ആലേലൊ പൂലേലൊ ആലേ പൂലേലോ ഓയ്‌
ആലേലൊ പൂലേലൊ ആലേ പൂലേലോ
പാട്ടുപഠിക്കണെങ്കിൽ കൊട്ടും തലയ്ക്ക്‌ പോണം
പാട്ടുംപഠിപ്പിച്ചരാം ആട്ടോം നടത്തി തരാം
പോണപോക്കിന്‌ മോന്തക്കിട്ടൊരു ചകിട്ടും തരാം
ആലേലൊ പൂലേലൊ ആലേ പൂലേലോ

ആ കൊമ്പിൽ അഞ്ച്‌മാങ്ങ ഈ കൊമ്പിൽ അഞ്ച്‌മാങ്ങ
കാക്കകൊത്തണ മാങ്ങയ്ക്കാരാ തോട്ടി കെട്ടണത്‌ ഹേയ്‌
ആലേലൊ പൂലേലൊ ആലേ പൂലേലോ
ആലേലൊ പൂലേലൊ ആലേ പൂലേലോ

ആ പൊത്തിൽ അഞ്ച്‌ തത്ത ഈ പൊത്തിൽ അഞ്ച്‌തത്ത
ആ തത്ത കൊഞ്ചണ പോലെ നീ കൊഞ്ചണ്ട ഹേയ്‌
ആലേലൊ പൂലേലൊ ആലേ പൂലേലോ
ആലേലൊ പൂലേലൊ ആലേ പൂലേലോ

ആരിരം രാരിരം രാരാരോ

ആരീ രാരിരം രാരാരോ

താമരക്കണ്ണനുറങ്ങേണം കണ്ണും പൂട്ടിയുറങ്ങേണം

അച്ഛനെപോലേ വളരേണം അമ്മയ്ക്ക്‌ തണലായ്‌ മാറേണം

അമ്പിളിമാമന്റെ കൊമ്പില്ലാകൊമ്പനെ കയ്യീലെടുക്കേണം[താമര...]

വീണുയർന്നു വളരണം കണ്ണു രണ്ടും തെളിയണം

പൂവിരിഞ്ഞ വഴികളിൽ മുള്ളു കണ്ടു നീങ്ങണം

ഉവ്വാവു മാറുവാൻ നാമം ജപിക്കേണം നല്ലവനാകേണം [താമര...]

നീ മറന്നു പോകിലും ഏറേ ദൂരേയാകിലും

എന്റെ ഉള്ളിനുള്ളിൽ നീ പിഞ്ചു പൈതലാവണം

ആയിരം തിങ്കളെ കണ്ടു ചിരിച്ചു നീ നീണാൾ വാഴേണം[താമര...]

ഇന്നീ കൊച്ചുവരമ്പിന്മേലേ കൊയ്തടുക്കണ കതിരോണ്ട്‌

നാടാകേ കല്യാണസദ്യയൊരുക്കണ്ടേ

ഈ നാടാകേ പൊന്നോണചന്തമൊരുക്കണ്ടേ

മേലേ ചന്തേൽ ആളുംകൂട്ടോം കലപില കൂട്ടണ്‌ കേട്ടില്ലേ

സൈയ്താലികാക്കാന്റെ കാളേ നട കാളേ

ഹോയ്‌ പൊന്നാലികോയാന്റെ കാളേ നട കാളേ

താളത്തിൽ കൊയ്യെടി കല്യാണി താഴ്ത്തി കൊയ്യെടി മാധേവി

അത്താഴത്തിനൊരഞ്ചരപ്പറ കൊയ്തു നിറക്കെടി ശിങ്കാരി

കളിപറഞ്ഞ്‌ മുറുക്കി ചൊകചൊകന്ന്

തളകിലുക്ക്‌ കിലുകിലു വളകിലുക്ക്‌

ഭൂമിപ്പെണ്ണിന്റെ മാടത്ത്‌ പത്തായം പെറ്റതറിഞ്ഞില്ലേ

പുന്നെല്ല് കുത്തെടി ഇല്ലകുളങ്ങരെ കൊട്ടുംകൊറലാരോം കേട്ടില്ലേ

അലയും കാറ്റിൻ ഹൃദയം അരയാൽക്കൊമ്പിൽ തേങ്ങി
ഓലപുടവത്തുമ്പിൽ പാടം കണ്ണീരൊപ്പി
രാമായണം കേൾക്കാതെയായ്‌
പൊൻമൈനകൾ മിണ്ടാതെയായ്‌
ഓ..ഓ.....ഓ.. (അലയും...)

പൈക്കിടാവേങ്ങി നിന്നു പാൽമണം വീണലിഞ്ഞു (2)
യാത്രയായി ഞാറ്റുവേലയും
ആത്മസൗഹൃദം നിറഞ്ഞൊരു സൂര്യനും
ഓ..ഓ.....ഓ.. (അലയും...)

വൈദേഹി പോകയായി വനവാസ കാലമായി (2)
രാമരാജധാനി വീണ്ടും ശൂന്യമായ്‌
വിമൂകയായ്‌ സരയൂനദി
ഓ..ഓ.....ഓ.. (അലയും...)

അഴകേ നീയെന്നെ അറിയാതിരുന്നാൽ

എന്തിനാണിനിയെന്റെ ജന്മം

അഴകേ എൻ വിരൽമീട്ടിയുണർത്തും

പാടാൻ കൊതിക്കുന്ന വീണ

നിന്നിലെ മോഹനസങ്കൽപവീണ

ഒരു വർണ്ണസ്വപ്നത്തിൽ ചിറകടിച്ചുയരുമ്പോൾ

കണ്മണീ നിന്നെ ഞാൻ അറിയുന്നു

കൽപനാ ജാലകം തുറന്നു വച്ചപ്പോൾ

കണികണ്ട കാഴ്ചയിൽ നിൻ രൂപം

പൊന്മുളം തണ്ടിൽ നിൻ ഗാനരഹസ്യം

പാഴ്‌നിലാ പാലയിൽ നിൻ വസന്തം

നിൻ മൊഴിയും മിഴിയും ഞാനല്ലേ

താളില തുമ്പിലെ മഞ്ഞിളംതുള്ളികൾ

മരതക മുത്തായ്‌ പൊഴിയുമ്പോൾ

നക്ഷത്രവാടിയിൽ പൗർണ്ണമികന്യക

താരകമുല്ലപ്പൂ കോർക്കുമ്പോൾ

തെന്നലിൽ നിൻ മൃദുനിശ്വാസഗന്ധം

ഉം..ഉം...രാരി രാരീരം രാരോ..
പൊന്നും തിങ്കള്‍ പോറ്റും മാനേ
മാനേ കുഞ്ഞികലമാനേ(2)
പൂമിഴികള്‍ പൂട്ടി മെല്ലേ
നീയുറങ്ങീ ചായുറങ്ങി
സ്വപ്‌നങ്ങള്‍ പൂവിടും പോലെ നീളേ
വിണ്ണില്‍ വെണ്‍താരങ്ങള്‍ മണ്ണില്‍ മന്ദാരങ്ങള്‍
പൂത്തു വെണ്‍താരങ്ങള്‍ പൂത്തു മന്ദാരങ്ങള്‍ [പൊന്നും തിങ്കള്‍ ...]

ആഹാ...ആ.......

മന്ദാരപ്പൂ മൂളീ കാതിൽ...തൈമാസം വന്നല്ലോ...

സിന്ധൂര പൂപാടീ കൂടെ നീ സ്വന്തമായെല്ലോ...

ആരാരും കാണാതെ ആമ്പൽക്കിനാവും..

ഒന്നൊന്നും മിണ്ടാതെ ഈറൻ നിലാവും...

ഒന്നാകും പോലെ ശ്രുതിയായ് ലയമായി...[മന്ദാരപ്പൂ......]

കുരുന്നിനും കിളുന്നിനും മധുരം നീയേ...

ഇണക്കിളി പറന്നു നീ വരണേ....

നിനച്ചതും കൊതിച്ചതും പതിവായെന്നിൽ...

നിറക്കണേ..വിളമ്പി നീ തരണേ....

മാറിൽ ചേർന്നുറങ്ങും പനിനീരിൻ തെല്ലു നീ..ആഹാ ഹാഹാ...

ഉള്ളിൽ പെയ്‌തിറങ്ങും ഇളനീരിൻ തുള്ളി നീ...

അലിഞ്ഞും നുണഞ്ഞും മനസ്സേ നീയോ..

ധും തനാനന  ധുംതന ധുംതന ധുതനാ ധുംനാ..
ധും തനാനന ധുംതന  ധുംതന ധുതനാ ധുംനാ..

ഒരു വാക്കു മിണ്ടാതെ ഒരു നോക്കു കാണാതെ
കാട്ടുചെമ്പക ചോട്ടില്‍ നിന്ന കാറ്റിതെങ്ങു പോയ്
പൂങ്കാറ്റിതെങ്ങു പോയ്...
(ഒരു വാക്കു മിണ്ടാതെ..)

തിനവയല്‍ കരയില്‍ ഇളവെയിൽ കതിര്
പുളിയിലക്കരയാല്‍ പുടവനെയ്യുമ്പോള്‍
പുലരി മഞ്ഞു നനഞ്ഞു നിന്നൊരു
പവിഴ മലരിനു നല്‍കുവാന്‍
ഒരു മുഴം...
ഒരു മുഴം പൂഞ്ചേല വാങ്ങാന്‍ പോയ്  കുളിരിളം കാറ്റ്
(ഒരു വാക്കു മിണ്ടാതെ..)

ഇളം മഞ്ഞിൻ കുളിരുമായൊരു കുയിൽ...
ഇടം നെഞ്ചിൽ കൂടു കൂട്ടുന്ന സുഖം..
ഹൃദയമുരളിയിൽ പുളക മേള തൻ രാഗം..
ഭാവം താളം...രാഗം..ഭാവം താളം...
ഇളം മഞ്ഞിൻ കുളിരുമായൊരു കുയിൽ...
ഇടം നെഞ്ചിൽ കൂടു കൂട്ടുന്ന സുഖം..
ഹൃദയമുരളിയിൽ പുളക മേള തൻ രാഗം..
ഭാവം താളം...രാഗം..ഭാവം താളം...

ചിറകിടുന്ന കിനാക്കളിൽ
ഇതൾ വിരിഞ്ഞ സുമങ്ങളിൽ (2)
നിറമണിഞ്ഞ മനോജ്ഞമാം
കവിത നെയ്‌ത വികാരമായ്...
നീയെന്റെ ജീവനിൽ ഉണരൂ ദേവാ...[ഇളം മഞ്ഞിൻ..]