ഇല്ലൊരു തുള്ളിപ്പനിനീരുമെന്‍ കയ്യില്‍
പൊള്ളുമീ കണ്ണുനീരല്ലാതെ
ഇല്ലൊരു തുള്ളിപ്പനിനീരുമെന്‍ കയ്യില്‍
പൊള്ളുമീ കണ്ണുനീരല്ലാതെ
ധന്യമാതാവേ നിന്‍ പുണ്യപാദങ്ങളെന്‍
കണ്ണീരിന്‍ ചൂട് പൊറുക്കേണമേ 

ഇല്ലൊരു തുള്ളിപ്പനിനീരുമെന്‍ കയ്യില്‍
പൊള്ളുമീ കണ്ണുനീരല്ലാതെ

തങ്കത്തേരിലെഴുന്നള്ളുന്നൊരു തമ്പുരാട്ടീ
പുത്തന്‍ മണവാട്ടീ
നിന്റെ താലികെട്ടിനു കൊട്ടും കുരവേം കേട്ടില്ലാ
(തങ്കത്തേരിൽ... )

തിരുമനസ്സിലെ സമ്മതമല്ലാതെന്തു വേണം
എന്റെ കരള്‍ത്തുടിപ്പിന്‍ മംഗളവാദ്യം കേട്ടില്ലേ
തിരുമനസ്സിലെ സമ്മതമല്ലാതെന്തു വേണം
എന്റെ കരള്‍ത്തുടിപ്പിന്‍ മംഗളവാദ്യം കേട്ടില്ലേ

കണ്ണുനീരും മുന്തിരിനീരും
പങ്കുവെച്ചീടാന്‍ - പങ്കുവെച്ചീടാന്‍
കണ്മുനയാലൊരു കരാറിലന്നേ
ഒപ്പു വെച്ചില്ലേ ഒപ്പുവെച്ചില്ലേ 
(തങ്കത്തേരിൽ... )

പമ്പയാറൊഴുകുന്ന നാടേ കുന്നലനാടേ
പണ്ടെന്നോ മുത്തച്ഛനു കടലമ്മ കണിവെച്ച
കണ്ടാലഴകുള്ള നാടേ ... കുന്നലനാടേ

പഞ്ചാരമണ്ണിലു പാല്‍ത്തിരക്കൈകള്
പണ്ടത്തെക്കഥയെഴുതി മായ്ക്കുമ്പോള്‍
പത്തരമാറ്റുള്ള പൊന്നും നൂലാണേ
റാട്ടുതിരിച്ചവര്‍ നൂല്‍ക്കുന്നു - കയര്‍
റാട്ടുതിരിച്ചവര്‍ നൂല്‍ക്കുന്നു

തങ്കക്കുടങ്ങളേ തലയില്‍ച്ചുമന്ന്
തെങ്ങുകള്‍ കഥകളിയടുമ്പോള്‍
നൂറ്റാലും നൂറ്റാലും തീരാത്ത നൂല്
കോര്‍ത്തൊരു പൊന്നൂഞ്ഞാല്‍ കെട്ടുന്നു
കോര്‍ത്തൊരു പൊന്നൂഞ്ഞാല്‍ കെട്ടുന്നു

ഓഹോഹോ......

കളിയോടം കളിയോടം
കുഞ്ഞോളങ്ങളിൽ ഊഞ്ഞാലാടും
ഓടം കളിയോടം 
(കളിയോടം.. )

ഈറക്കാട്ടിൽ ഒളിച്ചിരുന്ന്
ഈണം മൂളും കാറ്റേ
മെല്ലെ മെല്ലെ കളിയോടം
തള്ളിത്തരാമോ - ഓടം
തള്ളിത്തരാമോ
ഓടിവരൂ കൂടെ വരൂ കുളിർ കാറ്റേ

ഏലക്കാടിൻ കുളിർമണവും
ഏറ്റി വരും കാറ്റേ
കാറും കോളും കണ്ടാലേ മദ-
യാനകളിക്കല്ലേ..മദയാന കളിക്കല്ലേ
കൂടെ വരൂ കൂട്ടു വരൂ കുളിർകാറ്റേ

ഓഹോഹോ......

മാതളമലരേ... മാതളമലരേ
മാരനു നേദിച്ച മുന്തിരിനീരേ
മാതളമലരേ മാതളമലരേ
മാരനു നേദിച്ച മുന്തിരിനീരേ
മാതളമലരേ... 

പൂവിളിയോടെ.... ഞാനെതിരേല്‍ക്കാം
പൂവിളിയോടെ ഞാനെതിരേല്‍ക്കാം
ജീവിതമണിയറയില്‍
താംബൂലം നീട്ടി തങ്കക്കിനാവിന്‍ 
തംബുരുമീട്ടിവരൂ തംബുരുമീട്ടിവരൂ.. 
നീവരു.. നീവരു... നീവരൂ‍....
മാതളമലരേ.....

കാണാക്കുയിലിന്‍ പാട്ടിലുണര്‍ന്നൊരു 
കാനനദേവതമാര്‍
തൂവെണ്ണിലാവിന്‍ പൂമ്പട്ടിലെഴുതിയ 
കാമലേഖനമേ...കാമലേഖനമേ...
നീവരു.. നീവരു... നീവരൂ‍....
മാതളമലരേ.....

അലസതാ വിലസിതം
മൃദുലാസ്യമാടുന്ന പുലരികൾ
പൂക്കളുമായ് വന്നൂ
മധുരമാം ആലസ്യ നിദ്രതൻ
മടിയിൽ നിന്നുടനുണർന്നു
അഴിയുന്ന വേണിയിൽ നിന്നും
നാലഞ്ചിതളുകൾ ശയ്യയിൽ വീണു (അലസതാ...)

കൊക്കും കൊക്കുമുരുമ്മിയിരിക്കുന്ന
ചക്രവാകങ്ങളായീ 
ഒരു പുഷ്പപാത്രത്തിലെ തേനുണ്ടു 
നാമൊരേ സ്വപ്നത്തിൽ വീണു മയങ്ങീ (അലസതാ...)

പൂവിൽ പൂവിലുരുമ്മിപ്പറക്കുന്ന
ഓണത്തുമ്പികളായീ മൃദു-
മന്ത്രഗീതങ്ങളാൽ മോഹങ്ങൾ കൈമാറി
മഞ്ചലിലാടുകയായി (അലസതാ..)

----------------------------------------------------------------------

ഒരു മഞ്ഞുതുള്ളിയിൽ നീലവാനം
ഒരു കുഞ്ഞു പൂവിൽ ഒരു വസന്തം
ഒരു പുഞ്ചിരിയിൽ ഹൃദയത്തിന്നാഴത്തിൽ
ഉണരുമാഹ്ലാദത്തിൻ ജലതരംഗം (ഒരു മഞ്ഞുതുള്ളിയിൽ..)

നിറുകയിൽ ചാർത്തിയ കുങ്കുമമോ
അരുണോദയത്തിന്റെ പൊൻ തിടമ്പോ (2‌)
ഇളകും നിൻ  മിഴികളിലിരു നീല മത്സ്യങ്ങൾ
ചുരുൾമുടിച്ചാർത്തിലോ ശ്യാമ യാമിനി  (ഒരു മഞ്ഞുതുള്ളിയിൽ..)

കവിളിണ ചാർത്തിയ കണ്ണുനീരോ
കരളിലെ കാവ്യത്തിൻ പൊൻ ലിപിയോ (2)
ഇടനെഞ്ഞിൻ മധുരമാം തുടിതാളം കേൾക്കവെ
ഇവിടെ നിൻ കൂട്ടിലെ മൈന പാടിയോ (ഒരു മഞ്ഞുതുള്ളിയിൽ..)

കാർകുഴലിൽ പൂവു ചൂടിയ കറുത്ത പെണ്ണേ
വാർ തിങ്കൾ പൂവു ചൂടിയ കറുത്ത പെണ്ണേ
ഇതിലേ വാ തോണി തുഴഞ്ഞിതിലേ വാ
ഇവിടത്തെ കടവത്തെ കൈത പൂത്തു (കാർകുഴലിൽ..)

തിര തല്ലും കായലിൻ ചുരുൾ മുടിയിൽ
കുടമുല്ലപ്പൂ ചൂടും കുളുർനിലാവോ
പൂക്കൈത മണമേറ്റും കാറ്റോ നിന്റെ
പൂമുടി തലോടി നിന്നതാരോ (കാർകുഴലിൽ..)

  അറിയാത്ത മാണിക്യമതിലകത്ത്
അരുമയായ് പാടുമെൻ കിളിമകളേ
താഴിട്ട മണിവാതിൽ തുറക്കൂ നിന്റെ
താമരത്തിരി വിളക്കു കൊളുത്തൂ (കാർകുഴലിൽ...)

വള കിലുക്കം കേൾക്കണല്ലോ
ആരാരോ പോണതാരോ
കരയോടു കളി പറയും 
കായൽചിറ്റലകളാണേ (വളകിലുക്കം..)
എന്റെ പെണ്ണിൻ വള കിലുക്കം
എങ്ങാനും കേട്ടതുണ്ടോ
കയറു പിരിക്കും പെണ്ണാളല്ലോ
കൈ നിറയെ വളകളില്ലല്ലോ (2) (വള കിലുക്കം..)

പൊന്നിന്റെ നിറകുടമല്ലേ 
പിന്നെന്തിനു ചാന്ത് ചിന്തൂരം (2)
പെണ്ണായാൽ കണ്ണെഴുതേണം
ചിന്തൂരപ്പൊട്ടു തൊടേണം (2)  (വള കിലുക്കം..)

ചിന്തൂരം തൊട്ടാല്‍പ്പോരാ
ചിന്തൊന്നു പാടിയാടേണം (2)
ചില്ലിക്കാർ വില്ലു കുലച്ചേ
അല്ലിപ്പൂവമ്പെയ്യേണം (2)  (വള കിലുക്കം..)

തക്കിടമുണ്ടൻ താറാവേ
തവിട്ടു മുണ്ടൻ താറാവേ
ഇഷ്ടം കൂടാൻ നിനക്കുമുണ്ടൊരു കുട്ടിത്താറാവ് (2)
കുണുങ്ങിയങ്ങനെ കൂടെ നടക്കും
കുട്ടിത്താറാവ് (2) (തക്കിട...)

അങ്ങേക്കര ഇങ്ങേക്കര നീന്തി വരും അവൾ
അങ്ങാടിപ്പുരങ്ങൾ കാണാൻ കൂടെ വരും (2)
ചിറ്റാട ചിങ്കാരച്ചിമിഴ്   ചാന്ത് പിന്നെ
ചിപ്പിവള കുപ്പി വള വാങ്ങി വരും
പുതുമണം മാറാത്ത
പുടവ ഞൊറിഞ്ഞുടുത്ത്
ഒരുങ്ങിവരും അവൾ ഒരുങ്ങിവരും (തക്കിട..)