ശ്രീപാദം രാഗാർദ്രമായ്
അനുപദമാടും നടനം
ഞാനോ ആപാദം ശതതന്ത്രി മൂളും ശ്രീ
വരാംഗ വിലോല വല്ലകിയായ് മാറീ

നവരാഗ സ്വരലയ പല്ലവിയായ്
എൻ കനകാഭിഷേകം
കണിപ്പീലി നീർത്തും പുലരിയിൽ
കരമലരിണകളിലുണരുമൊരതി മൃദുവാം മുദ്രാ
മുകുളങ്ങളേ നാം അതിധന്യരായ്
ഹൃദയാങ്കണം

മലയജപവനിലലിയുമൊരണി മലരിതളണിക്കുമ്പിളായ്
സുഗമ സംഗീതമാം അമൃതബിന്ദുക്കളെ
പ്രണയമണിയായനഘ നിധിയായ്
പ്രകൃതിയുണരാനരികിൽ വരും (ശ്രീപാദം...)

--------------------------------------------------------------------

താമരനൂലിനാൽ മെല്ലെയെൻ മേനിയിൽ
തൊട്ടു വിളിയ്ക്കൂ
താഴിട്ടു പൂട്ടുമെൻ നെഞ്ചിലെ വാതിലിൽ
മുട്ടി വിളിയ്ക്കൂ
എന്റെ മാറോടു ചേർത്തൊരു പാട്ടുമൂളൂ
അണിവിരലിനാൽ താളമിടൂ
മെല്ലെ മെല്ലെയെന്നെ നീയുറക്കൂ..  (താമര..)

വെയിലേറ്റു വാടുന്ന പൂവു പോലെ
പൂങ്കാറ്റിലാടും കടമ്പു പോലെ
ഒരു കടൽ പോലെ നിൻ കാലടിയിൽ
തിരനുരക്കൈകളും നീട്ടിനിൽപ്പൂ
എന്നിട്ടും എന്നിട്ടും എന്തേ നീയിന്നെന്റെ
നെറുകയിലൊരു മുത്തം തന്നില്ലാ (താമര...)

തിരിയെരിയുന്നൊരു സൂര്യൻ ദൂരേ
തിരയുടെ തേങ്ങലിൽ വീണു
പകലിനെ നോക്കിക്കരയാൻ പാവം
പാർവ്വണ ചന്ദ്രൻ മാത്രം (തിരിയെരിയുന്നൊരു...)

കളപ്പുരക്കോണിൽ ഒരു കുഞ്ഞിക്കിളിയായ്
കുറുകുന്ന നൊമ്പരമേ
കരിയില മൂടുമീ കാവിലെയരയാലിൽ
ഇണയുടെ കാവൽച്ചിറകെവിടെ
ഇന്നു നിൻ മനസ്സിലെ മഴയെവിടെ (തിരിയെരിയുന്നൊരു...)

ഇലപ്പുല്ലുപായിൽ തനിച്ചിരിക്കുന്നു നീ
ഒരു സ്വർണ്ണനാഗിനിയായ്
തപസ്സിന്റെ ദാനമാം ശിരസ്സിന്റെ മാണിക്യം
മനസ്സിന്റെ കാട്ടിൽക്കളഞ്ഞുവെന്നോ
ഇന്നു നീ ഏകയായ് കരഞ്ഞുവെന്നോ  (തിരിയെരിയുന്നൊരു...)

പാൽക്കടലിൽ പള്ളികൊള്ളും പവിഴനാഗത്താരേ
കന്നിയാവിൻ കളം കൊള്ളാൻ കനിവു തോന്നേണം
വമ്പനാകും വാസുകിയും വന്നെഴുന്നള്ളേണം നിന്റെ
തങ്ക ദേഹം കണി കാണേണം (പാൽക്കടലിൽ..)

കുരുത്തോലപ്പന്തലിട്ട് കണിമഞ്ഞൾക്കളം തീർത്ത്
കുടം കൊട്ടിയുണർത്തുന്ന നാഗകന്യാവേ
ചിത്രകൂടം വലം വെച്ചും ചിത്തിനെല്ലാം ശുഭം തന്നും
പുറ്റുമണ്ണീന്നിറങ്ങി വാ നാഗകന്യാവേ  (പാൽക്കടലിൽ..)

നൂറും പാലും നിവേദിക്കാം നൂറുരു ഞാൻ ജപിച്ചീടാം
വന്നു നോക്കാൻ തുണയ്ക്കണേ നാഗകന്യാവേ
പൂക്കളത്തിൽ ഫണം നീർത്താൻ പുണ്യപാപക്കറ തീർക്കാൻ
പുറ്റുമണ്ണീന്നിറങ്ങി വാ നാഗകന്യാവേ  (പാൽക്കടലിൽ..)

ആമ്പലൂരമ്പലത്തിൽ ആറാട്ട്
ആതിരപ്പൊന്നൂഞ്ഞാലുണർത്തു പാട്ട്
കനകമണിക്കാപ്പണിയും കന്നി നിലാവേ നിന്റെ
കടക്കണ്ണിലാരെഴുതി കാർനിറക്കൂട്ട് (ആമ്പല്ലൂരമ്പലത്തിൽ..)

നാഗഫണക്കാവിനുള്ളിൽ തെളിഞ്ഞു കത്തും
കല്വിളക്കിൻ സ്വർണ്ണനാളം നീയല്ലോ
കളമിട്ടു പാടുമെൻ കരളിന്റെ മൺകുടം
കൺപീലിത്തുമ്പിനാലുഴിയും നിൻ കൗതുകം  (ആമ്പല്ലൂരമ്പലത്തിൽ..)

ആറ്റിറമ്പിലൂടെ മന്ദം നടന്നടുക്കും
ഞാറ്റുവേലപ്പെൺകിടാവേ നീയാരോ
അകത്തമ്മയായെന്റെ അകത്തളം വാഴുമോ
അഷ്ടപദീ ശ്രുതിലയം ആത്മാവിൽ പകരുമോ  (ആമ്പല്ലൂരമ്പലത്തിൽ..)

ചെണ്ടയ്ക്കൊരു കോലുണ്ടെട മണ്ടയ്ക്കൊരു കൊട്ടുണ്ടെട
ചൊല്ലിപ്പഠി തല്ലിപ്പഠി താളം
വെട്ടിന്നൊരു തട്ടുണ്ടെട തട്ടിന്നൊരു തടയുണ്ടെട
തല്ലിപ്പഠി ചൊല്ലിപ്പഠി താളം
ചക്കിന്നൊരു കൊക്ക് കൊക്കിന്നൊരു ചക്ക്
ചക്കേപ്പിടി ചക്രം തിരി ചട്ടപ്പടിയേ
ആനയ്ക്കൊരു കൂന് പൂനയ്ക്കൊരു വാല്
വാലേപ്പിടി കൊമ്പേപ്പിടിയാറ്റിൽക്കള വമ്പാ (ചെണ്ടയ്ക്കൊരു...)

പ്രാവുകൾ കുറുകുന്നു മനസ്സിൽ
പ്രണയം മുറുകുന്നു
മൂകവിഷാദത്തിൻ താഴ്വാരങ്ങളിൽ
മുന്തിരിവള്ളികൾ പൂക്കുന്നു (പ്രാവുകൾ...)

പറന്നു പോയൊരു പക്ഷിയുപേക്ഷിച്ച
തൂവലു പോൽ നീ നിൽക്കുന്നു
മഴയിൽ കുതിർന്നും മഞ്ഞിൽ നനഞ്ഞും
മാറോടു ചേർത്തു ഞാൻ പാടുന്നു നിന്നെ
മനസ്സോടു ചേർത്തു ഞാൻ പാടുന്നു (പ്രാവുകൾ...)

ഉടഞ്ഞു പോയൊരു ശംഖിലുലാവുന്ന
നോവുമായ് നീയുറങ്ങുന്നു
കാറ്റിലലഞ്ഞും കനവിലലിഞ്ഞും
കണ്ണീരുമായ് നീ തേങ്ങുന്നു നിന്നെ
കരളോടു ചേർത്തു ഞാൻ പാടുന്നു (പ്രാവുകൾ...)

റോസ് ബ്ലൂ റോസ് ആഹാ..
നീ ജനുവരിയില്‍ വിരിയുമോ
പ്രണയമായി പൊഴിയുമോ
ഹിമമഴയില്‍ നനയുമോ
മെഴുകുപോല്‍ ഉരുകുമോ
ശലഭമായി ഉയരുമോ
‌ശിശിരമായി പടരുമോ
(നീ ജനുവരിയില്‍)
 
അകലെ ഇനി അകലെ
അലിവിന്‍ തിരയുടെ നുരകള്‍
ഇനിയും സ്വയം ഇനിയും
പറയാം പരിഭവ കഥകള്‍
ചിറകുകള്‍ തേടും ചെറുകിളിമകള്‍ പോലെ
മറയുമൊരീഅറന്‍ പകലിതളുകളോടെ
ഓ റോസ് ബ്ലൂ റോസ് ആഹാ
(നീ ജനുവരിയില്‍)
 
വെറുതം ഇനി വെറുതെ മധുരം പകരുന്ന വിരഹം
ഹൃദയം മൃദുഹൃദയം
തിരയും തരളിത നിമിഷം
അകലെ നിലാവിന്‍ നിറമിഴിയിമ പോലെ
അരിയകിനാവിന്‍ മണിവിരല്‍ മുനയേറ്റാല്‍

സാമഗാനസാരമേ ഇടറി വീണുറങ്ങിയോ
സാക്ഷിയായി നിൽക്കുമീ ഹൃദയവെണ്ണ തേങ്ങിയോ
എന്നുള്ളിൽ മൗനത്തിൻ തിരിയുഴിയാൻ
നീ പോരുമോ ശുഭകരമൊരു (സാമഗാന...)

ആളുമ്പോൾ പൊള്ളുന്ന ദിവ്യാഗ്നിയാവാം ഞാൻ
നിന്നോമൽച്ചുണ്ടാലൊന്നൂതുമെങ്കിൽ
കണ്ണിൽ കൊളുത്തുന്ന കാണാവിളക്കോടെ
നിന്നെ ഞാൻ തേടുന്നു പൊൻ കിനാവേ
ഏതോ ജനിമൃതിയുടെ ശാപത്തിൽ
എരികനലായ് കത്തുമ്പോൾ
എങ്ങെങ്ങോ സംഗീത സൂര്യോദയം (സാമഗാന...)