പണ്ടത്തെ കളിത്തോഴൻ .....
പണ്ടത്തെ കളിത്തോഴൻ കാഴ്ച വെയ്ക്കുന്നു മുന്നിൽ
രണ്ടു വാക്കുകൾ മാത്രം ....
ഓർക്കുക വല്ലപ്പോഴും....
ഓർക്കുക വല്ലപ്പോഴും...

ഓർക്കുക വല്ലപ്പോഴും പണ്ടത്തെ കാടും മേടും
പൂക്കാലം വിതാനിക്കും ആ കുന്നിൻപ്പുറങ്ങളും
രണ്ടു കൊച്ചാത്മാവുകൾ അവിടങ്ങളിൽ വെച്ചു
പണ്ടത്തെ രാജാവിൻ കഥകൾ പറഞ്ഞതും
ഓർക്കുക വല്ലപ്പോഴും ഓർക്കുക വല്ലപ്പോഴും
(പണ്ടത്തെ..)

നല്ല മാമ്പൂപ്പാടം പൂത്തെടീ പെണ്ണേ
കുഞ്ഞുമഞ്ഞക്കിളി കണ്ണേ
കണ്ണാരേ മഞ്ഞണിഞ്ഞ മാൻകുരുന്നേ
എന്റെ ഞാവൽതോട്ടം കായ്ക്കണകാലം
തത്തമ്മയ്ക്ക്‌ താലികെട്ട്‌
പോവാല്ലോ മൂക്കുത്തിക്ക്‌ മുത്ത്‌കൊരുക്കാൻ (നല്ല...)

അല്ലിമുല്ലതണലത്ത്‌ തനിച്ചിരിക്കാം
നിന്റെ ചന്തമുള്ള കവിളത്തൊരുമ്മ തരാം
കുമ്പിൾ കുത്തി കുടപ്പന്റെ തേനെടുക്കാം
നിന്റെ ചുണ്ടിലേറ്റിച്ചുറുമ്പിന്റെ കുറുമ്പറിയാം
കണ്ണാരം പൊത്താം ചിരിച്ചൊളിക്കാം
മിന്നാമിനുങ്ങിൻ കഥപറയാം
കളിയൂഞ്ഞലിൽ കിളിയാടവേ
ഒരു കൈതോലമേൽ കാറ്റ്‌ കളിയാക്കിയോ  (നല്ല...)

ആറ്റുനോറ്റുണ്ടായൊരുണ്ണി അമ്മ

കാത്തുകാത്തുണ്ടായൊരുണ്ണി

അമ്പോറ്റിക്കണ്ണന്റെ മുമ്പിൽ അമ്മ

കുമ്പിട്ടു കിട്ടിയ പുണ്യം

ചോടൊന്നു വെയ്ക്കുമ്പോൾ അമ്മക്കുനെഞ്ചിൽ

കുളിരാം കുരുന്നാകും ഉണ്ണി [ആറ്റുനോറ്റുണ്ടായൊരുണ്ണി ]

കൊഞ്ചുന്ന കിങ്ങിണികെട്ടിത്തരാമമ്മ

മോതിരമിട്ടുതരാം

നാക്കത്തുതേനും വയമ്പും തേച്ചമ്മ

മാറോടു ചേർത്തുറക്കാം

കൈവളരുന്നതും കാൽവളരുന്നതും

കണ്ടോണ്ടമ്മയിരിക്കാം[ആറ്റുനോറ്റുണ്ടായൊരുണ്ണി ..]

വീടോളം നീ തെളിഞ്ഞുണരുണ്ണി

നാടോളം നീ വളര്‌

മണ്ണോളം നീ ക്ഷമിക്കാൻ പഠിക്കുണ്ണി

അമ്മയോളം നീ സഹിക്ക്‌

സ രേ ഗ മ പാ
ഉഷസ്സിലുണരും അമൃതസ്വരമേ
വരിക ശുഭവരമേ  അമ്മേ അമ്മേ
സ രേ ഗ മ പാ
ഉഷസ്സിലുണരും അമൃതസ്വരമേ
വരിക ശുഭവരമേ അമ്മേ അമ്മേ

മലയാളം കൊഞ്ചിപ്പാടും മായപൈങ്കിളി മകളേ വാ
മാലേയകുന്നിനുമേലേ മറ്റൊരു മാമാങ്കം
കമോൺ കമോൺ എവരിബഡി
കമോൺ റ്റു ദ ഗോഡ്‌സ്‌ ഓൺ ലാന്റ്‌
ദിസീസ്‌ റ്റൈം റ്റു പാർട്ടി
കമോൺ കമോൺ ആൻഡ്‌ ഗ്രാബ്‌ യുവർ ഹാന്റ്‌
സേ വൺ റ്റു ത്രീ ഫോർ
ഫൈവ്‌ ആൻഡ്‌ സിക്സ്‌
ആൻഡ്‌ സെവൻ ആൻഡ്‌ എയിറ്റ്‌

ഓ പ്രിയാ ഓ പ്രിയാ
വെൺചിലമ്പിട്ട വെണ്ണിലാവാണു നീ
ഓ പ്രിയാ ഓ പ്രിയാ
കൺ തുറക്കുന്ന പാതിരാ താര നീ
ഒരു മഴയുടെ നൂലിൽ പനിമതിയുടെ വാവിൽ
കണ്ണുംകണ്ണും കണ്ണോടിക്കും നീ കണ്ണാടിചില്ലല്ലേ
വെണ്ണക്കല്ലിൽ കാലംകൊത്തും പൊൻ മുത്താരംമുത്തല്ലേ
പൂമാനേ മൈനേ നിന്നേ തേടുന്നു ഞാനെന്നാലും
മെല്ലേയെൻ നെഞ്ചിൽ തഞ്ചും പഞ്ചാര പൂ കൊഞ്ചൽനാദം[ഓ പ്രിയാ...]

ഞാവൽ പൂവിൻ തേനായെത്തി
ഞാനീ ചുണ്ടിൽ മുത്തംവെക്കാം
മീവൽ പക്ഷി കൂടെ പോരൂ നേരമായ്‌
തൊട്ടുതൊട്ടാൽപൂക്കും നെഞ്ചിൽ
പട്ടംപോലെ പാറും മോഹം
തട്ടിതൂവും പൊന്നിൻമുത്തേ ചാരേ വാ

എന്തിത്ര വൈകി നീ സന്ധ്യേ
മനസ്സിന്റെ ചന്ദ്രോദയത്തിന്നു സാക്ഷിയാവാൻ
തൂവലുപേക്ഷിച്ചു പറന്നുപോമെന്റെയീ
തൂമണിപ്രാവിനെ താലോലിക്കാൻ [എന്തിത്ര ..]

ഒരു മൺവിളക്കായ്‌ ഞാൻ
എരിഞ്ഞടങ്ങുന്നൊരീ ഇരുളിന്റെ ഇടനാഴിയിൽ (2)
വെറുതേ ഇരുന്നൊന്നു കരയുവാനറിയാതേ (2)
കടലുപോൽ നിന്നു ഞാൻ തിരയടിക്കേ
നിന്നെ തപസ്സിരിക്കേ എല്ലാം മറന്നിരിക്കേ  [എന്തിത്ര ..]

ഇനിയുമെൻ പാട്ടിലേക്കിറ്റിറ്റുവീഴുന്ന
നിനവിന്റെ രാഗവും ദുഃഖം (2)
ഇതൾവാടി വീഴുമെൻ മനസ്സിന്റെ
പൂവിലേക്കിടറി വീഴുന്നതും ദുഃഖം (2)   [ഇനിയുമെൻ...]

പറയാതെ യാത്രപോയ്‌ മറയുന്ന പകലിന്റെ
ചിറകായ്‌ തളർന്നതും ദുഃഖം (2)
ദുഃഖങ്ങളെല്ലാം മറക്കാൻ മനസ്സിന്‌
ശക്തിയേകുന്നതും ദുഃഖം(2)   [ഇനിയുമെൻ...]

ഇടറാതെ ജീവന്റെ ഇടനാഴിയിൽ നിന്നും
തിരിയായെരിഞ്ഞതും ദു:ഖം (2)
ജന്മങ്ങളെല്ലാം എനിക്കായ്‌ മരിക്കുവാൻ
ജാതകം തീർപ്പതും ദുഃഖം(2)  [ഇനിയുമെൻ...]

തുള്ളിത്തുള്ളി നടക്കുമ്പം വെള്ളിച്ചിലമ്പിളക്കണ
കാറ്റ്‌ ഇളം കാറ്റ്‌
കൊച്ചുകൊച്ചു കുറുമ്പിന്റെ മച്ചകത്തെ മഴയുടെ
പാട്ട്‌ കുളിർ പാട്ട്‌
കാവേരി പാടും പാട്ട്‌ കൽക്കണ്ടം ചോരും പാട്ട്‌
ഈ പാട്ട്‌ കേട്ടുണരും കാറ്റ്‌

നിലവിൻ നീലവിരിയിൽ തൊട്ടുതൊട്ടുവിളിക്കുന്നതാര്‌
നിഴലായ്‌ കൂടെ നിന്ന് തഴുകുന്നതാര്‌
ഈ രാവ്‌ പോയ വഴിയോരം ചെറുകാറ്റ്‌ പൂത്തകരയോരം
ഒരു നാട്ടുപക്ഷി ചിറകും കുടഞ്ഞുണരും പാട്ട്‌

മനസ്സിൽ വിരിയുന്ന മലരാണു സ്നേഹം
ആ മലരിൽ നിറയുന്ന മധുവാണു സ്നേഹം
നുണപോലെ തോന്നുന്ന നേരാണു സ്നേഹം
ഓർക്കുവാൻ സുഖമുള്ള നോവാണു സ്നേഹം (മനസ്സിൽ...)

വലതുകാൽ വെച്ചെന്റെ ജീവിതവനിയിൽ
വിരുന്നുവന്ന വസന്തം നീ
ചിരിതൂകി എന്നും ചാരത്തു നിന്നു
ചൊരിഞ്ഞു തന്നു മരന്ദം നീ
തനു തംബുരുവാവുന്നു സിര തന്ത്രികളാവുന്നു
നറുതേൻശ്രുതി ചേരുന്നു പുതിയൊരു പല്ലവിയാവുന്നു
ഓ മന്ദാര മലരാണെൻ മഞ്ജുമുഖീ (മനസ്സിൽ...)