ഏതോ സുന്ദരസ്വപ്നങ്ങൾ നുകരും
ഏകാന്തഗാനവിഹാരി
ആരു നീ ആരു നീ പഞ്ചവർണ്ണക്കിളി
ആരാണു നിന്നുടെ പ്രേമധാമം (ഏതോ സുന്ദര..)

വസന്തങ്ങൾ നൃത്തമാടും വനവീഥിയോ
സുഗന്ധങ്ങൾ ചുംബിക്കും മലർവാടിയോ (2)
ഏതാണു നിന്നുടെ ജന്മദേശം
എന്താണു നിൻ രഹസ്യ സന്ദേശം (ഏതോ സുന്ദര..)

മാരിവിൽച്ചിറകുകൾ വീശി നീയെൻ
മാനസവീണയെ വിളിച്ചുണർത്തി (2)
പാടാത്ത പല്ലവികൾ ഞാൻ പഠിച്ചു
നിനക്കു പാലും പഴങ്ങളും സൽക്കരിച്ചൂ (ഏതോ സുന്ദര..)

മുല്ലപ്പൂബാണത്താല്‍ കാമുകന്‍ കണ്ണന്‍
കൊല്ലാതെ കൊല്ലുന്ന നേരം
രാസനിലാവില്‍ ആടാന്‍ പാടാന്‍
രാധയ്ക്കു വല്ലാത്ത നാണം

താമരക്കാലടി താളം മറന്നു
തങ്കച്ചിലങ്കയ്ക്കു മൌനം
താമരക്കാലടി താളം മറന്നു
തങ്കച്ചിലങ്കയ്ക്കു മൌനം
കൊണ്ടല്‍ വര്‍ണ്ണന്റെ പുഞ്ചിരി കാണ്‍കെ
ചുണ്ടു വിട്ടോടി ഗാനം 
മുല്ലപ്പൂബാണത്താല്‍ കാമുകന്‍ കണ്ണന്‍
കൊല്ലാതെ കൊല്ലുന്ന നേരം

താലോലം കിളി പൂത്താലി
തങ്കക്കുടത്തിനു പൊന്‍താലീ
ആകാശത്തിലെയമ്പിളിപ്പൈതലി-
ന്നായിരം കല്ലുള്ള മണിത്താലി (താലോലം..)

പെറ്റമ്മ തന്നുടെ കണ്ണീരില്‍ നിന്നും
പൊട്ടിവിരിഞ്ഞൊരീ പൊന്‍താമര
ഞങ്ങള്‍ക്കു കിട്ടിയ നിധിയല്ലോ
മംഗല്യമണിദീപതിരിയല്ലോ - തിരിയല്ലോ (താലോലം..)

വിണ്ണിലെ കുഞ്ഞിനു പത്തുവെളുപ്പിനു
ചന്ദനപാത്തിയില്‍ നീരാട്ട്
നാളേ പുലരിയില്‍ അമ്മേടെ കുഞ്ഞിനു
നാലും വെച്ചുള്ള ചോറൂണ് (താലോലം..)

എന്നുവരും നീ എന്നുവരും നീ

എന്റെ നിലാപ്പന്തലിൽ വെറുതേ

എന്റെ കിനാപ്പന്തലിൽ

വെറുതേ കാണാൻ വെറുതേയിരിക്കാൻ

വെറുതേ വെറുതേ ചിരിക്കാൻ തമ്മിൽ

വെറുതേ വെറുതേ മിണ്ടാൻ (എന്നു വരും..)

നീയില്ലെങ്കിൽ നീ വരില്ലെങ്കിൽ

എന്തിനെൻ കരളിൽ സ്നേഹം വെറുതേ

എന്തിനെൻ നെഞ്ചിൽ മോഹം

മണമായ് നീയെൻ മനസ്സിലില്ലാതെ

എന്തിനു പൂവിൻ ചന്തം വെറുതേ

എന്തിനു രാവിൻ ചന്തം  (എന്നുവരും നീ )

ഓർമ്മയിലിന്നും ഓമനിപ്പൂഞാൻ

തമ്മിൽ കണ്ടനിമിഷം നമ്മൾ

ആദ്യം കണ്ട നിമിഷം

ഓരോ നോക്കിലും ഓരോ വാക്കിലും

അർത്ഥം തോന്നിയ നിമിഷം ആയിരം

മണിമാരൻ തന്നത് പണമല്ല പൊന്നല്ല
മധുരക്കിനാവിന്റെ കരിമ്പിൻ തോട്ടം
കണ്ണുനീർ തേവിത്തേവി കരളിതിൽ വിളയിച്ച
കനകക്കിനാവിന്റെ കരിമ്പിൻ തോട്ടം
മണിമാരൻ തന്നത് പണമല്ല പൊന്നല്ല
മധുരക്കിനാവിന്റെ കരിമ്പിൻ തോട്ടം

പൂവണിക്കുന്നുകൾ പീലിനിവർത്തും
പുഴയുടെയോളത്തിൻ വിരിമാറിൽ
ചേലൊത്ത പൂനിലാവിൽ ചങ്ങാടം തുഴയുമ്പോൾ
നീയെന്റെ ഖൽബിൽ വന്നു ചിരിച്ചു നില്ക്കും
നീയെന്റെ ഖൽബിൽ വന്നു ചിരിച്ചു നില്ക്കും
മണിമാരൻ തന്നത് പണമല്ല പൊന്നല്ല
മധുരക്കിനാവിന്റെ കരിമ്പിൻ തോട്ടം

ചെറുപീലികളിളകുന്നൊരു കുനുകുന്തളച്ചുരുളും
ചേലാര്‍ന്നൊരു മുഖവും നിന്‍ ചെങ്കുങ്കുമക്കുറിയും
ചെറുപീലികളിളകുന്നൊരു കുനുകുന്തളച്ചുരുളും
ചേലാര്‍ന്നൊരു മുഖവും നിന്‍ ചെങ്കുങ്കുമക്കുറിയും

കരുണാമൃതമൊഴുകുന്നൊരു കരിമീന്മിഴിമുനയും
കളിയാടണമടിയന്നെഴും അകതാരിതില്‍ ഭഗവന്‍
കരുണാമൃതമൊഴുകുന്നൊരു കരിമീന്മിഴിമുനയും
കളിയാടണമടിയന്നെഴും അകതാരിതില്‍ ഭഗവന്‍

നാരായണ നാരായണ നരകാന്തകദേവാ
നാരായണ നാരായണ നരകാന്തകദേവാ
നേറോലും പദതാരുകള്‍ കണികാണണമടിയന്‍

കാലം മുടിക്കെട്ടിൽ മുല്ലപ്പൂ ചൂടിച്ചാലും
കവിളത്തെത്താമര വാടിയാലും
എന്നനുരാഗമാം മയിൽപ്പീലിതേന്മാവി-
നെന്നും കുന്നും പതിനാറു തിരുവയസ്സ്
(കാലം..)

കൗമാരം കൊളുത്തിയ കാർത്തികവിളക്കുകൾ
പൂമിഴികളിൽ നിന്നു മറഞ്ഞാലും (2)
കൈകൾ വിറച്ചാലും കാലുകൾ തളർന്നാലും
കരളിലെ മധുവിധു തുടർന്നു പോകും 
(കാലം..)

മാവിതു പൂത്താലും മാങ്കനി കായ്ച്ചാലും
മാകന്ദമെന്നുമെന്നും ഞാൻ വളർത്തും (2)
ഞാൻ നിന്റെ നിഴലായും നീയെന്റെ തണലായും
ജീവിതയാത്രയിതു തുടർന്നു പോകും
(കാലം..)

അമ്പലവെളിയിലൊരാൽത്തറയിൽ
കൈക്കുമ്പിളിൽ നാലഞ്ചു പൂക്കളുമായ് 
കണ്ണുനീർ ചരടിന്മേൽ മാലകോർത്തിരിക്കുന്ന
സന്ന്യാസിനിയാണു ഞാൻ - പ്രേമ
സന്ന്യാസിനിയാണു ഞാൻ

ഉത്സവവേളയിൽ സ്വപ്നരഥത്തിലെന്റെ
വത്സലദേവൻ പുറത്തെഴുന്നള്ളുമ്പോൾ
കഴലിൽ നമസ്കരിച്ചൂ നിർവൃതി കൊള്ളുന്നു
നിഴലിൽ മറയുന്നു ഞാൻ - ദൂരേ
നിഴലിൽ മറയുന്നു ഞാൻ
(അമ്പല..)

എന്തിനെന്നറിവീല എന്റെയീ പൂജാമാല്യം
എന്നും ഞാൻ കോർക്കുന്നു വിദൂരതയിൽ
ആരാധനയ്ക്കല്ലാ അലങ്കരിക്കാനുമല്ലാ
അധഃകൃതയല്ലോ ഞാൻ - വെറും
അധഃകൃതയല്ലോ ഞാൻ  

മാവു പൂത്തു മാതളം പൂത്തു
താന്നി പൂത്തു തമ്പകം പൂത്തു
കാമദേവനോടിയടുത്തൂ
ആവനാഴി വാരിനിറച്ചു
(മാവു പൂത്തു ..)

പാല പൂത്തു പയനം പൂത്തു
പട്ടുപുള്ളിച്ചേലയുടുത്തൂ 
കുളികഴിഞ്ഞൂ കുന്നും മലയും
കളഭചന്ദനഗോപികള്‍ തൊട്ടു 
(മാവു പൂത്തു ..)

പുഷ്പകാലക്ഷേത്രത്തിങ്കല്‍ ‍
പൂജാവനമാലയുമേന്തി
പുലരൊളിയാം കഴകക്കാരി
കിളിമൊഴിയായ് കേറി വന്നു 
(മാവു പൂത്തു ..) 

കുപ്പായക്കീശമേൽ കുങ്കുമപ്പൊട്ടുകണ്ടു
കൂട്ടുകാരിന്നെന്നെ കളിയാക്കി - എന്റെ
കൂട്ടുകാരിന്നെന്നെ കളിയാക്കി
കിളിവാലൻ മുടിയ്ക്കുള്ളിൽ കുടമുല്ലപ്പൂവു കണ്ടു
കളിത്തോഴന്മാർ കഥയുണ്ടാക്കി 
കുപ്പായക്കീശമേൽ കുങ്കുമപ്പൊട്ടുകണ്ടു
കൂട്ടുകാരിന്നെന്നെ കളിയാക്കി

കണ്ണിതിൽ സുന്ദരവാസരസ്വപ്നങ്ങൾ തൻ
കളിയാട്ടം കണ്ടവർ കളിയാക്കി 
സംഗീതമറിയാതെൻ ചുണ്ടുകൾ മൂളിയപ്പോൾ
സങ്കല്പകാമുകനെന്നവർ വിളിച്ചു - എന്നെ
സങ്കല്പകാമുകനെന്നവർ വിളിച്ചു 
കുപ്പായക്കീശമേൽ കുങ്കുമപ്പൊട്ടുകണ്ടു
കൂട്ടുകാരിന്നെന്നെ കളിയാക്കി