ഇന്നലെ രാവിലൊരു കൈരവമലരിനെ
ഇന്ദുകിരണങ്ങൾ വന്നു വിളിച്ചുണർത്തി
പൂമിഴിയിൽ ഉമ്മ വെച്ചു നിദ്രയകറ്റി അവർ
കാമുകന്റെ ചോദ്യമൊന്നു കാതിലുരച്ചു
ഇത്തിരിപ്പൂവേ നൈതലാമ്പൽ പൂവേ(2)
ഇത്തറനാൾ നീയാരെ കിനാവു കണ്ടു (ഇന്നലെ...)

ഉത്തരം ലഭിക്കുവാനായ്‌ കാത്തു നിന്നു വാനിൽ
ചൈത്രമാസ ചന്ദ്രകിരണ സുന്ദരാംഗൻ
സൂനത്തിൻ മിഴിയിൽ തൂമഞ്ഞു തുള്ളി
ആനന്ദബിന്ദുമായ്‌ നിറഞ്ഞു നിന്നൂ
നിറഞ്ഞു നിന്നൂ (ഇന്നലെ...)

ആരോരുമില്ലാത്ത തെണ്ടി - പക്ഷെ 
ആറടി മണ്ണിന്റെ ജന്മി - ഞാൻ 
ആറടി മണ്ണിന്റെ ജന്മി 
(ആരോരും.. ) 

മണ്ണിൽ വന്നു പിറന്നനേരം 
ഈ മണ്ണിന്റെ പട്ടയം പതിച്ചു കിട്ടി 
എവിടെയെന്നറിയില്ല കണ്ടിട്ടില്ലിതുവരെ 
എങ്കിലും ഞനതിന്നവകാശി 
എങ്കിലും ഞനതിന്നവകാശി 
(അരോരും.. ) 

ഉണ്ണാനില്ല ഉടുക്കാനുമില്ല 
കണ്ണീരിൻ കുടിമാത്രം പരിചയിച്ചു 
മന്ദഹാസത്തിന്റെ വെൺചാരം മാറ്റിയാൽ 
മനസ്സിൽ പുകയുന്നു തീക്കൊള്ളി - എൻ 
മനസ്സിൽ പുകയുന്നു തീക്കൊള്ളി 
(ആരോരും.. ) 

മദകരമംഗളനിദ്രയില്‍ നിന്നും
മനസിജനുണരും മധുകാലം
മാദകപുഷ്പാഭരണം ചാര്‍ത്തിയ
മേദിനി ഇന്നൊരു നര്‍ത്തകിയായ്
(മദകരമംഗള..)

പഴുത്ത മുന്തിരിതന്‍ കുലയാലേ
പാദം തന്നില്‍ കിങ്ങിണി ചാര്‍ത്തി
പഴുത്ത മുന്തിരിതന്‍ കുലയാലേ
പാദം തന്നില്‍ കിങ്ങിണി ചാര്‍ത്തി
പല്ലവകോമളപാണികളാല്‍ ഉല്‍-
പ്പുല്ല്ലമദാലസമുദ്രകള്‍ കാട്ടി
പല്ലവകോമളപാണികളാല്‍ ഉല്‍-
പ്പുല്ല്ലമദാലസ മുദ്രകള്‍ കാട്ടി
മഞ്ജുളമന്ദസമീരനനേല്‍ക്കേ
കഞ്ജുകം ഇളകും നര്‍ത്തകിയായ്

ഉലകമീരേഴും പ്രളയസാഗര
തിരകളാൽ മൂടി വലയുമ്പോൾ
അരയാലിൻ കൊച്ചു തളിരാം തോണിയിൽ
അരവിന്ദാക്ഷൻ വന്നണയുന്നൂ

എവിടെ ധർമ്മത്തിൻ ക്ഷതി ഭവിക്കുന്നു
അധർമ്മമെങ്ങും വിലസുന്നു
യുഗയുഗങ്ങളായ്‌ അവിടുന്നിൽ സ്വയം
അവതരിക്കുന്ന പെരുമാളേ
(ഉലകമീരേഴും...)

പരമപൂരുഷ ഭഗവാനേ സാക്ഷാൽ
പ്രണയമന്ത്രത്തിൻ പൊരുൾനീയേ
പെരിയ സംസാരക്കടൽ കടക്കുമ്പോൾ
അവിടുന്നേ രക്ഷ ഹരികൃഷ്ണാ
അവിടുന്നേ രക്ഷ ഹരികൃഷ്ണാ

മനുഷ്യബന്ധങ്ങൾ കടംകഥകൾ
മനസ്സിലാകാത്ത ഭാഷയിൽ
മന്നിടം കുറിച്ചിട്ട ഗ്രന്ഥങ്ങൾ (മനുഷ്യ...)

അരമുറികരിക്കൊത്ത മാനവഹൃദയം
അലയാഴിയെക്കാൾ അതിന്നാഴം
ആജീവനാന്തം ഒരുമിച്ചു വാണാലും
അറിഞ്ഞവരാണു പർസ്പരമുലകിൽ (മനുഷ്യ...)

പുറമേക്കാണ്മതു പൊയ്മുഖം മാത്രം
കരളിൽ പുകയുന്ന കരിമരുന്നറകൾ
സത്യത്തിൻ തീപ്പൊരി വീണാൽ മനുഷ്യൻ
പൊട്ടിത്തെറിക്കും പൊള്ളി മരിക്കും (മനുഷ്യ...)
 

മിഴിയില്ലെങ്കിലും കമലാകാന്തന്റെ
അഴകേലും രൂപം കണി കാണ്മൂ
കരുണക്കാതലെ ഭഗവാനെ നിന്നെ
കരളിൻ കണ്ണിനാൽ കണി കാണ്മൂ ( മിഴിയി...)

നിരന്ന പീലികൾ നിരനിരയാടും
നിറുകയും നീല ചികുരവും
കുറുനിരകളും കുളിർനെറ്റി തന്നിൽ
തെളിയും കസ്തൂരി തിലകവും 
മിഴിയില്ലെങ്കിലും കമലാകാന്തന്റെ
അഴകേലും രൂപം കണി കാണ്മൂ

അരയിലെ മഞ്ഞ നിറമാം വസ്ത്രവും
അരഞ്ഞാണിൻ മുത്തുമണികളും
പദകമലവും നൂപുരങ്ങളും
പതിവായ്‌ കാർവ്വർണ്ണാ കണി കാണ്മൂ (മിഴിയി...)

കനകസ്വപ്നങ്ങൾ മനസ്സിൽ ചാർത്തുന്ന
കാർത്തിക മണിദീപ മാല (2)

ഇന്ദുകിരണങ്ങൾ പൂക്കളിറുത്തു
ഇന്ദ്രധനുസ്സിനാൽ മാല കെട്ടി
ഇന്നു നമ്മുടെ സങ്കൽപ സുന്ദരിമാർ
ഇരവും പകളും നൃത്തമാടി (കനക...)

വാനത്തിൻ വാസന്ത വനങ്ങളിൽ കൂടി
വാസരപ്പക്ഷികൾ പറന്നു പോകൂ
നാളെയെത്തുമൊരു വിവാഹ സുദിനം
നാമെല്ലാം കാക്കും മഹോൽസവം (കനക..)

ശാലീനയായ്‌ വരും ശരൽക്കാലസന്ധ്യ
മേലാപ്പു കെട്ടിയ മണ്ഡപത്തിൽ
മന്ദമെത്തുമൊരു വരനും വധുവും
മധുരം കിള്ളും മഹോൽസവം (കനക...)
 

ഏഴു സുന്ദരകന്യകമാർ എഴുന്നള്ളി എഴുന്നള്ളി
എന്റെ വീണയിൽ നൃത്തം ചെയ്യാൻ
പൊൻ ചിലങ്കകകൾ കെട്ടി (ഏഴു സുന്ദര..)

താലം പിടിച്ചു കൽപനകൾ
താളം പിടിച്ചു കരതലങ്ങൾ
വസന്തഭംഗികൾ പുഷ്പാഞ്ജലിയായ്‌
വണങ്ങി നിന്നു വേദികയിൽ (ഏഴു...)

ശ്യാമള കാനനവീഥികളിൽ
ശാരദമാസം വരുന്നേരം
വേണുവൂതും നീലക്കുയിലുകൾ
കാണാൻ കേൾക്കാൻ അണി നിരന്നു (ഏഴു...)

മാസം പൂവണിമാസം
നേരം മധുവിധു യാമം
ആദ്യചുംബനത്തിൻ അധരം നീട്ടുന്നു
അശോകമരവും കാറ്റും 
മാസം പൂവണിമാസം

ഇന്നു ഞാൻ മറക്കും വാനിനെ ഭൂമിയെ
സുന്ദരിയാമീ നിയതിയെ
ഈ സ്വപ്നസാമ്രാജ്യ രാഗമന്ദിരത്തിൽ
മൽസഖീ നമ്മൾ മാത്രം 
മാസം പൂവണിമാസം

മധുതരംഗിണീ മധുരഭാഷിണീ
മതി മതി ചിരിയും കുസൃതിയും
തോണിയിറക്കുന്നു പ്രേമനർമ്മദയിൽ
തോയജനേത്രയും ഞാനും 

മാസം പൂവണിമാസം
നേരം മധുവിധു യാമം
ആദ്യചുംബനത്തിൻ അധരം നീട്ടുന്നു
അശോകമരവും കാറ്റും 
മാസം പൂവണിമാസം

പഞ്ചാരക്കുന്നിനെ പാവാട ചാര്‍ത്തുന്ന
പഞ്ചമിപ്പാലൊളിപ്പൂനിലാവേ
കൂട്ടിലുറങ്ങുമെന്‍ കുഞ്ഞാറ്റക്കിളിക്കൊരു
കുറിമാനം കൊണ്ടെക്കൊടുത്തുവായോ 
(പഞ്ചാരക്കുന്നിനെ.. )

കലഹിച്ചു കൂട്ടിലിരിക്കും കിളിയോടീയനുരാഗ-
കലഹിച്ചു കൂട്ടിലിരിക്കും കിളിയോടീയനുരാഗ-
കഥ ചെന്നു പറഞ്ഞു വായോ
കഥ ചെന്നു പറഞ്ഞു വായോ
ജാലകനിരനീട്ടി മറ്റാരും കാണാതെന്‍
താമരമാല കൊടുത്തുവായോ 
(പഞ്ചാരക്കുന്നിനെ.. )