സംഘം:സ്വാമിയേയ് ശരണമയ്യപ്പാ
ഹരി‍ഹരസുതനേ ശരണമയ്യപ്പാ

മണ്ഡലമാസപ്പുലരികൾ പൂക്കും
പൂങ്കാവനമുണ്ടേ
മഞ്ഞണി രാവ് നിലാവ് വിരിക്കും
പൂങ്കാവനമുണ്ടേ-തങ്ക
പൂങ്കാവന്മുണ്ടേ

ജടമുടി ചൂടിയ കരിമല കാട്ടില്‍ തപസ്സിരിക്കുന്നൂ
വെളുത്തമുത്തുക്കന്നിമുകിലുകൾ മുദ്ര നിറയ്ക്കുന്നൂ
കാട്ടാനകളോടൊത്തു കരിമ്പുലി കടുവാ പടയണികൾ
കണിയ്ക്കൊരുക്കും മണിനാഗങ്ങൾ തിരുനട കാക്കുന്നു
തിരുനട കാക്കുന്നു

ശരണം വിളി കേട്ടുണരൂ..... പൊന്നയ്യപ്പ സ്വാമീ......

ശബരിഗിരീശ്വര ഹരിഹരസുതനാം അയ്യപ്പസ്വാമീ

ഉണരുണരൂ പൊന്നമ്പലവാസാ ഉണരൂ ശബരീശാ

നിവര്‍ന്ന പട്ടുകൂടയായ് നില്‍പ്പൂ
പുലരിയിലാകാശം
കൊളുത്തിവയ്പ്പൂ പ്രഭാതദീപം പ്രകൃതീശ്വരി മണ്ണില്‍
ഉടുക്കുകൊട്ടി വിളിയ്ക്കുകയല്ലൊ
ഉടുക്കുകൊട്ടി വിളിയ്ക്കുകയല്ലൊ
ഹൃദയസഹസ്രങ്ങൾ
ഹൃദയസഹസ്രങ്ങൾ
ഉണരുണരൂ പൊന്നമ്പലവാസാ...

അടിതൊട്ടു മുടിയോളം ഉടല്‍കണ്ടു കൈതൊഴാൻ
പതിനെട്ടുപടി കേറി വരുന്നേൻ അയ്യപ്പാ സ്വാമി അയ്യപ്പാ

സംഘം: അയ്യപ്പാ സ്വാമി അയ്യപ്പാ

അഖിലവേദപ്പൊരുളാം അയ്യനെക്കാണാൻ
അവശരായ്, ആര്‍ത്തരായ്,
വന്നവര്‍ ഞങ്ങൾ അയ്യപ്പാ സ്വാമി അയ്യപ്പാ

സംഘം: അയ്യപ്പാ സ്വാമി അയ്യപ്പാ

കരുണതൻ കരകാണാക്കടലാം നേത്രവും
നവരത്നഹാരങ്ങളിളകും ഗളവും
ചിന്മുദ്രകാട്ടുന്ന പല്ലവപാണിയും
നിന്തിരുവടിയും ശരണം പൊന്നയ്യപ്പാ

സംഘം: ശരണം പൊന്നയ്യപ്പാ

കനകരത്നഭൂഷിത കോടീരഭംഗിയും
കമനീയനിടിലവും കസ്തൂരിക്കുറിയും
കുടിലകുന്തളവും വരമന്ദഹാസവും ശരണം പൊന്നയ്യപ്പാ

സന്നിധാനം ദിവ്യസന്നിധാനം
ശ്രീശബരീശ്വര സന്നിധാനം
മന്നില്‍ പിറന്നവരെല്ലാരുമൊന്നെന്ന്
മന്ത്രമുണര്‍ത്തുന്ന സന്നിധാനം
സന്നിധാനം

ഉച്ചനീചത്വങ്ങളില്ലാത്തതാം സമ
സ്വച്ഛമനോജ്ഞമാം സന്നിധാനം
പുണ്യപാപങ്ങൾ ഒരുമിച്ച് കണ്ണുനീര്‍
കുമ്പിളുമായെത്തും സന്നിധാനം

അഞ്ജലീമൊട്ടുകൾ നീട്ടിനില്‍ക്കും ഭക്ത
മഞ്ജരിചൂടുന്ന സന്നിധാനം
അഞ്ജനക്കുന്നിനെ പൊന്മുടി ചൂടിയ്ക്കും
അയ്യപ്പസ്വാമിതൻ സന്നിധാനം

വൃശ്ചികപ്പൂമ്പുലരീ-വ്രത
ശുദ്ധിതരും പുലരീ
മുദ്രയണിഞ്ഞവര്‍ അമ്പലമുറ്റത്ത്
ഒത്തുചേരും പുലരീ-സ്വാമി
ഭക്തര്‍ തൻ പൂമ്പുലരി

സംഘം: സ്വാമിയേ അയ്യപ്പാ സ്വാമിയേ അയ്യപ്പാ
സ്വാമിയേ അയ്യപ്പ ശരണം ശരണം അയ്യപ്പാ

പേട്ട തുള്ളി പാട്ടു പാടി
കാടുകേറി മലകേറി
കൂട്ടമോടെ പതിനെട്ടാം പടികളേറി
സ്വാമിയെ കണ്ടു മടങ്ങി പുണ്യം നേടി-പാപ
നാശം വരുത്തി വിശുദ്ധി നേടി-പാപ നാശം വരുത്തി വിശുദ്ധിനേടി
(വൃശ്ചിക...‌
സംഘം: സ്വാമിയേ അയ്യപ്പാ......

പൊന്നമ്പല നട തുറക്കൂ
സ്വർണ്ണദീപാവലി തെളിയ്ക്കൂ (2)
ജനകോടികളുടെ ശരണം വിളികൾ
പ്രളയം പോലെ ഉയർന്നൂ (2)
അയ്യപ്പാ ശരണം അയ്യനേ ശരണം
ഹരിയേ ശരണം ഹരനേ ശരണം
ഹരിഹരിസുതനേ ശരണം ശരണം

കരിമല കയറിവന്നേനയ്യപ്പാ
കല്ലും മുള്ളും ചവിട്ടിവന്നേനയ്യപ്പാ
നീലിമല കയറി വന്നേനയ്യപ്പാ
നിന്നടികൾ തേടിവന്നേനയ്യപ്പാ
(പൊന്നമ്പല..)

ഇരുമുടിക്കെട്ടുമേന്തി അയ്യപ്പാ
തിരുമുൻപിൽ പാടി വന്നേനയ്യപ്പാ
കരുണതൻ തിരി തരണേ അയ്യപ്പാ
കണ്ണാലൊന്നുഴിഞ്ഞിടേണേ അയ്യപ്പാ
(പൊന്നമ്പല..)
 

തെളിയൂ നീ പൊൻവിളക്കേ
തെളിയൂ നീ പൊൻവിളക്കേ-എൻ
ഏകാന്തമാനസശ്രീകോവിലിലെന്നും
തെളിയൂ നീ പൊൻവിളക്കേ
മിന്നിത്തെളിയൂ നീ പൊൻവിളക്കേ

എൻ കാവ്യസിദ്ധിതൻ ചൈതന്യമാകെ
എൻ കാവ്യസിദ്ധിതൻ ചൈതന്യമാകെ
ശങ്കയാം കൂരിരുൾ മൂടിയിന്നാകെ
സ്നേഹാർദ്രസുന്ദരപ്പൊൻകതിർ വീശി
മോഹനസ്വപ്നത്തിലാനന്ദം പൂശി
തെളിയൂ നീ പൊൻവിളക്കേ
തെളിയൂ നീ പൊൻവിളക്കേ
‍

ശബരിഗിരീശ്വര സൌഭാഗ്യ ദായക
ശരണം തവ ചരണം
തവ പദനളിനീ തീര്‍ത്ഥത്തിലൊഴുകി
തളരട്ടെ മമഹൃദയം

കരളിലെക്കാടൊരു പൊന്നമ്പല മേടായ്
സുരഭിലചിന്തകൾ കര്‍പ്പൂരകുണ്ഡമായ്
പങ്കജനയനാ! മാമകാത്മാവൊരു
പതിനെട്ടാം പടിയായി-
പതിനെട്ടാം പടിയായി

കണ്ണീരുകൊണ്ടൊരു പമ്പയൊരുക്കാം
കരിമല പണി തീര്‍ക്കാം
മനസ്സൊരു ശരം കുത്തിയാലാക്കി മാറ്റാം
മകരവിളക്കുതൊഴാം-
മകര വിളക്കുതൊശാം