ഋതുകന്യകളേ - ഋതുകന്യകളേ
ഒരുകുറി കൂടിയെന്‍ മതിലകം അലങ്കരിക്കൂ
മധുശലഭങ്ങളായ് പറന്നു വരൂ
മധുരസ്മരണകളേ
(ഋതുകന്യകളേ..)

സുവര്ണ്ണമുഖികള്‍ സൂര്യകാന്തികള്‍
ഇവിടെ പുഞ്ചിരിച്ചു നിന്നു
അവരുടെ സഖിയായ് ഹൃദയേശ്വരിയായ്
നവവധുവായവള്‍ കടന്നു വന്നു-ഒരു
നറുമലരായവള്‍ ചിരിച്ചു നിന്നൂ
അവള്‍ ചിരിച്ചു നിന്നൂ
(ഋതുകന്യകളേ..)

സ്ത്രീയേ..സ്ത്രീയേ...
നീയൊരു സുന്ദര കാവ്യം
നീയൊരു നിശ്ശബ്ദ രാഗം
സ്ത്രീയേ നീയൊരു ദുഃഖം
നിനക്കു നീയേ സാന്ത്വനഗീതം
(സ്ത്രീയേ..)

ഹൃദയദലങ്ങളിലഗ്നികണങ്ങളോ
മധുരപരാഗങ്ങളോ
നിറനീൾമിഴിയോ നിലാവിലലിയും
ചന്ദ്രകാന്തക്കുളിർമണിയോ
കുളി൪മണിയോ - ചന്ദ്രകാന്ത
ക്കുളിർമണിയോ
(സ്ത്രീയേ...)

വിജനവനങ്ങളിൽ വീണു മയങ്ങും
വിധുമുഖി ജാനകിയോ
പ്രിയതമനെവിടെന്നറിയാതുഴലും
സുന്ദരാംഗിയാം നളസഖിയോ
സ്ത്രീയേ..സ്ത്രീയേ...ആ...

ഒരു മധുരസ്വപ്നമല്ല മദിരോത്സവമല്ല 
മധുപാന ലീലയല്ല ജീവിതം 
ഒരു നീണ്ട യാത്ര ഒരു തീർത്ഥയാത്ര
സുഖദുഃഖങ്ങൾ തൻ ഘോഷയാത്ര
ഒരു മധുര സ്വപ്നമല്ല മദിരോത്സവമല്ല 
മധുപാന ലീലയല്ല ജീവിതം - നല്ല ജീവിതം

നോവുകൾ ചെമ്പനിനീർ പൂവായി വിരിയുന്നു
പൂവിനു മുൾമുനകൾ കാവൽ നിൽക്കുന്നു
ആവണിപ്പൊൻവെയിലും ആടി കാർമുകിലും
ഭൂമിയെ രോമാഞ്ചമണിയിക്കുന്നു
ഒരു മധുര സ്വപ്നമല്ല മദിരോത്സവമല്ല 
മധുപാന ലീലയല്ല ജീവിതം - നല്ല ജീവിതം

രാവു മായും നിലാവു മായും
മഞ്ഞും മലരും മായും 
രാഗിണി നിന്നുടെ സ്വപ്നങ്ങൾ മാത്രം
മായാതെ മന്ദഹസിക്കും
മായാതെ മന്ദഹസിക്കും
രാവു മായും നിലാവു മായും

നീലനീല രാവുകൾ നിവർത്ത മെത്തയിൽ
ഒരു പൂവു പോലെ വീണുറങ്ങും രാഗസ്വപ്നമേ 
നിന്നെ ഞാനുണർത്തുകില്ലാ - ഇനി
നിന്നെ ഞാനുണർത്തുകില്ലാ
നിന്നെ ഞാൻ ഉണർത്തുകില്ലാ
രാവു മായും നിലാവു മായും

നൂപുരങ്ങൾ തേടി വന്ന മധുരനൃത്തമേ
മണിവീണ തേടി വന്നണഞ്ഞ മൗനഗാനമേ 
നിന്നെ ഞാനുണർത്തുകില്ലാ - ഇനി
നിന്നെ ഞാനുണർത്തുകില്ലാ
നിന്നെ ഞാൻ ഉണർത്തുകില്ലാ

മയില്‍പീലി മിഴികളില്‍
മനസ്സിലെ സങ്കല്പങ്ങള്‍
മലര്‍ത്തിരി കൊളുത്തിയല്ലോ -നിന്റെ
മയില്‍പീലി മിഴികളില്‍

മനസ്സമ്മതം കേള്‍ക്കാതേ
മണവാളന്‍ ഓടിവന്നെന്‍
മണിയറ തുറന്നുവല്ലോ - എന്റെ
മണിയറ തുറന്നുവല്ലോ
(മയില്‍പീലി...)

നീയൊരു ഗാനമായ് വന്നൂ - അതില്‍
ഞാനലിഞ്ഞില്ലാതെയായി
നീയടുത്തണയുമ്പോള്‍
നിന്‍ മുഖം തെളിയുമ്പോള്‍
ഞാനൊരു സംഗീതമാകും - മണി
വേണുവിന്‍ സംഗീതമാകും 
മയില്‍പീലി മിഴികളില്‍

അഞ്ജനക്കുളിര്‍ നീല വിണ്ണിലെ കല്‍പ്പടവില്‍ 
പഞ്ചമി പെണ്‍കൊടി വന്നിരുന്നു
നാളത്തെ രാത്രിയല്ലോ വേളിമുഹൂര്‍ത്തമെന്നു
നാണിച്ചു നാണിച്ചവള്‍ ഉം..ഉം...ഉം
നാണിച്ചു നാണിച്ചവള്‍ നിനച്ചിരുന്നു 
അഞ്ജനക്കുളിര്‍ നീല വിണ്ണിലെ കല്‍പ്പടവില്‍ 
പഞ്ചമി പെണ്‍കൊടി വന്നിരുന്നു - വന്നിരുന്നു

അന്തിമലര്‍ക്കിളി കൂടണഞ്ഞു
അമ്പിളിവിളക്കില്‍ തിരി തെളിഞ്ഞു
കണ്മണി നീയൊരു കഥ പറയൂ -നിന്‍
കണ്മുനയാലൊരു കഥ പറയൂ
അന്തിമലര്‍ക്കിളി കൂടണഞ്ഞു
അമ്പിളിവിളക്കില്‍ തിരി തെളിഞ്ഞു

ഇന്നലെ ഞാനൊരു സ്വപ്നം കണ്ടൂ
ഇന്നെങ്ങനെ ഞാനതിന്‍ കഥ പറയും 
മിഴികളില്‍ നാണത്തിന്‍ പൂവിരിഞ്ഞു 
നീ പറയാതക്കഥ ഞാനറിഞ്ഞൂ 
അന്തിമലര്‍ക്കിളി കൂടണഞ്ഞു
അമ്പിളിവിളക്കില്‍ തിരി തെളിഞ്ഞു

കാണാതെ പിന്നിലൊരാളു വന്നു -എന്റെ
കണ്ണിണ പൊത്തി ചിരിച്ചു നിന്നു 
കാതിലൊരീരടി തേന്‍ പകര്‍ന്നു -നിന്റെ
കവിളില്‍ നിന്നായിരം പൂവിറുത്തു 

ആരറിവൂ ആരറിവൂ
ഇരവെന്നും പകലെന്നും
ഇരുവഴി പിരിയുന്ന
കാലത്തിൻ പൊരുളെന്തെന്നാരറിവൂ
ആരറിവൂ... 

കറുത്ത രാത്രികൾ - കരിനാഗങ്ങൾ
പത്തി വിടർത്തി നൃത്തം ചെയ്‌വൂ
കത്തും കനൽ മിഴിയോടെ
പായുകയല്ലോ പകലിൻ പിമ്പേ
തീരാപ്പകയോടെ (ആരറിവൂ...)

മനസ്സിനുള്ളിലെ മണിദീപങ്ങൾ
മങ്ങിമയങ്ങി പൊലിയുകയല്ലോ
എങ്ങും നിഴലുകൾ മാത്രം
ആഴം കാണാക്കൂരിരുളിൽ ഞാൻ
താഴുകയാണല്ലോ (ആരറിവൂ...)
 

മായയല്ലാ - മന്ത്രജാലമല്ലാ
മനസ്സിന്റെ ചുമരില്‍ മന്മഥനെഴുതിയ
മായാത്ത രൂപമിതാ
ആരിവളാരിവളാരോ
ആരോമലാളിവളാരോ
ആരോ - ആരോ - ആരോ 
(മായയല്ലാ... )

രാഗയമുനയില്‍ നീന്തി നടക്കും
രാജമരാളികയോ
രാജമരാളിക പാടിയുണര്‍ത്തും
താമര മലര്‍മകളോ
താമര മലര്‍മകള്‍ താലോലിക്കും
തങ്കക്കിനാവൊളിയോ
തങ്കക്കിനാവുകള്‍ കണ്ടു ചിരിക്കും
താരകപ്പെണ്‍കൊടിയോ 
(മായയല്ലാ... )

ചിരിക്കുടുക്കേ എന്റെ ചിരിക്കുടുക്കേ നിന്റെ
ചിരികളിലേതോ ചിലമ്പുമണിയുടെ 
മധുരസംഗീതം - ഒരു മധുരസംഗീതം

കളിയാക്കല്ലേ എന്നെക്കളിയാക്കല്ലേ ആ
കളിവാക്കുകേള്‍ക്കേ കരളിലുണര്‍ന്നൊരു 
മധുരവികാരം - ഒരു മധുരവികാരം

നാണംകൊണ്ടൊരുമൂടുപടത്താല്‍ പൂമിഴിമൂടുവതെന്തേ
ഓണനിലാവില്‍ നീരാടുമ്പോള്‍ പൂവിനുണ്ടൊരു നാണം
ആരും കാണാത്തീരത്തുള്ളൊരു പാരിജാതപ്പൂവേ
പാരിജാതപ്പൂവിന്‍ മണിയറ വാതില്‍ തുറന്നവനാരോ

ചിരിക്കുടുക്കേ എന്റെ ചിരിക്കുടുക്കേ...  
കളിയാക്കല്ലേ എന്നെക്കളിയാക്കല്ലേ...