പൂവായ പൂ ഇന്നു ചൂടി വന്നല്ലോ
തേനായ തേൻ ഇന്നു തൂകി വന്നല്ലൊ
പൊൻ കിനാവുകൾ ഒന്നായോടി വന്നല്ലോ
പൊന്നണിഞ്ഞ തേരൊന്നിലേറി വന്നല്ലോ
പൂവായ പൂ ഇന്നു ചൂടി വന്നല്ലോ

കണ്ടു മുട്ടിയൊരു നാള് തൊട്ടു നമ്മൾ
രണ്ടു പേർ പോറ്റും മോഹം
ഈ ദിനത്തിലതു കാട്ടു ചോല പോലെ
പാട്ടു പാടിയൊഴുകുന്നു
കനവിലോ നിന്റെ രൂപം
നിനവിലോ നിന്റെ നാദം
ഒരു ശ്രുതിയായ് ഒരു ലയമായ്
അനുദിനമരികിലായ് സീമന്തിനി
നിറമായ് സ്വരമായ് മുന്നിൽ നീയാടി വാ
പൂവായ പൂ ഇന്നു ചൂടി വന്നല്ലോ
തേനായ തേൻ ഇന്നു തൂകി വന്നല്ലൊ

ആ..ആ..ആ..
അനുമോദനത്തിന്റെ പൂച്ചെണ്ടുകൾ
അഭിവാദനത്തിന്റെ നിറമാലകൾ
ഇന്നലെ പാകിയ സ്വപ്നത്തിൻ നെൽച്ചെടി
ഇന്നു നിങ്ങൾക്കേകി കതിർമാലകൾ
(അനുമോദനത്തിന്റെ..)

മലരിലെ മധുവും മാനത്തെ വിധുവും
മനതാരിലൊന്നിക്കും കാലം
ഈ മധുവിധു കാലം (2)
വേനൽ വസന്തമായ് തോന്നുന്ന കാലം
കയ്പ്പും മധുരമായ് മാറുന്ന കാലമീ
മധുവിധു കാലം (അനുമോദനത്തിന്റെ..)

ഇരുവഴി വന്നൂ ഇണ ചേർന്നു പോകാൻ
ഇനി സ്നേഹ സാഗരം പൂകാൻ
ഈ സംഗമം ധന്യം (2)
കാലം കനിഞ്ഞതിൽ കല്യാണമാല്യം
ഉയരം താഴ്ച്ചയെ പുണരുന്ന ചിത്രമീ
സംഗമം ധന്യം
(അനുമോദനത്തിന്റെ..)

പുലരിയിലൊരു പൂന്തെന്നൽ
കൊളുത്തുന്നു ദീപം
ഹരിനാമം ചൊല്ലുമ്പോൾ
തിളങ്ങുന്ന ദീപം
മലർച്ചുണ്ടിൽ തുളുമ്പുന്ന മുളം തണ്ടുമായീ
മണിക്കണ്ണൻ വിരുന്നെത്തി വിളിക്കുന്നുവെന്നോ

മഴയുടെ മിഴി മൺ ചെരാതിൽ
തളിക്കുന്നു തീർഥം
അമ്പാടി പൂമ്പൈക്കൾ ചുരത്തുന്നു സ്നേഹം
കുല ദൈവം കുടി കൊള്ളും മലർക്കാവിലേതോ
കുയിൽ പെണ്ണിൻ തളിർ ചുണ്ട് ജപിക്കുന്നൂ മന്ത്രം

ആ..ആ..ആ.
കാട്ടുകുറിഞ്ഞി പൂവുംചൂടി സ്വപ്നംകണ്ടു മയങ്ങും പെണ്ണ്
കാട്ടുകുറിഞ്ഞി പൂവുംചൂടി സ്വപ്നംകണ്ടു മയങ്ങും പെണ്ണ്
ചിരിക്കാറില്ല ചിരിച്ചാല്‍
ചിരിക്കാറില്ല ചിരിച്ചാല്‍ ഒരു പൂങ്കുഴലി‍
തളിരും കോരി കുളിരുംകോരി
നൂറും പാലും കുറിയും തൊട്ട് നടക്കും പെണ്ണ്
കരയാറില്ല കരഞ്ഞാല്‍
കരയാറില്ല കരഞ്ഞാല്‍ ഒരു കരിങ്കുഴലി‍
കാട്ടുകുറിഞ്ഞി പൂവുംചൂടി സ്വപ്നംകണ്ടു മയങ്ങും പെണ്ണ്

പൊന്നാര്യൻ പാടം കതിരാടും കാലം
വിള കൊയ്യും കന്നിക്കാക്കാത്തീ
കരുമാടിപ്പെണ്ണിൻ കല്യാണക്കാലം
കൈ നോക്കീ ചൊല്ലാമോ

കാവാലം കായലിലൂടെ കാണാ പൂന്തോണി തുഴഞ്ഞ്
കണി കാണാൻ വന്നൂ പൂമാരൻ
കണ്ടാലോ കൊച്ചു കുറുമ്പൻ കരി വീട്ടി കാതൽ കടഞ്ഞോൻ
കിന്നാരം കൊഞ്ചും പൂവാലൻ
അലയാടും മനസ്സിന്റെ അമരത്തും അണിയത്തും
അല്ലി നിലാവായ് പൂത്തൊരുങ്ങാൻ (പൊന്നാര്യൻ..)

മണിമുല്ലത്താലിയണിഞ്ഞ്... മഞ്ഞാടക്കോടിയുടുത്ത്
മണവാട്ടിപ്പെണ്ണായ് പോന്നോളാം
മണലാര്യൻ നെന്മണി കുത്തി മാമുണ്ണാനൂണു വിളമ്പി
മുളയോല കൂട്ടിൽ കാത്തോളാം

ഇന്നുമെന്റെ കണ്ണുനീരിൽ
നിന്നോർമ്മ പുഞ്ചിരിച്ചു..
ഈറൻമുകിൽ മാലകളിൽ
ഇന്ദ്രധനുസ്സെന്നപോലെ..
(ഇന്നുമെന്റെ...)

സ്വർണ്ണമല്ലി നൃത്തമാടും
നാളെയുമീ പൂവനത്തിൽ
തെന്നൽ കൈ ചേർത്തു വെയ്ക്കും
പൂക്കൂന പൊൻപണം പോൽ
നിൻ പ്രണയ പൂ കനിഞ്ഞ
പൂമ്പൊടികൾ ചിറകിലേന്തി
എന്റെ ഗാനപ്പൂത്തുമ്പികൾ
നിന്നധരം തേടിവരും
(ഇന്നുമെന്റെ..)

ഒടുവിലീ യാത്ര തന്‍ ഒടുവിലെന്‍ നിഴലിന്റെ
മടിയില്‍ ഞാനൊരു നാള്‍ തളര്‍ന്നു വീഴും
ഒരു പിടി ഓര്‍മ്മകള്‍ നുകര്‍ന്നു ഞാന്‍ പാടും
ഒരു ഗാനം ഈ ഹംസഗാനം

പൂവില്‍ നിലാവില്‍ പൂര്‍ണ്ണെന്ദു മുഖികളില്‍
സൌവര്‍ണ്ണ മുന്തിരി പാത്രങ്ങളില്‍
കേവല സൌന്ദര്യത്തിന്‍ മാദക ലഹരി തേടി
ജീവിതമൊരുത്സവം എന്നു പാടീ
ഞാന്‍ അന്നു പാടീ
ഒടുവിലീ യാത്ര തന്‍ ഒടുവിലെന്‍ നിഴലിന്റെ
മടിയില്‍ ഞാനൊരു നാള്‍ തളര്‍ന്നു വീഴും

വട്ടയില പന്തലിട്ട് പൊട്ടു തൊട്ട് ഞാനിരുന്നു
പാലപ്പൂ തുമ്പികളോ കൂട്ടിരുന്നു
കണ്ണാടിപ്പുഴ പാടീ പുല്ലാനിക്കതിരാടീ
നീ മാത്രമെന്തേ വന്നില്ലാ
നീ മാത്രമെന്തേ വന്നില്ലാ
( വട്ടയില..)

പഞ്ചമിപ്പൂപടവിൽ പാലാഴി പൂങ്കടവിൽ
ഞാനിന്ന് തോണീയിറങ്ങീ
പാതിരാപ്പാടത്തെ കസ്തൂരിപൂങ്കാറ്റിൻ
തേരിൽ ഞാൻ അരികിലെത്തീ
മുത്തണിരാവിന്റെ മൂന്നാം മുറത്തിലെ മുത്തുകൾ നൽകാം ഞാൻ
പൊന്നിലക്കുന്നിലെ പൂമരമൊട്ടിന്റെ മാല കൊരുക്കാം ഞാൻ
നിന്നെ കാണാനാളറിയാതിക്കരെയെത്തി ഞാൻ
ഇക്കരെയെത്തീ ഞാൻ
( വട്ടയില...)

കൃഷ്ണ പ്രിയ ദളം കബരിയിൽ തിരുകീ
കീർത്തനാലാപനത്തിൽ മുഴുകി
കൃഷ്ണ പ്രിയ ദളം കബരിയിൽ തിരുകീ
കീർത്തനാലാപനത്തിൽ മുഴുകി

മന്വന്തരങ്ങളായ് നിന്നെ ധ്യാനിക്കും വൃന്ദാവന രാധ
കണ്ണാ ഞാൻ നിൻ വൃന്ദാവന രാധ
കൃഷ്ണ പ്രിയ ദളം കബരിയിൽ തിരുകീ
കീർത്തനാലാപനത്തിൽ മുഴുകി

ചന്ദന ചർച്ചിത നീല കളേബരത്തിൽ
ചാരു പീതാംബരം ചാർത്തി (2)
കളകാഞ്ചികളാൽ കാൽച്ചിലമ്പൊലിയാൽ (2)
കാളിന്ദീ തടമാക്കൂ മനസ്സൊരു ഗന്ധർവ്വ വീണയാക്കൂ
കൃഷ്ണ പ്രിയദളം കബരിയിൽ തിരുകീ
കീർത്തനാലാപനത്തിൽ മുഴുകി

വെളിച്ചം വിളക്കണച്ചു
രാത്രിയെ വെണ്ണിലാവും കൈ വെടിഞ്ഞൂ
വെളിച്ചം വിളക്കണച്ചു
രാത്രിയെ വെണ്ണിലാവും കൈ വെടിഞ്ഞൂ
പ്രകൃതി തന്നമ്പല മുറ്റത്തു കാലം
പ്രഭാതവും കാത്തു തപസ്സിരിപ്പൂ
പ്രകൃതി തന്നമ്പല മുറ്റത്തു കാലം
പ്രഭാതവും കാത്തു തപസ്സിരിപ്പൂ
ഈ രാത്രിയെപ്പോൾ പുലരും പറയൂ പ്രപഞ്ചമേ പറയൂ
വെളിച്ചം വിളക്കണച്ചു
രാത്രിയെ വെണ്ണിലാവും കൈ വെടിഞ്ഞൂ