ഒരു പൊൻ കിനാവിലേതോ
കിളി പാടും കളഗാനം
നറുവെണ്ണിലാവിനീറൻ
മിഴി ചാർത്തും ലയഭാവം
ചിരകാലമെന്റെയുള്ളിൽ
വിടരാതിരുന്ന പൂവേ ഈ
പരിഭവം പോലുമെന്നിൽ
സുഖം തരും കവിതയായ് (ഒരു...)

ഒരു വെൺപിറാവു കുറുകും
നെഞ്ചിൻ ചില്ലയിൽ
കുളിർമഞ്ഞണിഞ്ഞു കുതിരും
കാറ്റിൻ മർമ്മരം
കുറുമൊഴികളിൽ നീ തൂകുന്നുവോ
പുതുമഴയുടെ താളം
കളമൊഴികളിൽ നീ ചൂടുന്നുവോ
കടലലയുടെയീണം
ഇനിയുമീയെന്നെയാലോലം തലോടുന്നുവോ നിൻ നാണം (ഒരു..)

രാത്രിലില്ലികൾ പൂത്തപോൽ
ഒരുമാത്രയീ മിഴി മിന്നിയോ
നെഞ്ചിലെ കുളിർവല്ലിയിൽ
കണിമഞ്ഞു മൈനകൾ മൂളിയോ
(രാത്രിലില്ലികൾ...)

നേർത്ത ചില്ലു നിലാവുപോൽ ഒഴുകിവന്നു നിൻ
ലോലജാലകവാതിൽ മെല്ലെ തഴുകി നിൽക്കവേ (2)
കാത്തിരുന്നു തുടുക്കുമെൻ പാട്ടിലാരുടെ സൗരഭം
പ്രേമശീതളഭാവം ശ്യാമമോഹനരാഗം
(രാത്രിലില്ലികൾ...)

മാറുരുമ്മിയുറങ്ങുവാൻ  മനസ്സു പങ്കിടാൻ
ആർദ്രചന്ദനമണിയുമുള്ളിൽ കൊതി തുളുമ്പവേ (2)
കാതിലേതൊരു സാന്ത്വനം സ്നേഹമന്ത്ര നിമന്ത്രണം
ഇനിയുമെന്റെ കിനാവേ മിഴികൾ ചിമ്മിയുറങ്ങിയോ
(രാത്രിലില്ലികൾ...)

ചിലമ്പൊലിക്കാറ്റേ ഒന്നു ചീറ്റിയടിച്ചാട്ടേ
മഴത്തുള്ളി തുളിച്ചാട്ടേ ഇടിമിന്നലെറിഞ്ഞാട്ടേ
മകരം മഞ്ഞാടയാൽ പൊതിയും പൂമ്പാറ്റയെ
കനവിൽ കണ്ണാടിയിൽ തെളിയും വാർതിങ്കളേ
മുത്തുമായ് മുത്തംവെയ്ക്കും നക്ഷത്രമല്ലേ ഞാൻ (ചിലമ്പൊലി..)

ഏപ്രിൽ ലില്ലിപ്പൂവേ നിൻ മെയ്യിൽ ഞാൻ
തൂവൽത്തുമ്പാൽ തൊട്ടാൽ
മേഘച്ചില്ലിൻ ചെണ്ടായ് എൻ മാറത്തെ ചേലത്തുമ്പിൽ തൊട്ടാൽ
പൊന്നേ പൊന്നാരേ വരൂ കെട്ടാം കൊട്ടാരം
എന്നേ നോക്കാതെ ഒന്നും മിണ്ടാതെ
വേനൽക്കയ്യാൽ തൊട്ടാലൊട്ടും വെണ്ണക്കല്ലീ ഞാൻ  (ചിലമ്പൊലി..)

നക്ഷത്രങ്ങൾ തിളങ്ങും
ആ‍കാശത്തിൻ ചിറകിൽ
ഏകനാം സൂര്യനെ തേടുന്ന
മൂകനാം രാത്തിങ്കൾ പോലെ
വിതുമ്പും മനസ്സേ (നക്ഷത്രങ്ങൾ...)

നുരയുമീ സമുദ്രത്തിൽ മനസ്സിലെ ചുഴി പോലെ
പിടയുമീ ഇരുളിലെ മെഴുതിരിക്കതിർ പോലെ
വെറുതേ വെറുതേ അലയും മിഴിയിൽ ഒഴുകുന്ന
ദേവസംഗീതമേ (നക്ഷത്രങ്ങൾ...)

ഇടറുമീച്ചുവടുകൾ ഇരുവഴി പിരിഞ്ഞേ പോയി
തളരുമീ കൊലുസൂകൾ മറുമൊഴി മറന്നേ പോയ്
എവിടെ മഴയായ് പൊഴിയും ഒരു സ്നേഹമന്ത്രനാളം
ശ്യാമസല്ലാപമേ  (നക്ഷത്രങ്ങൾ...)

------------------------------------------------------------

മണിപ്പന്തലിൽ കല്ല്യാണ
ക്കണിപ്പന്തലിൽ
പുലർത്തെന്നലേ നീ മെല്ലെ
വലം വെച്ചുവോ
ഇലത്താലത്തിൽ മിന്നും മലർത്താലിയും
കുളിർക്കൂട്ടും കിളിപ്പാട്ടുമായ്
വിളിയ്ക്കുന്നു വെയിൽ പ്രാവുകൾ (മണിപ്പന്തലിൽ...)

ചിരിച്ചില്ലു വിളക്കിന്റെ തിരിനാളമേ
കണിത്തുമ്പക്കുടത്തിന്റെ ഇതൾ പൈതലേ
കഴച്ചാറൽ ചിലമ്പിന്റെ ച്ഛിലും നാദമേ
മയില്‍പ്പേടക്കുരുന്നിന്റെ മണിത്തൂവലേ
ആകാശക്കാവിൽ കാണാൻ ആറാട്ടിന്നാനച്ചന്തം
നിന്റെ കല്യാണം  (മണിപ്പന്തലിൽ...)

മന്ദാരക്കൊമ്പത്തെ ചിങ്കാരപൊൻപൂവേ
നിൻ കവിൾ വാടരുതേ
കണ്ണാരം പൊത്തും നിൻ കൈക്കുമ്പിൾ ചാർത്തും
കുങ്കുമം മായരുതേ
നിന്നോമൽ ചെഞ്ചുണ്ടിൽ പുഞ്ചിരിക്കൊഞ്ചലില്ലേ സ്നേഹ
പുഞ്ചിരിക്കൊഞ്ചലില്ലേ (മന്ദാര..)

ഋതുഭേദസന്ധ്യകൾ വരവേൽക്കുമോർമ്മയിൽ
നിഴൽ പോലെ മിന്നിയോ ശ്രുതി ചേർന്ന സാഗരം
പറയാതറിഞ്ഞ നിൻ കഥ കേട്ടലിഞ്ഞൊരെൻ
സ്വരരാഗസാന്ദ്രമാം മണിവീണയായി നീ
കൺകോണിൽ പൂക്കും പൂന്തിങ്കൾ പോലെ
കാണാപ്പൂഞ്ചുണ്ടിൽ കന്നിത്തേൻ പോലെ നെഞ്ചിൽ
പ്പൊന്മുത്തായ് ചാഞ്ഞുറങ്ങ് (മന്ദാര..)

ആരോടും ഒന്നും മിണ്ടാതെ
വാതിൽക്കൽ നില്പൂ വാസന്തം
നറുതേൻ നിലാവിൻ തെല്ലല്ലേ
മഴനൂലിൽ മിന്നും മുത്തല്ലേ
പരിഭവമെന്തേ നിൻ മിഴിയിൽ മണിത്തിങ്കളേ
ചിരിമണിയൊന്നും വിരിയല്ലേ കവിൾമുല്ലയിൽ
എന്നും ഞാൻ നിന്നെ സ്വപ്നം കാണും നേരമായ്
മെല്ലെ മെല്ലെയീ രാവിൻ ചെറു ചില്ലു ജാലകം ചാരാ‍മ്
ചെറുപുഴയുടെയലകളിലെങ്ങോ ഒരു ചിൽ ചിൽ മർമ്മരം (ആരോടും...)

മധുരം  മധുരം
മഥുരാപുരി തേടുമൊരീ
മുരളീ ഗാനരസം (മധുരം..)
സാമജസംഗീത സ്വരമയമാകും (2)
തംബുരു ശ്രുതി പോലെ
കണ്ണാ എൻ ഹൃദയം പ്രണയമയം (മധുരം...)

പാർവണചന്ദ്രിക യമുനയിലൊഴുകും
അനുരാഗ ഹംസങ്ങളാകുന്നുവോ (2)
ഇനി മംഗളം നേരും ഋതുസന്ധ്യകൾ
കുനു കുങ്കുമം ചാർത്തും നിറദീപങ്ങൾ
വനമാലി നിന്നിൽ ചേരുവാൻ ഞാൻ ഒരുക്കമായീ (മധുരം..)

ചാമരമുടിയിൽ അകിൽ മണമോടെ
ശരൽക്കാല മേഘങ്ങൾ പറന്നേറവേ(2)
നിൻ കാൽക്കലാകാശം കളകാഞ്ചിയായ്
നിൻ മൗലിയിൽ സ്നേഹം മയിൽ പീലിയായ്
ഗിരിധാരി നിന്നിൽ ചേരുവാനോ തിടുക്കമായീ (മധുരം..)

പഴനിമല മുരുകനു പള്ളി വേലായുധം
പാറിപ്പറക്കുന്ന പൊൻമയിൽ വാഹനം
മാർകഴിത്തിങ്കളോ ജ്ഞാനപ്പഴം
വരിക വരിക വടിവേലാ ഹരഹരോ ഹര ഹര
ഹരഹരോ ഹര