താഴമ്പൂ തൊട്ടിലിൽ താമര തുമ്പിയെ
താലോലമാട്ടുവാൻ കാറ്റേ വാ (2)
തുമ്പിക്കിടാവിനു സ്വപ്നത്തിലായിരം
തുമ്പക്കുടങ്ങളിൽ പാലൂട്ട് (2)
(താഴമ്പൂ...)

തുമ്പിക്കൊരായിരം കുമ്പിളിൽ തൂവെണ്ണ
അൻപൊടു നീ കൊട് വെണ്ണിലാവേ (2)
പിച്ചാ പിച്ചാ നടത്തുവാനോടി വാ (2)
പിച്ചകത്തോപ്പിലെ പൂനിലാവേ
താലോലം താലോലം താമരത്തുമ്പീ താലോലം
(താഴമ്പൂ..)

മഞ്ഞക്കിളിയെ കണി കണ്ടുണർന്നാലോ
മന്ദാര പൂ തരും തേൻ മധുരം (2)
മിന്നും പൊന്നിൻ ഞെറി വെച്ചുടുക്കുവാൻ (2)
ചിങ്ങ വെയിലേ ചിറ്റാട തായോ
താലോലം താലോലം താമരത്തുമ്പീ താലോലം
(താഴമ്പൂ..)

കടലോളം വാത്സല്യം താരാട്ടായ് തരുമച്ഛൻ
വെയിൽ വഴിയിൽ കുട നിഴലിൻ തണലാകും എന്നച്ഛൻ
അമ്മക്കിളിയില്ലാക്കൂടാകുംവീട്ടിലെ
ചെല്ലകുഞ്ഞിനെന്നും കൂട്ട്
ആലോലം കൊമ്പത്തൊരൂഞ്ഞാലിട്ടാടുമ്പോൾ
ആയത്തിലാട്ടുന്ന പാട്ട്

വാലിട്ടെഴുതുമ്പോൾ നോക്കുവാനുള്ളൊരു
വാൽക്കണ്ണാടി എൻ അച്ഛന്റെ കണ്ണുകൾ (2)
കാണിപൊന്നിൻ കമ്മലണിഞ്ഞു
കുന്നിമണി മാലയണിഞ്ഞു
കൊഞ്ചി കൊഞ്ചി കുറുമ്പുമ്പോൾ
പുഞ്ചിരി പാലു കുറുക്കൊന്നോരോർമ്മ
എന്നച്ഛൻ...
കടലോളം വാത്സല്യം താരാട്ടായ് തരുമച്ഛൻ
വെയിൽ വഴിയിൽ കുട നിഴലിൻ തണലാകും എന്നച്ഛൻ

താരാജാലം ഇരവൊരു മുല്ല പന്തൽ
തോരാ ഗസലിൽ പനിനീരുതിരും പടവിൽ
കൊലുസിൻ മാനസമുണരുന്നൂ
കിനാവിന്റെ നീല നദിക്കരയിൽ
പുടവത്തുമ്പുലയ്ക്കുന്ന കാറ്റിൽ പകരുവതേതു സുഗന്ധം
തുടുത്തു തുടുത്തു വരുന്ന മുഖത്ത് നാണം കണ്ടാദ്യമായ്
താരാജാലം ഇരവൊരു മുല്ല പന്തൽ
തോരാ ഗസലിൽ പനിനീരുതിരും പടവിൽ
കൊലുസിൻ മാനസമുണരുന്നൂ
കിനാവിന്റെ നീല നദിക്കരയിൽ

താണു താണു വരുമാതിരക്കിളിയോടേതു
രാഗത്തിലോതി നീ നിൻ മോഹം (2)
[താണു...]

ഗമനിധ ധനിസാ ധനിരീസസ. . 

കൈക്കുടന്ന നിറയെ തിരുമധുരം തരും
കുരുന്നിളം തൂവല്‍ കിളിപാട്ടുമായ്
ഇതളടർന്ന  വഴിയിലൂടെ വരുമോ വസന്തം 
കൈക്കുടന്ന നിറയെ തിരുമധുരം തരും
കുരുന്നിളം തൂവല്‍ കിളിപാട്ടുമായ്
ഇതളടർന്ന  വഴിയിലൂടെ വരുമോ വസന്തം 
കൈക്കുടന്ന നിറയെ തിരുമധുരം തരും

സന്ധ്യയ്ക്കെന്തിനു സിന്ദൂരം
ചന്ദ്രികയ്ക്കെന്തിനു വൈഢൂര്യം
കാട്ടാറിനെന്തിനു പാദസരം
എന്‍ കണ്മണിക്കെന്തിനാഭരണം
(സന്ധ്യയ്ക്കെന്തിനു..)

മായികമാകും മന്ദസ്മിതത്തിന്റെ
മാറ്ററിയുന്നവരുണ്ടോ
തങ്കമേ...
തങ്കമേ നിന്‍മേനി കണ്ടാല്‍ കൊതിക്കാത്ത
തങ്കവും വൈരവുമുണ്ടോ
(സന്ധ്യയ്ക്കെന്തിനു..)

ഭൂമിയില്‍ സ്വര്‍ഗത്തിന്‍ ചിത്രം വരയ്ക്കുന്നു
കാമുകനായ വസന്തം
എന്നെ കാവ്യഗന്ധര്‍വ്വനാക്കുന്നു സുന്ദരീ
എന്നെ കാവ്യഗന്ധര്‍വ്വനാക്കുന്നു സുന്ദരീ
നിന്‍ ഭാവഗന്ധം
(സന്ധ്യയ്ക്കെന്തിനു..)

വീരവിരാട കുമാര വിഭോ
ചാരുതരഗുണ സാദരഭോ
മാരലാവണ്യനാരി മനോഹരി
താരുണ്യ ജയ ജയ ഭൂമി
കാരുണ്യ വന്നീടുക
ചാരത്തിഹ പാരിൽ തവ
നേരത്തവരാരുത്തര
സാരസ്യസാരമറിവതിനും
നാളീക ലോചനമാരേ നാം

വ്രീള കഴിഞ്ഞു വിവിധമോരോ
കേളികളാടി മൃദുരാഗമാലകൾ
പാടി കരം കൊട്ടി ചാലവേ
പാടി തിരുമുൻപിൽ
താളത്തൊടു മേളത്തൊടു
മേളിച്ചനുകൂലത്തൊടു
ആളികളേ നടനം ചെയ്യേണം നല്ല
കേളി ജഗത്തിൽ വളർത്തേണം
ഹൃദ്യതരമൊന്നു പാടീടുവാൻ
ഉദ്യോഗമേതും കുറയ്ക്കരുതേ
വിദ്യുല്ലതാംഗീ ചൊല്ലീടുക പദ്യങ്ങൾ
ഭംഗി കലർന്നു നീ സദ്യോമാതംഗീ

മാവേലി നാടു വാണീടും കാലം
മാനുഷരെല്ലാരുമൊന്നു പോലെ
കള്ളവുമില്ല ചതിയുമില്ല
എള്ളോളമില്ല പൊളിവചനം
കള്ളപ്പറയും ചെറുനാഴിയും
കള്ളത്തരങ്ങൾ മറ്റൊന്നുമില്ല
എന്താ തുമ്പീ തുള്ളാത്തെ തുമ്പീ തുള്ളാത്തെ
പൂവു പോരാഞ്ഞോ പൂക്കില പോരാഞ്ഞോ
ആളു പോരാഞ്ഞോ
ഒരു കേറിയ പെണ്ണു തരാം പുടവേം തരാം
പെണ്ണിനെ തരീൻ വാണിമാരേ
ഒരു കേറിയ പെണ്ണു വേണ്ട പുടവേം വേണ്ടാ
പെണ്ണിനെ തരില്ല വാണിമാരെ
ആകയ്യിലീക്കയ്യിലോ മാണിക്ക്യചെമ്പഴുക്കാ
ദാ പോയോ ദാ പോയോ മാണിക്യചെമ്പഴുക്ക
ഒന്നാകും കാലു പിണഞ്ഞാൽ
കൈമേൽ കുടം കിടന്നാലും
പൂ..പൂ..പൂ

ചിറകുള്ള കിളികൾക്കേ മാനമുള്ളൂ
വെള്ളിത്തിരയുള്ള കടലിനേ തീരമുള്ളൂ
കത്തുന്ന തിരകൾക്കേ വെളിച്ചമുള്ളൂ
പൊട്ടിക്കരയുന്ന കുഞ്ഞിനേ പാലുള്ളൂ
(ചിറകുള്ള..)

മനസ്സിലൊരഭിലാഷം തപസ്സിരുന്നാലേ
മലരിനു വസന്തമുള്ളൂ
മുഖപടമില്ലാത്ത സ്നേഹത്തിനുള്ളിലേ
മധുരാനുഭൂതിയുള്ളൂ
മയങ്ങൂ മയങ്ങൂ
മയങ്ങിയാലേ പ്രഭാതമുള്ളൂ‍
(ചിറകുള്ള..)

അഴിമുഖമന്വേഷിച്ചൊഴുകിയാലേ
പുഴകളിൽ തരംഗമുള്ളൂ
പ്രതിഫലം തേടാത്ത പ്രേമത്തിനുള്ളിലേ
ഹൃദയനൈർമ്മല്യമുള്ളൂ
മയങ്ങൂ മയങ്ങൂ
മയങ്ങിയാലേ പ്രഭാതമുള്ളൂ
(ചിറകുള്ള..)

ശ്രീമംഗല്യ താലി ചാർത്തിയ സോമലതേ നിന്റെ
സീമന്തരേഖയിൽ ആരുടെ തിരുമുഖ സുസ്മിത സിന്ദൂരം

പൂമുഖപന്തലിൽ സ്വയം വര വധുവായ്
പൂത്തു നിന്ന നിന്നരികിൽ
തോളോടു തോൾ ചേർന്നു നിന്ന നിൻ നാഥന്റെ
ലാളനമേൽക്കാൻ കൊതിയായോ
ആ മാറിൽ കവിൾ ചെർത്തു നിൽക്കാൻ കൊതിയായോ
(ശ്രീ മംഗല്യ..)

പാൽക്കടൽ ദ്വീപിൽ പ്രിയനവനിരിക്കും
പത്മരാഗ മണിയറയിൽ
ഭൂമി നിലാവിൽ കുളിച്ചു കേറും മുൻപ്
പൂമെത്ത നീർത്താൻ തിടുക്കമായോ
ആ മടിയിൽ തല ചായ്ച്ചുറങ്ങാൻ തിടുക്കമായോ
(ശ്രീ മംഗല്യ..)

മാനത്തുകണ്ണികൾ മയങ്ങും കയങ്ങൾ
മനോരമേ നിൻ നയനങ്ങൾ
അവയിൽ മുഖം നോക്കും
എന്റെ വികാരങ്ങൾ
ആവേശഭരിതങ്ങൾ
(മാനത്തു..)

പ്രണയോപനിഷത്തിലെ
കയ്യക്ഷരങ്ങൾ നിൻ
നുണക്കുഴിപ്പൂ മൂടും കുറുനിരകൾ
കാറ്റു വന്നവയുടെ രചനാഭംഗികൾ
മാറ്റുവാൻ നീയെന്തിനനുവദിച്ചൂ
കാറ്റിനെ ഞാൻ ശപിച്ചു - അതു നിന്റെ
കാമുകഹൃദയത്തിലൊളിച്ചൂ - ഒളിച്ചൂ
(മാനത്തു..)