താരകേ മിഴിയിതളിൽ കണ്ണീരുമായി
താഴേ തിരയുവതാരേ നീ
ഏതോ കിനാവിന്റെ
ഏകാന്ത തീരത്തിൽ
പൊലിഞ്ഞുവോ നിൻ പുഞ്ചിരി

അജ്ഞാതമേതോ രാഗം
നിൻ നെഞ്ചിൽ ഉണരാറുണ്ടോ
മോഹങ്ങളിന്നും നിന്നെ പുൽകുമോ
മനസ്സിന്റെ മായാവാതിൽ
തുറന്നീടും നൊമ്പരത്താൽ
നീ രാഗപൂജ ചെയ്യുമോ
താരകേ മിഴിയിതളിൽ കണ്ണീരുമായി
താഴേ തിരയുവതാരേ നീ

നോവുന്ന സ്വപ്നങ്ങൾതൻ
ചിതയിൽ നീ എരിയാറുണ്ടോ
കണ്ണീരിലൂടെ ചിരി തൂകുമോ
തമസ്സിന്റെ മേടയ്ക്കുള്ളിൽ
വിതുമ്പുന്നൊരോർമ്മ പോലെ
എന്നും തപം ചെയ്യുമോ

മാനത്തെ പൂക്കടമുക്കിൽ..
മഴവില്ലിൻ മാല വിൽക്കും..
കരിമുകിൽ കറുമ്പീ... കാക്കക്കറുമ്പീ...
നിന്റെ മാലയിലെത്ര നിറം
നിന്റെ മാലയ്ക്കെന്തു വില..

എന്തെല്ലാം എന്തെല്ലാം പൂ കൊണ്ടു കൊരുത്തു..
ചന്തം തുളുമ്പുമീ തൂമലർമാല...
ഏതെല്ലാം ഏതെല്ലാം നാരുകളാൽ മെടഞ്ഞു
പൊട്ടിച്ചാൽ പൊട്ടാത്ത പൊൻമുത്തുമാല..

(മാനത്തെ പൂക്കടമുക്കിൽ)

ഇന്ദ്രന്റെ നാട്ടിലെ ദശപുഷ്പ്പമെടുത്തോ...
ചന്ദ്രന്റെ പൊന്നോണ പൂക്കളത്തിൽ നിന്നോ...
പൂവായപൂവെല്ലാം നീ കൊണ്ടുവന്നു
പുടമുറി പൂമാലയെന്തിനു തീർത്തു...

(മാനത്തെ പൂക്കടമുക്കിൽ)

വൃശ്ചിക പൂനിലാവേ പിച്ചക പൂനിലാവേ
മച്ചിന്റെ മേലിരുന്നൊളിച്ചു നോക്കാൻ
ലജ്ജയില്ലേ... ലജ്ജയില്ലേ...
നിനക്കു ലജ്ജയില്ലേ....
(വൃശ്ചിക പൂനിലാവേ..)

ഇളമാവിൻ തൈയ്യു തളിർത്തപോലെ
വയനാടൻ വാകത്തൈ പൂത്തപോലെ
വാനത്തെ വളർമഴ വില്ലുപോലെ എന്റെ
വാനത്തെ വളർമഴ വില്ലുപോലെ എന്റെ
മാറത്തു മയങ്ങുമീ മംഗളാംഗിയെ...
അരുതേ...അരുതേ...നോക്കരുതേ...
(വൃശ്ചിക പൂനിലാവേ..)

ഉത്തരായനക്കിളി പാടി ഉന്മാദിനിയെപ്പോലെ
പൊന്നും വളയിട്ട വെണ്ണിലാവേ - നിന്നെ
ഒന്നു ചുംബിച്ചോട്ടേ (ഉത്തരായനക്കിളി..)
ഉത്തരായനക്കിളി പാടി

കുറുനിരകൾ മാടിയൊതുക്കി
കുനുകൂന്തൽ നിറുകയിൽ കെട്ടി
അരയിൽ ജഗന്നാഥന്‍ പുടവ ചുറ്റി
മുത്തോലക്കുട ചൂടി മൂവന്തിപ്പുഴ നീന്തി
മൺവിളക്കുമേന്തി വരും വെണ്ണിലാവേ
എൻവികാരം നിന്നിൽ വന്നു നിറയുകില്ലേ
ഒരു നാൾ നിറയുകില്ലേ 
(ഉത്തരായനക്കിളി..)

കാളിദാസൻ മരിച്ചു കണ്വമാമുനി മരിച്ചു
അനസൂയ മരിച്ചു  പ്രിയംവദ മരിച്ചു 
ശകുന്തള മാത്രം മരിച്ചില്ല
(കാളിദാസൻ..)

ദര്‍ഭകൾ പൂക്കുമീ മാലിനിതീരത്തിൽ
ഗർഭിണിയാമവൾ ഇരിക്കുന്നു
അവളുടെ മനസ്സിലെ നിത്യഹോമാഗ്നിയിൽ 
ആയിരംസ്വപ്നങ്ങൾ കരിയുന്നു
കാലം ചിരിക്കുന്നു
(കാളിദാസൻ..)

ദുഃഖിതയാകുമീ ആശ്രമകന്യയെ 
ദുഷ്യന്തനിപ്പൊഴും മറക്കുന്നു
അണപൊട്ടിയൊഴുകുമീ അശ്രുപ്രവാഹത്തിൽ 
ആയിരംമോഹങ്ങൾ തകരുന്നു
കാലം ചിരിക്കുന്നു
(കാളിദാസൻ..)

ഓ... ഓ... ഓ.. ഓ... ഓ...
മാരിവില്ലു പന്തലിട്ട ദൂരചക്രവാളം
മാടിമാടിവിളിക്കുന്നതറിഞ്ഞില്ലേ...
പഞ്ചശരൻ വളർത്തുന്ന പൈങ്കിളിപ്പെണ്ണേ..
പൈങ്കിളിപ്പെണ്ണേ...

(മാരിവില്ലു)

കാനനത്തിൽ പുഷ്പമാസം വർണ്ണാക്ഷരങ്ങളാൽ
കാമലേഖമെഴുതിയതറിഞ്ഞില്ലേ...
കാമലേഖമെഴുതിയതറിഞ്ഞില്ലേ...
ഓ... ഓ... ഓ.. ഓ... ഓ...

(മാരിവില്ലു)

കൂട്ടുകാരനിണക്കിളി ഗഗനവീഥിയിൽ...
പാട്ടുപാടിയലയുന്നു വിരഹിയായി
ജാലകങ്ങൾ തുറന്നിട്ടു താരുണ്യസ്വപ്നങ്ങൾ
നീലമേഘരഥം നിന്നെ ആനയിച്ചിടും...
നീലമേഘരഥം നിന്നെ ആനയിച്ചിടും....
ഓ... ഓ... ഓ.. ഓ... ഓ...

ഓഹോ...ആഹാ...
ദേവികുളം മലയില്‍ തേനരുവിക്കരയില്‍
താനേ മുളച്ചൊരു താഴമ്പൂവിലെ വെള്ളിദേവാ
ആവനാഴിയില്‍ അമ്പു തീര്‍ന്നോ കാമദേവാ
(ദേവികുളം..)

ചൂഴെ ചൂഴെ ചുഴി കുത്തി ചുറ്റും തടം വെട്ടി
ഞാന്‍ നട്ടൊരു കുങ്കുമക്കൊടിയിലെ
ഒന്നാം തളിരില കട്ടവനേ
താഴെക്കാട്ടില്‍ തെനവിതയ്ക്കാന്‍ വന്ന
ഞാനൊരടിയാട്ടി
ഇനിമുതലിനിമുതലിനിമുതല്‍
നീയൊരു തമ്പുരാട്ടി
(ദേവികുളം..)

മഞ്ഞുമാസപക്ഷീ..
മണിത്തൂവൽ കൂടുണ്ടോ..
മൗനംപൂക്കും നെഞ്ചിൻ
മുളംതണ്ടിൽ‍ പാട്ടുണ്ടോ..
എന്തിനീ ചുണ്ടിലെ ചെമ്പനീർ
മലർചെണ്ടുകൾ വാടുന്നു..
എന്നു നീ മാമരഛായയിൽ
മഴപ്പൂക്കളായ് പെയ്യുന്നു..

ദൂരെ നിലാക്കുളിർ താഴ്വാരം
മാടിവിളിക്കുമ്പോൾ..
മാനത്തെ മാരിവിൽക്കൂടാരം
മഞ്ഞിലൊരുങ്ങുമ്പോൾ..
കാണാച്ചെപ്പിൽ മിന്നും മുത്തായ്
പീലിക്കൊമ്പിൽ പൂവൽച്ചിന്തായ്
പൂക്കാത്തതെന്തേ നീ...

(മഞ്ഞുമാസപക്ഷീ)

മണവാട്ടീ....
നിനക്കായിരം ആശംസകള്‍
മണവാട്ടീ കൊച്ചുമണവാട്ടീ
നിനക്കായിരം ആശംസകള്‍
ഹൃദയം നിറയുമീ ഭാവുകങ്ങള്‍
കല്യാണസ്വപ്‌നങ്ങള്‍ കണ്ണില്‍ വിളങ്ങുന്ന
കന്നിനിലാവേ എന്‍ പൂച്ചെണ്ടുകള്‍

പണ്ടൊരു വായാടിപ്പക്ഷിയായ്
കണ്ണിനും കാതിനും കൌതുകം തന്നവളേ
നിന്‍ വഴിത്താരയില്‍ എന്‍ മൊഴിത്താരുകള്‍
നിത്യവും ജീവിതം മധുരമാകുവാന്‍
ഇത്തിരിപ്പോന്നൊരു കയ്യില്‍
ഒത്തിരിച്ചേലൊന്നു കൂട്ടാന്‍
കുപ്പിവളയ്‌ക്ക് കരഞ്ഞവളേ
ഇന്നെന്തു സമ്മാനം തന്നീടും നിന്റെയീ
കള്ളച്ചിരിക്കു ഞാന്‍ പെണ്ണേ

രാജീവം വിടരും നിൻ മിഴികൾ
കാശ്‌‌മീരം ഉതിരും നിൻ ചൊടികൾ
എന്നിൽ പൂക്കുമ്പോൾ
ഹൃദയമയീ നീ കേൾക്കാനായ്
പ്രണയപദം ഞാൻ പാടുന്നൂ (2)
ഒരു സ്വരമായ് ഒരു ലയമായ്
അരികിൽ വരാൻ അനുമതി നീയരുളൂ
(രാജീവം...)

പനിനീർസൂനം കവിളിൽപ്പേറും ശാരോണിൻ
കവികൾ വാഴ്ത്തി കുളിരിൽ മൂടും ശാരോണിൻ(2)
അഴകല്ലേ നീ....... എന്നുയിരല്ലേ നീ....... (2)
നിൻ മൌനം മാറ്റാൻ എന്നിൽ നിന്നൊരു ഗാനം
(രാജീവം...)