ആഷാഢം പാടുമ്പോളാത്മാവിൻ -
രാഗങ്ങൾ ആനന്ദനൃത്തമാടുമ്പോൾ...
വെള്ളാരംമുത്തും കൊണ്ടാകാശം പ്രേമത്തിൻ
കൈക്കുമ്പിൾ നീട്ടുമ്പോൾ മനസ്സിലും മൃദംഗമം

(ആഷാഢം)

ഈ പുൽനാമ്പിൽ മഴയുടെ തേൻസന്ദേശം
ഇനിമുതലീ പുൽനാമ്പിൽ മഴയുടെ തേൻസന്ദേശം
ശ്രുതിലയ ഹൃദയമുഖരിത ജലതരംഗം
അമൃതതരളിത നവവികാരം
കുസുമഭംഗികളുയിരിലലിയും
മദനസായക മധുരകദനം

സാസസ ഗാഗഗ സാസസ പാപപ
സാസ ഗാഗ മാമ പാ‍പ നീനി

(ആഷാഢം)

മഞ്ഞിന്റെ മറയിട്ടോരോർമ്മകൾക്കുള്ളിൽ
മൃദുല നിലാവുദിക്കുമ്പോൾ....
കാലം കെടുത്തിയ കാർത്തികദീപ്‌തികൾ
താനേ തിളങ്ങുകയാണോ...
കൽത്താമരപ്പൂവിതളുകൾ പിന്നെയും
കാറ്റിൽ തുടിയ്‌ക്കുകയാണോ...

ചായങ്ങൾ മായുന്നൊരീച്ചുമർച്ചിത്രത്തിൽ
മഴവില്ലു താനേ ഉദിച്ചു.....
മിഴിപൂട്ടി നിന്നാൽ തെളിയുന്ന തൊടിയിൽ
നീർമാതളങ്ങൾ തളിർത്തു....
അകലെ നിന്നെത്തുന്ന നീലാംബരിയുടെ
ഒരു തൂക്കുമഞ്ചിൽ കിടന്നു....

എന്റെ സ്വകാര്യവിചാരങ്ങളൊക്കെയും
നിൻ മുളം‌തണ്ടിൽ തുളുമ്പും...
കാട്ടുകടമ്പിന്റെ നിശ്വാസസൗരഭം
ഒരു കരസ്പർശമായ് തീരും....

ഹിമശൈലസൗന്ദര്യമായ് ഒഴുകുന്ന ശിവഗംഗയായ്
ഉണരുന്നു നീലാംബരി
- ഏകാന്തരാഗാംബരി
ശതകോടി ജന്മങ്ങൾ തേടുന്ന സാന്ത്വനം
പടരുന്ന
ഹൃദയാഞ്ജലി....

(ഹിമശൈല)

ഖരഹരപ്രിയരാഗഭാവം
ആത്മസുധാമയരാഗം
ഇന്നെന്റെ മനസ്സിന്റെ പുളകിതമന്ത്ര-
വിപഞ്ചിയിലൊഴുകി
ഖരഹരപ്രിയരാഗഭാവം
ചിത്രവസന്തങ്ങൾ പാടുന്ന സ്വർഗ്ഗീയരാഗം
സഫല മനോരഥരാഗം
അസുലഭകാരുണ്യരാഗം
ഉഷസ്സിന്റെ കരവലയങ്ങളിൽ ലളിതലവംഗ-
ലതാവലിയാടും
ഖരഹരപ്രിയരാഗഭാവം

ഗേയം ഹരിനാമധേയം
ഭവഭയസാഗര തരണോപായം
ശാശ്വത മൃത്യുഞ്ജയം...

(ഗേയം)

ചാരുകേശി രാഗാലാപം
ശ്രുതിലയസംഗമം സുധാനികേതം
നിരുപമനടനം നിത്യാനന്ദം
രാധാമാധവകേളീസദനം
കേളീസദനം...

(ഗേയം)

വീതരാഗം ഗോപീജാരം
യദുകുലബാലം മൃഗമദഫാലം
വിഗളിതകദനം യോഗീഗമ്യം
ചേതോരമ്യം ഗീതാഗഹനം...
ഗീതാഗഹനം...

(ഗേയം)

ഗരിസനിധ രിസനിധപ ധനിധപമഗ ഗരിഗ മമഗ ഗരിഗ മമഗഗ
ഗഗമ ഗഗമ പമഗ ഗമനിധപ സനിധപ രിസനിധ ധപമഗരിഗഗ
മമ ഗഗമമ രിഗമ ഗമഗമ സമഗമ മഗരിസ രിഗമപപ
പധനിധ രിസനി സരിഗമ ഗരിഗസരി സസനിധപമ ഗമപപ

ഇത്രമേൽ മണമുള്ള കുടമുല്ലപ്പൂവുകൾ-
ക്കെത്ര
കിനാക്കളുണ്ടായിരിക്കും
സന്ധ്യാംബരത്തിന്റെ മന്ദസ്മിതങ്ങളിൽ

അവയെത്രയഴകുള്ളതായിരിക്കും

(ഇത്രമേൽ)

ഗപഗരി സരിഗരി സഗരിസ ധപ
(2)
ഗരിഗസരി - ഗരിഗസരി പധപസ - പധപസ
സരിസഗ - സരിസഗ ഗപഗധ - ഗപഗധ
പധസ - പധസ
ഗരിസധ - ഗരിസധ

പൂവിന്റെ സ്വപ്നങ്ങൾ പൂക്കളേക്കാളും
മൃദുലവും
സൗമ്യവുമായിരിക്കും
താമരനൂൽ‌പോൽ പൊഴിയും
നിലാവിലും
യദുകുലകാംബോ‍ജിയായിരിക്കും

(ഇത്രമേൽ)

ചോരയും തീയും പിണഞ്ഞ സത്യത്തിന്റെ
വീഥിയിൽ നിങ്ങൾ
നെഞ്ചേറ്റും കിനാക്കളിൽ
ഇല്ല! മരിച്ചില്ല ഞാൻ, കൊടിയേറ്റുവാൻ
ഇന്ത്യ
വളർത്തുന്ന സുപ്രഭാതങ്ങളേ...

(ചോരയും)

എങ്ങും ഒരെടാവുകൾ
പുളയുമ്പോഴും
എന്നെ വിലങ്ങിൽ വലിച്ചിഴയ്‌ക്കുമ്പോഴും
മുൾമുടി ചൂടി ഞാൻ
ദാഹമാർന്നപ്പൊഴും

എങ്ങായിരുന്നന്ധന്യായാസനങ്ങളേ...

(ചോരയും)

ഭാവിചരിത്രവും, ആ
ചരിത്രത്തിനെ
പ്രാണന്റെ കാറ്റാൽ ഉഴിയും മനുഷ്യനും
ഉള്ള കാലം വരെ മരിക്കില്ല
ഞാൻ
ചെങ്കൊടി സത്യമേ രുധിരസത്യം...

(ചോരയും)

ശിൽപ്പി വിശ്വശിൽപ്പി വിധിയെന്ന ഭുവനൈകശിൽപ്പി
മനുഷ്യൻ‌റെ മനസ്സെന്ന തുലാസു തൂക്കുന്നു
വിധിയെന്ന ഭുവനൈകശിൽപ്പി

(ശിൽപ്പി വിശ്വശിൽപ്പി)

ഒരു തട്ടിൽ കണ്ണീരിൻ മുത്ത് മറുതട്ടിൽ പുഞ്ചിരിപ്പൊന്ന് (2)
ഒരു തട്ടു താഴുമ്പോൾ താനേ മറുതട്ടു പൊന്തുന്നു മേലേ (2)

(ശിൽപ്പി വിശ്വശിൽപ്പി)

തങ്കക്കിനാക്കൾക്കിടയിലവൻ കണ്ണുനീർമുത്തുകൾ കോർക്കും
വിണ്ണിലിരിക്കുന്ന ശിൽപ്പി തൻ‌റെ വിളയാട്ടം തുടരുന്നിതെന്നും

ഈ പുഴയും കുളിർകാറ്റും
മാഞ്ചോടും മലർക്കാവും
മാനോടും താഴ്‌വരയും
ഓർമ്മയിലെ മർമ്മരങ്ങൾ

(ഈ...)

കഴിഞ്ഞ നാളിലെ വഴിയിൽ
കൊഴിഞ്ഞ പീലികൾ പെറുക്കി
മിനുക്കുവാൻ തലോടുവാൻ
മനസ്സിലെന്തൊരു മോഹം
എത്ര സുന്ദരലിപികൾ, അതി-
ലെത്ര നൊമ്പരകൃതികൾ...

(ഈ...)

തുറന്ന വാതിലിലൂടെ
കടന്നു വന്നൊരു മൈന
പറന്നുവോ അകന്നുവോ
മാനത്തിന്നൊരു മൗനം
എത്രയെത്ര അഴക്, അതി-
ലെത്ര വർണ്ണച്ചിറക്...

(ഈ...)

ഭഗവതിക്കാവിൽ വെച്ചോ
അമ്പലക്കടവിൽ
വെച്ചോ
പാതിരാവിൽ ഇന്നലെയൊരു
നിസ്വനം കേട്ടു, ഒരു നിസ്വനം കേട്ടു

(ഭഗവതിക്കാവിൽ...)

വെള്ളിപ്പുടവ ചുറ്റും വെണ്ണിലാവല്ല

വെറ്റിലനൂറു തേച്ചൊരാതിരയല്ല
തങ്കക്കൊലുസ്സുകളണിഞ്ഞു വരുമൊരു

ദേവതയല്ലോ, അവളെൻ നവവധുവല്ലോ
അവളെൻ നവവധുവല്ലോ...

(ഭഗവതിക്കാവിൽ...)

പാലപ്പൂവുകൾ വിതറി, ഒരു
പനിനീർ
പൊയ്‌കയൊരുക്കി
രത്നക്കല്ലുകൾ കൊണ്ടു പതിച്ചൊരു
സ്വപ്‌നസൗധമൊരുക്കി,
മനസ്സിൽ
പുഷ്‌പശയ്യയൊരുക്കി...

(ഭഗവതിക്കാവിൽ...)

മേലേവീട്ടിലെ വെണ്ണിലാവ്
രാവിൽ തോണി കളിച്ചൊരു നേരം
കഴുത്തിലിട്ടൊരു പതക്കമൊന്ന്
കൊളുത്തുവിട്ട് നിലത്തുപോയ്
താഴെ വീണിന്നുടഞ്ഞുപോയ് (മേലേ)

താഴത്തുവീണൊരു മുത്തെല്ലാം വാരുവാൻ
ഞാനോടി ഓരത്തൊന്നു ചെന്നപ്പോൾ
താമരനൂ‍ലിലാ മുത്തെല്ലാം കോർത്തവൾ
മാറിലണിഞ്ഞു പെരിയാറും (കഴുത്തിലിട്ടൊരു)

മാണിക്യമുത്തുള്ള മാലയും തേടിയാ
പൂനിലാമാനത്തിന്നും എത്തുമ്പോൾ
വാനിലെ മേഘത്തിൻ വാടിയിൽ പൂക്കുന്ന
താരകൾ കണ്ടു ചിരിക്കുന്നൂ (കഴുത്തിലിട്ടൊരു)