കുടുംബചിത്രം

കേരളാ ടുഡേ എന്ന മാഗസിൻ നടത്തുന്ന മുകുന്ദൻ മേനോൻ, അയാളുടെ ഭാര്യ കൃഷ്ണേന്ദുവിനു അയാളെ സംശയമാണ്. കൃഷ്ണേന്ദുവിന്റെ സുഹൃത്തായ ശ്രേയ അവളെ പല തവണ ഉപദേശിക്കുന്നുവെങ്കിലും അവളുടെ സംശയം മാറുന്നില്ല. ശ്രേയയുടെ ഭർത്താവ് രാഹുൽ, മഹാ തരികിടയാണെങ്കിലും, ശ്രേയയുടേയും വീട്ടുകാരുടെയും മുന്നിൽ അവൻ സൽസ്വഭാവിയാണ്. മുകുന്ദൻ  ഭാര്യയെ സ്നേഹിക്കുന്ന സൽസ്വഭാവിയായ ഒരാളായി മാറണം എന്നതാണ് കൃഷ്ണേന്ദുവിന്റെ പ്രധാന ആഗ്രഹം. എന്നാൽ രാഹുലിന്റെ സ്വഭാവം ശരിക്കറിയാവുന്ന മുകുന്ദൻ രാഹുലിനെ ഒരു സുഹൃത്തു പോലുമായി കാണുന്നില്ല. മുകുന്ദന്റെ ഓഫീസിലെ ഫോട്ടോഗ്രാഫറാണ് ജോണ്‍ മത്തായി. ജോണിനു ഒരു ജോലി നൽകി സഹായിച്ചതിനാലും തന്നെ ഒരു സഹോദരനായി കാണുന്നതിനാലും ജോണിന് മുകുന്ദനോട് വലിയ കടപ്പാടും സ്നേഹവുമാണ്. ആത്മഹത്യ ചെയ്ത പെണ്‍കുട്ടിയെ കുറിച്ച് ഫീച്ചർ എഴുതാൻ സൂയിസൈഡ് പോയിന്റിൽ പോകുന്ന ജോണിനെ, അയാൾ ആത്മഹത്യ ചെയ്യാൻ പോകുകയാണ് എന്ന് തെറ്റിദ്ധരിച്ച് സെറീന രക്ഷിക്കാൻ ശ്രമിക്കുന്നു. താൻ ആത്മഹത്യ ചെയ്യാൻ ശ്രമിക്കുന്നില്ല എന്ന വാദം സെറീന അംഗീകരിക്കുന്നില്ല. അങ്ങനെ ജോണിന് താൻ താമസിച്ചിരുന്ന ഹോട്ടലിലെ മുറി നഷ്ടമാകുന്നു. പക്ഷേ മുകുന്ദൻ അവനോട് തന്റെ ഗസ്റ്റ് ഹൗസിൽ താമസിക്കാൻ പറയുന്നു. കൃഷ്ണേന്ദുവിന് മുകുന്ദന്റെ മേലുള്ള സംശയം കൂടി വരുന്നു, അതോടെ രാഹുലിനൊപ്പം ചേർന്ന് നന്നാവാനായി അവൾ മുകുന്ദനെ നിർബന്ധിക്കുന്നു. ആദ്യ ദിവസം തന്നെ രാഹുൽ ഒരു നിശാപാർട്ടിയിൽ വച്ച് ബാർ ഡാൻസർ ഡയാന ഫിലിപ്പിനെ പരിചയപ്പെടുത്തുന്നു. ജീവിതത്തിൽ ഇത് പോലുള്ള സന്തോഷങ്ങൾ ആവാം എന്ന് പറഞ്ഞാണ് രാഹുൽ മുകുന്ദനെ ഡയാനക്ക് പരിചയപ്പെടുത്തുന്നത്. തുടർന്നുള്ള ദിവസങ്ങളിൽ ഡയാനയുടെ നിർബന്ധത്തിനു വഴങ്ങി മുകുന്ദന് അവളെ കാണേണ്ടി വരുന്നു. ഒരിക്കൽ വീട്ടിലേക്ക് വരുന്ന അവളെ, മുകുന്ദൻ ജോണ്‍ താമസിക്കുന്ന ഔട്ട് ഹൗസിൽ വച്ച് കാണുന്നു. അവൾ അയാളോട് അഞ്ചു ലക്ഷം രൂപ ആവശ്യപ്പെടുന്നു. എന്നാൽ മുകുന്ദൻ അവളെ ഭീഷണിപ്പെടുത്താൻ ശ്രമിക്കുന്നു. പക്ഷേ അത് റെക്കോർഡ് ചെയ്ത് മുകുന്ദനെ അവൾ ബ്ലാക്ക്മെയിൽ ചെയ്യുന്നു. ആ സമയം കൃഷ്ണേന്ദു അവിടെ എത്തുന്നു. ഡയാനയെ മുകുന്ദൻ ഒളിപ്പിക്കുന്നുവെങ്കിലും ഒരു പാറ്റയെ കണ്ട് അവൾ നിലവിളിക്കുന്നതോടെ കാര്യങ്ങൾ അവതാളത്തിലാവുന്നു. കൃഷ്ണേന്ദു മുകുന്ദനെ സംശയിക്കുമ്പോൾ, ആ സമയം അവിടെയെത്തുന്ന ജോണിന്റെ ഭാര്യയാണ് അവൾ എന്ന് മുകുന്ദൻ കൃഷ്ണേന്ദുവിനോട് പറയുന്നു. ആദ്യം വിസമ്മതിക്കുന്നുവെങ്കിലും കൃഷ്ണേന്ദുവിന്റെ മുന്നിൽ ഒരു നാടകം കളിക്കാൻ ജോണ്‍ സമ്മതിക്കുന്നു. അതിനിടയിൽ സെറീനയുമായി ഇഷ്ടത്തിലാകുന്ന ജോണ്‍, കല്യാണം ഉറപ്പിക്കുവാനായി മുകുന്ദനെയും കൃഷ്ണേന്ദുവിനേയും കൂട്ടിക്കൊണ്ട് പോകുവാൻ ശ്രമിക്കുന്നു. ഒരു കുഞ്ഞുണ്ടാവുന്നതിന്റെ സന്തോഷത്തിൽ നടത്തുന്ന പാർട്ടിയിൽ വച്ച് എല്ലാം കൃഷ്ണേന്ദുവിനോട് തുറന്ന് പറയാൻ മുകുന്ദൻ തീരുമാനിക്കുന്നു. എന്നാൽ ആ പാർട്ടിയിലേക്ക് കൃഷ്ണേന്ദു ഡയാനയെ വിളിക്കുന്നതോടെ ഒന്നും തുറന്നു പറയാനാവാതെ മുകുന്ദനും ജോണും കുഴയുന്നു. അവർ കൂടുതൽ കുഴപ്പത്തിലേക്ക് നീങ്ങുന്നു. എന്നാൽ തങ്ങളുടെ പ്രശ്നങ്ങൾ വിശദീകരിക്കുന്ന ജോണും മുകുന്ദനും ഡയാനയുമായി ഒരു കാരാറിലെത്തുന്നു. ഇനി അവരെ ഉപദ്രവിക്കില്ല എന്നും പകരം ആവശ്യമുള്ള സമയത്ത് ഡയാനയെ സഹായിക്കണമെന്നുമായിരുന്നു കരാർ. പ്രശ്നങ്ങൾ അവസാനിച്ചതോടെ മുകുന്ദനും രാഹുലും ജോണിന്റെ കല്യാണം ഉറപ്പിക്കുവാൻ പോകുന്നു. മുകുന്ദന്റെ ഭാര്യ വരാതിരുന്നതിനെ കുറിച്ച് ചോദിക്കുമ്പോൾ, ഭാര്യക്ക് ഭ്രാന്താണെന്നും അതാണ്‌ വരാത്തതെന്നും രാഹുൽ കള്ളം പറയുന്നു. ആ സമയത്ത് ഒരു ഹോട്ടലിൽ വച്ച് ഡയാനയേയും പവിത്രൻ എന്ന രാഷ്ട്രീയക്കാരനേയും പോലീസ് അറസ്റ്റ് ചെയ്യുന്നു. രക്ഷപ്പെടാനായി ഡയാന, പവിത്രൻ സഹോദരനാണെന്നു പറയുന്നു. പക്ഷേ അത് വിശ്വാസമാകാതെ വരുമ്പോൾ, സെറീനയുടെ വീട്ടിൽ മുകുന്ദൻ ഉണ്ടെന്നറിയാവുന്ന ഡയാന, അയാൾ തന്റെ ഭർത്താവണെന്നു പറഞ്ഞ് പോലീസിനെയും കൂട്ടി അവിടേക്കു വരുന്നു. അതോടെ അവരുടെ മുന്നിൽ മുകുന്ദന്റെ ഭാര്യ ഡയാനയാകുന്നു. സെറീന തന്റെ കല്യാണത്തിനായി ആഭരണങ്ങൾ എടുക്കുവാൻ പോകുമ്പോൾ അവിചാരിതമായി ശ്രേയയേയും കൃഷ്ണേന്ദുവിനേയും കാണുന്നു, ശ്രേയയെ കോളേജിൽ വച്ച് പരിചയമുള്ള സെറീന, രണ്ടു പേരെയും കല്യാണത്തിനു ക്ഷണിക്കുന്നു. ജോണിന്റെ കല്യാണത്തിന്റെ അന്ന് വേറെ ഒരു കല്യാണമുണ്ടെന്ന് പറയുന്ന കൃഷ്ണേന്ദു പറയുന്നതോടെ മുകുന്ദനും ജോണിനും സമാധാനമാകുന്നു. കല്യാണത്തിന്റെ റിസപ്ഷന് ഡയാനയും എത്തുന്നു. എന്നാൽ റിസപ്ഷനിലേക്ക് ശ്രേയയും കൃഷ്ണേന്ദുവും വരുന്നതോടെ അവർ കുഴപ്പത്തിലാകുന്നു. കൃഷ്ണേന്ദു സെറീനയേയും ജോണിനെയും കാണുന്നതിനു മുന്നേ നെഞ്ചു വേദന അഭിനയിച്ച് മുകുന്ദൻ കൃഷ്ണേന്ദുവുമായി അവിടെ നിന്നും പോകുന്നു. അവർ ഡോക്ടർ സത്യപാലിനെ കാണുന്നു. തട്ടിപ്പുകാരനായ ഡോക്ടർ അവരെ മലേഷ്യക്ക് പോകാൻ നിർബന്ധിക്കുൻന്നു. കൂടാതെ അവിടെ ധർമ്മപാലന്റെ റിസോർട്ടിൽ താമസിക്കണം എന്ന് ഡോക്ടർ നിർദ്ദേശിക്കുന്നു. അവർ മലേഷ്യക്ക് പോകുന്നു. അവിടെയെത്തുന്ന മുകുന്ദൻ ജോണിനെ വിളിക്കുമ്പോൾ, ജോണും സെറീനയും ഹണിമൂണിനായി മലേഷ്യയിൽ ഉണ്ടെന്നും അവർ അതേ റിസോർട്ടിൽ താമസിക്കുന്നുവെന്നും മനസ്സിലാക്കുന്നു. മുകുന്ദൻ ജോണിനെയും സെറീനയേയും കാണുന്നു. കൃഷ്ണേന്ദുവിനെ കൊണ്ടു വന്നിട്ടില്ല എന്ന് മുകുന്ദൻ പറയുന്നുവെങ്കിലും, അവർ സംസാരിക്കുന്നതിനിടയിൽ അതേ റിസോർട്ടിൽ ഡയാനയേയും പവിത്രനെയും കാണുന്നു. ജോണും സെറീനയും അവിടെ നിന്ന് പോകുന്നതിന്റെ പിറകെ തന്നെ കൃഷ്ണേന്ദു അവിടേക്ക് വരികയും ഡയാനയെ കാണുകയും ചെയ്തു. അതോടെ വീണ്ടും അവർ പുലിവാലു പിടിക്കുന്നു. വിഷമിച്ചിരിക്കുന്ന അവർ രാഹുലിനെ വിളിക്കുന്നു. രാഹുലും ശ്രേയയും അതേ സമയം മലേഷ്യയിൽ ഉണ്ടെന്നവര് മനസ്സിലാക്കുന്നു. അവർ താമസിക്കുന്ന അതേ റിസോർട്ടിൽ വച്ച് അവർ രാഹുലിനെ കാണുന്നു. പിന്നെ തങ്ങളുടെ കള്ളങ്ങൾ പൊളിയാതിരിക്കാനായിരുന്നു അവരുടെ ശ്രമം. അവർ തമ്മിൽ കാണുവാതിരിക്കാനുള്ള പദ്ധതികൾ അവർ ആവിഷ്കരിക്കുന്നു.

ഫോര്‍ട്ട് കൊച്ചിയിലെ കുപ്രസിദ്ധമായ ഒരു തെരുവിന്റെ വിളിപ്പേരാണ് ചോട്ടാമുംബൈ. മുബൈയിലെ നിരവധി ക്വൊട്ടേഷന്‍ ഗുണ്ടാടീമുകള്‍ക്കൊപ്പം ഫോര്‍ട്ട് കൊച്ചിയുടേയും ചോട്ടാമുബൈയുടേയും വഴികളും വേരുകളുമറിയുന്ന ‘തല‘ എന്ന വിളിപ്പേരുള്ള വാസ്ഗോഡഗാമയും (മോഹന്‍ലാല്‍) അവന്റെ സുഹൃത്തുക്കളായ മുള്ളന്‍ ചന്ദ്രപ്പന്‍ (സിദ്ദിഖ്) ടോമിച്ചന്‍(ഇന്ദ്രജിത്ത്) സുശീലന്‍ (ബിജുക്കുട്ടന്‍) സൈനു(മണിക്കുട്ടന്‍) എന്നിവര്‍ ചെറിയൊരു ഗ്യാങ്ങാണ്. ചെറിയ ക്വൊട്ടേഷനുകളും തരികിടകളുമായി ജീവിതം ആസ്വദിച്ച് തള്ളി നീക്കുന്ന ഇവര്‍ ന്യായം നോക്കി മാത്രമേ ക്വൊട്ടേഷന്‍ ജോലികള്‍ ചെയ്യുകയുള്ളു. തല എന്ന വാസ്കോയുടെ അപ്പന്‍ പഴയ ഗുസ്തിക്കാരനായ മൈക്കിളാശാനാണ് (സായികുമാര്‍) തട്ടുകട നടത്തി രണ്ട് പെണ്മക്കളുള്ള കുടുംബം പോറ്റുന്നത്. തലയുടെ കൂട്ടുകാരനായ ടോമിച്ചന്‍ തലയുടെ അപ്പന്റെ പെങ്ങള്‍ റോസിലി (മല്ലിക സുകുമാരന്‍)യുടെ മകനാണ്. ഒരിക്കല്‍ ഒരു ഗുണ്ടാടീമുമായുള്ള സംഘട്ടനത്തില്‍ കയ്യബദ്ധം സംഭവിച്ച് ടോമിച്ചന്റെ അനിയത്തിയുടെ കണ്ണ് തകരാറിലാകുന്നു. വലിയൊരു തുക ചികിത്സാ ചിലവിനു മുടക്കിയാല്‍ കാഴ്ച പഴയ പോലെ തിരിച്ചു കിട്ടുമെന്ന ഡോക്ടറുടെ നിര്‍ദ്ദേശപ്രകാരം ടോമിച്ചന്‍ അതിന്റെ ലക്ഷ്യത്തിലാണ്. തലയെന്ന വാസ്കോഡഗാമയും ഇതുപോലെ പണയത്തിലിരിക്കുന്ന തന്റെ ആധാരവും തിരിച്ചെടൂക്കേണ്ട ഗതികേടിലാണ്. ഈ സമയത്താണ് വാസ്കോഡഗാമക്ക് വിവാഹാലോചനയുമായി അപ്പന്‍ നിര്‍ബന്ധിക്കുന്നത്. മനസ്സില്ലാ മനസ്സോടെ അപ്പന്റെ തന്നെ പഴയ ചങ്ങാതിയായ പാമ്പ് വക്കച്ചന്റെ മകള്‍ ഓട്ടോറിക്ഷാ ഡ്രൈവറായ പറക്കും ലതയെ തല പെണ്ണുകാണുന്നുവെങ്കിലും വിവാഹം കഴിക്കുന്നില്ലെന്ന നിലപാടീലേക്ക് വാസ്കോ മാറുന്നു.

ഫോര്‍ട്ട് കൊച്ചിയില്‍ പുതുതായി ചാര്‍ജ്ജെടുക്കുന്ന സി ഐ മോഹന്‍ ദാസ് (വിജയരാഘവന്‍) പട്ടാപ്പകല്‍ തെരുവില്‍ കുത്തേറ്റു മരിക്കുന്നു. തലയുടെ അപ്പന്‍ മൈക്കിളാശാന്‍ അതിനു ദൃക്‌സാക്ഷിയാകുന്നു. കൊലപ്പെടുത്തുന്നത് സസ്പെന്‍ഷനിലുള്ള സി.ഐ നടേശനും (കലാഭവന്‍ മണി) അനിയനും (വിനായകന്‍) ആണെന്ന് മൈക്കിളാശാന്‍ കണ്ടുവെന്ന് മനസ്സിലാക്കിയ പ്രതികള്‍ പിന്നെ മൈക്കിളാശാനെയും കുടൂംബത്തേയും ഭീഷണിയുടേയും മര്‍ദ്ദനത്തിന്റേയും വഴിയില്‍ ഒതുക്കുവാന്‍ ശ്രമിക്കുന്നു. അപ്പനും സഹോദരിമാരും പോലീസിന്റെ ഭീഷണിക്കുമുന്നിലാണെന്നു മനസ്സിലാക്കിയ വാസ്കോഡഗാമയും കൂട്ടുകാരും സി ഐ നടശനുമായി നേരിട്ടു യുദ്ധത്തിനിറങ്ങുന്നു. പിന്നീട് വാസ്ഗോഡഗാമയും നടശനും ഗുണ്ടകളുമായുള്ള നേര്‍ക്ക് നേര്‍ പോരാട്ടമാണ്. കൊച്ചി കാര്‍ണിവലിന്റെ പശ്ചാത്തലത്തില്‍ തലയെന്ന വാസ്ഗോഡഗാമയും നടേശനും നേര്‍ക്ക് നേര്‍ ഏറ്റുമുട്ടുന്നു...