല്ലക്കാറ്റേ
മണ്ണിൽ വിണ്ണിൽ നീളേ വസന്തോത്സവം
ഹേ ഹേ ലാലലാ... ഹേ ഹേ ലാലലാ...

(മുത്തും...)

അലരിൻ ദളമായ് അഴകിൻ നിറമായ്
മലരുവാനെന്നിൽ കലരുവാൻ
തരളമായ് വന്നു തഴുകുവാനെന്നിൽ
അടിയുവാൻ വരൂ അറിയുവാൻ

(മുത്തും...)

കഥയിൽ കഥയായ് സുധയിൽ സുധയായ്
തുടരുവാനെന്നിൽ കവിയുവാൻ
തരളമായ് വന്നു മൊഴിയുവാനെന്നിൽ
നിറയുവാൻ വരൂ മുഴുകുവാൻ

(മുത്തും...)

നീ നിറയൂ
ജീവനിൽ പുളകമായ്
ഞാൻ പാടിടാം
ഗാനമായ്
ഓർമ്മകൾ

(നീ നിറയൂ...)

തെളിയു നീ ദീപമായ്
ഇരുളുമീ
മനമിതിൽ
പടരു നീ ഈണമായ്
തകരുമെൻ വീണയിൽ

(നീ
നിറയൂ...)

തഴുകു നീ തെന്നലായ്
വരളുമീ മരുവിതിൽ
വിളങ്ങു നീ താരമായ്

വിളറുമെൻ സീമയിൽ

(നീ നിറയൂ...)

കളകളമൊഴീ പ്രഭാതമായി

കുളിരാനായിതാ...
സുരഭാവനാസ്വരമേകിടാൻ
അരങ്ങായിതാ
വരൂ...

(കള...)

പതംഗങ്ങളായ് പകൽക്കാവുകൾ
പുതുമേളയിൽ
പറന്നെത്തിടാം
മണിവേണുവിൽ ലയമായിടാം
അനുഭാവമേ
വരൂ...

(കള...)

തരംഗങ്ങളായ് തണൽച്ചാർത്തുകൾ
തിരുകേളിയിൽ
തിരഞ്ഞെത്തിടാം
മധുവീണയിൽ ശ്രുതി മീട്ടിടാം
അനുരാഗമേ
വരൂ....

(കള...)

അകലെ നിന്നു ഞാനാരാധിക്കാം
അനവദ്യ സൗന്ദര്യമേ (അകലെ)
വെൺ‌തിങ്കൾച്ചിരി വാരിച്ചൂടി
വെണ്മയെഴുന്ന വസുന്ധരയെപ്പോൽ

(അകലെ...)

കയ്യെത്തും ശിഖരത്തിൽ വിടർന്നാലും
കൈവരുമെന്നാരു കണ്ടു...
മനസ്സിൽ വസന്തമായ് പൂത്തുലഞ്ഞാലും
മാറോടമരും എന്നാരു കണ്ടു...
പുണർന്നില്ലെങ്കിലും കനവാലെന്നും
പൂജിക്കാമല്ലോ...

(അകലെ...)

പൂങ്കാറ്റിൻ കരവല്ലി ഉലച്ചാലും
പൂ വീഴുമെന്നാരുകണ്ടു...
ചഷകം കൺ‌മുന്നിൽ തുളുമ്പി നിന്നാലും
ദാഹം തീരുമെന്നാരു കണ്ടു...
നുകർന്നില്ലെങ്കിലും മിഴിവോടെന്നും
ഓർമ്മിക്കാമല്ലോ...

(അകലെ...)

ലീലാതിലകം ചാർത്തി
ലാസവിലാസിനിയായ് (ലീലാതിലകം)
അകായിലൊരുപിടി സ്വപ്നവുമായി നിൽ‌ക്കും
അന്തർജനമേ പറയൂ - ഇഷ്ടമായോ, എന്നെ ഇഷ്ടമായോ

ലീലാതിലകം ചാർത്തി - സനിധപധ - ലീലാ
സരിഗ രിഗമ ഗമപ മപധ പധനി സരി-ഗ-രി സനിധനി
രിസ രിധപധ ഗമ പധനി - ലീലാതിലകം ചാർത്തി
സപമപ ഗമരിഗ സരിഗമപ പമ പസനിസ ധനിപധ പധനിസ
രി നിരിഗരി നിഗരി നിധപമഗരി - ആഹാഹ ഭേഷ് ഭേഷ് ഭേഷ്
ഗരിമഗ പമധപ നിധസനി രിസഗരി - ലീലാതിലകം ചാർത്തി

പാലാഴിപ്പൂമങ്കേ
പൂനിലാവിൻ തേരിറങ്ങി നീ വാ
പാലാഴിപ്പൂമങ്കേ.....

ഇന്ദ്രനീലം തുളുമ്പും നിൻ കണ്ണിൽ
ചന്ദ്രകാന്തം വിതുമ്പും നിൻ ചുണ്ടിൽ
മൂകം നിന്റെ നാമം...
ഏതോ വീണാഗാനം മീട്ടും

(പാലാഴിപ്പൂമങ്കേ)

വെണ്ണിലാവിൻ കരങ്ങൾക്കു നാണം
വെണ്ണ തോൽക്കും നിൻ പൂമേനി പുൽകാൻ
മേഘം കൊണ്ടുപോലും
താനേ മൂടും തിങ്കൾബിംബം

(പാലാഴിപ്പൂമങ്കേ)

കാണാമറയത്ത്
കൈതപ്പൂ വിരിയുംപോലെ
കാറ്ററിയാതെ
കവിയുകയായി
കരളിൽ നിറയെ സുഗന്ധം

(കാണാമറയത്ത്)

ഒരു
തേക്കുപാട്ടിൻ ഈണമിന്നെൻ
നെഞ്ചിൽ നിന്നും വഴിയുകയായ്
കാണാത്ത
കുയിലിൻ‍ പാട്ടു നാടൻ-
കാറ്റിലൊഴുകിവരുന്നുവോ
അകലങ്ങളിൽ മഴ
പെയ്‌തുവോ
കുളിർകോരിയോ നിൻ മേനിയിൽ

(കാണാമറയത്ത്)

ഒരു
നീലമേഘം ഏകനായി
വാനിലെങ്ങോ അലയുകയായ്
കേൾക്കാത്ത ഗാനം കേട്ടു
നാടൻ-
പെണ്ണിൻ മിഴി നനയുന്നുവോ
ഇരുളാകിലും ഒരു താരകം
തെളിയുന്നുവോ
നിൻ ജീവനിൽ

(കാണാമറയത്ത്)

കടലിളകി കരയൊടു ചൊല്ലി പുണരാനൊരു മോഹം
കര പാടി - കരകവിയുന്നു തീരാത്തൊരു ദാഹം

(കടൽ...)

കടൽക്കാറ്റൊരു ദൂതായ് വീണ്ടും കരയോടതു മൂളിപ്പാടി
പുഷ്‌പിണിയാം ഭൂമിപ്പെണ്ണേ മേലാളിൻ ആശകളല്ലേ
കടലല്ലേ.. കാമുകനല്ലേ... ചേരേണ്ടവരല്ല്ലേ...
ഇണ ചേരേണ്ടവരല്ലേ... ഇണ ചേരേണ്ടവരല്ലേ...

പിണിയാളാം പൂതക്കാറ്റേ
പൂതിയ്‌ക്കും മാന്യത വേണ്ടേ
നെറികെട്ടോരു വ്യാമോഹത്തിൽ
പ്രണയത്തിൻ ചേരുവയെന്ത്യേ

ആഴത്തിൽ കെട്ടിത്താഴ്‌ത്താം...
അലകടലിൻ ആശകളെല്ലാം
ഇനിയൊന്നും മൊഴിയാനില്ല...
വിടചൊല്ലാം പിണിയാളേ

തളിരിലയിൽ താളം തുള്ളി
കാറ്റു കിണുങ്ങി - പൂവേ
സുഗന്ധിയാം നിൻ പൂങ്കവിളിൽ
കുങ്കുമം തൊട്ടതാര്...
വരിവണ്ടോ ചിത്രശലഭമോ
ശോണപ്പുലരിയോ സന്ധ്യയോ
അടങ്ങാത്ത നാണമോ

(തളിരിലയിൽ...)

ഏഴുവെളുപ്പിനു മാനത്തുദിയ്‌ക്കും
അഗ്നിയെപ്പോലെന്റെ ശ്രീമാൻ
പുഞ്ചിരികൊണ്ടെന്നെ ചുംബിക്കും കള്ളൻ
അന്തിയാകുമ്പൊഴ് പോകും...
സ്വാതിയാവാൻ കൂടെച്ചേരാ‍ൻ
ഈറൻ കാറ്റേ കൂടെ വരട്ടേ

(തളിരിലയിൽ...)

കാർമുകിലിൻ തേന്മാവിൽ
ഇന്നു വാർമഴവില്ലുകൾ
തീർത്തു
ഊഞ്ഞാല... ഊഞ്ഞാല...
ഇവർക്കാടാൻ
പൊന്നൂഞ്ഞാല

(കാർമുകിലിൻ...)

വാനിടം ശ്യാമഭൂമിയെ
രാഗിയെപ്പോലവെ
ഇന്നു വാരിവാരി നുകർന്നു പൂവാടിയിൽ
ഇരുമാനസങ്ങളലിഞ്ഞു
തമ്മിൽത്തമ്മിൽ
ഇവർക്കാടുവാൻ മുകിൽമാലയിൽ
പൊന്നൂഞ്ഞാല

(കാർമുകിലിൻ...)

പൂവിനേകി യുവകാമുകൻ മധുപനാദ്യ
ചുംബനങ്ങൾ
ഈ പ്രേമികൾ മറന്നു മണ്ണും വിണ്ണും
നവരാഗലീല തുടർന്നു
താരുണ്യങ്ങൾ
ഇവർക്കാടുവാൻ സ്വപ്‌നവാടിയിൽ
പൊന്നൂഞ്ഞാല

(കാർമുകിലിൻ...)