ഉരുകിയുരുകിയെരിയുമീ
മെഴുകുതിരികളിൽ
അഴലിനിരുളിലിടറുമീ
തരള മിഴികളിൽ
മധുരിതമായ് പകരുകില്ലേ
ഹൃദയ സാന്ത്വനഗീതം
സുഖദ സാന്ത്വന ഗീതം (ഉരുകി..)

അകലെ വിണ്ണിൻ വീഥിയിൽ
ആർദ്രരാത്രിയിൽ
മഴമുകിലിൽ മാഞ്ഞു പോം
സ്നേഹതാരമേ
തളർന്നുറങ്ങാൻ താരാട്ടുണ്ടോ
താന്തമാമീണമുണ്ടോ
താന്തമാമീണമുണ്ടോ (ഉരുകി...)

അലയറിയാത്തോണിയിൽ
അലയും യാത്രയിൽ
തുഴ മുറിഞ്ഞു പോയൊരെൻ
മൂക സ്വപ്നമേ
അകലെയേതോ തീരങ്ങളുണ്ടോ
അഭയകുടീരമുണ്ടോ
അഭയകുടീരമുണ്ടോ (ഉരുകി..)

പൊന്നാമ്പൽപ്പൂ മണിക്കുട നീർത്തുന്നൂ
പൂമാനത്ത് വെയിൽ പൊന്നുരുക്കുന്നൂ
കണിമലർ കൊമ്പു നീർത്തും നിരനിരത്താരകങ്ങൾ
തുടുമിഴിത്തുമ്പുഴിഞ്ഞും പുലരൊളി തെല്ലണിഞ്ഞും
വരവായിതിലേ ഇണകളേ എതിരേൽക്കാനായ് (പൊന്നാമ്പൽ..)

പലനാളായുള്ളിൽ പൂക്കും കുളിരൂറും സങ്കല്പങ്ങൾ
ഇരു പേരും തമ്മിൽ കൈമാറും
കൊതിയോടെ കണ്ണും കണ്ണും ശ്രുതി മീട്ടും നാടൻ ശീലായ്
അറിയാതെ തമ്മിൽ ചേർന്നീടും
ഏതേതോ മധുരവുമായ്
ഓരോരോ കഥ പറയാൻ
കാണാപ്പൂങ്കൊമ്പത്തെ കന്നിപ്പൂക്കൾ നുള്ളാൻ (പൊന്നാമ്പൽ...)

അടുത്തൊന്നു വന്നിരുന്നാൽ
മിഴിത്തുമ്പിലുമ്മ വയ്ക്കാം
മനസ്സിന്റെ പാതി തന്നാൽ
വിരൽ കൊണ്ട് മീട്ടി നോക്കാം
നിനക്കെന്റെ മാൻ കിടാവിൽ മഷിക്കൂട്ടു തന്നതാരേ
മറക്കൊത്തൊരോർമ്മ  നൽകും മഴത്തെന്നലോ
നദിയേ നൈൽ നദിയേ(2)
പറന്നെന്റെ നെഞ്ചിൽ പാറി വാ
മലരേ മണിമലരേ(2)
ഉഷസ്സിന്റെ മഞ്ചൽ കൊണ്ടു വാ (2)
ഓ..ഓ..ഉഷസ്സിന്റെ മഞ്ചൽ കൊണ്ടു വാ

കളമൊഴി കാറ്റുണരും കിളിമരച്ഛായകളിൽ
പൊന്നും തേനും വിളമ്പും പൈമ്പാൽ നിലാവായ്
മനസ്സിൽ ചിരി വിരിയും
പൊന്നും തേനും വിളമ്പും പൈമ്പാൽ നിലാവായ്
മനസ്സിൽ ചിരി വിരിയും (കളമൊഴി..)

കുവലയം തോൽക്കും  കൺപീലിയിൽ
കുസൃതിയുമായ് വരും സായന്തനം (2)
ഉരുകുമീ പൊൻ വെയിൽ പുടവയുടുക്കാം
നുരയിടും തിരയുടെ മടിയിലുറങ്ങാം
പോരൂ സ്വരലയമേ നീയെൻ വരമല്ലയോ (2)  (കളമൊഴി..)

ഇതൾ വിരിഞ്ഞാടും പൂപ്പാടങ്ങളിൽ
പരിമളം വീശും വാസന്തമേ (2)
കതിരിടും സ്നേഹത്തിന്നുതിർമണി തേടാം
കരളിൽ കിനാവിന്റെ മലർ മഴ ചിന്താം
നീയെൻ സ്വന്തമല്ലേ മായാ കോകിലമേ (2) (കളമൊഴി..)

മിഴിനീർക്കടലോ ഹൃദയം
എരിതീ കനലോ പ്രണയം
സ്വയം നീറുമീ സൂര്യഗോളം
പകർന്നേകുമീ സ്നേഹനാളം
പൊഴിയും നിഴലോ വിരഹം
ഇനിയീ ഇരുളിൽ അഭയം (മിഴിനീർ...)

മനം നൊന്തു പാടും രാപ്പാടിയായ്
പറന്നെങ്ങു പോയ് നീ കാണാത്ത ദൂരേ
വഴിക്കണ്ണുമായ് നിഴൽച്ചില്ലു മേയും
ജനൽ കൂടിനുള്ളിൽ വിതുമ്പുന്നു ജന്മം
ഒരു സാന്ത്വനമായ് വരുമോ
ചിറകിൻ തണലും തരുമോ (മിഴിനീർ...)

ആ..ആ...ആ.......
താരകം ദീപകം മാരിവിൽ ശ്രീലകം
സാഗരം നൂപുരം സാന്ദ്രമാം സാധകം
ഗിരിതടങ്ങൾ പാടും  ഓ...
ഗിരിതടങ്ങൾ പാടും ഹിമവസന്ത രാഗം
ദലപുടങ്ങൾ നീട്ടും ജലതരംഗമേളം
ഉതിർന്നൊരീ ശ്രാവണമഴയിൽ
മദാന്ധമാം മായികനടനം ഇതു
ചന്ദ്ര ചൂഡ താണ്ഡവ നടനം (താരകം..)

വരതംബുരുവിൽ ശ്രുതിചന്ദനമായ്
മൃദുഭൈരവി തൻ സ്വര സംപുടമായ്
ഉതിരും ജതിയിൽ പുതുമുദ്രകളായ്
പദഭംഗികളിൽ ശുഭചന്ദ്രികയായ് ഓ.....
സാന്ധ്യപർവ്വതസാനുവിലൊഴുകും
ഗംഗയായെന്നംഗമുണർത്തൂ
സാമഗാനതാള തരംഗിണി
രാഗധാരയാം രമണി
അലിവായ് തെളിഞ്ഞു നില്പൂ യാമം (താരകം..)

ആട്ടുതൊട്ടിലിൽ നിന്നെ കിടത്തിയുറക്കി മെല്ലെ
മണിപ്പളുങ്കുക്കവിൾത്തടങ്ങൾ നുള്ളി നുകരും ശലഭമായ് ഞാൻ
സൂര്യകാന്തികൾ മഞ്ഞുമഴയിൽ കുതിർന്നു നിൽക്കും
നിഴൽചെരുവിലൊഴുകി വന്ന കുളിരരുവിയലകളായ് ഞാൻ
വെണ്ണിലാച്ചിറകുള്ള രാത്രിയിൽ
വെള്ളിനീർക്കടലല കൈകളിൽ
നീന്തി വാ തെളിനീർത്തെന്നലേ
നനയുമീ പനിനീർമാരിയിൽ ഓ..ഓ.. (ആട്ടുതൊട്ടിലിൽ..)

വെള്ളിത്തിങ്കൾ പൂങ്കിണ്ണം തുള്ളിത്തൂവും
ഉള്ളിന്നുള്ളിൽ താലോലം താളം തേടും
കാണാപ്പൂഞ്ചെപ്പിലെ തെങ്കാശിക്കുങ്കുമം
എള്ളോളം നുള്ളി നോക്കവേ (വെള്ളിത്തിങ്കൾ..)

കാവേരിക്കുളിരോളം മെയ്യാകെപ്പെയ്യുവാൻ
ചെല്ലച്ചെന്തമിഴീണം മൂളും തെന്നൽ
മാലേയക്കുളിർ മഞ്ഞിൻ മാറ്റോലും തൂവലാൽ
മഞ്ഞൾത്തൂമണമെങ്ങും തൂകും നേരം
നീയെന്റെ ലോലലോലമാ മുൾപ്പൂവിലെ
 മൃദുദളങ്ങൾ മധു കണങ്ങൾ തഴുകുമെന്നോ (വെള്ളിത്തിങ്കൾ..)

കാ കാക്കേ കൂടെ കൂട്ടു വാ
രാക്കൂട്ടിൽ പാടാൻ പാട്ടു താ (2)
കൊത്തിക്കൊത്തി കൂത്താടി കൂടെയിരിക്കാൻ വാ
കൊച്ചിളമാവിൽ ചേക്കേറി കൂനിയിരിക്കാൻ വാ
കുറുമ്പൊത്ത കുറുവാലുമായ് ഓ..
(കാ കാക്കേ..)

രുക്കുമണിക്കുയിലമ്മേ നിന്നുടെ
മുത്തു പതിച്ച പതക്കമെനിക്കല്ലേ
ഈ മോതിരവും കുനു കൈവളയും
നിറവാർമുടിയും ഇനിയെന്റേതല്ലേ
ചക്കരവാക്കു പറഞ്ഞും കിക്കിളി
മൊട്ടുകൾ തൊട്ടു വിളിച്ചതുമാരാണ്
എന്റെ മനസ്സിലൊളിച്ചു കളിയ്ക്കണൊ-
രുണ്ണിയെ വെണ്ണയുമായ് വരൂ
മല്ലി നിലാവിനെ മുല്ലകൾ മൂടിയതാ‍രാണ്
(കാ കാക്കേ..)

പൊൻ വെയിലൂതിയുരുക്കീ മിനുക്കി
തങ്കത്താലി
പൂവാങ്കുരുന്നിനും പൂത്താലി
രാവിൻ തങ്കനിലാവിലലക്കിയെടുത്തു
മേഘക്കോടീ
പുന്നാരപ്പെണ്ണിനും പൂങ്കോടി
മുകിൽ തോൽക്കും മുടിയിൽ ചൂടാൻ മൂവന്തിമുല്ലപ്പൂമാല്യം (മേടപ്പൊൻ...)

തിങ്കൾ ഭജിക്കും പെണ്ണേ തങ്കവർണ്ണപ്പെണ്ണേ
നീ തരുന്നു മധുരം
പീലി വിരിക്കും കണ്ണിൽ വാലിട്ടെഴുതും കണ്ണിൽ
എന്റെ മോഹശലഭം
കള്ളനോട്ടം നോക്കി കാതരയായി കൊഞ്ചി
കൂടെയൊന്നു വായോ
നിന്നെക്കാത്തു കാത്തു ഞാനിരിക്കുന്നു നെഞ്ചിൽ
നാട്ടു മൈന പാട്ടു മൂളുന്നു ( മേടപ്പൊൻ..)