ദേവത ഞാൻ ജലദേവത ഞാൻ 
സങ്കൽപ്പ സാഗര ദേവത ഞാൻ 
ഗായകൻ ഞാൻ വനഗായകൻ ഞാൻ 
മായിക രാഗത്തിൻ മലർവനത്തിൽ 

മുഴുകുന്നു ഞാൻ മുഴുകുന്നു 
മുരളീ മൃദുരവ മാധുരിയിൽ 
പ്രാണസഖീ എൻ ഹൃദയസഖീ 
ഗാനത്തിൻ പല്ലവി ഇതു മാത്രം 
ദേവത വരൂ - ദേവത വരൂ 
തരൂ തരൂ - പ്രണയചഷകം 
(ദേവത... ) 

ചന്ദനശീതള മണിയറയിൽ 
ചന്ദ്രിക വന്നു നവവധുവായ്‌
മുന്തിരിയേന്തിയ താലവുമായ്‌ 
വെണ്മുകിൽ വന്നു പ്രിയസഖിയായ്‌
മണ്ഡപമതാ - ആലകളതാ 
വരൂ വരൂ - വിരുന്നു കൂടുവാൻ 

കല്ലുകുളങ്ങര കല്ലാട്ടുവീട്ടിലെ
കല്യാണിയെന്നൊരു സുന്ദരിയാൾ
മെല്ലെന്നെഴുന്നേറ്റു ഉമിക്കരി കൊണ്ടവൾ
മുല്ലപ്പൂ പോലുള്ള പല്ലു തേച്ചു

വരവായൊരുവൻ സുന്ദരമാരൻ
വഴിവക്കത്തായ് വിരവോടെ
നീലോല്പലമിഴിയാളെ കണ്ടു
വേലിക്കരികേ നില കൊണ്ടു

അഞ്ചലിൽ കത്തെഴുതി
ആയിരം വാക്കെഴുതീ
അരക്കിറുക്കെന്ന പോലെ
ഞാൻ നടന്നൂ

അടി പലതും നേടി വെച്ചൂ
ആനന്ദം തേടി വന്നു
അക്കരെക്കടത്തിങ്കൽ
കാത്തിരുന്നു

കല്ലിയാം സൗന്ദര്യറാണിയാളോ
കല്ലാട്ടു വീട്ടിലെ കാമിനിയോ
നിശ്ചയം നിന്നെ കിനാവു കണ്ടു
ഉച്ചക്കിറുക്കു പിടിച്ചു പോയി

പങ്കജദളനയനേ മാനിനീ മൗലേ(2)
ശങ്കിയാതെ കേട്ടാലുമെൻ ഭാഷിതം ബാലേ(2)
നന്ദസൂനു സുന്ദരാംഗൻ വൃന്ദാവനത്തിൽ(2)
ഇന്നലത്തെ രാവിൽ ചെയ്ത കേളികൾ ചൊല്ലാം(2)
വല്ലവിയാം രാധയൊത്തു നാണമില്ലാതെ(2)
കല്യാണാംഗനാകും രാസകേളി ഞാൻ കണ്ടേൻ(2)

നീലമലച്ചോലയിലേ - നീരാടുമ്പോൾ
തോണി തുഴഞ്ഞും കൊണ്ടേ - ഓ... 

നിന്റെ മാരൻ വന്നെടി പെണ്ണേ
നിന്റെ മാരൻ വന്നെടി പെണ്ണേ
അപ്പം നാണം കൊണ്ടല്ലോ കണ്ണേ - ഓ..  

കാർമുടി നീ മാടും നേരം
കരിവള കിലുങ്ങിയല്ലോ
കണ്മുന കൂട്ടിമുട്ടിയല്ലോ

നിന്റെ മാരൻ വന്നെടി പെണ്ണേ
നിന്റെ മാരൻ വന്നെടി പെണ്ണേ
അപ്പം മിണ്ടാതെ മിണ്ടിയതെന്തേ - ഓ... 

മലരണിമന്ദാരമേ പറയൂ നിൻ
മണിവള കൈയ്യിതിൽ ആരു തന്നൂ മധു (മലരണി...)

വസന്തകാലത്തിൽ ചന്ദനത്തോണിയിൽ
വന്നൊരു സുന്ദരസുമബാണൻ
കാടിതിൽ നീളേ കനകം വിതറി
കരളിൽ തേന്മഴ പെയ്തല്ലോ (മധു മലരണി...)

പറന്നു പാറും പനിനീർ കാറ്റേ
പറയൂ പാടാൻ ആരു ചൊല്ലീ
വാർമഴവില്ലിൻ തംബുരു മീട്ടും
വാനം ചൊല്ലീ പാടീടാൻ (മധു മലരണി...)

ചുണ്ടിൽ പുഷ്പതാലം
കണ്ണിൽ സ്വപ്നജാലം
അണിയൂ മന്മഥരഥവുമായ്
വരുന്നൂ രാഗം വരുന്നൂ
വരൂ നീ എതിരേൽക്കാൻ

മദാലസ ഞാൻ ഭവാനു തരാൻ
ഒരുക്കീ മധുപാത്രം
മാധുരി ഞാൻ-  നുകർന്നാലോ
നീർത്താം മാരനു തല ചായ്ക്കാൻ
വിരിമാറിൽ മലർമഞ്ചൽ
(ചുണ്ടിൽ..)

ഉറങ്ങുമ്പോൾ - മയങ്ങുമ്പോൾ
ഉണർത്താനാരു വരും
വിലാസിനി നീ - മനോഹരിയായ്
ഉണർത്താൻ മെല്ലെ വരും
കരളാകെ - കുളിരേകും
ആശാലഹരിയിൽ അലിയും നാം
പുലർകാലം വരുവോളം

കണ്ടില്ലേ കണ്ടില്ലേ സമ്മാനം
കണ്മുന എഴുതും സന്ദേശം
കൈവല്യം നൽകുന്ന സംഗീതം
കൈവല്യം നൽകുന്ന സംഗീതം

ഇന്നു നീ കേൾക്കുവാൻ ഗാനം
പാടുന്നു ഞാൻ
നിന്മിഴി കാണുവാൻ നൃത്തമാടുന്നു ഞാൻ
ഹൃദയാനന്ദദൂതാ വരൂ
അനുരാഗാമൃതം പകരൂ

പാരിലും വാനിലും ഇന്നു പ്രേമോത്സവം
കണ്ണിനും കാതിനും മധുപാനോത്സവം
കാറ്റിലാടുന്ന പൂങ്കുല ഞാൻ -ഇന്നു 
തേടുന്നു പൂത്തുമ്പിയെ

കണ്ടില്ലേ കണ്ടില്ലേ സമ്മാനം
കണ്മുന എഴുതും സന്ദേശം
കൈവല്യം നൽകുന്ന സംഗീതം
കൈവല്യം നൽകുന്ന സംഗീതം

ഒന്നു വന്നേ വന്നേ പൊന്നാരക്കിളിയല്ലെ - നിന്റെ
കണ്ണാലെ കല്ലെറിഞ്ഞു കറക്കിയില്ലേ
കണ്ണാലേ കൊല്ലല്ലേ വന്നേ

അയ്യാ കണ്ടോ കണ്ടോ വാക്കിലിപ്പോൾ
തേനല്ലേ - ഇന്നു
കരടിവേഷം മാറ്റി വെച്ച മാനല്ലേ
അയ്യയ്യാ അയ്യയ്യാ അയ്യാ
അയ്യാ കണ്ടോ കണ്ടോ വാക്കിലിപ്പോൾ
തേനല്ലേ

കടമിഴി രണ്ടും കരളിനെകൊണ്ടേ
തലപ്പന്തു വേലകൾ കാട്ടുന്നു ബാലേ
വേണ്ടാത്ത പൊല്ലാപ്പു കണ്ടാൽ വിരുന്നൂട്ടാൻ
അച്ഛൻ അമ്മ അളിയൻ ഓടിക്കൂടും
ഒന്നു വന്നേ വന്നേ പൊന്നാരക്കിളിയല്ലെ
അയ്യാ കണ്ടോ കണ്ടോ വാക്കിലിപ്പോൾ
തേനല്ലേ

എവിടെയോ ലക്ഷ്യം എവിടെയാണു യാത്ര
വിളിയേതോ ഹേ ദേവാ - ഹേ ദേവാ

ലോകനാഥ ദേവാ സ്നേഹാമൃതസ്വരൂപാ
അന്ധന്നു ദണ്ഡമായി കൈ നീട്ടണം ഭവാൻ

നീ അറിവിൻ അമൃതം നൽകി നരദേഹമാകുമീ-
നവകനകചഷകമേകി കരുണാകരൻ ഭവാൻ
അജ്ഞാതതിമിരത്താലേ അതു പാഴിലാക്കി നാം

ലോകനാഥ ദേവാ സ്നേഹാമൃതസ്വരൂപാ
അന്ധന്നു ദണ്ഡമായി കൈ നീട്ടണം ഭവാൻ

മിഴി നൽകി നീയെന്നാലും വഴി കാണ്മതില്ല നാം
അഴകേറും ജ്ഞാനദീപം കനിവാർന്നു നൽകണേ
നീയേ മാർഗ്ഗം നീ തന്നെ മാർഗ്ഗദീപം

ലോകനാഥ ദേവാ സ്നേഹാമൃതസ്വരൂപാ
അന്ധന്നു ദണ്ഡമായി കൈ നീട്ടണം ഭവാൻ

കണ്ണുവിളിയ്ക്കുന്നു കയ്യു തടുക്കുന്നു
കൈകള്‍ അടുക്കുമ്പോള്‍ കാല്‍കള്‍ അകലുന്നൂ
കള്ളക്കളിയെന്തിനീ മുല്ലമലരമ്പുമായ്
(കണ്ണുവിളിയ്ക്കുന്നു..)

മദിരോത്സവത്തില്‍ ആടാന്‍ വരുന്നു
പുളകാങ്കുരത്തില്‍ മൂടാന്‍ വരുന്നൂ
കയ്യില്‍ മലരമ്പുമായ് കാമന്‍ വരവായിതാ
എന്റെ കരവല്ലികള്‍ നിന്‍ കഴുത്തില്‍ ചുറ്റിടും
ഹൃദയലീല - പ്രണയമേള - ഇന്നിതാ
(കണ്ണുവിളിയ്ക്കുന്നു..)

മതിയെന്നു നിന്റെ മതി ചൊല്ലുവോളം
ഇനിയെന്റെ നൃത്തം മതിയാക്കുകില്ലാ
തുടിക്കുന്നില്ലേ - പിടയ്ക്കുന്നില്ലേ - നിന്‍ മാനസം
മാനമരുതേ മുരളിയെവിടെ ഗായകാ
(കണ്ണു വിളിയ്ക്കുന്നു..)