ദേവസന്ധ്യാ ഗോപുരത്തിൽ
ചാരുചന്ദനമേടയിൽ..
ശാന്തമീ വേളയിൽ സൗമ്യനാം ഗായകാ..
പാടുക നീയൊരു ഗാനം...
പവിഴനിലാവിൻ പ്രിയഗാനം...

ജനിയ്ക്കുംമുമ്പേ ഏഴുസ്വരങ്ങളും
ജാതകമെഴുതിച്ചു തന്നു..
മഴതൻ നേർത്ത വിരലുകൾ മണ്ണിൽ
സ്മൃതികളിൽ താളംപകർന്നു...
ഭൂമിതൻ യൗവനം നീയറിയാതൊരു
താമരത്തംബുരു തന്നു..
ശ്രുതിചേർക്കുമോ...
ജതി സ്വരംപാടുമോ...
ശ്രുതിചേർക്കുമോ...
ജതി സ്വരംപാടുമോ..
(ദേവസന്ധ്യാ)

രാജ്യം പോയൊരു രാജകുമാരന്‍
രാഗാര്‍ദ്രമാനസലോലന്‍
ഒരുനോവിന്‍ വേനല്‍ ഉള്ളിലൊതുക്കി
ഒരു തണല്‍ തേടിനടന്നൂ (രാജ്യം..)

ഗന്ധര്‍വസുന്ദരി നീരാടുന്നൊരു
ചന്ദനപ്പുഴയുടെ കരയില്‍
ഒരു ദു:ഖഗാനത്തിന്‍ താളംപോലെ
വിരഹിയവന്‍ വന്നു നിന്നൂ (രാജ്യം..)

മന്ദാരപൂവനം മണ്ഡപമായി
പൂഞ്ചോല സ്വരധാരയായി
ആ ദേവകന്യക കോരിത്തരിച്ചൂ
അവനെ സ്വയംവരം ചെയ്തൂ
രാജ്യം പോയൊരു രാജകുമാരന്‍

തങ്കനിലാവിന്റെ വിഗ്രഹംപോലൊരു
തങ്കക്കുരുന്നു പിറന്നു
മധുരമാ ദാമ്പത്യ സംഗീതമേള
മാനത്തു മാറ്റൊലികൊണ്ടൂ (രാജ്യം..)

ലാവണ്യ ദേവതയല്ലേ..
നീയെന്റെ പൗർണ്ണമിയല്ലേ...
എന്നുള്ളിലെന്നും പൂക്കും സൗന്ദര്യമേ...
എന്നുള്ളിലെന്നുമുണരും സംഗീതമേ...

ഏകാന്തമാം എൻ വീഥിയിൽ
നീയേകയായ് എത്തുമീ സന്ധ്യയിൽ..
വാചാലമാം നിൻ കണ്ണുകൾ
തേൻ മുള്ളുകൾ എയ്യുമീ വേളയിൽ..
ഹൃദയത്തിൽ പൂക്കളുമായി
പുളകങ്ങൾ ഞാൻ പകരുന്നു..
എന്നുള്ളിലെന്നുമുണരും സംഗീതമേ...

(ലാവണ്യ ദേവതയല്ലേ)

ആകാശവും എൻ ആശയും
വർണ്ണങ്ങളിൽ മുങ്ങുമീ സന്ധ്യയിൽ..
രാഗർദ്രമാം എൻ ചിന്തകൾ
ആവേശമായ് മാറും ഈ വേളയിൽ..
നിറയുന്ന ലജ്ജകൾ പുൽകി
മധുരങ്ങൾ ഞാൻ നുകരട്ടേ...

തൈപ്പൂയകാവടിയാട്ടം തങ്കമയിൽപ്പീലിയാട്ടം..
മനസ്സിലെ അമ്പലത്തിൽ തേരോട്ടം...
മാരമഹോത്സവത്തിൻ തേരോട്ടം...

കണ്ണാടിപോലെമിന്നും കാഞ്ചീപുരംസാരി ചുറ്റി
കഴുത്തിൽ കവിതചൊല്ലും കല്ലുമണിമാല ചാർത്തി..
അന്നംപോൽ നടന്നുപോകും അഭിരാമീ... നിന്റെ
ആരാമമൊന്നുകാണാൻ മോഹമായി.. എനിക്കു മോഹമായി....

(തൈപ്പൂയ)

കണ്ണിനാൽ കല്ലെറിയും കാമസേനേ നിൻ അഴകിൽ
കാണാത്ത കഥകളിതൻമുദ്രകൾ ഞാൻ കണ്ടുവല്ലോ....
കരളിലെ മതിലകത്ത് പമ്പമേളം.... പിന്നെ
കല്യാണപ്പന്തലിലെ തകിലുമേളം... നല്ലതകിലുമേളം...

(തൈപ്പൂയ)

ജമന്തിപ്പൂക്കള്‍...
ജനുവരിയുടെ മുടിനിറയെ ജമന്തിപ്പൂക്കള്‍
എന്റെ പ്രിയതമയുടെ ചൊടിനിറയെ
സുഗന്ധിപ്പൂക്കള്‍ - സുഗന്ധിപ്പൂക്കള്‍
ജമന്തിപ്പൂക്കള്‍...

മഞ്ഞുമൂടിയ മരതകങ്ങള്‍ ഓ..
ഈ മലമ്പുഴയിലെ മതിലകങ്ങള്‍ ഓ..
ആ മഞ്ഞില്‍ മുങ്ങിവരും പൂക്കാരീ
ചൂടുമ്പോള്‍ ഉടലോടെ സ്വര്‍ഗത്തിലെത്തുന്ന
ചുവന്ന പൂവെന്നെ ചൂടിയ്ക്കൂ - നിന്റെ
ചുവന്ന പൂവെന്നെ ചൂടിയ്ക്കൂ
ജമന്തിപ്പൂക്കള്‍...

ശിലായുഗത്തിൽ ശിലകൾക്കെല്ലാം
ചിറകുമുളച്ചിരുന്നു....
ചിലങ്കകെട്ടിയ സ്വപ്നങ്ങൾക്കും
ചിറകുമുളച്ചിരുന്നു...
ശിലായുഗത്തിൽ....

ശിലകൾ പറന്നിരുന്നു..
സ്വപ്നങ്ങൾ പറന്നിരുന്നു..
ഭൂമിയ്ക്കു യൌവനമായിരുന്നു..
പൂക്കൾ ദേവതകളായി അന്നു
പുഴകൾ കാമുകികളായി....
(ശിലായുഗത്തിൽ)

പൂക്കളെ ശലഭങ്ങൾ പ്രേമിച്ചു..
പുഴകളെ തീരങ്ങൾ പ്രേമിച്ചു...
പൂവുകൾക്കു പൂവായ
പുഴകൾക്കു പുഴയായ
ഭൂമിയെ കാമുകൻ പൂജിച്ചു....

ചക്രവര്‍ത്തിനീ നിനക്കു ഞാനെന്റെ
ശില്പഗോപുരം തുറന്നു..
പുഷ്പപാദുകം പുറത്തു വെയ്ക്കു നീ
നഗ്നപാദയായ് അകത്തു വരൂ...

സാലഭഞ്ജികകള്‍ കൈകളില്‍
കുസുമ താലമേന്തി വരവേല്‍ക്കും...
പഞ്ചലോഹ മണിമന്ദിരങ്ങളില്‍
മണ്‍വിളക്കുകള്‍ പൂക്കും...
ദേവസുന്ദരികള്‍ കണ്‍കളില്‍
പ്രണയദാഹമോടെ നടമാടും...
ചൈത്ര പത്മദളമണ്ഡപങ്ങളില്‍
രുദ്രവീണകള്‍ പാടും താനേ പാടും
(ചക്രവര്‍ത്തിനീ)

ശാരദേന്ദുകല ചുറ്റിലും കനക
പാരിജാത മലര്‍ തൂകും...
ശില്പകന്യകകള്‍ നിന്‍റെ വീഥികളില്‍
രത്നകമ്പളം നീര്‍ത്തും...
കാമമോഹിനികള്‍ നിന്നെയെന്‍

എന്താണെന്നെന്നോടൊന്നും
ചോദിക്കല്ലേ ചോദിക്കല്ലേ..
മറ്റാരും കാണാതെന്നോടെന്തോ
മെല്ലെ ചൊല്ലാനില്ലേ...
നിന്നെ കാണും നേരത്തേതോ
മോഹം താനേ ചൂളം മൂളുന്നോ...
പറയൂ അതിലുള്ള രസം...
അറിയില്ല പറഞ്ഞുതരാൻ...
ഇടനെഞ്ചിലിതെന്തു സുഖം...
ഇളമഞ്ഞു പൊതിഞ്ഞതു പോൽ..

എൻ കനവിലുണരും അലസമലസം
നിൻ കളമൊഴിയോ...
നിൻ കരളിലൊഴുകും കളിചിരികളിൽ
എൻ നറുമൊഴിയോ...
മൊഴി മൊട്ടുകളേ മലരാവുകയോ...
മലരല്ലികളേ മധു ചൂടുകയോ...
ഈ നേരം വന്നാൽ ഉള്ളിന്നുള്ളിൽ
ഞാനാണോ.......

ഇനിയൊന്നു പാടൂ ഹൃദയമേ.. എന്‍
പനിമതി മുന്നിലുദിച്ചുവല്ലോ...
ശിശിരനിലാവിന്‍ പുടവചുറ്റി.. എന്‍
ശശിലേഖ കൈവിളക്കേന്തി നില്‍പ്പൂ..
ഇനിയൊന്നു പാടൂ ഹൃദയമേ....

അലസമനോജ്ഞമവള്‍ വരുമ്പോള്‍
വെള്ളിക്കൊലുസ്സുകള്‍ പാടുകയായി ..
തങ്കവളകള്‍ ചിരിക്കുകയായി...
പിരികളായ് പിന്നിയ ചുരുള്‍മുടി കാണ്‍കെയെന്‍
അരിമുല്ല പൂക്കുകയായി.. എന്റെ
അരിമുല്ലപൂക്കുകയായി ...

(ഇനിയൊന്നു പാടൂ)

മംഗളങ്ങളരുളും മഴനീർക്കണങ്ങളേ
ശാന്തമായ് തലോടും കുളിർകാറ്റിൻ ഈണമേ
ദീപാങ്കുരങ്ങൾതൻ സ്നേഹാർദ്ര നൊമ്പരം
കാണാൻ മറന്നുപോയോ..

അനുരാഗമോലും കിനാവിൽ
കിളി പാടുന്നതപരാധമാണോ
ഇരുളിൽ വിതുമ്പുന്ന പൂവേ
നീ വിടരുന്നതപരാധമായോ
ഈ മണ്ണിലെന്നുമീ കാരുണ്യമില്ലയോ
ഈ വിണ്ണിലിന്നുമീ ആനന്ദമില്ലയോ
നിഴലായ് നിലാവിൻ മാറിൽ വീഴാൻ
വെറുതേയൊരുങ്ങുമ്പോഴും...

(മംഗളങ്ങളരുളും)