ആകാശഗംഗാ തീരത്തിനപ്പുറം
ആയിരം വെണ്ണക്കൽ മണ്ഡപം
പൌർണ്ണമി തോറും ഒരേകനാം ഗന്ധർവൻ
പാടാനണയുന്ന മണ്ഡപം ( ആകാശ...)

തൂണുകൾ തോറും എത്രയോ ശില്പങ്ങൾ
മിഴികളിൽ വജ്രം പതിച്ച മൌന പതംഗങ്ങൾ
ഗന്ധർവനറിഞ്നില്ലാ ശിലയുടെ നൊമ്പരം
പാട്ടിൽ തുടിച്ചില്ല (2) ( ആകാശ..)

മഞ്ഞുതിരും പോലെ പിന്നെയും പാടുമ്പോൾ
ഗായകൻ സ്നേഹാർദ്രമായി ശില്പങ്ങളെ തലോടി
പറവകൾ ചിറകടിച്ചൂ ചുണ്ടിൽ
പാട്ടിൻ മുന്തിരി തേൻ കിനിഞ്ഞു (2) (ആകാശ..)

ചിത്തിരത്തോണിയിൽ അക്കരെ പോകാൻ
എത്തിടാമോ പെണ്ണേ..
ചിറയിൻകീഴിലെ പെണ്ണേ ചിരിയിൽ
ചിലങ്ക കെട്ടിയ പെണ്ണേ..
( ചിത്തിര...)

നിന്നെ കണ്ടാൽ മയങ്ങി നിൽക്കും തോണി
നിന്നെ കാണാതിരുന്നാൽ മടിച്ചു നിൽക്കും തോണി (2)
കരയിൽനിന്നും കയർ കയറ്റി കരകൾ തേടുന്നു (2)
എന്റെ കരൾത്തടത്തിൽ നിന്റെ കണ്ണുകൾ
കളം വരയ്ക്കുന്നു
( ചിത്തിര..)

രാഗാർദ്ര ഹംസങ്ങളോ നമ്മൾ
രാവിന്റെ രോമാഞ്ചമോ (2)
ഹേമാംഗിയായ് വന്നൂ നീ
പാടുന്നതേതു ഗാനം
നീ കാണാത്ത സ്വപ്നത്തിൻ ഗാനം
നമ്മൾ പാടുന്ന മാദക ഗാനം
രാഗാർദ്ര ഹംസങ്ങളോ നമ്മൾ
രാവിന്റെ രോമാഞ്ചമോ

കാർവേണി നീയെന്റെ ഉള്ളിൽ
പൂക്കും ഉന്മാദമാണല്ലോ എന്നും (2)
ഞാനിന്നും മോഹിച്ചിരുന്നൂ
തൂവെണ്ണയോ താരുണ്യമോ
മല്ലാക്ഷീ നീയെന്നെ പുൽകില്ലയോ
രാഗാർദ്ര ഹംസങ്ങളോ നമ്മൾ
രാവിന്റെ രോമാഞ്ചമോ

മുത്തമിട്ട നേരം
പുത്തൻ പുതുക്കാലം കൊലുസ്സിട്ട മോഹങ്ങളെഴുന്നെള്ളുന്നിതു വഴിയേ

പുത്തൻ പുതുക്കാലം മുത്തമിട്ട നേരം
കൊലുസ്സിട്ട മോഹങ്ങളെഴുന്നെള്ളുന്നിതു വഴിയേ

കാണാത്ത ചിറകുള്ള തേരിൽ
കാലത്തിൽ കളിത്തോണി
മേളത്തിൽ തപ്പും കൊട്ടി പാടി
താളത്തിൽ ചാഞ്ചാടീ (പുത്തൻ..)

നാടൻ ചുവയുള്ള ശീലിൽ പാടുന്ന കുയിലേ വാ
നാണം നുണയുന്ന ചുണ്ടിൽ ചോരുന്ന മധുരം താ
കണ്ണൂം കണ്ണും ചൊല്ലും ഒരു കല്യാണത്തിൻ നാദം
ഇളനീരുതിരും മനവും കുതിരും

മങ്ങിയണിഞ്ഞു കുടഞ്ഞു തളർന്നു
മയങ്ങിയുറങ്ങിയുണർന്ന കിനാവില്

ആ...ആ....ആ.....
സൂര്യകാന്തീ സൂര്യകാന്തീ
സ്വപ്നം കാണുവതാരേ
പ്രേമപൂജാ പുഷ്പവുമായ്നീ
തേടുവതാരെയാരെ ആരെ
തേടുവതാരെയാരെ ആരേ

വെയിലറിയാതെ മഴയറിയാതെ
വര്‍ഷങ്ങള്‍ പോകുവതറിയാതെ (2)
ദേവതാരുവിന്‍ തണലിലുറങ്ങും
താപസകന്യക നീ (2)
സൂര്യകാന്തീ സൂര്യകാന്തീ
സ്വപ്നം കാണുവതാരേ

ആരുടെ കനകമനോരഥമേറീ
ആരുടെ രാഗപരാഗം തേടീ (2)
നീലഗഗന വനവീഥിയില്‍ നില്‍പ്പൂ
നിഷ്പ്രഭനായ് നിന്‍ നാഥന്‍ (2)

സൂര്യകാന്തീ സൂര്യകാന്തീ
സ്വപ്നം കാണുവതാരെ ആരെ
സ്വപ്നം കാണുവതാരേ